(...وقع بكلمة ..وإن شئت بأكثر....)

سالفة عاشق

| والله صغار على الحزن |
كفاك دموع ياقلبي ترى دمعك علي غالي
أنا مالي بهالدنيا سواك احد يواسيني
صعيبه والله هالدنيا على مثلك وأمثالي
صغار على الحزن لكن أبت تستوعب سنيني
وحيد عشت أنادي الفرح لجروحي ولا جالي
رحلت بكل صوب وما لقيت اللي يداويني
وتراها ما غدت تفرق معاي ولو طال ترحالي
أنا أصلا سكنت الجرح وضاعت به عناويني
عشقت الحزن مو برضاي وعيا الوقت يصفالي
.ويوم انه رجف دمعي ذبحته في وسط عيني
مصير جروحنا تذبل قصر هالعمر أو طالي
وإذا جرحك ابى يبرى بضمده بشراييني

وهج المشاعر

احبائي.....


مساحتي هي من تسعد

بإشراقة حضوركم الرائع هنا

ممتنه لردكم الرقيق

وشاكره لقلوبكم العذبه مروركم المحفّز



لكم ودي وتقديري

وهج المشاعر

قلبي اللي في يدينه..مات من بضعة شهور

......................... . لالقى منهو يلمه ولالقى من يحضنه

انغبن من زود ظلمه..والليالي به تدور

.................... .. مرةٍ يلقى السعاده..ومره تلعنه

ودّع آخر نبض عنده..واندفن وسط القبور

........................ يوم جافاه الحبيب ومالقى من يسكنه

شوف عيني يلفظ انفاسه..وهالعالم نفور

..................... مااحدٍ شاله ولمه..مااحدٍ كفنه

مات قلبي شامخٍ متعاليٍ مثل القصور

................... مايذلّه لاحبيب..ولاغريبٍ يرهنه

وهج المشاعر

الا ياللي شربت الماء واسقيت المشاعر نور

إذا لي خاطرٍ عندك امانه لاتخليني


انا مليت من عتمة ظلام العالم المهجور

ابي شمسك على دنياي تشرق عشق يضويني


انا قبلك كتبت الشعر ولكنه حبر منثور

عرفتك بعدها صار الشعر نفسه يغنيني


تلاقينا بلا موعد صدفتك والزمان يدور

لقيت أنك أمل صادق يداعب لوعة سنيني



ليا منك حكيت أتوه .. يخالجني معاك شعور

شعورٍ لاطغى برد المشاعر جاء يدفيني


شعورٍ وأحلف بربي وأنا مااحلف بربي زور

ليا مني تذكرتك من الفرحه يبكيني



ترى لك بالحشا منزل ولك بين الحنايا دور

تضيعني بكلمه منّك وتقلب لي موازيني



معاك أحس بالدنيا ولابه خاطرٍ مكسور

معاك الشعر يكتبني مع أنه كان يمحيني


شعوري بك شعور اللي كساه من الشموخ غرور

شعورٍ غصب عايشني شعور فيك ياعيني


أجيك ولهفتي تسبق خطاي وحظي المعثور

أنا ما امشي بطوع أمري دروبي لك توديني


ولو أن الشعر ماهو مشاعر بس سرد سطور

تشوف أشعار هالدنيا لعينك ماتكفيني

وهج المشاعر

..:: مشتاقلك بالحيل ::..


مشتاقلك بالحيل وبالحيل مشتاق

ودي بقربك بس وينك وويني


حقيقة محتاج لذاك العناق

بس القدر عيا ولا هو يبيني


تعال وضمني من بعد الفراق

تعال وهدي رعشة يديني


تعال ياغايتي ياسيد العشاق

تعال وترى مافيني يكفيني


تعال وبرد حرارة الاشواق

تعال زعلني وبعدها راضيني


تعال واسقى ضمى الارياق

ما غير ريقك اللي يسقيني


تعال وخذني من زحمة الاوراق

تعبت اكتب ولا احدن يواسيني


في غيبتك احس الكون ضاق

على صدري ولا احدن يسليني


شفني لاتذكرتك خاطري راق

وصرت اسمع سواليفك تحاكيني


واشوف طيفك بين الاحداق

واسمع صدى صوتك يناديني


خذني وابدأ مسيرة الانطلاق

لاخر حدود العشق ياضنيني


من بعدك الكون لا ما يطاق

وشلون اطيقة يانظر عيني


ياهناي ياعناي ياصفوة الاذواق

ياقريب يابعيد يا تالي سنيني


خذني ترى ضاقت الاخلاق

ماغير الهم والضيقة تباريني


كلمة اخيره واسمعها على رواق

(من تغيب) احس العالم مجافيني


.
.
.
.
.
:)

جارح ومجروح

يارب اسرع بحبها لي
يارب انتظارها يقطع انياط قلبي
ارحمني فمن دونها احس بالضعف
الفرح بدونها صغير بقلبي
ااعدك ان احبها بحنان
احبها بصدق مشاعر
احبها للابد
مولاي والهي رجولتي لاتكتمل الا بها
سوف اكون ملكها حتى تقف دقات الساعه
هي كل ما اريد
احسها امي واختي وحبيبتي
فيا محب احبابك اسرع بها لها
فو الله لو لتتني حبوا اتيتها مشيا
واذا اتتني مشيا ااتيتها مسرعا
وذا اتتني مسرعه طرت لها
واذا طارت لي فسوف اسرع بطياراني حتى اتحطم من السرعه
فيا رب اجعلها تحبني برفق
لاني اخترتها كالكرز قدم لي في وعاء فاخترتها من بين مثيلاتيها
لذلك لا تلهمها سؤال عن سبب حبي لها
ياااااااااا الهي اسرع بها فقلبي احترق شوقا لها
اجعلها تسلك احد الطرق لي حتى ولو كان الطرق مكسر وملتوي ومهجور لم يمر به احد من قبل




تحياتي لك يا وهج المشاعر
فقد شجعتي بالعطاء وهذا العطاء البسيط اكتبه بمتصفحك
دمتي بود