منتديات الهنوف
بحث سريع في شبكة الهنوف العربية
بحث مخصص
صور من زفاف المدير العام - محمد الحبيب -
قصة اغنية حسافة صدق احساسي مع واحد طلع كذاب لرابح صقر
( قصه وقصيدة )
| |||||||
| ( قصه وقصيدة ) قصه وقصيدة : منتدى خاص بالقصائد الشعرية المرتبطة بقصص واقعية . |
Tags :
الثاني, الثاني |
 |
| | خيارات الموضوع |
 05-09-2008, 04:13 AM
| #1 | ||
 نجم المنتدىلنشر هذا الموضوع في المنتديات استخدم الكود التالي |  قصة اغنية حسافة صدق احساسي مع واحد طلع كذاب لرابح صقر [ تاريخ طرح هذا الموضوع هو : 05-09-2008 ] السلام عليكم ورحمة الله هذي قصة اغنية رابح حسافه صدق احساسي مع واحد طلع كذاب الاغنية القصة خالد شاب مكافح وناجح في حياته . بدا حياته بشكل تدريجي وتعب وشقا في حياته وفي النهاية قرر يستقر ويختار بنت الحلال وفعلا اختارها وهي : نورة في يوم من الايام دخل خالد على امه وحب يفاتحها في موضوع زواجه اللي كان مفاجاة لها لانه دايما كان يرفض الزواج الين تستقر حياته ولكنه في النهاية قرر خالد : يمه وش رايك في نورة اخت صديقي عبدالله ؟ ام خالد :  ياولدي انت اختار اللي تبيها بس المهم اني افرح فيك خالد : خلاص يمه بكره نروح لهم وخليني الحين اكلم عبدالله في الموضوع راح خالد غرفته واتصل على صديقه عبدالله اللي كان متفاجئ بعد من قرار صديق عمره وفي نفس الوقت كان فرحان كثير ان خالد كثر ما هو صديقة بيكون نسبيه وقريب منه كثير لانهم عشرة عمر وفي اليوم الثاني راحو بيت زوجة المستقبل واستقبلهم ابو عبدالله وعبدالله ابوعبدالله : يا هلا فيك يا خالد يوم كلمني عبدالله فرحت كثير لانك شاب الكل يتمناك وانت اللي تامر فيه حنا حاضرين خالد : الله يخليك يا عمي وانا بصراحة ما راح الاقي احسن منكم . لكن انا اتمنى اشوف البنت اذا ما عندكم مانع ابوعبدالله : هذا حقك يا ولدي وهذا الشرع . دقايق وجايك وفي دقايق جا ابو عبدالله ومعاه زينة البنات ( نورة ) جلست نورة جنب ابوها وهي مستحية كثير ودها تقوم بس خايفه في نفس الوقت وهنا خالد سئلها عن اسمها مسوي نفسه ما يعرفها نورة : اسمي سارة لالالالالا قصدي نورة خالد: انا سمعت انك في الجامعة . اخبار الدراسة معك ؟ نورة : زينة فجاه قامت وانحاشت من المجلس خالد عيونه كانت معلقة فيها لانها كانت جميلة جدا واول شي جا في باله انه عمره ما شاف جمال مثلها ابدا عبدالله :  . ايه اجل تقولي المدير مبسوط منك ؟خالد : اي مدير ؟ (( ههههههههه يخرشها مو منه قيده خاق مع البنت ما ينلام )) عبدالله : مدري عنك . وش فيك خلك معنا خالد وهو مسوي ما سمع كلام صديقة : خلاص يا عم انتو شوفو اموركم وعطوني خبر وانا جاهز باللي تبونه ابوعبدالله : الف مبروك يا ولدي وحنا موافقين بس عطنا وقت نشوف راي البنت طلع خالد وامه من البيت وكلها يومين واتصل عليه عبدالله بخبر نزل مفاجاة على خالد عبدالله : اسف يا خالد اختي نورة ما وافقت عليك خالد : افا . ليه ؟ عبدالله : تقول انك ماعجبتها بصراحة ومعاها حق خالد : شف عاد لا تغلط من زينك انت واختك (( ونعم نشمي ))عبدالله : لالالالا امزح معك وش دعوة لو هي ذبيحة ما عشتك والف الف مبروك يا نسيبي الجديد طار خالد من الفرحة وراح يبشر امه وبعد فترة تمت الخطوبة والملكة وقررو الزواج بعد شهرين وفي ها الفترة كان خالد يتردد على نورة يجلس معها شوي ويتناقشون في امور حياتهم لكن خالد لاحظ شي غريب في حياة نورة وقرر يواجهها خالد : نورة نفسي اعرف سبب تعلقك في سارة صديقتك . حتى اني لما شفتك اول مرة نطقتي اسمها ونسيتي اسمك نورة : يا خالد هذه سارة صديقتي من الطفولة وللحين انا معها . وهي حياتي وتفهمني قبل ما اتكلم ومالي في الدنيا صديقة وحبيبة غيرها خالد : يعني حنا مالنا مكان ؟ هين بكره تجين بيتك وانسيك سارة نهائيا (( ههههههه تعرفها بقوه )) نورة : انت زوجي وسارة صديقتي لا يحرمني منكم ياربلكن الامور زادت بالنسبة لخالد لانه كل ما يدق عليها يلقاها مع سارة واذا زارها لقى سارة عندها واذا طلعت راحت عند سارة لكنه كان صابر وساكت بحجة انها لسه ماعرفته وما تعودت عليه وبكره راح تتغير الامور وبعدين شهرين صار الزواج وكانت حفلة الزواج حلوة كثير وكفاية ان صوت رابح صقر كان يصدح في القصر ولما دخل خالد ياخذ زوجته تفاجئ بوجود وحدة عندها وكانو يبكون كثير وبعدين عرف انها سارة وفي الطريق للبيت كانت نورة تبكي كثير وخالد يهديها وهو فرحان لانه عارف ان هذه عادات البنات في اول ليلة زواج بعد فترة طويلة من زواجهم كانت حلوة وسعيدين ومتفاهمين كثير ولكن فجائه نورة بدت تتغير كثير وحب خالد يواجهها خالد : وش فيك يا نورة ؟ لك فترة متغيرة نورة : ابدا يا خالد مافيني شي . لكن سارة صايرة لها مشكلة ومقلقتني كثير خالد : يعني عشان سارة صايرة لها مشكلة تتغيرين علي انا ؟ انا زوجك وهي صديقتك وانا اللي انفعك مش هي قامت نورة زعلانة من كلام خالد ودخلت غرفتها لكن خالد دخل عليها وجلس يتفاهم معها بان من الغالي عندها هو ولا سارة ولكن نورة ردت بان سارة هي الاغلى هنا خالد زعل وحس انه تحطم كثير . ليه تفضل صديقتها عليه ؟ ليه دايما ما تفكر الا في صديقتها ؟ وفي يوم من الايام جات نورة لخالد تراضيه نورة : خالد لا تزعل مني حبيبي ما كنت اقصد ازعلك ابدا خالد : ماني زعلان نورة : اوعدك اني ما عاد ازعلك وارضيك باللي تبيه بس ارجوك لا تزعل عليخالد : انتي زوجتي وحبيبتي يرضى عليك بس خايف يوم من الايام نبعد بسبب سارة هذه نورة : لا تخاف حبيبي مستحيل احد يبعدني عنك ابدا الا ربي خالد : اتمنى يا نورة وفي يوم من الايام رجع خالد من الدوام وما لقى نورة في البيت ولما اتصل عليها لقاها عند سارة وانتظر الين ترجع خالد : انتي من متى رايحه عند سارة ؟ نورة : رحت افطر عندها حبيبي . كانت تبيني في موضوع ورحت خالد : طيب ليه ما قلتي لي ؟ وليه تطلعين من غير ما اعرف نورة : حبيبي ما حبيت ازعجك وبعدين انا رحت عند سارة مو عند احد غريب خالد : المصيبة انها سارة نورة : وش قصدك ؟ خالد : ولا شي بس شكرا على الثقة اللي سلمتها لك نورة : اي ثقة ؟ خالد : اني وثقت انك راح تحبيني اكثر من سارة وانك ما تزعليني عشانها بس للاسف يا نورة للاسف وراح خالد يتمشى شوي وطرى في باله عبدالله صديقه واتصل عليه وتواجهو عبدالله : يا خالد لا تكبر الموضوع انا اكلمها وما يهمك شي خالد : لالالالا انا ما بيها تحس اني اشتكي منها بالعكس انا جيت لك بس افضفض لك عبدالله : خالد انت اخوي وموضوع نورة هذا لازم تحله . حنا كنا عارفين انها متعلقة في سارة بس ما تصورنا انها تدخلها في حياتها الزوجيه بعد خالد : هذا اللي متعبني يا عبدالله . تصدق انها 24 ساعة معها في التلفون والجوال وزيارات ولا كنها حاسه بوجودي وفوق هذا كله تخيل لما تتعب سارة تتعب نورة وتنطق اسمها وهي نايمة عبدالله : الله يعينك ياخوي وبعد فترة رجع خالد للبيت ولقى نورة تبكي خالد : وش فيك ؟ نورة : سارة مريضة . كنت عندها الصباح ما فيها شي . وتعبت من بعد ما طلعت من عندها خالد في نفسه : يا ذا السارة اللي مدري من وين طالعه لي نورة : ارجوك حبيبي ابي اروح عند اهلي كم يوم عشان اكون قريبة من سارة ارجوك لا تردني خالد : قومي الحين جهزي اغراضك وكان اهل نورة مستغربين من بنتهم كثير وجاها ابوها واخوها عبدالله يسئلونها عن سبب وجودها عندهم وخايفين انه في مشكلة بينها وبين خالد ابو عبدالله : وش فيك يا بنتي ؟ متزاعله مع خالد ؟ نورة : لا يا يبه بالعكس بس انا جيت هنا عشان سارة عبدالله : سارة ؟ تاركه بيتك وزوجك عشان سارة ؟ نورة : لو سمحت يا عبدالله هذه سارة صديقتي وتعبانة ومحتاجه وجودي عندها عبدالله : بس زوجك اهم من ساره بكثير ابو عبدالله : الله يهديك يا بنتي . لا تدمرين حياتك عشان سارة نورة : مافي اهم من سارة في حياتي ومع الايام تفاجئت ان خالد لا سئل فيها ولا اتصل حتى ولما تتصل عليه ما يرد وارسلت له رسالة انه يدق عليها ويطمنها لكن مافي فايدة وفي الليل وهي كانت تكلم سارة وتطمن عليها جاتها رسالة وفتحتها ولقتها من خالد مكتوب فيها : اللي ما خطر عالبال ولا حتى افكر فيه انك بعد هذا الحب تجرح قلبي وتخليه حسافه صدق احساسي مع واحد طلع كذاب ياليت اني لهذا اليوم حبيبي قد حسبت حساب استغربت نورة من الرسالة وجلست تتصل عليه وتتصل ولكن خالد ما يرد وارسلت له رساله تبي تعرف وش فيه وبعد دقايق رد عليها بمسج مكتوب فيه : بديت تغيب عن دنياي كثر ما كنت لي فيها مع انك كنت تحلف لي عيوني ما تبكيها انا من جد حبيتك وخليت الامر بيديك وانا ها الحين استاهل لاني كنت واثق فيك راحت نورة تركض لاخوها وتوريه الرسايل واتصل عبدالله على خالد ورد عليه عبدالله : خالد وش فيك ؟ ليه ها الرسايل ؟ نورة جالسه تبكي خالد : الله توها الحين تبكي عشاني . مو هي دايما ما يبكيها الا ساره عبدالله : يا خالد تعوذ من الشيطان واترك عنك الوساوس وتعال البيت وخذها وارجعو بيتكم واستهدو بالله خالد : عبدالله انت اخوي قبل ما تكون صديقي ونورة باعتني وشرت صديقتها ويكون من الافضل انها تكون مع سارة طول عمرها . وانصحها انها دمرت حياتها وانا خلاص يا عبدالله مابيها . انا تزوجتها عشان ارتاح مو عشان انغث وكل يوم لي سالفه جديد . تصبح على خير يا الغالي وراح عبدالله لاخته عبدالله : شفتي كيف حطمتي حياتك . ليه تسوين كذا ؟ وش نفعتك فيه سارة ؟ نورة : خالد وش قالك ؟ عبدالله : خالد ما يبيك يا نورة حست نورة ان الدنيا ظلمت بعيونها وانجرحت كثير وحست انها اخطت كثير في حق نفسها وفي حق شريك حياتها وحاولت انها تتسامح منه الا ان خالد كان رافض وكان عندها امل ولكن الرسالة الاخيرة اللي افقدت نورة الامل واللي كانت من خالد ومكتوب فيها : كنت اكذب احساسي وانا اللي كنت متاكد انك مهما تبقى لي بيجي اليوم اللي به تبعد حسافه صدق احساسي مع واحد طلع كذاب ياليت اني لهذا اليوم حبيبي قد حسبت احساب
| ||
 
|   | ||
| 05-09-2008, 06:33 AM
| #2 |
| نجم المنتدى | عيون شاميه يعيطك العافيه قصه مؤثره ينقل لقسم القصه والقصيدة |
| |
| 05-24-2008, 08:08 PM
| #3 |
| نجم المنتدى |  |
|
| |
| 06-05-2008, 11:48 PM
| #4 |
| مشرفة المنتديات الأدبية كاتبة خواطر مبدعة | عيون شاميه شكرا علي القصيده الروعه تحياتي لك |
|
| |
| 05-25-2009, 08:07 AM
| #5 |
| ة المنتديات الأدبية كاتبة متميزة |
يعطيك الف عاافيه على القصه |
|
| |
مواضيع ذات علاقة بالموضوع | ||||
| الموضوع | كاتب الموضوع | |||
| قصة اغنية (توصي شي) لراشد ....حزينه | لوعة الحرمان | |||
| قصة العصفور الحزين قصة واقعية مع صور غاية في الروعة | اعصار الحب الاسود | |||
| حسافة يابنات ديرتنا | مذهلة 2 | |||
| قصة واحد أبيض يحب واحد أسود ( رووعة ) | ( الغالي ) | |||
| قصة اغنية المسافر لراشد الماجد لكل من لا يعرف القصة | مستحيل في يوم أنساك | |||
| صدق او لاتصدق 1700 فلتر للفوتو شوب بملف واحد حجمه 2 ميقا بايت | محجوز | |||
| هذي قصة واحد يشتغل بالاستعلامات ...... | المحبوب | |||
| قصة اغنية المسافر لراشد الماجد | حبيبه عوض | |||
| رونالدينهو طلع مو برازيلي طلع ***** !!!!!!!! (صورة) | برهومي | |||
| *** ساعة صدق مع الله *** | karkoor | |||
| يا حسافة على شباب أمتنا ،، ( فيديو ) | إياد السليمان | |||
| قصة واحد يشتغل بالاستعلامات... | ابوسحاب | |||
|
« الموضوع السابق
|
الموضوع التالي »
| خيارات الموضوع | |
| |
بحث مباشر في قوقل
بحث مخصص
| برامج حماية الكمبيوتر - مضادة للفايروسات - التجسس - الاختراق | |
الساعة الآن 01:20 AM.