قصة * قلبي مات * مضحكة للغايه , ومأثرة جدا جدا جدا

نجمه المنتدى

مافي تفاعل ؟؟؟؟؟؟


ما انزل التكمله يعني وربي محور القصه رووووعه وما يتفوت

نجمه المنتدى

البرينسيسه

نجمة المنتدى الكل معاك كملي

واكيد انتي تنزلين من شان يقرونها الناس مو من شان يردوا عليك ...

كملي ولاتسألين وين التفاعل
تراه موجود ومتحمسين ......
الف شكر لكي اختي

نجمه المنتدى

نجمه المنتدى

سوري ع التاخير دقايق وبنزل البارت وعطونا رايكم في الاحداث الجديده


نجومه

نجمه المنتدى

.... التكمله ....




الدكتور ( متوتر ) : الولد قلبه تعبان بالمره ويحتاااج عمليه بأسرع وقت ممكن ..
ريان ( شهق ) : عملية ؟؟
الدكتور هز راسه ب ( نعم )
أبو ريان : طيب وش تنتظرون ؟
الدكتور : لازم نعرف راي ولي أمره مو نسويها على طول ..
أبو ريان : طيب سووها بسرعه ..
الدكتور : تعال معي المكتب .. علشان توقع ..

ريان كااان مستغرب .. ليش هالأهتمام من أبوي ؟! وش صار ؟؟ أنقلبت الدنيا ؟!
وقع أبو ريان وسوو العمليه اللي كانت نسبة نجاحها ( 69 % )
والحمد لله نجحت ...
دخلو رائد بغرفه خاصه مكونه من : _ غرفة المريض _ صاله بالجهه الثانيه _ ودورة مياه ( الله يكرمكم )
وكان رائد لسى نايم وتحت تأثير البنج .. وقالهم الدكتور أنه ما راح يصحى ألا بعد 3 أو 4 ساعات بالكثير ..
وبهاللحظات الحرجه ... جاء علة العلل ( أبو سالم ) !
ريان أول ما شافه طارت عيونه !! ويقول في نفسه ( يا ليل ! هذا وش جابه ألحين !! صدق ما عنده أحترام ! من وين الشفقه هذي كلها ! لااااا أكيد وراه مكيده ولا ما جا ولا حتى فكر يجي .... لأن يعتبر رائد أكره الناس بالنسبه له )
أبو ريان دخل أبو سالم وقعدو يسولفون شوي ...
وبدى أبو سالم يتكلم في موضوع رائد ..
<< طبعا كل هذا يصير وأم ريان تحرقص في البيت وتبي تعرف وش صاير لأن قلبها ناغزها » " تعرفون قلب الأم " >>

أبو ريان : يابو سالم خلااااص قفل هالموضوع ..
أبو سالم : وش فيك الله يهديك ما قلت شي غلط .. !
ودخل ريان بأمر من أبوه طبعا ..
وقعد .. أبو سالم يشرح ويحوس في خطه مخطط عليها قبل ..

وبعد حلوف وأيمان .. قدر يغسل مخ أبو ريان غسل .. وحقد محمد على رائد حقد عظيم ..

وريان اللي كان واثق من أخوه ..
أقتنع بكلام أبو سالم .. !! !! !! !! !! !!

بعد قرابة ال 4 ساعات ..
فتح رائد عيونه بتعب ..
يطالع اللي حوله .. شاف ريان جنبه .. وأبوه قاعد على كرسي .. ووجهه يولع ناااار ..
رائد : وين أنا ؟
ريان ( بجفاف ) : في المستشفى ..
رائد سكت .. استغرب من لهجة أخوه الجافه ! وكان ريان ساكت ما حكى بكلمة وحده .. مما زاد أستغراب رائد ..
بس رائد ومرضه وتعبه وارهاقه .. خلاه يفكر بحاله أكثر .. ولا فكر يسأل ريان ..
أهو لاحظ شروده .. ونظرات الغضب في عيونه ..
بس ساكت ....
قام أبو ريان ولف على رائد وشافه صاحي ... وكانت نظراته بريئة ينتظر أحد يقوله وش صاير ....
أبو ريان قعد يطالع رائد بحده .. خلى رائد ينتفض ويغمض عيونه من الخوف ..
وطلع أبو ريان من الغرفه .. لأنه عارف نفسه بيهجم على رائد ..
رائد : ريان ..
ريان : نعم ؟
رائد : ليش تكلمني بهالجفاف ؟ وش فيك علي ؟
ريان : ما فيني شي ......... وطلع ...

رائد انقبض !! ( ريان مو طبيعي .. هذا مو ريان أخوي ! هذا إنسان ثاني ! وش فيه علي ؟ ليش منقلب علي ؟ وش صاير يا نااااااس ؟ ) وسكت شوي ... وحس بدوخه من البنج .. ونام ..
....................... بعد فتره طويله تقريبا .. فتح عينه .. وشاف اللي يبغاه .......... شاف سلطان ..
رائد ( فز من مكانه ) : سلطان
سلطان : شوي شوي على عمرك .. أي أنا سلطان .. وبعدين خف شوي .. تراك توك مسوي عملية ..
رائد ( طارت عيونه ) : عملية ؟
سلطان : أي مسوي عمليه .. يعني ما أقتنعت ؟
رائد ( يلمس صدره .. ولمس الشاش عليه ) : متى وكيف ؟
سلطان : اليوم الصباح .. ولأنه ضعف قلبك .. وسووها لك .. طبعا تعرف سبب تعبك » ( ويطالع محمد بقهر واضح ! ) أما بالنسبه لمحمد قعد يطبخ من حركة سلطان البايخه .. !
رائد ( بغباء ) : مين ؟
سلطان ( فاضين لغبائك ألحين ) : ماحد بس شلونك ألحين ؟ تحس بشي ؟ أنادي لك الدكتور ؟
رائد : الحمد لله أحسن .. ولا تنادي الدكتور تكفى ... عارف بيحسرني ..
سلطان : براحتك يا خوي ..
دخل خالد وفهد ......... وفرحو لما شافو رائد قايم ووجهه منور شوي ..
خالد : هلاااا وغلاااا حبيبي شلووونك وشخبارك وعلووووك يا قلبي .. ؟!
فهد : رئوووودي كيفك ألحين وكيف صحتك ! ان شاء أحسن ما تحس بشي يعورك ؟؟
رائد : بسم الله .. ألحين شلون بجاوب على هالأسئله كلها .. ؟
خالد : ههههه لا تجاوب خلاص شكلك طيب ومرتاح ..
رائد : الحمد لله ..
خالد + فهد .. ملاحظين سكوت ريان ..
كان منزل راسه ولا حكى حرف واحد ..
خالد : شفيك ريان مكشر ومعبس ؟
ريان ( يبتسم ) : لا أبد سلامتك .. بس شوي طفشان .. وتعبان ..
فهد : أفاااا قاعد مع هالحلو رئود وطفشان ؟؟؟ لا ما أصدق !
( ريان سفهه )
أبتسم رائد ..
سلطان : ما عاد ورى ابتسمت .. أخيرا شفنا هالإبتسامه الحلوة !!
رائد : تسلم يا خوي ..
دخل الدكتور ...
رائد ( بصوت واطي ) : أوووووهووووو !
سلطان : هههههه الله يصبرك ..
الدكتور : إذا سمحتم ..... بكشف عالمريض .. فياليت تخرجون .. وبطول عنده شوي ..
رائد : ...........
الدكتور : السلام عليك أخوي .. كيفك الأن ؟
رائد : وعليكم السلام .. الحمد لله تمام ..
الدكتور قعد يكشف عليه ..
وفك شاش جرحه بيشوف حاله ..
رائد ( رفع راسه ) : آآآآآآآآآآآآآآآآآآآآآآي شوي شوي عورتنييييي ..
الدكتور ( يرجع راس رائد ) : معليش لازم يعورك .. هدي اعصابك ..
رائد ( لم صدره ) : لو تموت تلمسني !!
الدكتور : رائد عيب أنت رجال لا تسوي هالحركات ..
رائد : أبعد خلاص ..
الدكتور : رائد أهدى ما صارت .. كله كشف بس ! أجل لو بغير شاشة جرحك وش بتسوي ؟
رائد : تدري وش بسوي ؟
الدكتور » ( يعرف حركات رائد ووناسته .. لأنه في المواعيد هو المسؤول عنه .. )
الدكتور : وش تسوي .. ؟
رائد : أشوتك وأرميك مع الشباك !
الدكتور : ههههه الله يعيني عليك .. يالله عاد بلا حركات أطفال وفك صدرك بتطمن عالجرح ..
رائد : مابي تكفى والله يعور ..
الدكتور : والله حاس فيك .. بس كلها دقيقه وبتعدي بس تحمل ..... ولا ترا بربطك ..
رائد : وين تربطني يا عمي ؟! خروف قدامك ولا تيس !
الدكتور : ولا واحد بس يالله قبل أتخذ قراري وأربطك ..
رائد ( أستسلم للأمر الواقع ) : طيب بس بشويش هاه ؟
الدكتور : أبشر ما طلبت يا خوي ..

رائد غطى عيونه .. ومسك نفسه .. وصارع وتحمل ..

خلص الدكتور بسرعه .. وشاف رائد بعده مغطي وجهه ..
ضحك وقال : خلصت خلاص أرفع أيدك ..
رفع أيده عن وجهه ..
الدكتور كأنه تذكر شي .. وتقلب وجهه ..
رائد : وش فيك حزنت ؟
الدكتور : لا ما في شي بس وش فيه وجهك أنقلب أحمر .. لهالدرجه يعور ..
رائد : أي ..
الدكتور : الله يحفظك .. يالله بطلع تامر على شي .. تراني في الخدمه ..
رائد : وش خدمته ؟ أتصالات على غفله ؟
الدكتور : هههههه الله يرضى عليك وش أتصالاته ! هههه يالله في حفظ الرحمن ..
رائد : مع السلامه ...

( الدكتور سمع أبو سالم وأبو ريان وهم يتكلمون .. وانصدم للخبر .. وما صدق .. هو يعرف رائد زين وبعد كان وجه رائد وهو يكلمه يوحي بالبراءه لا بالذنب !! )
بس ما حب يتدخل بالموضوع .. لأنه ما له أي دخل فيه .. رغم الحزن اللي في صدره على رائد ..
ما دخلت في باله فكرة رائد يكون من هالنوع .. ومن الشباب الطايش مثل ما يقولون !
أولا : لأن عمره صغير » ( 16 سنه )
ثانيا : مو راعي لف ودوران .. ولا حركات بايخه .. ولا ألفاظ قذره .. ويكفي بس سوالفه الحلوة اللي ما فيها أي إشكال أو غرابه ..
ثالثا : شكله الطفولي .. ونظراته البريئه .. نوارة وجهه ....
ما يخلي أحد يفكر أنه .. ممن يمارسون هالأشياء المعاديه للدين ..

دخلت أم ريان بسرعه ودموعها على خدها ..
أم ريان : بسم الله عليك يا ولدي بسم الله عليك .. وش صار فيك ؟ ليه ماخذت علاجك حبيبي ..
رائد : امي هلا والله ! ما صار فيني شي هذاني بخير وعافية لا تشغلين بالك ..
أم ريان ( تمسح على راسه ) : أنت مرتاح ؟ ما تشكي من شي ؟ قول يا قلبي لا تخاف ..
رائد : لا والله بخير .. تو الدكتور طالع من عندي ..
أم ريان : الله يحفظك يا ربي ! يا لبي قلبك والله خوفتني عليك .. الله يقومك بالسلامه ان شاء الله .. ما تبي شي ؟ يعورك شي ؟
رائد ( طفش ) : يا حيل الله ! أقولك ياامي أنا بخير والله العظيم وأقسم برب الكعبه أني بخير ..
أم ريان : الله يخليك ويحفظك لي يا ربي ..
رائد : آآآمين ..
أم ريان : محتاج شي ؟
رائد ( لا والله البلوى ) : أمي .. تدرين متى أكون بخير ؟
أم ريان : متى ؟
رائد : إذا ما تكلمت كثير .. وماحد أزعجني .. هذا كلام الدكتور » ( يبي يسكتها خخخ )
أم ريان : الحمد لله أهم شي أنت بخير ..
ريان قاعد جنب رائد ومتابع الفصل اللي قاعد يصير .. وعلى السايلنت
( ساكت ) ..
أبو ريان : يالله يا هدى خلصت الزيارة .. ريان قوم ودها ..
رائد ( بتعجب ) : ما معي مرافق ؟
أبو ريان : أنا !
رائد ( أنصدم ) : أنت !
أبو ريان : أي أنا فيها شي ..
رائد ( فيها شيات مو شي واحد وبس ) : لا عادي بالعكس ..

طلعو أم ريان وريان ...
وبقى رائد وأبوه لوحدهم ..
أبو ريان ( يمسك نفسه ) : ممكن أعرف ليش سويت اللي ما ينتسوى في واحد مثل عمرك ..
رائد : ما سويت شي .. أبوي لا تتعبني والله لو اني مسويه كان أعترفت .. كيف تظن فيني هالظن ؟
أبو ريان : رائد أعترف أحسن قبل لا يجيك شي .......... يا خبيث !
رائد : خلااااص يا بوي ! يكفي ظلم اللي فيني مكفيني ... وتناديني بلفظ الزاني ؟؟ ..... ليه يا بوي ؟!
لا تدوس علي قلبي أكثر .. أنت مربيني أحسن تربيه .. وعلمتني الصح من الغلط ! ولا حتى أتلفظ بكلمات قذره ....... كيف دخل في بالك أني ....... » ( ونزلت دمعته )
أبو ريان : لا تبرئ نفسك ..
رائد : أبوي راح تندم على هذا صدقني !
أبو ريان : ما راح أندم !
رائد لف وجهه للجهه الثانيه .. ودموعه تنزل ..
أبو ريان بدون أي أهتمام .. راح السرير الثاني وانسدح فيه ونااام ..

رائد بنص الليل صحى !
كان يبي يروح لدورة المياة ..
شاف أبوه نايم ..
وحب يخدم نفسه أحسن من أبوه ..
نزل من السرير بصعوبه ..
حس بعوار خفيف بس طنش ..

طلع من الحمام ( الله يكرمكم ) بتعب شديد .. ومره تعبااان .. شاف أبوه واقف عند سريره وشكله كأنه خايف ..
أبو ريان ( بصوت شوي مرتفع ) : أنت وين رحت ؟!
رائد يخاااف من نبرة أبوه وخصوصا إذا كان معصب .... وما عرف يرد عليه ... يحس لسانه أنربط من الخوف ... أشر لأبوه عالحمام بخوف ..
أبو ريان ( هدى ) : ليش ما قلتلي أساعدك ..
رائد : ما حبيت أصحيك وأزعجك ..
أبو ريان ( بعصبيه ما يدري من وين جت ) : مره ثانيه لا تروح لحالك فاهم ؟
رائد غمض عيونه وتسند عالجدار من الروعه ..
أبو ريان ( مستغرب من نفسه ! ما يدري هالإهتمام كله موجود لرائد ! وأهو ما صرخ عليه ألا لأنه خايف عليه ! بس ليش يخاف ؟ وش معناته هذا ؟ )
رائد ( فتح عيونه ) : أبوي إذا كنت بتعذبني ؟ لا تقعد عندي عادي أقعد لحالي هنا ! ما احتاج أحد ...... إذا كنت تكرهني وغضبان علي ليش متعب نفسك وجاي تنوم معي ؟ لا تقعد معي يابوي ما أتحمل جروح أكثر .. يكفي طعن لقلبي .. راااع ظروفي الصحيه .....
وإذا كنت ما تبي حياتي معكم .. عادي .. قولي وباخذ أغراضي وبروح عنكم .. أعيش بدار ثانيه أصرف لي من العذاب اللي معيشني فيه .. وإذا بتذبحني .. خذ راحتك أنا موافق .. بس بس لا تعذبني أكثر يابوووي أرجوك ! » ( نزلت دموعه )
أبو ريان ( تأثر ) : خلاص ارجع سريرك .. » ( رجع أبو ريان لسريره وانسدح ولف الجهه الثانيه وقعد يفكر في كلام رائد .. يحس أنه ظالمه ! كافي نظراته اللي تبرر عن صدقه .. )
أما عند رائد زاد تعبه ورجع لسريره وكله نظره مثبت على أبوه ..
كان بيصعد بس ما قدر ! السرير مرتفع .. وهو ما فيه جهد علشان يصعد له ..
لف لأبوه شافه معطيه ظهره .. ما حب يكلمه ..
وحاول يساعد نفسه بس مااااااااا قدر ..
حس بالتعب الشديد وخلاااااص ما عاد فيه شدة يتحمل أكثر ..
وكل اللي سواه ... سحب له كرسي وقعد عليه وحط راسه على طول نام ...
الدكتور اللي معالج رائد ...
ما نام الليل ! كل تفكيره فيه ..
وهو معروف دوامه الساعه 1 الظهر .. وعلى غير عادته .. جا المستشفى الساعه 9 الصباح .. لجل رائد ..
دخل عليه .. وانصدم !!
الدكتور ( راح له وضرب خده على خفيف ) : رائد ..
رائد ( بتعب واضح ) : نعم ؟
الدكتور ( بغضب ) : ليه نايم عالكرسي ؟؟ أنت ما سويت العملية الا أمس الصباح !! المفروض أشوفك نايم عالسرير .. أصلا وش قومك وطلعك منه ؟؟؟
رائد : خلاص ساعدني وحطني فوقه ..
الدكتور : يالله ( ويمسك يده ويقومه .. لكن رائد ما قدر يوقف على رجله .. بغى يطيح .. بس مسكه الدكتور وحمله وحطه فوق السرير .. )
كشف عليه وعطاه علاج وغير شاشة جرحه .. وعطاه اكسجين لأن شاف شكله محتاج ......
بعد ما أنتهى ... ألتفت على أبو ريان .. وشافه نايم .. وأستغرب من أهماله الواضح لولده ! وتذكر السالفه .. وبعدها عرف سبب أهماله ...

صحى رائد وفك قناع الأكسجين على طول ..
ريان : ليش فكيته ؟
رائد : مو محتاج له .. ( وعدل جلسته وقعد )
ريان وش فيك يا خوي ؟ ليه متغير علي ؟ صدر مني شي غلط بدون قصد ؟
ريان ( لف وجهه ) : ما في شي !
رائد : طيب ليه تعاملني كذا ! وش هالجفاف هذا ؟؟
ريان : ............. » ( كان بيطلع بس رائد مسك أيده بإيدينه الثنتين ويقول له بترجي : ريان وش فييييك ! دخيل الله قولي ! لا تعذبني أكثر !! وش سويت لك أنا ؟
ريان : رائد فك أيدي ..
رائد ( يضم أيدين ريان ) : تكفى يا خوي وش فيك علي ؟ لا تضيق صدري أكثر مما فيه .. قدرني يا خوي !
ريان ( فك أيده بقوة وطلع ) ..
رائد نزل من السرير ويحاول يلحق على ريان ... بس ريان رااااح ..
رائد ( نزلت دموعه ) : ريان لا تروووح لا تروح عني تعااال قولي وش فييك ؟؟؟ آآآآآآآ » ( كان واقف عالأرض وحط راسه على سريره وقعد يصيح بحرااااره .. )
دخل الدكتور ..
وأستغرب من رائد ! وأسرع له ورفع راسه ..
الدكتور : رااااائد علااامك ! وش بلاك يا خوي ؟ ليه كل هالدموع ..
رائد : آآآآآه أهلي تخلو عني .. ظلموووووني ظلموووني وأنا ما لي أي ذنب ! حرام اللي يسوونه في والله حرااام .. » ( ويحظن الدكتور بقوه .. وقعد يصيح بصوره تقطع القلب .. )
الدكتور أول مره ينحط بموقف زي كذا ! صدق في هاللحظه أن السالفه اللي سمعها كذب ....
وما عارض !! ضم رائد لصدره أكثر ...... يمكن يهدى .. لأن هذا خطر كبييير لصحته !
أخذ رائد وقعده عالسرير .. ورائد متمسك فيه ..
رفع راسه ... وشاف الدكتور .. وقعد يناظره بنظرات غريبه ..
الدكتور ( يبتسم ) : ألحين هديت ؟
رائد ( يهز راسه ب أي .. لكن ... ما غير نظراته )
الدكتور : يالله أنسدح على السرير لا تضر بصحتك أكثر مما هي متضرره ..
رائد : متى جيت ؟ وشفتني وأنا ........
قاطعه وهو يبتسم : أنا جيت قبل شوي .. وما عليك من الموضوع .. نتكلم فيه بعدين ان شاء الله .. مراعاة لصحتك ! ....
أنا بطلع .. بغيت شي ؟
رائد ( وهو شارد ) : سلامتك ..
الدكتور : الله يسلمك ويعينك ويشفيك ويصبرك ان شاء الله ..
رائد : الله يسمع منك ..
وانسدح في سريره مستغرب ! كيف دخل ؟ أكيد شافني وأنا أصيح ؟ وبيقول هذا مجنون ! ليت مكانه أبوي ولا ريان .. يعطي شوي من الحنان !! ... ما شاء الله عليه .. الله يحفظه ...
وانسدح وناااام ..


من بكرا الظهر .. عند رائد ..
دخلت السستر تنظف الغرفه ..
رائد يشوفها ويقول في نفسه ( خير ان شاء الله ؟ الأخت ماخذه راحتها ! لا حيا ولا ذله ! )
رائد : في أختراع أسمه أستإذان !
السستر : what ‎‎?‎
رائد : أقول ضفي شوشتك !
السستر : ........ » ( الأخت مستحيه وما فهمت شي » خخخخ أعجبها )
رائد ( لاحووول ذي شلون بتفهم ؟ وأشر لها عالباب .. )
السستر فهمت أنها طرده .. لقطت وجهها وطلعت » ( وأهي أصلا ما ودها تطلع » خخخ رايحه وطي )

دخل الدكتور .. : السلاااام ..
رائد : وعليكم السلااااام هلا ..
الدكتور : هلا فيييك .. هاه طمني شلونك اليوم ؟ ان شاء الله أحسن من أمس ؟
رائد : الحمد لله .. أنت شخبارك يا دكتور ؟
الدكتور ( جلس جنبه ) : الحمد لله بخييير وعافيه .. ونادني ياسر ..
رائد : عادي ؟
الدكتور ياسر : أي عادي وش دعوى ! أنا اللي طالب منك تناديني كذا .. وأنا أعتبرك أخوي وأكثر ..
رائد : مشكوووور والله أنك طيب وتخش الراس على طول ..
د. ياسر : ما في تذاكر ؟ يعني أخش على طول ؟
رائد : ههه يا حليلك ..
د. ياسر : أيوه أضحك كذا !
رائد : علشان أتعب ؟ صدق أنك أناني !
د. ياسر : أفا والله .. ما هقيتها منك الصراحه .. يالله زعلت ..
رائد : شوف الجدار لا يفوتك ويمدحونه !!
د. ياسر : ههههههههه هذي الرضوة ألحين ؟
رائد : تبي أحسن منها ؟ زينه وتخب عليك بعد !
د. ياسر : ههههههههههه شكلي كل يوم بجي وأسنتر عندك ! من جد توسع الصدر ..
رائد ( تذكر اللي صار له أمس وحزن ) : حياك ..
د. ياسر : أفاااا وش فيك عبست ؟
رائد : ما في شي ..
د. ياسر ( بيلطف الجو ) : في أحد يقعد مع ياسر ويضيق صدره ؟
رائد : والله أنك واثق من نفسك ! لا ورافع خشمك !! بشويش لا يصقع في السقف ألحين !
د. ياسر : ههههههه والله أمزح معك
رائد : أدري ..
د. ياسر : خلاص يا خوي أبتسم للدنيا تبتسم لك ..
رائد : .............
د. ياسر ( يتكلم جد ) : يا خوي والله الدنيا ما تسوى أنك تضيق صدرك عليها .. أنسى يا خوك أنسى .. إذا كنت بتضيق على عمرك كذا صدقني ما رااااح تتهنا أبد في حياتك .. وادع ربك يفرج عليك .. هذي هي الدنيا كلها بلاوي ومصايب الله يحفظنا من شرها ان شاء الله .. وإذا تبي معاونه أبد ( ويضرب صدره ) مالك ألا اللي يرضيك .. أنا في خدمتك وتحت أمرك إذا تبي .. بس وسع صدرك .. والله اني شايل همومك يا خوي ...
نزل رائد راسه .. ونزلت دموعه ..
د. ياسر : يا خووووي لا تعذب نفسك أكثر ... أهتم بدينك .. وصحتك .. ألزم ما عليك طاعه ربك .. خل أول وآخر أهتماماتك دينك .. ثم صحتك .. لا تهمك الدنيا .. لو قعدت تطاولها صدقني بتبتلش .. وش بتستفيد من الهم والغم ؟ خل كل شي ورى ظهرك .. ولا تهتم ! أنا والله العالم يا كثر مشاكلي .. مشكله منا ومشكله مناك .. ومطنش وعايش وصابر وحياتي من أحسن ما يكون ........... خلها على ربك وأنا أخوك .. أدع لنفسك بالهدايه والصلاح والصبر .. واصبر ترى الصبر زييين .. وفيه أجر عظيم عند ربك سبحانه .. وصدقني بإذن الله وهذا وجهي .. بتلقى مرادك ..
رائد : ........... » ( يصيح بهدوء )
د. ياسر : رائد أرفع راسك و ورني وجهك ..
رفع راسه ..
د. ياسر : لا تشيل هم .. ولا تحمل غم ... دام ربك معك .. صدقني ربك يمهل ولا يهمل .. أصبر يا خوي ان الله مع الصابرين .. وبيظهر الحق ان شاء الله ..
رائد ( يناظره بإستغراب ... ومسح دموعه ) : الله يعطيك العافيه .. مشكووووور يا خوي والله ريحتني .. بس أفهم من كلامك هذا أنك تعرف قصتي أو بالأصح سالفتي .. ؟
قطع عليهم سكرتيره جايه بعجل ..
السكرتيره : دكتور في مريض حالتو صعبه مره ..
د. ياسر ( يمسك كتفه ) : يالله يا خوي عندي شغل ما أطول عليك .. أرتاح ..
رائد : لا وين أصبر أقعد أبيك والله يرتاح لك البال ..
د. ياسر : عندي كم شغله بخلصها بأسرع وقت وبجيك ... أصلا ما أقدر أصبر عنك .. دخلت قلبي والله ..
رائد : تسلم والله هذا من ذوقك يالغالي يا ياسر ..
د. ياسر : لو سمحت ( وهو يرفع كتوفه بفخر ) دكتور ياسر ما أسمح لك تناديني بياسر وبس تفهم ؟
رائد : والله مدري عنك كل دقيقه لك راي .. روح روح شوف شغلك قبل لأشوتك .. » ( بريء نسى السالفة على طول )
د. ياسر : ههههه يالله سلااااام
رائد : بحفظ الله ..

أبو ريان صار يمنع أم ريان تزور رائد .. واللي قلبها متقطع من الشوق والخوف عليه ..
لكن وش تسوي ؟ شور رجلها وهداية الله ..

نرجع لرائد ....
كان نايم .. ودخل ريان ..
أول ما سكر الباب ! صحى رائد ..
رائد : ريااان وين كنت ؟
ريان : مو شغلك .. فياليت تسكت لو سمحت !
رائد : ريااااان بحق الله قولي وش فيك ؟ أنت مصدق الكلام اللي يقولونه ومكذبني ؟
ريان : رائد لا تصدع براسي ! خلاص أسكت يعني أسكت ..
رائد : ............... طيب ليه جاي عندي وتزورني ؟ يعني تتطمن علي ولا تعذبني ؟ إذا كنتو بتعذبوني أنت وأبوي .. لا تجوني .... وغير هذا أنتم عاملتوني كأني خادم عندكم ! ولا حتى قدرتوني وراعيتو صحتي .. ! أنا توني مسوي عملية قلب تعرف يعني وش هالعمليه ؟ وحتى أمي أحرمتوني من شوفتها في الوقت اللي أنا محتاج لها .. والوقت اللي أنتم أحرمتوني من حنانكم .... أحرمتوني من حنانها وعطفها .. ليه يا ريان ليه ؟ يهون عليك تعاملني بالطريقه القاسيه هذي ؟ يهون عليك وأنا أخوك ؟ كنت واقف معي وفي الأخير وقفت ضدي ؟ يا ريان أنا مالي في الدنيا غير الله ثم أنتم .. تبوني أموت في جحيمكم ؟ ( وأختفى صوته ... لأن دموعه طاحت ! وانسدح وغمض عيونه ) : الله يسامحك يا خوي الله يسامحك .. لو أني مو مريض بالقلب ؟ سوو اللي تبون فيني عادي أنا راضي .. لكن ربي باليني بهالمرض وتزيدون علي ! أرحموووني .. وين راحت طيبة قلبك ؟ يعني بهالسهوله بعتني وأنا مالي أي ذنب ! ( غمض عينه ونام تقريبا .. لأنه داااخ من التعب )
ريان : ..............
ريان يزور رائد لأنه يشتاق له .. وبعد خايف عليه .. بس مو مقتنع ببراءته .. لأن كلام أبو سالم كان مقنع 100 % ..

حط راسه على سرير رائد وهو يفكر ..
( أنا كيف ظلمت رائد ؟ والله شكله بريئ ! لهالدرجه انا غبي وأصدق بسرعه ! بس لاااااا أبو سالم شافه مع أخوياه .. بس ما فيه شي يثبت أن أبو سالم شايفه .. وهو يكره رائد كره عظيم .. بس توصل له المواصيل أنه يتبلى عليه .. والله محتار ! من أصدق ألحين ؟ ) ريان من كثر التفكير .. غلب عليه النوم .. ونااام ..
وحس بشي يضربه ! قام وشافها يد رائد ..
رائد : آسف مو قصدي .. ( ويبتسم )
ريان ( يرد الإبتسامه ) : لا عادي ..
قام ريان ويفز رائد ..
رائد : وين ؟؟؟؟؟
ريان : بطلع ..
رائد : وأجلس لحالي ؟
ريان : أبوي بيجيك ألحين ..
رائد : ...............
طلع ريان .. ورائد قعد ساعه كامله ... ما يدري هو حي ولا ميت !!! حس بتعب وعواااار وآلاااام قويه .. لكن ما يشوف من يساعده ...

أبو ريان كان قاعد مع أبو سالم .. وطبعا ما يحتاج ما تركه ألا بعد ما عبى راسه بالكلام والسب والشتم والبلاوي على رائد ..
وراح ودخل المستشفى بغضب ! وناوي على شي شين !
راح لغرفة رائد وفتحها ..
وجن جنونه ! لأنه شاف رائد مو موجود ..
دور عليه في كل الغرفه وما حصله !
وأستغرب .. وطلع يدور عليه .. وشاف الدكتور ياسر يمشي بسرعه ..
ولحقه ووقفه ..
ابو ريان : لو سمحت يا دكتور رائد مو في غرفته وينه ؟
د. ياسر ( بحزن ) : ..............

_______________

ايش فيه رائد ؟!؟!؟!؟!؟!؟!

ماااااااات ؟ أو لا ؟!؟!؟!؟!؟!؟!؟!؟

وريان وابو ريان ايش راح يصير لهم ؟!؟!؟!؟!؟!؟!؟

الله يعين رائد !!