قصة وقصيدة محزنة .... الإرهآب .... ( جديد )

روز · 03-Aug-2007, 07:32 م

السلام عليكم ورحمة الله وبركاته

اهلا اعزائي ..

اقدم لكم قصيدة صوتية ... رائعة وحصرية

بصوت الشاعر : خالد العوض

عن الإرهاب

محزنة كثيررر

تفضلوا :

رابط التحميل ::

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وش ذنب العجوز اللي تبي تشوف لولدها عيال

رزقها الله بهالواحد ولا غيره رزقها به

ويوم انهدت الاقساط وجمعها ريال ريال

بغى بنت الحلال اللي تهنا بها وتهنى به

رايح يشتري الشبكة مبسوط وهني البال

وامه تنتظر يرجع ضناها يكتب كتابه

الا انفجار اشبه ببركان يهز جبال

قطع هالفقير اجزاء واحرق باقي ثيابه

راح بسبة انذال خدعهم واحد دجال

ناس ماتعرف الله بوهم الدين منصابه

يحسبون الفعل هذا بيرضي الواحد المعتال

يعطوني ايه ربي نصفهم فيها في كتابه

عجزت اقرا ولو ايه تحلل فعلة الانذال

قتل النفس ياعالم ... فعل الله مايرضى به

من قال انه بفعلكم هالشي تبون تعدلوا الاحوال

لا لا قانونكم مرفوض ماايحكم به في غابة

فجر نفسك واقتل ماهي شيمة الابطال

ذي شيمة ضعيف النفس وذل السجن اولى به

سنين وهالوطن معروف بعزه وسمعته يختال

شرع الله ولا غيره نعمل به ونسعى به

بدل ماتوقفوا وياه ذبحتوا نسا واطفال

والله فعلكم هذا مع الاجرام يتشابه

الله عز هالديرة بحكام وخوش رجال

ناس كلهم طيبة تخاف المعبود وتها به

حنا شعب نفدي وطنا بدمنا والمال

نفنى للوطن والدين لا للتفجير وارهابه

قرب الفجر يذن ووليدي غيابه طال

مدري وش أخر وليدي غريبة وش هي اسبابه

عشر مرات انا البس وافصخ والبس انا بهالشال

وش قولي لاهل هالبنت بطلع شكلي كذابه

وين اروح انا بهالليل عسى يلقا حدا العيال

او جيراناا صاحيين ولدهم صح صح من اصحابه

يمه وينه هو خيك قوليله ابيه في الحال

يمه وخيي في شغله خير وشفيك مرتابة ؟

محمد من طلع العشا يصلي مارجع وماقال

ان الليلة يتأخر حشاشة جوفي وش صابة

سمي سمي يابنيتي دقي هذي نمرة الجوال

دقي يا عساه يرد ويطمن قلبي بغيابه

عفوا الهاتف المطلوب لا يمكن به الاتصال

خالة جواله مقفل وعسى يلقاله اجابة

يمة وليدي وش صابه يمه صابني خبال

من لي غيره بالدنيا احبه موت واحيا به

خالة ذا منزل المدعو محمد ابن هذال

ايه ايه يمة شفتوا محمد عديل القلب واحبابه

خاله اذكري ربك وابن ادم ترا زوال

وفي الجنه بتلقينه ابيض فابيض اثيابه

حصلنا شبكة في يده وفكة فيها كم ريال

وجينا نسلم العهدة ونعزي اهله واقرابه

خاله خالة ردي كلميني شيلوا معي يارجال

شوفوا دكتور ياعالم شكلها حيل منصابة

بشر ها يادكتور : سكتة بقوة الزلزال

الله يرحم محمد وامه راحوا انهابه ....

:: تحيتي ::

روز

المبدع احمد · 03-Aug-2007, 09:29 م

عطيك ربي العافية

جااري التحميل

روز · 01-Oct-2007, 11:10 م

الله يعافيك اشكر مرورك الطيب

السفاح · 05-Nov-2007, 10:06 م

مشكورة يا روز
مأثر

روز · 05-Nov-2007, 11:27 م

العفوووووووو

اشكر تواجدك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج WinPatrol v6.0.0.7 free - برنامج وين بترول الإصدار 6.0.0.7 مجاني - يكشف الديدان المدمرة. الكوكيز. ..Adware .. Spyware .. تورجانات .. أحصنة طروادة .. وأنواع من الفيروسات	أمير الهنوف	برامج مكافحة ملفات التجسس	31	08-May-2008 06:21 م

أدوات الموضوع
مشاهدة صفحة طباعة الموضوع أرسل هذا الموضوع إلى صديق