اجمل ابتسامه

[ تاريخ طرح هذا الموضوع هو : 08-28-2007 ]

هذه قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقال ( دار النسيان) وهي قصيدة حزينه وتبكي حتى القلب القاسي ... اترككم مع القصيده :


وين انت يا حمدان امك تناديك .. وراك ما تسمع شكايا وندايا
يا مسندي قلبي على الدوم يطريك .. ما غبت عن عيني وطيفك سمايا
هذي ثلاث سنين والعين تبكيك .. ما شفت زولك زاير يا ضنايا
تذكر حياتي يوم اشيلك واداريك . . والاعبك دايم وتمشي ورايا
ترقد على صوتي وحضني يدفيك .. ما غيرك احدٍ ساكن في حشايا
واليا مرضت اسهر بقربك واداريك .. ما ذوق طعم النوم صبح ومسايا
ياما عطيتك من حناني وبعطيك .. تكبر وتكبر بالأمل يا منايا
لكن خساره بعتني اليوم وشفيك .. واخلصت للزوجه وانا لي شقايا
انا ادري انها قاسيه ما تخليك .. قالت عجوزك ما ابيها معايا
خليتني وسط المصحه وانا ارجيك .. هذا جزا المعروف وهذا جزايا
يا ليتني خدامة بين اياديك .. من شان اشوفك كل يوم برضايا
مشكور يا ولدي وتشكر مساعيك .. وادعي لك الله دايم بالهدايا
حمدان يا حمدان امك توصيك .. اخاف من تلحق تشوف الوصايا
اوصيت دكتور المصحه بيعطيك .. رسالتي واحروفها من بكايا
وان مت لا تبخل علي بدعاويك .. واطلب لي الغفران وهذا رجايا
وامطر تراب القبر بدموع عينيك .. ما عاد ينفعك الندم والنعايا



م
ن
ق
و
ل

مجنونها

حسبي الله ونعم الوكيل

الله يكون بعونها ويصبر ويعوضها بخير من هالأبن العاق

مشكورة يا أجمل أبتسامه

على القصه والقصيدة المحزنه جداً جداً لحد البكاء

ولا تحرمينا من مشاركاتك

بنت الأكابر

انا لله وانا اليه راجعون ..
يسلموو حوبي ع القصيده ..

لولاااااا

تسلمين وياليت من يجلد حمدااااااااااااااااااااااان العااااااااااااق

نووورة

تسلمين والله يبعدنا عن عقوق الوالدين .

ورد وشوك

القصة والقصيدة محزنة جدا

أجمل إبتسامة
شكرا الله يعطيك العافية

القنديل المنير

يعطيك الف عافيه اجمل ابتسامه وان شاء الله تكون دوم الابتسامة ما تفارق وجهك
قصيدة فعلا محزنة والله يكون معين لهذه الام
تقبلي ارق تحياتي

ريانيه

انا قريت عنها والظاهر انها حقيقه