شو الي يصير في الفسحة....من اولاد وبنات....

بسم الله الرحمن الرحيم
السلام عليكم ورحمة الله وبركاته

هلاوالله ومليون غلا تو مانور المنتدى

أولا نبدأ الجنس اللطيف:
أول ما يرن جرس الفسحة
- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن أخوها الصغير أمس ..

- كل وحده تمشي وفي جيبها كافي ( شكولاته ) وإذا عطيتها شبس تقولك : سوري .. أنا مسوية رجيم .. ( الله واكبر ) .. أول ما ترد البيت على طول تتصل تليفون لبقاله اللي على الشارع ..

- والبنات الأذكياء أول ما يرن الجرس تشوفها داخلة غرفة المدرسات تبي المدرسة تشرح لها الدرس اللي كانت غايبه فيه.

- وبعض البنات اتشوفهم جالسين ورا السلم يحلون واجب الرياضيات اللي ماحلوه في البيت ..

- أما الأهم .. تشوف بعض البنات يستأذنون من الحصة قبل البريك بثلاث دقايق ويركظون الكافتيريا –يحجزون لهم مكان – وأول ما يرن الجرس الأكل كله مخلص مافيه الاعصير يتهاوشون البنات عليه وأخرتها يطلع منتهي ......

خلصنا من البنات
ونروح أنشوفالشباب في الفسحة ..

- تلقى واحد منهم نايم طول الحصة وأول ما يرن الجرس يدعي على اليوم اللي دخل فيه المدرسة ( لان حلمه انقطع بسببهم )

- واثنين ينتظرون متى يروح المدير اللي صار له واقف ساعة قدام الصف وأول ما يتحرك خطوتين ويهربون من المدرسة ويمرون على كم بقاله في طريقهم وبعد نص ساعة يرجعون المدرسة ..

- وشلة تروح ورا المدرسة ويجلسون يدخنون حتى ما يقولون بس وما أمداهم يشفطونها إلا واحد رايح يفتن عند المدير وما يحسون إلا المدير حابسهم في غرفة الاحتجاز ويتصل تليفون على إبائهم .

- ولا منهم إذا رن الجرس تلقاهم بأخر الصف ماسكه معهم طرب و يغنون و يرقصون حتى يحيهم المدير و يرقص معهم شوي و وترقص العصى على ظهورهم و إذا انتهت الاغنيه و هو ما أمداه يرقص طقهم طق سنه بساعة .
-وتشوف واحد يروح يركض للدافور (الذكي)في الصف و يقوله بدو يأخذ منه الواجب وما يرضى ذا و يمسكه و يكسره تكسير حتى يبكي و يعطيه الواجب .ويحله و يرمي الدفتر في و جهه و يقوله إذا مرة ثانيه ما تعطيني الدفتر بأخذ دفترك و اقطع الواجب و أعطيك إياه ....

- و تشوف إلي كأنه أول مرة يشوف العيشة من بداية الفسحة إلى نهايتها و هو يأكل و إذا تأخر عن الحصة و جاء المدرس و قاله ليش متأخر قال ما أمداني آكل الفسحة <<<<<أبن الحلال مروق على الفسحة


- أما واحد تشوفه فارش على الأرض ويكمل رقاده ( لان طول الليل يشوف فلم ويلعب سوني )