(((قلوووب متكسررره))) روايه سعوديه

طيب ويييييييييييييييييين الباقي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

^^^^^^يمااااااااااااااااه

طيب ثواني

انا اذا شفت تفاعل بكملها لكن اشوف رد ردين زي رواياتي الباقيه وربي امل

الجزء الثالث//

الكل تجهز للطلعه ومستانس الا وفاء مانامت من شوقها

العظيم المرعب ومن خوفها خايفه يصير حبها من طرف

واحد ونفس الاحساس والشعور عند احمد احمد جهز لها

مفاجئه ومتردد فيها مايدري هو صح الي يسويه او!!!

سااااامي ومادراك ماسامي الشاب النكتي الي يحب

يرسم الابتسامه على شفاة الكل وامنيته في الحياه سعادة

اخته وانه يتزوج حبيته الي ماحب لاقبلها ومستحيل يحب

بعدها سامي المسكين مانام يبي يعترف يبي يقول يخفف

عن الي بقلبه يخفف النيران الملتهبه بجوفه يبي يصارخ

ينطق يقول اناا احبها ومووووت بعد لكن ايمان الي ماتدري

ان فيه واحد متيم عاشق لها يفكر فيها ليل نهار ايمان الي تنكر

وجود كائن معذب اسمه الحب كائن نسمع عنه ولانراه


ريم تتوقعون تحب ولامتبلدة المشاعر مثل ايمان واذا تحب

مين يكون؟؟



في مكان مخضر ملئ بالاشجار المثمره والطبيعيه الساحره
وسط تشكيله من الغيوم المذهله والنسيم العليل والاجواء الممتعه والجو شتوي روووووووعه طبعا في روضة خريم


في السياره

ايمان بصرخه وهي مستانسه:يااااااهوه وصلنا

ياحضى ياسعدي يافرحتي ياهناي

ابو احمد:اعصابك اعصابك وش فيك كذا طايره بالعجه

ايمان:افااااا يابابا وش سويت انا مستااااااااااانسه ياناس احبه

ام احمد: تحبين مين؟؟

ايمان:احب الدنيا احب الناس احب العالم احب الكل الكل

يالله انا طاااااااايره فرررررح من زمان ماجينا هنا

ابواحمد:خلاص جينا اسكتي

ايمان تحرك راسها يمين ويسار:يباااااااه شفيك كأنك مو فرحان اني مستانسه

احمد مل من كثر التفكير بوفاء وهل وهل والتساؤلات الي قتلته بعصبيه:انطمي ايماااان مزعجه ثرثاره

ايمان مدت بوزها شبرين وبأسلوب تهديد:طيب طيب

احمد كح من غير شعور وتنحنح:ايمان وش ناويه عليه

ايمان بنفس اسلوبها ماتغير:ناويه انطم مو ذي اوامرك

احمد ابتسم على حركات اخته الساحره الي بتخلي الواحد
يفرض احترامه عليها لو بأسلوب التهديد:امززززززززح معك يالله سولفي غردي يأحلى ايمان

ايمان مو مستوعبه:مين ذا لايكون انا؟؟

ابو احمد:وصلنا يالله انزلو وعن الهذره الزايده

ايمان تصارخ بعد ماشافت خالتها ام ريم:هلاااااااااااااا ومسهلا بأحلى خاله بالرياض لا وبالدنيا كلها

ام ريم:يامرحبتين فيك يالغلا كله اخبارك

ايمان تركض بسرعه لوفاء وسامي يكلم اخته

ايمان ماحد همها تمسك وفاء بقوه:ازنطك ولا ازنطك يابنت اللذين ولاتجين تسلمين

سامي ابتسم على جنون البنت الي ماتخليه وجرائتها

وفاء:ياهلاا فيك اشتقتلك

ايمان باستهبال:ايه هييييين!! سامي هنا اخبارك صديقي سامي وين ايامنا

سامي تجرأ من كلامها واسلوبها:والله مشتاق لذيك الايام بس ان شاء الله نعيدها

ايمان:هههههههههههه طيب اخبارك وش مسوي

سامي متردد اقولها ماقول اقولها ماقول:لازين الحمدلله

ايمان:ايه الحمدلله تعاااالي يالوفاء مشتاقه لقعدتنا والروضه والهيصه

وفاء تضرب سامي وبهمس:قولها

سامي انحرج:عن اذنكم

ايمان رغم انها ذكيه بس مافهمت شئ مجرد تعتبره اخ غيره ماتفكر لان طفولتها كلها معه


احمد:صباح الخير خالتي

ام ريم تقوم:هلاا صباح النور اخبارك

احمد:الحمدلله اخبارك الريم

ريم:الحمدلله انت شلونك

احمد وهو يتلفت يدور وفاء:ايه الحمدلله بخير عن اذنكم

ام ريم وام احمد:اجلس معنا جلستنا وحده وناد ابوك وابو سامي


احمد مبسوط بداخله لان جلستهم وحده:ان شاء الله



وفاء تبي تريح اخوها تبي تنهي المسأله وتفرحه:وش رايك يايمان باخوي سامي؟؟

ايمان بتلاقائيتها المعتاده:يجنن روووووووعه مافيه مثله
يالله تذكرين الايام الماضيه وناسه ضرب هوشات ضحك
دلع

وفاء:واللحين....

ايمان:اللحين تغطينا ههههههههههههه علييييييك سوأل


وفاء:بالعربي الفصيح اخوي يحبك وانتي شرايك

ايمان بتلاقيئه:وانا امووووووت فيه بس مثل احمد

وفاء:اووووف أي اخو واي خرابيط لاغير ذا الكلام؟؟

ايمان بجديه:غيره مافيه..

وفاء حز بخاطرها على اخوها الغالي الي ذايب بحبها


ايمان:مممممممممم اقولك بنسوي استراحه بناتيه مافيه الا انا وانتي
وريم وصديقاتنا وش رايك؟

وفاء تجاريها:والله فكره بس مادري اهلي يوافقون او لأ

ايمان باستهبال:حبيب قلبك وصل ماتبين تسلمين عليه!!

وفاء انرعبت:مييييييييين؟؟

ايمان:مين غير احمد على بالك مادري

وفاء بحزم وعدم تردد وبدون خوف:مين قالك اني احبه او حتى افكر فيه

ايمان انهبلت ارتاعت معقول ظنها خاب معقول؟؟؟

ايمان:من جدك؟؟

وفاء وهي تتهرب بس تبي تنتقم لاخوها يمكن تحس البنت:ايه ولاحتى افكر فيه

ايمان ولاهتمت بالموضوع:مااااااشي يالله نروح عندهم مجتمعين وهيصه ووناسه

وفاء تمشى بتردد ومستحيه واصله حدها وقلبها نبضاته تسبقها وتحس بحراره والجو بارد وتحت زخات من المطر
والجو الشاعري الممتع..

وايمان بتلقايئتها المعتاده:هاااااااااي

مافيه احد استغرب لان الكل يعرف حركاتها الجنونيه واستهبالها الزايد

سامي بأسلوبه المعتاد:هاااااايااااات لايمان الغاليه

احمد:اسكت لاتتكلم ترا البنت بتثرثر ساعه علينا اذا عطتيها وجه..

ايمان باستهبال لاحمد:لاتعرف تنكت ياخفييييييف

الكل:ههههههههههههههههههههه

وفاء بهدؤ:سلام

احمد قام:وعليكم اسلام اخبارك وفاء

وفاء بخجل:الحمدلله انت شلونك اخبارك يابو احمد

ابواحمد:الحمدلله زين ارتاحي

احمد وهو يشوف يد وفاء المرتجفه خوف مو برد بس اعتقد احمد انها بردت:يالله سامي نجيب الحطب ونشب النار

سامي:أي حطب والي يرحم والديك بعز الحر

ايمان:لاوالله الجو روووووعه واااااو ونااااسه
انظروا الى السماء انها ملبدة بالغيووووم


سامي باستهبال:احلىىىى كيف قدرتي عليها

ام ريم:اشوفكم معطينا اشكل

ابو سامي وابو احمد يتكلمون ومتفاعلين بعالم الفوق والتحت والاخضر والاحمر عالمهم الغريب الاسهم


ابو احمد:انا اقولك حايل الزراعيه احسن

ابو سامي:هي زينه بس مافكر فيها اللحين يقولون بتنزل بعد اسبوع

ايمان بصوت عالي الكل سمعوه بما ان الانظار كلها على الرجال الاثنين الي يتكلمون لكنها انعكست عليها:اوف ملل

ام احمد تقبصها:انتي اصص يالعوبا

ايمان تتظاهر انها اذتها:يمااااااااااااه والله مايسوى

ابو احمد:شفيك ايمان تململين وتأففين؟؟

ايمان:اللحين طالعين علشان تتكلمون بالخياس الاسهم وشغلكم ولانتسلى

ابو سامي:مانتي ملزومه تجلسين معنا روحي مع ريم ووفاء

سامي ووفاء واحمد وريم ميتين ضحك عليها



وايمان تتظاهر بالزعل:لييييه مافيه احد يحبني

سامي من غير شعور:وانا وين رحت!!

الكل استغرب وانتبه لسامي واعترافه ايمان وقفت وتناظر له

وفجائه تنفجر بالضحك عليه وتقلد العجايز:وش بلا وجهك صار احمر ياحافظ كل ذا خجل

اندهشو الجالسالين من كلامهم واحد رومانسي والثانيه خاليه من المشاعر معقول بأي زمن نحن هل المشاعر والاحاسيس تحولت للرجل والفتيات اصبحوا متبلدات المشاعر...
لاستطيع ان اقول الا نحن في زمن العجائب!!!

نترك هاذه العائله بحيرتهم واستعجابهم ونترك طعنات سامي من تجاهل ايمان؟؟


تغني العنود بصوتها الشجى:حبيبي نظره منك تساوي العمر كولو ..


سعود:اصصصص يالمزعجه انتي اخذه مقلب بروحك ان صوتك زين


العنود بغرور:تتمنى انت

سعود غير طريقه لهجته:عنوده تعالي بكلمك

العنود مستغربه:معقول تدلعني انااااا!!!عجب عجاب

سعود زعل:تعالي ولايكثر اجلسي هنا ابيك بموضوع خاص

العنود راحت بطفاقه بجنبه:هاه شعندك تراك شوقتني

سعود:اوف اركدي شوي اثقلي يابنت

العنود تعدل جلستها وتناظر الساعه:بسرعه ترا ماعندي وقت

سعود ضحك عليها:يالله بقولك مممم انتي تدرين عمري 24 والي بعمري عندهم اربع اطفال

العنود:افااااا مين ذولي الي عندهم اربع وبذا العمر

سعود ابتسم وعدل ياقته:لاي من صيغة المبالغه بس

العنود:اللحين وش المطلوب مني مطلوب اضحك؟؟

سعود انقهر من اسلوبها:اللحين تبيني اكمل ولا ا

العنود مقاطعه:افاا عليك كمل

سعود:من غير لف ودوران ابي اخت صديقتك وفاء

العنود:يييييييييييييييع مالقيت الا هي المتكبره

سعود:مابي الا هي

العنود:تراها مغروره

سعود:انا الي بتزوجها ولا انتي ؟؟

العنود:طيب قلت لابوي

سعود وبنظرات خوف وياكل اضافره:وفيه احد يقدر يكلمه

العنود راعت نفسيته:ممممم خلاص بس بسألك ممكن؟

سعود ومازال بنظرات الخوف:اسألي؟؟

العنود:مممم وش معني اخترتها..

سعود:احبها تذكرين الحفله الي سويتيها!!

العنود:ليه وفيه احد يقدر ينساها..عقب الفشايل انت وابوي قدام صديقاتي

سعود:بس انا شفت بعيونها الخوف على بوقتها

العنود ماتبي تجرحه:خلاص اكلمها.. ومايصير خاطرك الاطيب

سعود:اووووف اليوم بيجي تركي من السفر

العنود:الله يعينا عليه ويعين الي بتتزوجه ذا الكريه

سعود بنظرات اسف:السبب ابوي والله ابوي اكرهه

العنود:تتوقع لو امي عايشه بغير ابوي طريقته

سعود:اقولك شئ وماتتفاجئين!!

العنود:وشو؟؟

سعود:ابوي هو الي قتل امي..ههههههههههههههههههههههه

العنود عرفت ان الحاله رجعت لاخوها سعود:خلاص قوم سعود

سعود تتعالى ضحكاته ونظرات الخوف بعيونه:ابووووي هو الي قتل امي ههههههههههههههههههه

العنود تحاول تقومه:قوم تراي مو ناقصه قووووووم وقصر صوتك لايسمع

سعود:شوفي ماراح اقوم الا تتصلين على الشرطه وتقولين ابوي ذبح امي


يفتح الباب بقوه وسلسله متينه حديده بيده وشرارة الغضب بعينيه وبصوت عالي يحطم الجميع:يالفاااااااااااجر والله لاقتلك وارتاح منك

سعود ينزل من الكنبه على الارض وهو متقوقع وحاط يده على فمه ونظراته الحزينه والبؤس والاسى بملامحه

العنود تبي تحمي اخوها مو عارفه هي تحمي اخوها او تلقى نفسها الى الجحيم الى يد ابيها القاسيه التي لاتعرف الحنان ولا المحبه العنود في دواااااااااااااااااااامه دوامه دوامه لاتعرف من تنقذ اخوها المريض التي حالته يرثى عليها الشيطان نفسه او ماذا تفعل

سعود يمد يده بتجاه ابيه:انت الي ذبحت امي انا شفتك ليه انا ابيها


ابو تركي وعيونه بتطلع من الغضب الجامح من العصبيه يقرب لولده المتقوقع بأحدى الزوايا ويضربه بالسلاسل بقوه وبشكل موحش وتتعالى صرخات سعود من الالم من العذاب


العنود مابيدها حيله لكنها تركض باتجاه ابوها واخوها المسكين الاب الظالم والاخو المظلوم:يبااااه ارحمه خلاص
بيموووووت تكفىىىىى يبه خله

لكن الاب يزيد من الضرب وبشده وكلام العنود ليس الا تشجيع له

ابو تركي بصوت العالي:مين الي قتل امك؟؟

سعود وهو يبكي:انت انا شفتك

ابو تركي يضرب ويزيد من الضرب:مين الي قتلها؟؟

سعود بصوت خفيف يتلاشى تتدريجيا: ا ن ت

ابو تركي يضرب بقساوه وبلا رحمه الى ان سقط سعود وسط بركه من الدماء

العنود تدرون كيف حالها تدرون وش صار عليها من غير شعور طلعت فوق وقفلت على غرفتها وهي حاطه يدها على اذانها ماتبي تسمع صوت الضرب وصرخات اخوها المظلوم وغضب ابيها آآآآآآآآآآه يالدنيا العنود الي تتظاهر بالضحك والابتسامه والدلع داخلها ذا الرعب كله



في الليل الجو قارس من البروده وجالسين العايلتين يتدفئون حول النار الملتهبه الي معطيه للجو طعم ثاني والجلسه غير شكل


ايمان:اووووف وراكم ساكتين

سامي حالته تغيرت من جواب ايمان عرف انها مستحيل تفكر فيه حس بأهانه بمذله يتمنى يقوم ويضربها ويقول للمزح حدود يتمنى يذبحها ويقول حسي بقلبي:آآآآآآه من قلبي الى ماعرف مين يختار



ام ريم:ههههههههه طيب تكلمي انتي ياصاحبة اللسان الطويل والعوابه الزايده

ايمان:ابي مزيكا مافيه احد معه الة موسيقي

احمد:خير انتي وش شايفتنا

وفاء متقطع قلبها على اخوها ووتمنى تردها بس مو قدام احمد لانه مايهون عليها

ابوسامي:والله خابر ان عندنا شاعر يالله يأحمد سمعنا شئ


احمد بنظره سريعه لوفاء ونزل راسه يقول:

وفاء فهمته مو هي وبس الكل فهم نظرته

احمد:

جـيـتـك انـــا لـلـحـب بـايــع وشــــراي
ابـغـي مـحـبـة مـــن هـوتـهـم عـيـونـي
جـيـتـك وقـلـبـي حامـلـنَـه ف يـمـنــاي
عربون,,واتـمـنـى عــســى تقـبـلـونـي

جيتك بشوقي وكـل لهفـه مـن ا قصـاي
ومن الشوق عندي كل شكل(ن) ولوني
جيتـك وانـتـه ياشـفـى الــروح مـنـواي
وغيـر المحبـه مــا أطلـبـك ياشجـونـي

"
جيتـك ولهفـة خاطـري تسـبـق خـطـاي
جيـتـك أنــا عـاشـق, مـتـيـم, حـنـونـي
ماغيـر قربـك يــا دوا الـعـوق رجــواي
وان جيـت احـس الكـون يازيـن كونـي

كـل مــا سمعتك,,عـنـي تــزول بـلـواي
وكل مـا ابتعـدت احـس زادت احزونـي
"

لك قلب اصفى يالغـلا مـن صفـا المـاي
وأجـود ف عينـي مـن هميـل المـزونـي
مـنـك جـروحـي وانــت يالغـالـي ادواي
وغـيـرك تــرى مـايـقـدروا يعالـجـونـي

"
انتـه فحياتـي نــور غـطـا (ع) ظلـمـاي
وانـتـه مـعــي غـالــي أبـــد ماتـهـونـي
لـفـتَـنـي مــــن دون مـاتـاخــذ الــــراي
وغـيــرك تـمـنـوا بحسـنـهـم يلفـتـونـي

آيــه خلـقـك الـــرب سـبـحـان مـــولاي
عسـا يصـونـك مــن الــذي يحسـدونـي
بضـاعـة العـشـاق انــا جبتـهـا ويـــاي
عـســاك تـقـبــل مـاتـخـيـب ضـنـونــي....

القى احمد نظره الى وفاء الى منزله راسها من الخجل

الكل:صح لسانك




ايمان انقهرت وهي من النوع الي ماتحب تكتم الي بقلبها:احمد تراها ماتفكر فيك

ابو احمد وابوسامي يناظرون مستغربين مين تقصد

احمد ناظر على طول لوفاء

ايمان:صح ياوفاء

انحرجت وفاء وماتقدر تقول احبه او افكر فيه ماتقدر تعترف موقفها محرج قدام العايله بس الكل يناظر لها وينتظر جواب

وفاء:صح

احمد من غير شعور وبأندفاع رد عليها:


لا تكـذبين!!! الحب بعيـونك يبـــين...
في نظـرتك .. في ضحكتـك .. ودمعــة تـداريها حــزين...
أرجــوك صارحنـي ..ماضمن انا غـدر السنين...
أخاف انـا أرحـل ... وتنــدم على حب دفــين...
لا يخــدعـك منــي جفـا !!!
شعـور يصعب اوصفـه...
لمنــي وبعثـــرني ... بـردان ابي منـك الدفـا...
مابـي كثـــير..!
قـولي احبــك وش يصــير..
عـاشق ومجهـول المصـــير..
ولا تكذبــين!!!
ولأصـدق شعـورك تكتمــين..
آه بس لو تعرفين..!
وش كثــر انــا أحبـــك..
من بعــد ما شفتـك ..
كــل شـي حـولي تغيــر!!!
صـرت انـا بحبــي مســـيّر..
مجبــر ومـانــي مخيـّـر..
غصب عنـي اعشقـك!!!
وأرضـي غرورك واستسمحـك..

ولا تكذبـين !!! الحب بعيــونك يبــين..
في نظـرتك .. في ضحكتـك .. ودمعــة تـداريها حــزين...
ابنتظــر يــوم وتجــين ...
اضنـاك هم السفـر...
وأتعبــك طـــول الهجــر...
وبنظــرتـين وزفــرة حـوت كــل الحنــين..
بشيــل همّــك !!
وبعانقــك وأفـــرح بضمــك...
ووقتـها بتهمســـين ...
انــا أحبــــــــــك..!
الحــين بس اللــي عرفت انـك ابــد ما تكـذبــين!!!



مممممم

تتوقعون وش ردة فعل وفاء هالمره واهلها وش بيقولون؟؟


سعود حالته لاترضى لاحبيب ولاعدو هل ممكن تضحك له الدنيا ويتزوج الي هواها قلبه ولابيكون مرضه عائق بينهم


هل ريم تفكر بسعود؟؟ووش مرضه؟؟وكيف ماضيه؟؟


ايمان تتوقعون تغير مزحها لو مره وتتحول لجد ومين بيصير حبيبها سامي او مين؟؟

^^^^
للفته//

القصيده والخاطره صاحبها المبدع داااااايم الشووووق

الجزء الرابع//


احمد قال القصيده والخاطره بلحظة تهور عدم تفكير ماعرف

انه يمكن يخسر العايله بسبب الغزل العلني آآآآآه مايدرون عن

الي بقلبه ولامستحيل احد يلومه بداخله بركاااان ناااااره ملتهبه

مشتعله وانفجرت بهاذه اللحظه...


وفاء تدرون وش صار عليها بداخله الهوايل اول مره تفرح

بذي الطريقه تتمنى تقوم وترقص تصارخ وتقول حتى انا

احبك لكن الحياء يمنعها ووفاء تمنت الارض تبلعها مع

الفرحه ليه قالت ماحبه كيف تقولها وهي تمووت على

الارض الي يمشى عليها الحب اقدس شئ بالدنيا فكيف

تنكره لكن مالحل العدو امامكم والبحر خلفكم..؟؟


ابو احمد نزل راسه من الحرج تفشل حسبي الله على

بليسك اجل ..


يقطع حبل افكاره الصوت الرجولي المزعج صوت ابو سامي


ابوسامي:وين حنا عايشين فيه ياقليل الادب ماتستحي على
وجهك هذا وقدامي كيف من وراي ياقليل الاصل

احمد قام بسرعه منحرج وسامي قدر بس ولو الغيره بقلب

سامي بعد كيف وين عايشين مو عادتنا الحب بذي الطريقه


احمد نزل راسه ومانبس ولابكلمه معترف بخطاه

ابو احمد:العذر والسموحه ابو سامي


ابو سامي:عاجبك عاجبك الي يصير

وفاء قامت كأنها مقروصه ماتتحمل احد يزعل احمد من

صغرها كيف وهي كبيره وتحبه اللقت نظره لاحمد

الي منزل راسه اسف وحزن وباين عليه انه مصدوم

من كلمتها طلعت وفاء وهي تبكي راحت ورا السياره

والجو بارد والقمر الي يطل على وفاء كأنه يعاتبها

معقول وفاء الحساسه الي ماتحب تجرح احد تجرح

اغلى انسان لها...


ايمان تضربها مع ورا خفيف:حرام عليك انتي وش سويتي

وفاء ودموعها على خدها:ولاكلمه انتي السبب

ايمان تبتسم بهدؤ:ادري بس ابيكم ترتاحون انا ادري انك تحبينه وتموتين فيه ابيك تصارحين مو تكذبين

وفاء:ايمانوه وجع حنا وين بأوروبا يصارح واصارح انا بالسعوديه يعني حبي بقلبي غير ماقدر


ايمان تمد يدها بأشمئزاز:طيب واذا مالنا قلوب ليه مانعترف انتي ماذبحك الا هالعادات والتقاليد..


وفاء تبكي من جديد:جرحته جرحته وش اسوي اموت ولا انتحر؟؟؟


ايمان تضحك:كل الطرق تؤدي الى احمد هههههههههه

وفاء:والله انك رايقه!!

ايمان:طيب عن الدلع اسكتي اقوله انك تكذبين اصلن هو يدري انك تحبينه سمعتي وش قال

وفاء:يالييييييييييييتني مت قبل ماجرحه


....:ايوالله ياليتك متي وفكيتينا من العاااااار!!!

وفاء مفزوعه:يمااااااه أي عار!!!

ام ريم:والحركات الي قبل شوي وش تسمى اكييييييد متفقين
حسبي الله عليك يالخسيسه..

الكل يسمع صوت ام ريم العالي والتهزئات لوفاء


وفاء:يماه انا وش سويت؟؟؟


ام احمد:استهدي بالله يأم ريم

وفاء:انا وش سويت؟؟

احمد بصوت عالي:ابشركم ذي اخر مره تشوفوني فيها خلاص وفاء مالها ذنب انا اساس البلا...

وفاء انهبلت جنت انهارت من كلامه تتمنى عندها جرائه وتقول احببببببببه ياناس


ريم:سودتي وجيهنا سود الله وجهك

ايمان:انتي مالك شغل انطمي....

ريم بعصبيه:يماه تشوفينها

سامي ماتحمل يسمع صوت ايمان الي تتدافع عن اخته الي يحبها من اسلوبها من تلقائيتها من ...

قام سامي:يمه يبه خلونا نرجع احسن وش ذي الطلعه والله ماصارت هي كلها قصيده وش يعني!!وماقال اخصها لاحد


ابو سامي:اقول يازينك ساكت يالله نرجع



الكل ركب سيارته ورجع للبيت الا احمد راح قبلهم ومشى بسرعه جنونيه كأنه يبي يذبح روحه يبي يفتك من الكل
ماعرف ان وفاء معاه روحها وياه


العنود جالسه في سريرها بغرفتها الكبيره وهي تشعر بالخوف بالالم على حالة اخوها تتمنى تنزل ماتقدر من الرعب
لكن مالها الا تنزل تحت وتشوف كيف حال اخوها أي مصيبه حلت به

نزلت بخطوات متثاقله وبخوف وتناظر يمين يسار كأنها خايفه من شئ لا مو كأنها الا خايفه من كل شئ من الماضي الغريب ومن الحاضر المرير ومن المستقبل المرعب
تشوف واحد وسط بركه من الدماء راسه مصاب يده ووجهه في قطع متجمده من الدم ودموعه الي تنزل يناظر الحيط وهو مايقدر يقوم من التعب قاعد يفكر بصوت مسموع: بتصير عمليه ارهابيه الساعه 3 الفجر في بيتنا بيجي ابوي يفجر الرياض لاوبيفجر الدنيا اصلن هو مو ابوي هو ابو تركي وبس انا مالي اب انا اكرهه انا لي ام وهو الي ذبحها بس يايمه انا بكره اصير قوي واخذ السكين واقتله زي الي سواه فيك ....


العنود تناظر بحزن قلبها متقطع ستين الف مره على اخوها الي حالته لاتفرح لاصديق ولاعدو وش الحل يارب وش اسوي مالي احد الا انت يارب ساعدني ابي حل يارب!!!


سعود يناظر العنود يشوف عيونها الحزينه ويتمنى يقولها ساعديني اقوم لكن مايبي يكدرها بزياده ياترى وش الحاله الي في اخوها معقول جنون او مرض غريب ماصار لاي انسان الا سعود؟؟؟؟؟؟؟؟؟؟؟

العنود تقرب لاخوها وتبكي بقوه من قلب عنده وكأنها تتوسله انه ماتشوف عيونه الحزينه عيونه الكيئبه الي تدعي للحزن والشفقه

استجمع قواه سعود وحاول يجلس مبساعده الكنبه القريبه منه قام بس علشان مايخلي العنود تصيح بزياده قرب لها:عنوده حبيتي لاتصيحين عادي مو اول مره خلاص ماصرت حساس صارت عندي مناعه خلاااااااص عاد لاتصيحين قلبي

العنود تبي تساعده تمد يدها له علشان يقوم وهي ساكته ماتبي تتكلم علشان ماتنفجر بالزياده من الصياح لحال اخوها

سعود بنظرات حزن:عنوده طلبتك؟

العنود بنحيب:عطيتك!!


سعود:تشوفين حالتي أبي افتك من ذا الجحيم ابيك تساعديني اني اخذ ريم

العنود تبتسم ودموعها غارقه بعيونها:تامر امر اعتبرها لك من اللحين...

سعود:ماتقصرين ياحلى اخت

العنود:بس بشرط تتعشى معي

سعود ابتسم وهو يمسح يده بجبينه وحس بألم ويناظر يده بأستغراب لان الدم مخفي راحة يده ويشوف نظرات اخته الحزينه:عنود يالله ابي عشى ميت جوع

العنود:طيب بس روح للمستشفى قبل


سعود:ليه

العنود خافت ترجع له الحاله:لا بس تداوي روحك علشان ..

سعود قاطعها:مو ذا الي ببالك صح؟؟

العنود:ابجيب العشاء اكيد خلص

سعود سكت ويناظر يمين يسار الى الان الرعب مسيطر عليه الخوف والله يلوم الي يلومه طول عمره ذي حالته بس معقول يفتح القدر باب سعادته ويتزوج محبوبته ولا ابوه يكون عائق بينه وبينها او المرض؟؟؟او يفتح له الفرح بابه0000000



في مكان فاضي والاناره ملئيه بالمكان يمشى بضيق بأحباط
احمد ضايق خلقه واااااااصل حده حس انه ولاشئ حس انه **************************** انه ذل روحه علشان وحده ؟؟؟ بس وش ذا؟؟؟؟

معقول!!! رقم وفاء !!!وفاء تدق !!على جواله مو مصدق حاس انه في دواااااامه وفاء تكلمني ارد عليها ولا لأ الا برد بشوف وش تبي لازم

احمد بصوت جاد ورجولي:الووو

وفاء مخنوقه ساااااكته

احمد حس فيها لازم يحس فيها مو حبيته:وفاء تكلمي لاتخافين قولي الى بخاطرك وانا اسمع..

وفاء بتردد ودموعها تسبق كلامها:اسفه انا كنت بموقف محرج صعبه اقول ايه قدام الكل وكذابه لاني قلت لا!!

احمد ابتسم:خلاص انا مصدقك وانا اسف اني احرجتك..

وفاء بتتكلم ماتقدر من الخجل ومن الحزن:مو زعلان؟

احمد:يالييييييت اقدر ازعل منك انا بتظاهر لكن قلبي مايقدر!!

وفاء سااااااااكته

احمد:قريب ان شاء الله بجي اخطبك ابيك تصيرين لي

وفاء ذابت من الخجل:مع السلامه

احمد:مع السلامه قلبي

وفاء ترمي الجوال بسريرها وتحس برعب عمرها ماحست فيه قلبها صار فيه خفقان سريع

احمد انا ليه اذا كلمتها انسى انها مو محرم لي واتمادى ليه ماعقل شوي ليه ماصير ثقيل يانااااس احبهاااااااااا احبهااااااا مووووت يارب ابيهااااا حقق امنيتي ياااارب


ايمان بغرفتها تبكي من قلب انا ليه سويت كذا ليه جرحت سامي حرام مايستاهل ليه انا ماحب ليه مو زي البنات عندي قلب ليييييييييه؟؟؟اكيد لاني مابي احط عنده امل لاني اعزه واحترمه ومابيه يتعلق بخيال انا خيال انا انسانه مجرده من المشاعر والاحاسيس ليه يارب ابي اصير مثل البنات..

ام احمد تفتح الباب:ايماااااان؟؟

ايمان قامت مفزوعه وكلها دموع من الصياح:نعم يمه..

ام احمد:وش فيك تبكين؟؟؟ صار شئ بأحمد

ايمان تمسح دموعها وتبتسم:انا اصيح من متى لا مادري وش دخل بعيني ودعكتها وصار كذا..

ام احمد:متأكده!!

ايمان:يماه بالله عليك عمرك شفتيني اصيح؟؟؟

ام احمد:ايه ايام وفات عمك!!!

ايمان آآآآآآآآآه ياعمي ياليتني اقدر انساه:ايه ماضي يمه

ام احمد:لا بس اسأل عن احمد وسواد وجهه الي فشلنا

ايمان:مادري والله عنه...

تطلع ام احمد وتقول وهي تطل براسها عند الباب:عجبتني حركتك بسامي اليوم وكسحتك له الفاشل


ايمان انجرحت لكن امها جددت لها ذكرى ذكرى مو بسيطه مو هينه ذكرها عمها الغالي الي تحبه وتموت فيه!!

ايمان تقفل الباب وتروح لسريرها وتطلع الي بقلبها كله:عمي آآآآآآه ياعمي انت حبي الوحيد انت الي ماحبيت لاقبله ولابعد اشتقت لك عمي ياليت اقدر انسااااااااك يااااااليت اموت واشوفك يارب اموت خذني لك يارب تعذبت كثيررر الدنيا وش!!من غيرك
وانت ياسامي اعذرني انا ماقدر احب روحي متعلقه بواحد ميت من اربع سنين وياليت تلقى وحده تستحقك يا سامي انت اخوي وتاج راسي بس سامحني

تبتسم ايمان ببرود ومن غير نفس:انا اعتذر لمين مين يسمعني لاسامي ولاعمي لا عمي بيسمعني صح ياعم المهم ابري ذمتي لك ياسامي واحبك ياعم حس فيني وتعال خذني..

صوت اغنيه تركني وانا محتااااجه وعمري ...

ايمان وهي تمسح دموعها:ياهلا وغلا بأحلى وفاء

وفاء بخجل:اهلين اخبارك؟؟

ايمان:وش فيه صوتك يالدبه..كل ذا علشان حمودي ههههههه

وفاء ووجهها صار احمر:اصصص تكفين اصصص

ايمان:هههههههههههههههههه شفيك يالمقروده اص واص تكلمي شفيك

وفاء:يؤيؤيؤؤيؤيؤ سويت مصيبه يايمان انا خايفه!!

ايمان تقلد العجايز:يادافع البلا وش بلاك ياوخيتي؟؟

وفاء:خليك جاده لو مره بقولك ولا خلاص اروح احسن لي..

ايمان:لحظه لحظه لحظه تراك اشغلتيني شفيك؟؟

وفاء:ياحليلك صرتي جاده

ايمان:ايه قولي لي شفيك؟؟

وفاء بخجل:كلمت احمد اخوك؟؟

ايمان:احلىىىى اكششششششششخ كييييييييف وليه ولماذا ولعل واين ولكن وهل يعني شلون كلمتيه؟؟

وفاء:مانتي صاحيه والله اقول خلاص ماتستاهلين الي يقولك ويبيك تشاركينه كل شئ

ايمان:وش فيك؟؟

وفاء:تستهبلين وانا ابيك جاده

ايمان:خلاص قولي ليه

وفاء:آآآآآآخ ياقلبي

ايمان:هههههههههههه ياعاااااااااشقه

وفاء:اصصصصصصصص لاتتكلمين

ايمان:خلاص تكلمي

وفاء:اقولك قلت له اسفه وقلت اني كنت اكذب

ايمان:هههههههههههههههههههه يعني على بالك مايدري

وفاء:اقولك ادخلي النت اللحين ابيك بشئ

ايمان:لاقوليه اللحين

وفاء:لابوريك شئ

ايمان:اوووووكي يالله باي

سامي:آآآآآآآه يإيمان للدرجه هنت عليك للدرجه ماتفكرين فيني انتي ماتستاهلين لحظه تفكيري فيك انا اكبر من اني احب وحده تستحقرني لازم انساك لازم آآآآآآآآه بس...


احمد:وااااااااو يالونااااسه معقووووول هي كانت بس مستحيه من عذري لو حبيتك خجوله وحبوبه ومافيه مثلك لازم اخطبها لازم ابيها يعني ابيها لو اسوي المستحيل لو اضيع عمري ابيها


ايمان في النت رساله على الايميل:حبيتي ايمان تكفين خلي عندك احساس وحسي فيني انا احبك موووت
بذمتك ردي على بحياة ابوك وامك لازم تردين مو تخليني زي دايما معلق وشوفي ان ماخليتك تتعلقين بحبي
ترا كل البنات يعشقووووووني

صديقك في المنتدى والي يموت فيك عبدالله


ايمان:اووووووف بردعليه وبخليه يكرهه روحه بعد ويتوب ذا ال**************************** اجل يدخل ايميلي من غير اذني هييييييين بس

ايمان ترسل له:ييييييييييع ماحبيت القريب حتى احبك يالغبي انا انا ايمان مو سهل حبي لاحد واهدي لك ذي الابيات


(((((((تخسىىىىىىىى))))))))

تخــسى انت ويخــسى قلــــبــي كانه بيعـــشـني ذلـيلـه

موب انت الي اسهر ليالي الغربه لأجلـــــــه وحيـده

قالي احبك واعشقك وكل يـوم له حيــله وألــف حيلــه

الله يحرمه شبابه ويفقد عيونه وصوتـه واللــه لايعيـده

غبــيـه يالي صدقـــتـيه وعشـــتي باحلام الف ليله وليلــه

تدرين هذا طبعهم ويجي غيرك وانتي عن افكارهم بعيده




الساعه ثلاث الفجر ياخذ سماعة التلفون ويدق999

:الو معك ..السلام عليك

سعود بصوت خفيف:الو اللحين بتنفجر الرياض بسرعه الحقو عليها


انهبل ووقف:وين وبأي حي ومين يتكلم

سعود:انا سعود وبسرعه تعالو لان بيصير انفجار بعد نص ساعه


..لو سمحت خزن رقم التلفون وموقعه:طيب مين قالك ومين الي يفجر

سعود:انا اقول ابوي بيفجر الرياض كلها تعالو بسرررررعه يالله مع السلامه





يااااااترى وش بيصير لسعود يمكن اتصاله هاذا يوديه بستين داهيه<<حولت من اللغه الفصحى للمصري شعندها

وش بيصير لاحمد مع وفاء والعوائق الي بتصير لهم ويمكن كل شئ هين لهم؟؟

سامي والحب المستحيل ؟؟؟مع ايمان كيف بيصير ينساها ولا ..

ايمان ليه متعلقه بواحد ميت من اربع سنين معقول فيه احد ماينسى ووش ميزات عمها الى مستحيل تنساه والي خلاها ماتحب في الدنيا الاهو !!!

ايمان خارجها ضحك ومزح وداخلها بركانين من الاحزان كيف تتخلص منها ؟؟




محبتكم الى الابد//امونه53

الــجــزء الخـــامـس//


بالماسنجر:


ياليتني ساكنه اليوم بوسط حفرته ***** وروحي بجنب روحه مدفونه))))))))

مين انتي؟؟؟


ارسلتلك ابليس علشان تنساااني &&& رجع وقالي مايحتااج ناااسيك

ماعرفتيني انا حبيبك عبدالله وعلطول مين انتي غريبه والله

ياليتني ساكنه اليوم بوسط حفرته ***** وروحي بجنب روحه مدفونه))))))))
مين ووووجع وش تبي كل مره داخلي بايميل انت ماتتعب



ارسلتلك ابليس علشان تنساااني &&& رجع وقالي مايحتااج ناااسيك

فيه احد يتعب من حبيبته ايمان؟؟؟

ياليتني ساكنه اليوم بوسط حفرته ***** وروحي بجنب روحه مدفونه))))))))
انا الغبيه لاني معطيتك وجه واحلى بلوك لاحلى عاشق


ارسلتلك ابليس علشان تنساااني &&& رجع وقالي مايحتااج ناااسيك

بسألك سؤال اخير وجاوبيني


ياليتني ساكنه اليوم بوسط حفرته ***** وروحي بجنب روحه مدفونه))))))))

اخلص بسرعه؟؟


ارسلتلك ابليس علشان تنساااني &&& رجع وقالي مايحتااج ناااسيك

مين تقصدين بليتك ساكنه اليوم بوسط حفرته

ياليتني ساكنه اليوم بوسط حفرته ***** وروحي بجنب روحه مدفونه))))))))

ماااااااااالك شغل ايييييه نسيت بسألك وصلك قصيدتي؟؟

ارسلتلك ابليس علشان تنساااني &&& رجع وقالي مايحتااج ناااسيك

ههههههههههههه مردوده مردوده والله ماخليها !!!


ايمان تغلق الماسنجر وتحذف عبدالله.:لاوبعد يهدد على باله مين مالت عليه وش يهددني فيه ((تبتسم بكبريأ))ماتدري ان انا ايماااااان مو أي وحده هههههههههههه

الا وفاء وش تبي فيني ايه مو مطفيه النت خلني اتصفح احسن لي بأحلى منتدى لي
(( الغلا انت))<<اسم من راسي



الشرطه وصلو للمكان المحدد عرفو البيت من رقم التلفون وتهديد بالمايك::الى في البيت يطلع بسرعه سلم نفسك

البيت مظلم الكل نايم ولااحد يدري عن الاحداث الي صايره حتى سعود نسى ونام في مكانه بجنب التلفون طبعا بعد ماغلبه النعاس!!!

الشرطه بصوت أعلى//بسرررررررررررررررعه سلم نفسك ترا الي تسويه غلط انت وانت الي بتعاقب عليه اذا طولت اكثر او قاومت...


لاااااارد؟؟؟؟؟؟


ابو تركي قام من النوم مفزوع ويناظر من الشباك:اعوذبالله وش الي صاير وش فيه يكلمون مين؟؟؟لايكون فيه ارهابيين قريب منا..الله يستر بس



الشرطه:سلم نفسك لو تتطول اكثر راح تلقى جزأك...


ابوتركي انفزع وش فيهم محددين على فلتنا غريب وش القصه مالي الا اطلع وافهم السالفه يضرب راسه:لايكوووووون تركي بس لا الله يستر ان شاء الله في هالسعود ولابتركي!!!

ينزل الاب مسرع تحت ويفتح الباب وهو مييييت من الخوف
وحتى نسى انه في لبس النوم الفزع يسوي اكثر...



تفتح ايمان قسم همس القوافي وتقرأ بانسجام

فـجـئـه عـلـى الـجــوال ؟ جــانـــــي إتـصـالـي
ـــــــــــــــــــــــ مــن رقـم والـلـه فـيـه خـمـسـة ثـــــلاثـــــات
قـالـت مـسـاء الـخـيـرات ! يــــــــاكـل غــالـي
ـــــــــــــــــــــــ تــسـمــح ادردش معـك ؟ لو بـضع لـحـظـات
ابــا اتــونــس ؟ دام لـلــيــل ! تـــــــــــــالـــي
ـــــــــــــــــــــــ ومـعــك بــدردش ؟ دردشــه فــالـثـقـــافــــات
قـلـت اعــذريـنـي ؟ مـــــارتـخــي لـلـهــزالـي
ــــــــــــــــــــــــ طـبـعـي كــذا ؟ مــــاحــــب اكـــلــم بـنــيـات
قـالـت مـصـــــيـبـه ؟ وي ! يــــــــاهـمـلالـي
ــــــــــــــــــــــــ غـــريــب هـــــــاذا مــايـكـلــم ؟ جـمـيــــلات
قـلــت اقـفـلــي ؟ قـالـت تـرى مـن حـــــــلالـي
ـــــــــــــــــــــــ شــكـلـك بـخـيــلاً ؟ مـاتـحــب الـكـــــــلافــات
قــالـت عـزوبـي ؟ قــــــلـت راضـي بـحـالـي
ــــــــــــــــــــــــ افـضـل مـن إنـي اعـتـنـق ؟ قــصـر الاهــات
قــالـت هـذا ؟ قـصــراً مـهـو قـصـر خــــــالـي
ــــــــــــــــــــــــ قـصــراً بـه الــراحــه ؟ وكــل الـمـســـــرات
قـلـت الــنـــوف ؟ الـلــــــــــي ابـيـهـا حــلالـي
ــــــــــــــــــــــــ لـلـحـيـن ادورهــا ؟ ولـلــحـيـن مـاجــــــــات
قــالــت انــا ؟ يـمــكــن يــهـــزك جــــــمــالـي
ــــــــــــــــــــــــ جــرب ؟ وربـي مـاتـشـــوف الــــحـسـوفــات
قـلـت الـجـمـال ؟ الـلـي احـتـواه الــــــــدلالـي
ـــــــــــــــــــــــــ ضــمــيــه ؟ لايـصـبـح مـــع الـريــــح ذرات
قـالــت عـن الـغـلـطــات ؟ خـلـك مــــــثــالـي
ـــــــــــــــــــــــــ تـرى سـلـوبـك ؟ يـرفـــع الـضـغـط سـاعـات
ضـحـكـت مـنـهـا ؟ ضـحـكـه بـصـوت عـالـي
ـــــــــــــــــــــــــ ومـع ضـحـكـتـي زودت ؟ بـعـض الـتـنـهـات
قــالـت غـبـي ؟ قـلـت الـغـبـاء شـي خـيــالـي
ـــــــــــــــــــــــ خـصـوص لـلــي ؟ مـثـل نـوعــك ؟ غــبــيـات
قـالـت خـبـل ؟ قـلـت افـتـخـر ؟ فـي خـبـــالـي
ـــــــــــــــــــــــ احـب اكـون الـخـبـل ؟ لاشـفـــــــــت خــبـلات
وقــبــل مـهـبــول ؟ اقـول مـاحـلـى هـبــــالـي
ــــــــــــــــــــــــ ترى الـهـبال يـطـيـب لي ؟ فـبـعـض الاوقـات
قـالـت احـسـك ؟ مـــاتـــحــمــل جــــــــــدالـي
ــــــــــــــــــــــــ وراك مـتــذمــر ؟ وداخــــــلـك حــــــســرات
قـالـت بـجــد ؟ ابــي تـجــاوب ســــــــــؤالـي
ــــــــــــــــــــــــ ارجـوك جـاوبـنـي ؟ وقـــــــول الـصـراحــات
هـل لـك حـبـيـبـه ؟ قـدرهـا بـجـد غـــــــالــي
ــــــــــــــــــــــــ والا تـــونــس خــاطــرك ؟ بـالـصـــــــداقـات
قـلـت احـتـفـظ ؟ فـي هـالاجـابـه لــحــــــالـي
ــــــــــــــــــــــــ وصــكــي تــرى مـاحـب بـعـض الـتـفـاهــات
قــالــت قـهـر ؟ لـيـتـك مـن اعـيـال خـــــالـي
ــــــــــــــــــــــــ والا امــي وامـــــــــك ! خـــواتً شـقـيـقـات
والـلـه لـحـبـك ؟ لـيـنـه إيـبـيـد حــــــــــالـي
ــــــــــــــــــــــــ ووالـلـه لـسـوي فـي غـلاك الـمـصـيــــــبـات
لاكن ؟ تـبـي الـمـنـتـوج ؟ يـابـــــــن الـحـلالـي
ـــــــــــــــــــــــ لـقـيـت رقـمــك ؟ عــنـد اعـز الـــصـــديـقـات
قـالـت هـذا شـاعـر ؟ وصــوتـه خــيــــــــالـي
ـــــــــــــــــــــــ شــوفــي عـنــه ؟ يـمـكـن يـســـوي عـلاقـات
وهــزيــت راســي ؟ مــــن جـنـــونً يــحــالـي
ـــــــــــــــــــــــ جــنـــون مـن يــونـس مـن الـوقـت طـعـنـات
لـيـه الــورود الـيــــــــوم ؟ مـــن غـيـر والـي
ـــــــــــــــــــــــ وشــلـون تـرمــى ؟ فـالخـطر ! والـمـتـاهـات.

ولكم كل الود مع تحيات/اشتـاق لكــ


ايمان تتنهد من خاطر:آآآآه ياحظ حبيتك فيك ياليت حبيبي مثلك وتفكر بأنسجام بعدها بدقايق.....

((تنفجر بالضحك))انا وش صار لي قاعده اتمنى واتمنى انا انسانه متبلدة المشاعر ماعندي احاسيس ولاً كان حبيت العاشق سامي قلبي مات من خليتني عمي انا ميته انا معك آآآآآآخ اشتقتلك متى اجيلك متى يارب تاخذني له ابي اشوفه لي اربع سنين عنه اشتقت له حييل آآآآه ليه انا مانسى عمي مو قدي ولاهو بعمري حتى اقول انه كان دايما معي ليه انا ماتقبل فكرة الموت كيف بعيش باقي عمري كييييييف....

يلفت نظرها اسم او نك نيم داخل المنتدى المنتدى
تصحى من تفكيرها:وااااو جاء شاعري المفضل اشــتاق لكــ

تدخل الالعاب وترد في برود من فكرت بعمها وهي تنسى ابتسامتها بس فيه احد حس فيها؟؟؟؟؟؟تتوقعون مين!!



بعد التحقيق والتفتيش شافو واحد في زاويه شكله كئيب مرعب يحزن حيوان كيف انسان يشوفون واحد مكور جسمه ونايم طبعا !! سعود وهو ملقى على الارض والجروح باينه في ملامحه والكآبه يكسر الخاطر طبعا رحموه بعد ماعرفو حالته من ابوه وقال لهم انه مجنون لكن فيه شئ مو مقتنعين فيه؟؟؟؟

الضابط واحد رافع حاجب:طيب فيه شئ ماعرفته وش الجروح والدم الي فيه ممكن نعرف السبب؟

ابو تركي ارتبك:هاه لابس يمكن طاح اوشئ

الضابط بنرسل له اسعاف ويشوفون حالته وانت توقف عندنا يوم على مايخلص التحقق..


ابوتركي:وانا وش ذنبي واري اشغال كل شئ ينتظرني..

الضابط:لاتخاف مو مطولين معك بس نعرف حالة ولدك ووش الاسباب الي خلته يسووي كذا وبعدها تطلع

ابو تركي وهو يناظر لبسه:طيب ممكن اغير؟؟

الضابط:تفضل..



رساله على الخاص//

من اشــتاق لكــ الى دموع الحزن((ايمان))

السلام عليكم ورحمة الله وبركاته

اختي دموع الحزن بصراحه كذا انتي ماتعجبيني

وين دموع الي قبل قولي لي وش فيك يمكن اساعدك



ايمان استغربت !!! من الرساله كيف عرف اني حزينه مو شاعر لازم يحس طيب ليه اختي احب هالكلمه من الكل الاهو اوف
وحاولت تتجافى هالاحساس وتكتب

رساله//


ايمان ترسل وهي تفكر ليه ماتقوله عن عمها خلها تقوله يكون اول انسان يعرف انها متعلقه بروح شخص من اربع سنين بس وش معنى؟؟ايه لانه هو الوحيد الي عرف اني حزينه من غير ماقوله..

بصراحه يأشـتاق لكــ انا مفتقده عمي كثير هو مات من اربع سنين وكل يوم احزن عليه اكثر احس بجنون

ومشكور على سؤالك



الدكتور محمد:يالله حالته غريبه أتوقع هي الشخصيه النرجسيه

الدكتور خالد:انا بعد اتوقع انها هي يتخيل اشياء مو موجوده او اشياء موجوده بس غريبه

محمد:الله يكون في عونه والعلاج اللحين يعني بمهدئات ولاشلون!!

خالد:والله اتوقع بمهدئات لان المرض نادر وماكتشفو له علاجات


الدكتور وهو زعلان على حالة سعود:والمعامله لها دور كبيررر وانت تشوف الجروح المرعبه ويمكن يعاقب عليها القانون

خالد:مأقول الا الله يشفيه بس...


سامي واااااصل حده وضايق خلقه معقول للدرجه هنت عليها

ليه ماتحس فيني خابر البنات يحسون حتى من غير الواحد

مايتكلم ليه ماتفكر فيني ليه ماتحس احس بجنون بموت انا

غبي ليه افكر فيها هي ماتستاهل الى يعبرها لحظه

خلني انام احسن لي مواصل من الفرحه لاعادت من وناسه





العنود قامت من النوم وهي ميته خوف ماتدري وش الي

صار بس سمعت وشافت الشرطه يفتشون البيت بس ليه كيف

ماتدري؟؟؟؟




ايمان تكلم روحها:اللحين وش اسواة اكلم وفاء ولا اطنشها خلني اكلم العنود ابرك لي واشوف حبيبها ش سوى فيها مسكينه وخبله بعد تحب واحد من النت الله يخلف على اهلها بس

ايمان:الووووووو

العنود بصوت هادئ:اهلين

ايمان:اخبارك عنوده لايكون نايمه (تشوف الساعه 3 ونص

العنود:لاارقص الناس هالوقت وش تسوي

ايمان:وهذا جزاء الي يبي يتطمن عليك

العنود:مممممم تقصد بعبدالمجيد

ايمان:ايه وش صار؟؟

العنود:آآآآآآآآآآه آآآآآآآآه

ايمان:اقولك انطمي بس تآآهين علينا يابنت الناس علاقتكم فاشله وبعدين الشباب يبون وحده دينه مو بايعه روحها مثلك


العنود زعلت:انا بايعه روحي حرام عليك والله هو اول واحد اتعرف عليه

ايمان:وربي ادري بس هو مستحيل يصدق

العنود:الا هو مصدقني ويحبني

ايمان:شوفي يابعدهم انتي ماعندك احد يوجهك لازم انا اوقف معك والله ذا يلعب عليك والله يلعب عليك مصدقته

العنود:اوف

ايمان:طيب وش نهاية هالعلاقه

العنود:اكيد بنتزوج ويصير لي انا

ايمان تتكلم باستهزاء:احلفي قولي والله بس لاتنسين تعزميني لزواجكم بس ماقلتيلي بأي قاعه بأي فندق بأي بيت


العنود:انا غلطانه اني قلت لك يالله باي

ايمان:عنوده لحظه ابيك تعطيني ايميله ابشوف بيتعرف على او لأ

العنود:لوسمحتي تسكتين ادري بتخطفينه مني

ايمان تضحك من قلب تتخيل هالموقف:هههههههههههههههههههههههههه ضحكتيني وانا مالي نفس ياللا باي تصبحين على خير بروح انام

العنود من غير نفس:وانتي بعد مع السلامه

ايمان تروح لسريرها وهي منكسر خاطرها على سامي وعلى العنود ومشتاقه لعمها وماخلت احد مافكرت فيه الى غطت في سبات عميق حتى الأنوار نست تطفيها الاجوالها اغلقته من القهر على وفاء الي طنشتها



وفاء نست موعدها لايمان لان ماكان عندها سالفه الا انها مبسوطه وحاسه بأنتصار لانها قالت لأحمد ولازعلته مثل قبل
ماتدري ان تسرعها اكبر خطأ وبذات انه مو محرم لها..
لكن داخلها ميته فرح وخوف ورعب كل شئ فيها عكس الثاني بس الشئ الي تعرفه انها تحبه من طفولتها


ريم باصراخ وتقطع حبل افكارها:وش قاعده تسوين

وفاء انهبلت:افكر ولاحرام بعد

ريم بصوت عالي:تفكرين بأحمدوه !!!

وفاء:مالك شغل افكر بالي ابي.

ريم بعصبيه:انتي بتشوهين سمعتنا ؟؟؟؟

وفاء:اوووووووف والي يفكر بيشوه..

ريم باصرار:اييييييه تشوهينها يالفاسده


من وراها يمسكها بيدها ويعطيها كف بأقوى ماعنده


ريم تمسك خدها:يالنذل

سامي بعصبيه:تقولين هالكلام الماصخ اذبحك فهمتي؟؟؟


ريم تبكي وتطلع برا الغرفه

وفاء انهبلت اول مره سامي يمد يده على احد:سامي رح مو تجي امي تهاوش

سامي وهو يتنفس ويتنهد: بنزل اتمشى بالحديقه

وفاء تحرك راسها دليل الايجاب




ايمان تقوم مفزوعه وبصراخ وتجلس:لااااااااااااااااااااااا
وتنتفس بصعوبه وتحس بخوف وش ذا مين سلطان مين الي كل يوم اتحلمه ليه اتحلم احلام مرعبه قبل شوي بعمي ابراهيم يناديني يقولي مشتاق لك واللحين سلطان مين سلطان وليه يبي يطيحني لييييييه وميين بنجن انا مشكلة احلامي تصدق؟؟

عمي تعال خذني مو مشتاق لي ودايما تقولي ابيك تعال خذني

تبكي من قلب وترمي روحها بالسرير وتضم مخده وهي ميته صياح تحس بضغوطات وبذات من حلمها المتكرر بعمها هل له تفسير هل هو محتاج لها ويبي منها تتصدق او عن جد بتموت قريب وهو يتمنى كذا حتى ترتاح من العذاب الي هي فيه؟؟؟؟؟؟؟؟؟


سامي وهو يتمشى باحديقه يقرب لجوريه ويشمها ويشوف حلزونه ويقرب لها ويتأملها:سبحان الله غريب شكلها!!!

ويشوف كيس ازرق تحت التراب يحاول يطلعها طلعها بسهوله لانها قريبه غريبه وش الي فيها!!!

يفتحها يلقى فيها شعر انهبل استغرب وش ذا

تنزل من الدرج وفاء:سيًوووووووم وش تسوي

سامي بصوت خفيف خايف احد يسمعه:تعالي وفاء شوفي وش ذا؟؟؟؟

وفاء:وش فيك

يفتحه يقرب لوفاء شوفي شعر غريب من ايش وليه

وفاء:يماه تتوقع سحر؟؟؟الخدااااامه اكيد هي الي فرقت بين ابوي وامي وعلشان كذا يتهاوشون دايما


سامي:الله واعلم اللحين بفتحه وارميه واعرف مين المسحور هذا اذا كان سحر


يفتحه سامي ويتناثر بالهواء الطلق ووفاء تحس ببروده من الرعب؟ياترى وش السر

احمد واصل لسابع سماء من الفرحه وماقدر ينام مستااااانس حده وناوي يسوي الى في باله انه يرسل مسج لوفاء وفعلآ ارسل

ووفاء بيدها جوالها لانها قاعده تحاول تكلم ايمان بس المشكله انها مقفله جوالها

رساله جديده=1

يالغالي اللي غالي الروح تفداك
إرفق على روح تحبك وتغليــك
إرفق على قلب معك حيل يغليك
إرفق على عقل بفكره يناجيـــك
إرفق على منهو دوم يراضيـــك
إرفق ترى وصلك اماني حياتي
إرفق على الي دايم في حراويك
(لاتزعلين لاني ارسلت مارسلت الا لأني بموت من شوقي وحبي لك)

سامي بصوت عالي لان وفاء بعيده عنه:احلى يارسايل
انا مايرسلون لي الا الاتصالات عزيزي العميل وعزيز الله لايعزهم

وفاء فاتحه فمها ومو مصدقه مشاعرها تضاربت كل شئ فيها تغير انهبلت وعلطول قفلت جوالها



ممممم تتوقعون وش يصير لها يشوف سامي المسج ويصير تعامل ثاني او لأ؟؟؟؟

هل تزيد وتتطور علاقة وفاء واحمد او احد يقطعها؟؟؟

كيس الشعر الي شافه سامي له صله بسحر ومين المسحور وليه ؟؟؟

العنود وش نهايتها مع حبيبها عبدالمجيد هل نهايه مميزه او مخيفه؟؟

ايمان وش قصة احلامها المكرره مره بعمها الي يناديها ومره بسلطان الي ماتعرف احد بذا الاسم؟؟؟

سعود وش يصير له والمرض هذا وحبه ولريم وعنف ابوه؟؟

اشياء كثير وغريبه بتعرفونها بعد التشجيع والحماس لاني محتاجه لتشجيعكم

^^^^^^^^لفته القصيده للمبدع دااايم الشووووق

محبتكم الى الابد//امونه53

الجزء السادس///

سامي بصوت عالي لان وفاء بعيده عنه:احلى يارسايل
انا مايرسلون لي الا الاتصالات عزيزي العميل وعزيز الله لايعزهم

سامي يتجاهلها ويفكر بالكيس الى فيه شعر لمين هل هو ...ايييه الا اكييييييييييييييد

وفاء فاتحه فمها ومو مصدقه مشاعرها تضاربت كل شئ فيها تغير انهبلت وعلطول قفلت جوالها ارتبكت بشكل يدعى للشك
وكل شئ فيها يرتجف وكلها خوف ويسقط الجوال من يديها المرتجفتين خوف وقلق ووو

سامي يناظر الكيس الى فيه الشعر ومستغرب ويلفت نظره
الجوال الى طاح من يدها

وفاء بارتباك وبخوف اخذت الجوال من الارض واخفته بيديها خلف ظهرها


سامي رفع حاجب ومستغرب من حركاتها:وفاء عسى ماشر

وفاء تناظر بخوف تحاول تخفي ارتباكها بس كلما يزيد

سامي عصب:وش فيك وفاء الرساله من مين؟؟؟؟؟؟؟؟

وفاء بصوت مرتجف:مو من احد ماحد ارسلي


وهنااااء تحول الشك الى يقين عند سامي:هاتي جوالك


وفاء تبعد عن سامي وتركض بسرعه وهي كل عروقها مشعلله تدخل غرفتها وتقفل الباب

سامي جنً وش فيها ذي وش صار عليها مين ارسل لها
معقول تكلم شباب لاكيف الا بس ليه ارتبكت ويمشى بسرعه
وراها وكله خوف على مصير اخته وصل غرفتها المقفله ويطق الباب بقوه: افتحي الباب بسرعه ترا مو لصالحك افتحيه


وفاء بارتباك:والله ماسويت شئ بس كلمته علشان اعتذرله

سامي انهبل مين وليه:مين تقصدين افتحي مو مسوي لك شئ..


ريم جالسه تمشط شعرها عند التسريحه وقامت مفزوعه:شفيك وفو!!!

وفاء انهبلت ريم تدلعها واخوها يهاوشها والرساله؟؟؟؟؟

سامي عصب:وفاااائووو افتحي الباب لاكسره فوق راسك

ريم مرتاعه:شفيه سامي وش صاير له غريب!!! افتحي الباب وانا بتفاهم معه لاتخافين مو مسوي لك شئ...

وفاء تناظر ريم مو مصدقه وتبعد عن الباب لاشعوريا لانها مستغربه بالحيل من ريم وش فيها تحسنت معاملتها؟؟؟؟؟

سامي دخل بسرعه:عطيني جوالك بسرعه؟؟؟؟


وفاء تنزل دموعها وبخوف:تكفى لأ

سامي يمد يده ويلوى يد اخته ويرميها على الارض:حركات اطفال

يفتح الجوال رسايل يشوف رقم مو غريب بس مايدري مين من العصبيه


صرخه بصوت عالي من الخلف:وش ذا الازعاج ماكأن الساعه4 الفجر خير بزران ولامتخلفين

ريم:يمه هدئ اعصابك ترا مايسوى كل ذا

سامي مستغرب وش ذا الدفاع بس تجاهلها ويشوف الرقم اهااا ذا رقم احمد بس ليه لها علاقه فيك شلون كيف!!

ام ريم:سامي وصمخ وش مسوي انت لريم ليه ماد يدك عليها بلاك حيوان ماتربيت

سامي انقهر من كلماتها ومسك يد وفاء وقومها:قومي تفهمين

وفاء تقوم بصعوبه لان الخوف هاد حيلها

ريم:وش فيك على وفاء هد اعصابك ترا مايسوى...

ام ريم تستغرب:شفيك انتي صرتي معهم ضدي

ريم تضحك:يماه وين حنا بحرب...

ام ريم طالعه متنرفزه

سامي يقفل باب غرفته ويلتفت بسرعه لوفاء الى جالسه على الارض ...وغارقه دموعها بعينيها الواسعتين

سامي بعصبيه وصوت خفيف:من متى لك علاقه فيه

وفاء ترفع راسها الى كان منزلته تناظر للارض ترفعه وبنظرات تنكريه:لاوالله ماكلمته الا اليوم انت تدري ماعرف انام وانا مزعله احد...

سامي:وش قلتي له بسرعه تكلمي اعترفي؟؟؟؟


وفاء:قلت له انا اسفه...

سامي وهو يهز راسه بالايجاب ويحط يده من ورا ظهره كأنه محقق:وغيره


وفاء وهي تبكي:والله ماقلت شئ والله ماقلت

سامي:وهو من متى قاعد يرسلك؟؟؟؟

ريم تطق الباب:افتح الباب وهدو اعصابكم شفيكم انتم!!

سامي ووفاء استغربو

سامي:من متى وهو قاعد يرسلك؟؟

وفاء ودموعها على خدها وتبي تبرهن انها مظلومه:شوفه كاتب انها اول رساله ويتأسف

سامي مانتبه للكلام الا انه غزل والرقم بس ماشاف اعتذاره


قرأ سامي وتأكد انها اول رساله وكلم احمد

احمد علطول من غير مقدمات رد بس بهدؤ:الووو

سامي باستحقار:ياهلا وغلا بولد الخاااااله ماهقيتها منك ذا اخر شئ توقعته منك

احمد انحرج:والله ياخوي مو بيدي وربي مو بيدي

سامي:الظاهر فيه شئ اسمه عادات وتقاليد وتقدر تجي من الباب مو من .....
مو معناته اني مشيتها بالروضه امشيه اللحين واشعارك ومادري ايش ذي خلصنا منها لكن جوال وربي ماتوقعتها!!


احمد انتهى من الحرج:والله مادري وش اقول

سامي:ترضى اني اكلم اختك((لاحظو قال اختك ماقال ايمان

احمد:ذي اول مره واااخر مره

سامي ببرود:خلاص يالله باي

احمد استحقر روحه من كلمات سامي الجارحه لو ماجرحه كثير بس حركته جدا مخزيه....

سامي حس انه اذى وفاء وهي مالها ذنب كل ذنبها انها ماتحب تزعل احد مد يده لاخته الى منزله راسها وتبكي بصوت خفيف:خلاص لاتبكين بس كل الى سويته علشاني خايف عليك انتي تدرين لابو ولا ام وجودهم مثل عدمهم!!

وفاء ترفع راسها تناظر لسامي:مازعلت حتى اسامح انا الى اسفه...


سامي ابتسم ويمسح دموعها:لو انك تكلمينه من زمان كان يمديني ذبحتك لكن الحمدلله!!

وفاء:تشك فيني؟؟


سامي:لا انتي الى تخلين الواحد يشك فيك اسلوبك وتصرفك!!


وفاء ابتسمت:التوبه خلاص مابي جوال

سامي:ثقت فييك اكبر من كذا


يطق الباب:ياناس عطوني وجه افتحو لي ياحرام انا المسكينه لحالي برا ماكأني اختكم


سامي ضحك بقوه على صوت ريم واسلوبها الغريب المتناقض:شفتي ياوفاء المسحوره ريم علينا شفتي؟؟

وفاء انهبلت:نعم ايش وش كيف!!!

سامي فتح الباب

ريم وهي واقفه ومتسنده على جدار وحاطه رجل على رجل بطريقه تموت ضحك:لكم ساعه مخليني عند الباب انتظركم ناسين انك لكم اخت

سامي:ههههههههههه تفضلي يأحلى اخت

وفاء فاتحه فمها:وش فيكم تتغزلون ببعض مو قبل شوي متضاربين؟؟

سامي:اصص سكنهم في مساكنهم

وفاء تذكرت الكيس واستوعبت كلام سامي:هلا وغلا بالريم

ريم تناظرهم نظرات بوليسيه:وش كنتم تقولون وش كنتو تحشون فيني؟؟؟؟؟؟؟؟ اعترفووووو


وفاء خافت:لاوالله ماقلنا شئ عنك وربي ماقلنا..!!


الكل يضحك على خوف وفاء وبرائتها ورجوع ريم على طبيعتها واكثر ضحكهم فرحه

وذا اليوم على قد ماهو اسوأ يوم لوفاء هو اسعد يوم لان حست ان لها اخت؟؟اخت!! بس ليه ومين الى ساحرها ووش مصلحته...؟


ايمان بعد الحلم المفزع تروح للمنتداها المفضل وتشوف رساله على الخاص من اشـتاق لكـ:

============
اوريك

طيب طيب طلعتي ولاقلتي لي


============

ايمان غريب لايكون ذا يحبني بس لامستحيل ذا مايحب الا حبيته الى قال فيها القصيده

بس هو حرام دايما يرسل لي اذا طلع ليه ماسوي زيه بس انا ماحب ارسل للشباب على الخاص

لازم اعتذر منه دامه موجود




الماااااااسنجر


انا كل يوم يزيد حبي لك

اخبارك حبيبي عبدالمجيد



ان عشنا عشنا معآ وان متنا تقاسمنا الكفن

قلتيها مليون مره قلنا بخير اخبارك يالعنود


انا كل يوم يزيد حبي لك


افاا شفيك على خلاص لاتدف مممم الى متى واحنا على هالحال



ان عشنا عشنا معا وان متنا تقاسمنا الكفن

ليه شفيه حالنا


انا كل يوم يزيد حبي لك

ترضى اختك وعد تكلم شباب طيب لاترضى على غيرها



ان عشنا عشنا معآ وان متنا تقاسمنا الكفن

لاتجيبين سيرة اختي على لسانك اختي اشرف منك الف مره



((العنود تقوم متفاجئه من هالعباره المرعبه))

انا كل يوم يزيد حبي لك

وش تقصد ؟؟طيب انت تقول تحبني وتقول ماتتلاعب بمشاعر احد وين راح كلامك؟؟؟



ان عشنا عشنا معآ وان متنا تقاسمنا الكفن

اقصد انك مخفه مضحكه ماتوقعتك سهله لذي الدرجه متخلفه انتي وبعدين لمعلوميتك اذا بتزوج باخذ لي وحده من غير النت مو ولا اسكت احسن




العنود
قامت مفزوعه ومرعوبه ساكته ماتخليت انها بتعيش ذي اللحظه ماراح اقولكم وش صار عليها مو قايله انها ماتنام الا بخوف انها تفقده ولاراح اقول انه لو طلبها ان تطلع معه وافقت له وماراح اقول انها تثق فيه اكثر من روحها لا هو روحها بالنسبه لها للدرجه هانت عليه بنت منكسره وحيده لاخت لها ولا ام ولا اخ بكامل قواه العقليه دنيا غريبه
يقولون الحيااااه اسمها وليست الدنيا

وانا اقول دنيا ودنيا ودنيا لانها عباره عن دنيه دنيئه كل الى فيها يجرحون ومايهمهم احد كل الي فيهم مايحبون الا انفسهم مايضحون ولايعرفون ان فيه احساس اسمه الحب ومضمونه التضحيه((التضحيه)) يالي شوهتو صورة الحب كافي تشويه
من بنات وشباب تتوقعون بذا الزمن تصير قصة حب
مثل عبله وعنتر
مثل قيس ولبنى
مثل روميو وجولييت


مع اني ماتوقع الا انا لازم نتفائل لان مالنا الا التفااااائل


العنود بتكلم ايمان ////

ايمان:هلا وغلا


العنود وهي ميته صياح:الووو

ايمان استغربت:عنود شفيك!!!

العنود وهي تبكي:لعب على والله لعب على

ايمان انقهرت:غبيه وتقولين لي بعد تستاهلين ماقولك مافيه احد بياخذ له وحده مايعرفها وتعرفت عليه انتي خبله وتقولين لي خبالك يبيلك تصفيق...

العنود تبكي منهاره ويطيح الجوال من يدها وتتكلم بصوت عالي:حبيبي عبدالمجيد خلاني اكيد كذب عمر حبنا شهر و3 ايام

ايمان ارتاعت ولازم تهديها بس كيف والوقت صبح:لازم اروح لها مافيه لازم




ايمان تفكر وهي تلبس وتتجهز بعد ماخذت الاذن من امها انها بتاخذ كتاب مهم///


يالله صعبه على الوحده تحب واحد مايستاهل
تسهر وتفكر وتنزل دموعها شوق لواحد مجرد يتلاعب بمشاعرها وين الاحاسيس ليه الواحد اذا ماخان مايحس ان لحياته طعم اذا ماقسى اذا ماجرح ليش؟؟؟ الى متى

الواحد اللحين صار مايثق حتى بروحه من كثر مايشوف مصايب غيره ومصايبه ليش؟؟ ليه اغلب الشباب يستعرضون بعدد صديقاتهم وحبيباتهم قصدي الى يلعبون عليهم معقول بينزل واااحد من السماء يغير وجهة نظره (تضحك بسخريه)
انا ماحبيت القريب احب البعيد (تناظر روحها بالمرايا)

::بالله ذا وجه حب ههه


احمد ماقلتلكم عن حاله راسه بينفجر من التفكير يبي يعرف
وفاء الى قالت لاخوها سامي انه ارسل ولا هو شاف وعرف بس ليه ابيها!!!بس مو ذا الطريق يأحمد ولانسيت القيًم والاخلاق





الدكتور معصب:هاي انت وش شخصيته النرجسيه شكلك توك متدرب

الدكتور خالد:وربي اني ادري ان ماعنده سالفه ذا النصاب

الدكتور محمد:احترم الفاظك انا مجرد لخبطت بمسمى مرضه

الدكتور عبدالله:تدري وش الشخصيه النرجسيه؟؟؟

الدكتور خالد:والله على حسب كلام محمد انها شخصيه متناقضه

الدكتور محمد ساكت

عبدالله:انا ادري انك لادكتور ولاشئ وكله واسطه بواسطه

كأني مادري عنك كل شئ شفته بعيني ومابي اشوفك بذا المستشفى

خل واسطتك توديك لمستشفى ثاني

انهبل ارتاع وانقهر وماعنده الا الانتقام كيف ؟؟

الدكتور خالد ممكن تفيدني بعلاجه:انا ادري اننه مو مهدئات ولا ابر ولاغيرها بس ابي اعرف منك شخصيا لاني مبتدئ

الدكتور عبدالله اقولك:لازم مايغصب وبتفاهم وبأسلوب من غير ادويه و

الدكتور تنرفز وتأفف مقاطعه وطلع!!!!




...يابنت الناس اهدئ انتي شفيك تراه مايستاهل!!

العنود:بس انا احبه..

ايمان عصبت:حبك برص انتي وياه!

العنود:ارحميني تكفين ماقدر اعيش بدونه

ايمان ارتاعت:ذا باعك يالغبيه؟؟

العنود:مافيه ابيه قولي له ابيه اكيد يكذب على هو مقالبه كثيره اكيد يكذب

(تهرول مسرعه للجهاز وتفتح الماسنجر وماتشوف اسمه متصل وتنهار على الارض تبكي من قلب لي شهر و3 ايام معه هنت عليه)

ايمان انهبلت:العنود اعقلي وش فيك حرام الى تسوينه اصلن مافيه علاقه تدوم الابعد الزواج يالغبيه يالمغفله اصحي


تدخل امرأه عجوز طاعنه بالسن للغرفه وهي ماسكه طرحتها بيديها الثنتين ومبتسمه بشكل غريب ومقزز ونظراتها غريبه غامضه مافيه احد يقدر يفهمها:ابي ولدي وابي بنتي ابيهم انا الى حملت فيهم وولدتهم بس ليه ماعمري شفتهم ابيهم ابيهم عندكم عيالي؟؟؟؟؟؟؟؟؟؟




ايمان استغربت ووقفت:ذي خالتك

العنود:ايه لاتخافين ذا اسلوبها كل يوم

ايمان:وين ساكنين

العنود:بالملحق الى برا بس مصمم زين

ايمان:وعيالها وينهم..

العنود:حسبي الله على زوجها كل الرجال كذا ذا يخون وذاك خانها!!!

ايمان استانست ان العنود رجعت شوي لعقلها:ايه كذا تعجبيني


العنود ابتسمت ببرود

والعجوز مازالت تتكلم عن عيالها الي حملتهم وولدتهم بس ماشافتهم ......

ايمان:عن اذنك برجع للبيت امي دقت على الف مره

العنود ابتسمت:مشكوره قلبي الله العالم لو انك مو عندي

ايمان:مثل ماتحتاجين لي بحتاج لك

العنود:ان شاء الله ارد لك جميلك

ايمان:مابينا جمايل يالغلا يالله مع السلامه وابتسمي ترا كذا شكلك مو حلو!!



سامي ووفاء وريم مانامو كله جالسين مع بعض


ريم:اقولكم موقف صار معي بالجامعه

سامي ووفاء :قولي

وضحكو على بعض لانهم يتكلمون مع بعض

ريم:انتم تؤام بكل شئ حتى تتكلمون نفس الشئ ومع بعض

سامي:قولي الموقف تراك شوقتينا وضيعتينا..

ريم:مممم مره كنت رايحه للسوق ويجون ثنين بيغازلون قالي واحد:ياحلوه
صارخت انا بقوه قلت وش دراك اني حلوه
الى صار الكل يناظر لي

سامي انقهر غار بس تغاضى

وفاء حست بسامي:لا انتي قلتي موقف بالجامعه

ريم تضحك من قلب لان وفاء ذكيه وكشفتها:هههههههه مو قايله لكم اني طحت قدام الله وخلقه


سامي:احسن لاتقول انك طحتي

الكل:ههههههههه

سعود رجع للبيت وراح للعنود


بعد السلام
سعود:ابي ريم سمعتي تكفين ابيها الله يخليك ابيها

العنود:ان شاء الله اخطبها لك بس ابوي

سعود:الله ياخذه يارب ذا مو اب

العنود حست السقف بيطيح من كلمته ذي:خلاص اعتمد


احمد يده على جواله يبي يكلم البيت ميت على وفاء اشتاق لها بجنون:انا مالي الا اخطبها بنجن ابيها يعني ابيها احبها
لازم اخذها والله لو اخطفها ابيها


ايمان رجعت للبيت وعلطول دخلت النت فيه شئ جاذبها وحست من اسلوب اشتاق لكـ انه يحبها قصدي انه وهي معجبه فيه بجنون ودوم تفكر فيه بس تحاول تلعب على روحها وتتظاهر بالكبرياء

حطت موضوع وتكتب من غير شعور بقسم الضحك

(((اكرهك لكني اعشقك حتى الموت)))


اكرررررررهك اكرهك لكني اعشقك حتى الموت


مستعده اضحي بعمري لجل خاطر ارضيك


حبيتك لكني ابغضك؟؟؟

لماذا لم تسأل نفسك هذا السؤال!!


لان هاذه العلاقه اساسهاااااا فااشله لها اسس غير متينه


علاقه محرمه الحب حلاااااال وانا احبك حتى المووووووت

افكر بك ليل نهااااارآ لماااااذاا؟؟


لان قلبي ليس ملكآ لي!!!


لانك انت من تنصحني في وقت تخلى عني القررررريب


اعرف انك تتسأل من اقصد نعم اقصدك انت انت انت اني اكررررررررهك حتى المووووت


لانك احرمتني طعم النووم

لانك من نصحتني من وقفت بجانبي وانا لاعرفك ولاتعرف عني اي شئ سوا اسمي

لاتعلم كم انا قاسيه لاتعلم ايضا اني احن من قلب الام على اطفالها


احبك الى الابد لمااااااذا؟؟

لانك اول حب واخر انسان اكرهه

اعشقك واتمنى لو ارتكب فيك اسوأ جريمه لم يعرفها الا خالقنا

لمااذا اكرهك؟؟

لاني اشعر بتأيب ضمير ليلا نهارا

لاني اشعر بالخيااااانه


وارسلت الموضوع

وجت بنفس اللحظه رساله من اشتاق لكـ على الخاااص


((هل تعلمين مابداخلي؟))


هل تعلمين ما بداخلي؟

انه اسمى واروع المشاعر

هل تعلمين ما بداخلي؟

انه ارقى لغات العالم

هل تعلمين ما بداخلي؟

انه عالم بحد ذاته

هل تعلمين ما بداخلي؟

انه بسبب فعلك المجروم

هل تعلمين ما بداخلي؟

انه عطاء بلا حدود

هل تعلمين ما بداخلي؟

انه مصدر كبريائي

هل علمتي ما بداخلي؟

انه العشق ياسيدتي

هل علمتي ما بداخلي؟

انه الحب سر سعادة الكون

هل علمتي ما بداخلي؟؟؟

ليت الاماني البسيطة تتحقق .....

بصراحه يإيمان انا معجب فيك حدي

وارجو الرد وبيني وبينك وبصراحه معهوووده




انهبلت ايمان ان افكارهم وحده هو يلفت نظرها بمواضيعه واسلوبه الغريب
ايمان:ممممم مالي الا العب عليه وانتقم من الرجال ايه فكره حلوه(تبتسم لفكرتها الحلوه)
اجل يحب وحده ويبي يتعرف على هي تسليه وش وراي
مثل مالعبت على خمسين واحد غيره بلعب عليه

ارسلت له على الخاص

شعورنا متبااااادل




اشتاق لكــ طار فرح ارسل ممكن نتقابل على الماسنجر//

ارسل ايميله ***************





ايمان قبلته وهي بداخلها اشد انواع واساليب الانتقام

وتبي تعذبه مثل ماهم يعذبون البنات نظرتها للرجال وحده

انهم ياخذون البنات مجرد لعب بمشاعرهم وعواطفهم


الماسنجر

ايمي

هاااايااااتووو


اشتاق لكــ

السلام عليكم ورحمة الله وبركاته


ايمي

وعليكم..........الخ


اشتاق لكــ
اعرفك على روحي انا سلطان ويشرفني اني اكون



ايمان تقوم واقفه ومن غير شعور تطفى الشاشه والهاردسك وتصارخ سلطاااان لا يارب لا مين ذا



اكررد اسفي لكم

ادري تأخرت بس صدقوني مو بيدي

مين سلطان هل بتبدأ قصة حب جديده في هذا العالم ابطالها سلطان وايمان ام لعبة الخيانه لم ولن تنهتي؟؟؟؟


العجوز خالة العنود كيف بتشوف عيالها الى حملت وولدتهم وهي ماشبعت نظرها بشوفهم؟؟؟؟


العنود وش الاحداث الى بتصير لها؟؟؟


سعود بتوافق له ريم؟؟؟بيعرف ابوه؟؟

احمد بينفذ الى براسه وبياخذ وفاء قريب ولا الكل بيرفض؟؟


انكشفت اللعبه وعرفنا المسحور بس مين وليه ساحرينها؟؟


محبتكم الى الابد//امونه53