التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا
| |
|
| التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا | |
| بسم الله الرحمن الرحيم وحيا الله الجميع من أولكم الى اخركم انا خابر إن ذا القسم ماينفعلي لاني ولد بس دخلت في ذا القسم وأنا اخوكم قلت كودي ألقالي طبختن سنعه في هالبرد بس والله |
 | |
 |  |
 |  |
| |||||||
| الملاحظات |
|
| الأطباق ومطبخ حواء مطبخ حواء، غذاء، المطبخ السعودي، المطبخ الخليجي، المطبخ العربي، والعديد من المأكولات لك سيدتي |
 |  | |
 |
| | خيارات الموضوع |
12-30-2005
| مشاركة رقم : 1 |
| | تكفوووووووون بسم الله الرحمن الرحيم وحيا الله الجميع من أولكم الى اخركم  انا خابر إن ذا القسم ماينفعلي لاني ولد  بس دخلت في ذا القسم وأنا اخوكم قلت كودي ألقالي طبختن سنعه في هالبرد  بس والله يوم دخلت مالقيت الا كيك وسلطات وخرابيط  انا اقول ورا ماتحطون مقادير الحنيني والا العفيس او الجريش انتم خابرين هلأيام الواحد يموت برد ولازم ياكل شيء يدفيه عاد نبي وحدتن منكم تتبرعلنا الله يعافيها ويسلم يديها واناملها وراسها ورجليها  تعطينا مقادير الحنيني او العفيس او القرصان المراد اي شيء من هلاكلات الشعبيه ..  واخيرا عذراً على التكليف  <<< ياحليله >>> أمحق ياحليله والله ياشينه  |
|  |
|
12-30-2005
| مشاركة رقم : 2 |
| | مشاركة: تكفوووووووون اهلين اخوي الحوري والله انك تنرحم .. عاد انا رحمتك ورحت اسال امي عن طريقة الحنيني .. المقادير: دقيق اسمر (على حسب الكميه اللي تبي) يعني مثلا انت لحالك يكفيك كاسين دقيق او ثلاثه اذا كنت مشفوح هههههههههههه.. ماء (كل كاسين دقيق بكاس مويه) تمر (على كيفك قد ما تبغى الحنيني يصير حالي) الطريقه: اول شي تعجن الدقيق مع المويه الين يصير عجينه لينه بس اهم شي متماسكه ok خلاص اذا عجنتها تجيب صينيه الفرن وتفردها فيها بس ما تفردها مره لا لازم تصير سميكه وتدخلها الفرن وتخليها لما تستوي تصير زي الخبزه ما فيها من جوا عجين .. اذا استوت تطلعها وتقطعها وتحطها في الخلاط عشان تتفتفت الا عاد اذا انت تقدر تفتتها.. وبعدين تجيب التمر وتطلع منه الفصم (مدري وش نوع التمر بس الظاهر اخلاص) وتخلطه مع الخبزه اللي سويتها في الخلاط وتخلط معهم زبده (ربع اصبع زبده) عشان يصير الحنيني مفلفل مو متلاصق..ok وخلاص طلعها من الخلاط وحطها في صحن وكلها بالعافيه ..  على فكره في نا س تحب الحنيني بالبصل وهذا الله يسلمك ابد بس تجيب البصل وتقطعه وتخلطه مه الخبز المفتت.. |
|
| |
|
12-30-2005
| مشاركة رقم : 3 |
| |  مشاركة: تكفوووووووون هذه طريقة الحنيني: أولا يجيبون تمر المسكاني ويفقّشونه ويوخرون فصمه أو عبسه وقموعه ويعبطونه لمدّة اسبوعين كل ليلة يعبطون فيه لين يصبح مثل العجينة بلون أصفر فاقع ( يختارون تمر المسكاني لصفار لونه ) وذلك وقت الصرام يخزنونه في صفاري ( قدور) نحاس مربوبة حتى الشتاء  ثانياً إلى بغوا يحنحنون ياخذون من العبيط قدر حاجتهم ثم يقرصون القرصان على المقرصه وعندهم حليب طازج يغطون القرص فيه ويشيلونه بسرعة ويجمعونه في قدر ، وإلى خلصوا وإلى عندهم صينيّة نحاس مخصصة للحنيني ، يوخرون المقرصة وياضعون الصينية على الجمر ويفركون الرصان فيها0 ثالثاً ثم ياخذون من العبيط على قدر الحاجة ويعبطونه مع القرصان في الصينية على النار وأثناء الفرك يصبّون سمن توّه مموّع على حسب الحاجة مع قشدة رابعاً يفركون الخليط لين يصير ناعم خامساً يشيلون الخليط ويضعونه في صينيّ التقديم زبره واحده أي كتلة واحده سادساً يكونون محررين قشده ويدورون بها عليه سابعاً وإلى صاروا يخافون يبرد يحطّون تحته في صينيّة ثانية جمرُ خفيف ثامناً يقدم بالهناء والعافيه تاسعاً اتحداك ان قدرت تسويه  |
| |
|
12-30-2005
| مشاركة رقم : 4 |
| | مشاركة: تكفوووووووون ما قصرو الاخوات يعطيكم العافيه |
|
| |
|
12-31-2005
| مشاركة رقم : 5 |
| | مشاركة: تكفوووووووون اخوي الحوري اشكر الاخوات وما قصروا والله يعطيهن العافيه اسهل لك تتجة لبنده وتروح للبراد و تشتري لك صحن وفك عمرك واهلك من وجع راس شغله تحياتي لك |
|
| |
|
01-02-2006
| مشاركة رقم : 6 |
| | مشاركة: تكفوووووووون ياااااماااال الغنات واليسر وأكل البسر  الله ميييييير يعافيتس ويبارك فيتس تصدقين انك اول وحده تعلمني مقادير الحنيني سألت اكثر من منتدى ولاجاوبوني  على العموم تستاهلين هالوردتين  ياشيخة البنات والله يخليلتس اميمتس << يعني امك ، ولايريها مكروه قولي اميييييييييييييين...
التعديل الأخير تم بواسطة الحوري ; 01-02-2006 الساعة 03:28 PM. |
|
| |
|
01-02-2006
| مشاركة رقم : 7 |
| | مشاركة: تكفوووووووون ولو عزيز وغالي تستاهل كل خير..  |
|
| |
|
01-02-2006
| مشاركة رقم : 8 |
| | مشاركة: تكفوووووووون بنت الدلال ياماااال الثااانكيواااات... بس ألاحظ في طريقتك للحنيني يابنت الدلال غير طريقة شيخة البنات انتي ماشاء الله عليتس متعصبه تنفعين من الأولين تحطين جمر وحطب ومقرصه هههههههههه <<< ياجعل هاللي رادتن علي يارب انها تشرب من حوض الرسول شربه واحده لاتضمأ بعدها ابدا وياجعلها في الجنه قولي اميييين. .. >>> لاااااا أحد يتحداه تراه ماعنده شيء اسمه صعب  < |
|
| |
|
01-02-2006
| مشاركة رقم : 9 |
| | مشاركة: تكفوووووووون الله يعطيك العافيه على الرد يا دلوعة الشرقيه ... وأنا اخوك يا وليد الشوق انا مانيب اشري الا من ركن القصيم بس قلت اشوف وشلون مقاديرها ووشلون تتزين بس والا انا مانيب فيد تصليح وطبخ ولاااشيء بس على قولتهم شيء في النفس ... واخيرا الله يسلمك يا شيخة البنات. <<< هبلتية  مأمداه يرد الا وانتي راده عليه ماشاء الله ...
|
|
| |
| |
| الكلمات الدلالية (Tags) |
| تكفوووووووون |
|
المنتدى الإسلامي | أناشيد إسلامية | منتدى الصور
منتدى صور الأطفال | العجائب والغرائب | القصائد و الأشعار | الخواطر | قصص و روايات | أزياء وفساتين
أطباق - مطبخ حواء | الديكور و المنزل | منتدى الصحة | عالم الجوال | فيديو للجوالات | ثيمات وصور للجوالات
الكمبيوتر | البرامج | برامج عربية و إسلامية | برامج حماية و مكافحة فايروسات | تحميل الماسنجر | توبكات ماسنجر
أيقونات و إبتسامات للماسنجر | صور للماسنجر صور مسنجر | منتدى النكت | الصور المضحكة | منتدى الرياضة | سيارات
| إبحث في كامل شبكة الهنوف العربية |
