امونه53

بنت الهدى حبيبتي انتي تشوفين رواياتي مو متشابهات وان شاء الله تطلع مفرحه واونسك فيها.....

المتنحه لي الشرف تقرينها تراا اغلبها واااااااقعي

درب التبانة

اول شي امسي عليكم بالخير جميعا


وثاني شي بقول رأيي للكاتبة المبدعة امونة .. انا الان وصلت للجزء
الثامن للرواية .. ولي شوي ملاحضات

قبل كل شي لازم تعرفين يا امونة انك وصلتي لمرحلة الكاتبة الي نلاحظ
عليها أي خطأ او خلل روائي .. وهذا شي مايزعل لأنك كاتبة
ولك قراء لازم ترضينهم وتحافضين على القمة ..

وانتي بالقمة الان وهذا شي مفروغ منه واذا جاك نقد على بعض
اخطائك معناه انك خالفتي عادتك بالابداع ..


حسب قرائتي للرواية ( وحتى الان ) في الجزء الثامن اقيم الرواية
مقارنة مع رواية الحب بعد فوات الاوان ب بأربعة من عشرة

مقارنة مع الحب بعد فوات الاوان الي اخذت عشرة من عشرة بكل
جدارة


لاحظت في هالرواية انك حبيسة فكرة معينة وافكارك ماتغيرت عن الرواية
السابقة بس تغيير بسيط بالاحداث .. صارت الاحداث متوقعة جداً وواضحة
وتخلو من التشويق عكس رواية عبير الي حيرتنا بمفاجآتها واثارتها

ما اطول عليك

مثلاً .. من الافكارالي ذكرتيها برواية عبير وكررتيها بشكل واضح

حكاية عم البنت المتوفي والي يناديها تجي تموت معه ! وبعد حكاية
الاحلام الي راح تتحقق مع الوقت

وايضاً حكاية الولد الي يحب البنت ويقول لها قصيدة في جمعة الناس
نفس حكاية الولد الي غنى اغنية المعازيم في رواية عبير

ايضاً حكاية البنت المضلومة المتعلقة بأخوها الي فاهمها واهلها مهملينها

واشياء كثيرة مرت علي بالرواية لاحظت انك اسيرة رواية عبير
او انك اسيرة فكرة معينة تسيطر على تفكيرك


للأسف رواية قلوب متكسرة كأنها مسلسل عربي الواحد يفهم كل الاحداث
من اول حلقة ..

على الاقل (حتى الان) ما اظلم الرواية بكملها لأخرها واشوف ..

مع اني اعتقد انك رسمتي فكرتك وصورتي الشي الي يدور بداخلك
من افكار واشياء ممكن تكون واقعية برائعتك ( الحب بعد فوات الاوان )


آآآآسف على الاطالة امونة ولكن من حقي كمعجب بقلمك اني انقدك
بكل صراحة .. لأن النقد هو مرآة الكاتب

وشكرا

امونه53

مساء النور اخوي

تسلم والله لي الشرف


اكييييييييييييييييييييييييد




لا انت اقرأ للنهايه وصدقني بتشوف اختلاااااف شااااااااااااااسع
من ذوقك

روايتي هاذي في ببدايتها كنت تعباانه وكارهه نفسي بجد علشان كذا
حتى انا اكرهه هذي الروايه لاني كتبتها بس مو بأرادتي



وهاذ السبب الريئسي الى خلاني تعبانه تجديد الذكرى بوفاة عمي

المعازيم واقعيه وحصلت لي والقصيده بعد نغس الشئ الاحداث وحده





كملها وشوف ان ماتغير كلامك وخلصها بسرعه وشووووووف




لاااااااا انت اقرأ للنهايه انا ابداعي مايجي الا بالنهايه<<مغروره



اكيييييييييييد من حقك تطلعني على سلبياتي تسلم والله اخوي

درب التبانة

مساء الخير للجميع

الله عليك امونة خلصت الحين الصفحة الرابعة القصة كل مالها وتحلو

بس ياليت نشوف احداث تفرح .. حتى الان زواج سعود وريم حلو ..


والاحلى انتقام وفاء زين انك بردتي كبودنا بدري ..


بس بجد ضحت من قلب يوم قلتي تركي يقول لخوية ( امسكها معي يالرخمة )
هههههههههههههههههههههههه

امونه53

اشوى عجبتك قلت لك ببدايه13 جزء كنت تعبانه واكتبها وانا تعبانه

علشان كذا طالعه ممله<<وبعدين انا اكرهه هاذي الروايه بسبب ظروف تعبي فيها

ويسلمووو واكيد فيها مية خطأ

درب التبانة

سلامتك والله امونه .. انشا الله تعب جسدي ولا نفسي

بعدين كيف ماتعجبني الرواية يكفي انها منك ..

بس ليش تكرهين هالرواية بالعكس حلوة ,, امونة حسايف الحزن يغشى وجهك الطاهر
والورد في وجنتك حرام تغريقه


وشوفي ترا بعد ماتخلصين نبغا رواية كلها افراح واحلام تتحقق ..

والف شكر

امونه53

مشكور اخوي..لاتعب نفسي ولاجسدي بس كنت تعبانه يعني مابي اكتب..


<<==== وربي هاذا مقصدي

روايتي الثانيه مفرحهـ جايب هالقساوه منين

هاذا الرابط كامله بوووورد
رابط مخفي فضلاً قم بالتسجيل - اضغط هنا - خلال 3 دقائق فقط

امونه53

رابط مخفي فضلاً قم بالتسجيل - اضغط هنا - خلال 3 دقائق فقط

الجــ الأخيرــــــزء الثــلاثـــــــــ الأخيرـــون////


خف الحزنـ على العنود...وصارت تفكر بعمتها...يالله من زماان ماجيتها..
خلني ازورها والله مشتاقهـ لها...دام المعزيين خلصو وراحو بشوفها وبعدها ..
برتاح...آآآه ضيقة خلق متى يجي سعود وريم يغيرون الجو احس بكآبه لها اول
ومالها تالي...ايمان تصارع الموووتـ...وفاء راحت وخلتني والسبب مجهولـ...
بس السبب يخص تركي بسبة العداوه...الا ورا ماسألهـ...


تركي وهو يناظر جوالهـ وغرقان بالتفكير ...

العنود:تركي..

تركي يناظر للعنود ويرجع يطالع جوالهـ:هاه..

العنود تأففت من رد تركي السئ:مم وش فيها وفاء عليكـ...

تركي انفزع:مين وفاء..؟؟

العنود:بنت عمتي دايما تجيلك وتضربك وتنهار اذا شافتكـ...

تركي حس بخوف يدبً قلبهـ مالي الا انحاش احسن انا دايما اخاف من هالموضوع...
وسيرته..:عن اذنك انا طالع مجنونه الله لايبلانا..

العنود استغربت ..لكنها لزمت الصمت...

الجرس يدق مرارآ وتكرار...مين ذا المزعجه الى ماعنده احساس...

العنود تأففت :يووووه من المعزيين ماعلى كيفهم وربي تعبت..

تركي ضحك على اخته وراح للباب...

العنود على طول راحت للملحق تبي تشوف عمتها...

تفكر وتناظر فوق وتحت وتتحطم:ماصار عزاء اوف ياكثرهم تعبنا مابي ..والله ماسلم ولااشوفهم

تفتح الباب العنود وينفتح قبل ماتفتحه رباااااااه مين هذا ...الغريب الى قدامي ...
لحظات التقاء اعين العنود مع هذا الشاب الوسيم...الى نزل راسه بسرعه..
والعنود ركضت داخل البيت...وهي متفشلهـ وحالتها حالهـ مين ذا يووه فشيله..
مين الى جالس بغرفة عمتي...آهااااا هذا اكيد سامي يالله فشله ..بس هذا كلها كم يوم
ويصير زوجي ياهو يجنننن معقوله خطيبي بذا الشكل..احلى مني الف مره
العنود تطالع نفسها بالمرايه شعرها طاير شكله يخرع وعيونها تخوف...


سامي يرجع للغرفه ويشوف امه تناظر له ويبي يرقعها:يمه من هالشبح الى طلعلي

ام سامي شهقت:هاذي العنود..

سامي باستهبال :يؤيؤيؤيؤ هاذي خطيبتي والله ماخذها..

ام سامي قامت مفزوعه:لا هي علشانها محزنه والاشكلها حلو

سامي عجبته اللعبه :لاااااالزين زين لو انه قايم من النوم والشين شين لو يسبح كل يوم لا ذي مابيها..

ام سامي حطت يدها على راسها:وش اقولها اللحين

سامي مات ضحك على امه لانها صدقت كلامه ولاهي متعوده على مزحه:هههههههههه


وداااد مستغربه تناظر العنود الى تناظر بشكلها بالمرايه :مين هاذي لايكون انا
لامستحيل ذي وحده تخوف انا احلى منها يالله من جد شافني بهالشكل يع يع يع
اوف اول مره يشوفني وبهالشكل...ياويلي بس ..لاوالله الى انحاش..
لاوالله الى تاب من البنات كلهم مو مني وبس...
ياحسره على انا مين يبيني..اوف ياليتني مارحت بس ..


ودااد:هييييي وين وصلتي؟؟

العنود ترتاع:يماه خوفتيني هلا اخبارك

تسلم عليها

ودااد:عظم الله اجرك..

العنود:والى يرحم والديك لاتقولين هالكلمه تراي كرهتها ...

ودااد تموت ضحك عليها..:ماتبين ربي يعظم اجرك..

العنود:ابيه يعظم بس مليت هالكلمه ...

حموًدي يركض لها..:سلاااااااااااااام عنوده

ودااد تحرك راسها يمين ويسار لولدها الطفل المستحيل يعقل وخايفه يمشى طريق ابوه..

العنود تضمه:هلااااا بأحلى ولد اخباركـ...

حموًدي:انا زين شفيه تروكي طالع شكله اسود...

العنود تضحك من قلب:والله وتمون تروكي بعد هي تراه ابوك..

حموًدي:ماقلتي شئ جديد شفيه هو..

العنود:علشان ابوه مات...

حموًدي استغل الموقف:ماقالو لك انه كان يبكي بقوه عندنا واغمى عليه

العنود:مييييييين

حموًدي بحزن:ابوي..

العنود:واللهـ

حموًدي:ايوالله وشلناه للمستشفى وعطوه ابر زي امي..

ودااد تناظر مستغربه من وين جاب هالسوالف...

حموًدي:وتعبنا وحنا نهديه لكن الرجال مسكين شكله بيلحق ابوه...

العنود حزنت ونزلت دمعتها...

ودااد انهبلت :هيييييي انت وش قاعد تقول...تألف من عندك..

حموًدي:اقول الحقيقه...

العنود تمسح عيونها..

حموًدي يضحك :هاهاهاها لعبت عليكم..انتي ليه تصيحين جدي كان شرير احسن خليه يموت ويروح للنار بعد...

العنود ووداااد انصدمو من كلامه...وحسو انه كلام كبير مو صغير..وكأن احد يقولهـ
ذا الكلام لانه ماجاء من فراغ...


تركي يفكر وهو بالسيارهـ يالله ابوي وجاء يومه والسبب ظلمهـ...انا ليه ماتوب
ليه اخذ مسألة الجد تهور...معقوله ابوي بنفس الطريقه الى ذبح فيها اامي...
مات فيها...ربي مايخلي حق احد...ابوي عزلني عن امي وسوا تفرقه بينا..حتى امي
كانت تميل لسعود وسببت حواجز بينا وحتى العنود الى كان عمرها4 سنين ماكانت
تهتم لها مثل سعود...الولد المدلل لها ..مسكين لكنه شاف بكبره ضعفه مية مره عذاب..
انا لازم اشوف بنت عمتي واعتذر منها بس كيف كيييييف؟؟؟
لازم تحللني وتبيحني ...غلطتي مع ودااد بصححها لكن وفاء كيف...؟اخوها معها
ولو يدري يمكن يذبحني...الشرف مو سهل...علشان اتساهل فيه واعترف واعتذر منهم..
اييييييييه عن طريق قريبها الى ساعدها يمكن اهون؟؟؟ولاعن طريق مسج احسن
حتى ماسبب مشاكل...



ام احمد مبسوطهـ وفيها شوية قلق:تصدقين ياوفو ان الى قعد يبكي عليها ذاك اليوم هو الى تبرع لها....

وفاء حست بخوف وبحزن على حال العاشق المضحى حتى بروحهـ...

ابو احمد:والله مادري كيف نرد له جميله؟؟

وفاء من غير شعور:زوجهم بعض...

ابو احمد وام احمد ناظرو وفاء..

ابو احمد:بس هو ماخطبها...

وفاء تسترد قوتها:ولو خطبها بتوافقون له؟؟

تضيف وفاء: ...لان الى بيحفظها ويخاف عليها وهي ماتقرب لهـ بيخاف عليها وزوجته..

ام احمد:الله يقومهم بالسلامهم واذا قامو طيبين يصير خير...

ابو احمد:الله يشفيهم يارب...



بعد مرور 4 ايام///

من الخوف والقلق على حالة ايمان وحالة سلطانـ...بذات انهم كانو يصحون وكأنهم
غايبين عن الوعي...وفاء تنطق اسم سلطان قدام اهلها ..وترجع لغيبوبتها...
سلطان..حس بتعب لكنه يسأل عن حالة ايمانـ ...الى الكل يطمنه اخوه..واخوها..
احمد حس بشئ بس ماتوقع ابد ان فيه علاقه بين سلطانـ وايمانـ..وفاء حالتها متوتره..


الدكتور يطلع ويشوف قدامهـ سامي الى باين على عيونه الخوف على حالة ايمان..
واحمد...وابو احمد وام احمد والعنود..ووفاء...ومحمد اخو سلطان..

الدكتور:وفاء تعدت مرحلة الخطر...

محمد:وسلطاااااان..

الدكتور ينزل راسه:حالته خطيره..ويحتاج كميه كبيره من الدم..

ابو احمد والكل عورتهم قلوبهم على سلطانـ...

ابو احمد:خوذو دم من البنك..بسرعه..


الدكتور:اخذنا بس ينزف كثير...

وفاء طاحت مغشى عليها....

العنود تمسكها.:شفيك وفاء قومي احد يجيب مويا بسررعه..

ام احمد ضربت خد وفاء وصحت...بعد ماشربوها مويا..

العنود والكل يروح لغرفة ايمان...الا وفاء جالسه هي ومحمد اخو سلطانـ...وسامي
بعد ماقالهم الدكتور مايجلسون اكثر من عشر دقايق لانها لازم ترتاح..



ايمان وش بنقول لها حبيبك تعبان ايمان اذكرها تحبه وتخاف عليه اكثر من روحها..
اذكر عيونها الى تنطق بأسمه كانت مفضوحه ..لكني كنت ادري انها تحبه...كل كلامها
وكتابتها سلطان سلطان،،..



سلطان انسان وفي ضحى بعمره علشان حبيبته الحب نادر بذاالوجود الحب..الصادق..
اختفى من الكل...لكنه رجم قلب سلطان وايمان الحب الغريب...حب مو مثل أي حب..
حب مو من اول نظره مو من اول كلمه حب من كتابه..او عفوا ليس حب ولاعشق
بل هو جنون هياااااام ..لماذا الحب دائما نهاياته حزينه...روميو وجولييت...قيس ولبنى
ايمان وسلطان لاعفوآ ان شاء الله هذا الحب بيغير منهاج الحياة...ويتحول من النهايه
التعيسه الى المفرحه المميزه...





بعد فرحة ابو احمد واحمد على ايمان مبسوطين وواصلين للسماء من الفرحهـ،


ايمان بعد دقائق تناظر للكل ومن غير وعي:سلطان وينه؟؟ماشوفه..

ابو احمد بجزم:تعرفين سلطان انتي...؟؟؟

ام احمد تخفى دمعتها وتقرب لبنتها لتلقطها لأحظانها..

ايمان بنفس قوة ابيها:وكيف ماعرف روحي ..وينه لاتقولون صار عليه شئ..

احمد استغرب وحس بنار الغيره:تعرفينه؟؟؟

ايمان:شصار عليه؟؟قولو لي؟؟

العنود تنزل دموعها وهي تشوف المنظر المؤثر ان ايمان مو فرحانه لشفائها تنتظر
لحظة وجود حبيبها...الى حبته بكل مافيها الى تغيرت حياتها والسبب الحب..

العنود تقرب لايمان:ماصار له شئ بس تعرفين لازم ينوم كم يوم..

ايمان مستغربه ودموعها عالقه بعينها:ينوووم ليه؟؟

العنود:مو تبرع لك بكبده...

ايمان تبكي بصمت:ليييييه لييييييييه انا ابي اموت لان الحياه بتفرقني عن حبيبي..

ابو احمد انصدم:كيف ؟؟عرفتيه...

ايمان:انا احبهـ

ابو احمد بهدؤ وبداخله يغلى من القهر:كيف؟؟

ايمان تبي تجاوب بمنطقيه لان العناد مو لصالحها :مو هو هنا يشتغل وتبرع لي اكيد بحبه وانتو ماحبيتوه ولاكيف

ابو احمد والكل ارتاح لجوابها..:الا حبيناه بس انتي عيب تحبين..

ايمان:الحب مو عيب..ولاليه تتابعون الافلام الرومانسيه..

ابو احمد:ياحبك للعناد المهم ارتاحي

ايمان بنظرات توسل:وسلطان؟؟

ابو احمد:الله يشفيه..

ايمان :من ايييييييييش

ام احمد:لابس شوي تعبان وانتي بعد علشان الكبد ولازم ترتاحين وحتى هو..


سامي يفكر بعمق...اللحين الغريب صار احسن منا احساس ... ليه ماكشفت على
كبدي قبل..ليه حبيت نفسي اكثر من المريض الى يصارع الموت...صحيح انها صارت
ماضي لي لازم اشيله من حياتي..لكن راح يبقى اللحم والدم واحد..راح تبقى بنت عمي
صحيح هي رفضتني لكن هذا مايمنع اني اساعدها للأنسانيه..ليه مافكرت بذا التفكير
العقلاني ..تفكيري محدود جدآ..بس يمكن لو تبرعت لها العنود تزعل..تزعل بصفتها ايش
صحيح خطيبتي...لكن مايمنع ....(يتأفف ويتنفس الصعداء)لو ولو ولو صدق اني طفل
البنت نجحت عمليتها وانا افكر ..الله يشفيك يالي تبرعت لها ويعوضك..كل خير..



يتحرك يمينآ وشمالآ يفتح عينيه ببطئ يفتح فمه ليتحدث ولكن بتثاقل وصعوبهـ:د د دكتور

حينما التفت الدكتور الى المريض:لاتتكلم انتبه يضر بصحتك..

سلطان،، تتحرك شفاته من غير صوت اشبه للهمس:ايمانـ..

الدكتور حرك راسه بسرعه:طيبه بخير اللحين زينه اللحمدلله..

سلطان ابتسم بعسر..وتفوهـ بكلمة :الحمدلله..

ارتاح سلطان من الهم الى كان بداخله فكر لحظه ان الدكتور يكذب لكن مالبث لحظات
الى رجع للغيبوبته..

الدكتور وهو ينظر عبر النافذه ويتنهد الحمدلله حالة اللحين احسن...غريب سره هو والمريضه
بس باين انها..مو مجرد عاطفه...شئ اكبر ..مو انساني بعد شئ اكبر..الله يشفيه يارب
غيًر نظره الدكتور الى سلطانـ الى رجع للغيبوبته وماكتملت فرحة الدكتور الى حس ...
بصدمه داخليه بعد مارجع للتعبه...


سامي يقرب لوفاء:قومي خلاص..مو تحزنينهم بزياده والى يرحم والديك لاتبكين..

احمد يطلع من غرفة ايمان ويشوف وفاء الى منهاره قدامه ويمشى بسرعه لها..والفرح غامره
من اوله لآخره..:خلاص وفاء ايمان حالتها زينه الحمدلله روحي شوفيها...

سامي وهو يناظر لاحمد:الحمدلله على سلامتها وعقبال مانفرح بطلعتها

احمد من قلب :آميييييييييييين..

وفاء وهي تلقى النظر لمحمد اخو سلطانـ:ويشفى بعد الى تبرع لها...

الكل :الله يسمع منك ...

وفاء تقوم علشان بتزور ايمانـ..وتمشى بكل احباط..تتمنى الكل يطلع بكل خير ...من غير مايتعب
احد...وبذات انها شافت سلطان وهو منهار قدامها..علشان ايمان..وحست بعمق حبه لها...الى انعدم الحب هالايام ..الا من هالقلبين الصافيين...ايمان..سلطان...

ريم وسعود<<اخيرآ جاني الدور مابغيتي...

سعود وريم وصلو للسعوديه امس وتحديدآ للرياض ...
والكل كانـ مبسوووط لجيتهم..
قرر حموًدي يسوي لهم حفلهـ...والكل رفض علشان ابوهم..الى ماله اسبوعين متوفي
حموًدي اللحين زعلان...وجالس بالصاله قدامه البلاستيشن...لكنه رافض يلعبه..

سعود وريم والعنود وام سامي وتركي جالسين معهم

العنود وهي عند البلاسيتيشن:تعاااااااال حموودي العب معي ..طفشت الحالي...!!

حموًدي ماد بوزه:مابي العب خلي تركي يلعب معك ولاودااد..ولامن هالى مالين الجلسه..

الكل ميت ضحك على اسلوبه الى مافيه ذرة احترام...

تركي وهو يبي يكتم الضحكه:هي انا ابوك يالتعبان مو تركي ..مطيح الميانه معي..

حموًدي يلقى نظرة استحقار لتركي كما يسميه الولد المتمرد ....

ريم تضحك:هذا وهو بلح كيف اذا صلح..

سعود:ايوالله من صغره الله يعينكم على طوالة لسانه ..

حموًدي يناظر لهم:ماااااااالكم شووووغل فيني انا حررر..

ودااد ماعجبتها هالحركه وخايفه من استمراره مدى الحياه على هالوضع:حمووووووود

حموًدي يناظر امه:أي خدمه ؟؟

ودااد:عيييييييييييب احترمهم عيب

ريم وسعود والكل يضحك...

حموًدي تتحرك شفتيه رغمآ عنه حاول يكآبر لكن مايقدر اكثر ويبدأ بموال البكاء ويهرب من الكل...لينفرد لوحده...

تركي انقهر:ليه هاوشتيه؟؟

وداااد:اذا اليوم نضحك لهـ كيف بكره اذا بنربيه..

ام سامي:ياحراااام طيب توه صغير...

وداااد:هو هذا البلا اذا ضحكنا له بيتعود على هالموالـ...

تركي يقوم متضايق:ماعلى انا بروح اراضيه ..اوديه ملاهي ولامطعم ولا أي شئ

العنود بملل:لااااااا خله يلعب معي بلاستيشن..

سعود يقوم:انا بلعب معك بس ياللا حطي كورهـ

العنود:والله لو تموت تلعب معي كراش دور دور غيره مافيه...

سعود وهو يطفي البلاستيشن ويدزها بمزح:ليه وانا بشاورك..

العنود:تعرفني ماحب الكوره

سعود:بس هي تحبك...

العنود:حبتك انت وياها القراده قول آمين

سعود يضربها بالمخدهـ..

العنود:والله ماااااالعب معك ...

ترمي تحكم اللعبه..

ريم:تخلين زوجي بالحااااااله هين يالشينه..

العنود:انا بقولك شئ..

ريم:وش عندك مافيه العبي مع حبيبي فديت قلبه هو..

العنود:ماااااااالت عليكم قولي امين..

ريم وهي تتنفس تبعد الغطاء:انا بلعب معه واخليك ..

سعود:لاووين وين وين انسى ياحلوه..

ريم:افااااااااا ليه..

سعود وهو يغمز لها:خلاص انا لعبت مع الكمبيوتر..احسن منك لعب...

وداااد تضحك من قلب...

ام سامي:رجال وش تبين منهم صدق نذالهـ..

الكل يضحك على كلام ام سامي الى كان من قلبها تقولهـ


....كنت ادري عن علاقتك انتي وسلطانـ..

ايمانـ:كيف؟

وفاء:اصلن انتي مفضوووووووووووووووووووحه وانا كنت ساكنه معك

ايمان تبتسم:بذمتكم طمنوني عليه..

العنود:اللحين ابوك عنده راح يزوهم رغم ان زيارته ممنوعه

ايمان قبضها قلبها:ليييييييه ممنوعه اكيد فيه شئ

العنود انتبهت لكلامها الى مفروض تحسب لكل كلمه الف حساب:لا حتى انتي ممنوعه تعرفين العمليه مو هينه..

ايمان:طيب ابي اكلمه..((ايمان تضغط زر الطوارئ

جاء الدكتوووور والسستارات بسرعه...

العنود وفاء استغربو مايدرون وش السالفه؟؟

الدكتور:فيه شئ وش صاير..

ايمان:ابي اكلم سلطان..

العنود ووفاء ابتسمو ...لانها ماتقدر تخفي مشاعرها اكثر من كذا
وانشغالها الباين عليه...

الدكتور تنهد :لاحول ولاقوة الابالله ممنوعه المكالمات...

ايمان:طيب ابي اشوفه..

الدكتور:ان شا ء الله اذا خفيتو من تعبكم تطلعون سواء




....طهووور ان شاء الله ماتشوف شر يالطيب الله يخليك لاهلك ان شاء الله

سلطان يناظر ووبهمس:الشر مايجيبك

ابو احمد:أي طلب تبونه انا بالخدمه...جميلكم مانساه طول العمر..

محمد:الله يسلمك ويطول بعمركـ

ابو احمد:اهلك بيزورونه؟؟ لان ودي نصير عايله وحده..

محمد ابتسم ببتسامه باهته:اهلي مايدرون ..

ابو احمد:لييييييه؟؟

محمد:هو مايبي احد يدري..

ابو احمد:الله يجزاه كل خير ومايشوف شر..ان شاء اللهـ

.
...انا اقولك كيف؟؟

ويضيف:ياغبي عيب تكلم الى اكبر منك كذا فهمت

حموًدي يناظر المطعم الراهي والمميز:واللحين جايبني علشان تسد نفسي ولا ايش؟؟

تركي ماتمالك نفسه ضحك لان كلامه طالع من قلب...

حموًدي:طيب بابا متى تسكن معنا؟؟

تركي ابتسم:الاسبوع الجاي...ان شاااااااءا لله..

حموًدي:بس ماتنحاش زي دايمآ

تركي:هههههههههههههههه

ابو سامي يدخل المستشفى وبيده زجاره...

الممرض:لو سمحت ممنوع التدخين..

ابو سامي يرمي الزجاره بالارض ويمشى بلامبلاة..

الى وصل قسم الكبد الوبائي..

سامي شاف ابوه الى من زمان عنه وراح يمشى له:هلا بالغالي..

ابو سامي ببرود:هلا هلا

سامي:اخبارك يبه وينك؟؟

ابو سامي:امس جيت من مصر..ام الدنيا..

سامي حرقه قلبه وبذات ان افكار ابوه مثل المراهقين:الحمدلله على السلامه

ابو سامي:وين غرفة بنت عمك بسلم عليها واطلع تراي مو فاضي..

سامي:الغرفه الى قدامك..

ابو سامي ينبس بسامي:اخبار امك..

سامي باستخفاف.:أي ام فيهم؟؟

ابو سامي:امك يالخبل؟؟

سامي يبي يرفع ضغطه:يعني امي الجديده ولاالقديمه؟؟

ابو سامي يضرب براس سامي ويمشى وهو معصب...

وفاء تشوف ابوها:هلاااااا يبه اشتقت لك اخبارك

ابو سامي:الحمدلله انتي شلونك

وفاء:انا زينه

ابو سامي وهو يسلم على ايمان:اخبارك ماتشوفين شر..

ايمان:مايجيك الشر عمي..

ابو احمد يدخل :وانا اشم ريحة الغالين هلا ومرحبتين

ابو سامي:هلاااا واااااالله ..الحمدلله على سلامة بنتك..الا هي وش اسمها

ابو احمد يضحك:ههههههه خلك عن مزحك المهم اخبار مصر..

ابو سامي يمسك ابو احمد ويطلعون..:والله ياخي فاااااتك مصر بجد ام الدنيا وناسه
كل ماجيلها احسن من الى قبل..

ابو احمد :كيف..


وداااااد....في بيتها هي وحموًدي..

تركي وبيده بوكيت ورد احمر:ممكن ياحموًدي تروح لغرفتك؟....

حموًدي يناظر لهم بخبث:من اللحيييييييييييين..

ودااد انحرجت لكن تركي مات ضحك عليه..

حموًدي:طيب طيب بطلع

حموًدي راح لغرفته...

تركي:وش رايك نرجع لبعض ياوداااد

ودااد ناظرت له بتعجب واستغراب ومشاعرها متعاكسه ..

أيظن ..؟

أيظن أني لعبة بيديه

أنا لا أفكر في الرجوع إليه

اليوم عاد كأن شيئاً لم يكن

وبراءة الأطفال في عينيه

ليقول لي : أني رفيقة دربه

وبأني الحب الوحيد لديه

حمل الزهور إلي كيف أرده

وصباي مرسوم على شفتيه

ما عدت أذكر والحرائق في دمي

كيف التجأت أنا إلى زنديه

خبأت رأسي عنده وكأنني

طفل أعادوه إلى والديه

حتى فساتيني التي اهملتها

فرحت به ورقصت على قدميه

سامحته وسألت عن أخباره

وبكيت ساعات على كتفيه

وبدون أن أدري تركت له يديّ

لتنام كالعصفور بين يديه

ونسيت حقدي كله في لحظة

من قال إني حقدت عليه

كم قلت لست عائدة

ورجعت وما أحلى الرجوع إليه


<<الخاطره وصفت مشاعر وداااد والاحداث صارت بينهم

من شوق وحب وكبرياء اغبياء لايعلمون ان الحب تضحيه كحب سلطان وايمان
وليس العكس...


بعد شهر كاااامل


مرت الايام بكل صعوووووووووووووبه على سلطان وايمان الحمدلله سلطان...تجاوز حالته
وايمان بعد خفت وصارت لها مراجعات...البيت نور بوجود ايمان ووفاء...
الكل طاااير من الفرح ...



ايمان..حاولت تزور سلطان لكن كل الطرق المتشعبه صعبه جدآ من خروجها..
واحمد وابوها..وامها كانو ملازمينها...
حتى المكالمات مرفوضه..صحيح مادرو عن علاقتهم
..لكن الشوق فضحها بكت...ودما قلبهها حزن...لكن مالها الا الصبر...امها حست ان
فيه شئ...بينهم لكن عقلها ينكر ذا الشئئ...لان ثقتها ببنتها اكبر من نزوات..شيطانيه
عابره...ايمان تعذبت ذاقت الويل..تمنت الموت ولاالبعد عنه..صارت المرسال
كم يسمونه مرسال الحب...هي العنود ووفاء يسألون عن حالته فقط..والدكتور
كان يبلغ سلطان عن اسألة ايمان المتكرره لهـ حتى لو طلع ثواني ورجع نفس السؤال
...اخبار سلطانـ...
اما سلطان كان يحس بوجودها يتلهف لسماع اخبارها ...حبيب بمعنى الكلمه...عاشق
متولع بحبيته ..حبهم كان اطهر بالوجود..حب ليست لمصلحه ...حب مراسلات من قلب
صادق ...لقلب وفي صريح..
ليت كل الى الرجال مثل سلطان...كان مافيه احد خانـ..
وليت كل البنات مثل ايمان..كان مافيه نصب وخدااع






ابو احمد وام احمد واحمد//


وكلهم شكر وامتنان لسلطانـ...الى كان معزوم للحفله لكنه رفض الحفله وطلب ان يكون

الفرح 2 بواحد..

تردد كثيرآ ابو احمد وام احمد والسبب انه من البشري....

ابو احمد:والله الولد خطب وشكلي برفضه

ايمان حست بنغزه قويه بقلبها وبصراخ:ليييييييييييييييييييييييه؟؟

ابو احمد:ماهوب من ثوبنا...

ام احمد:سامي ولد خالتك احسن لك

ابواحمد:ايوالله..

ايمان:مستحييييييييل وانا اصارع الموت ماتبرع لي الا سلطان اخليه واتزوج الى ماضحى وتبرع حتى بدم والله ماخذه لو على موتي...

احمد:لاتعصبين علشان ماتتعبين..سامي نعرفه..

ايمان:بس انا ابي سلطان والى بيعيش معه انا مو انتم وسامي ماعتبره الا اخوي يعني مافيه امل وتكفون لاتعيدون السالفه...

ابو احمد:ولاتعيدين السالفه سلطان انسى

شهقت بقوه ايمان وانفجرت باكيه ...قدام الكل ووقفت بصعوبه وطلعت لغرفتها..الكل تأثر لمنظرها..وحسو بحجم معاناتها وش ذنبها اذا فيه مشاكل قبليه الى اللحين..

احمد يلحق ابوه:يبااااااه وش فيه الولد انا سألت عنه وزين ومافيه مثله

ابو احمد:مو عاجبني مابيه

ام احمد تدخلت بالحوار:ناسي ان لاوالله ثم هو كان بنتنا تحت التراب..

ابو احمد حس بشئ بداخله...

احمد:الله حفظها وهي حيه وضحى بعمره بيخاف عليها وهي زوجته..

وكاااانت هاذي الكلمه لها آثر كبيرررر بنفس ابو احمد...


سلطان:الله يستر شكله رافض..

محمد:ايوالله انا اشك من كلامهـ..

سلطان بخوف:يعني شلون لو ماخذها بموت ..

محمد:لاان شاء الله انا بزوره بكره بدوامهـ..واحاول فيه واخليه ينسى الماضي

سلطان ابتسم بخوف:ثقتي فيك كبيره ياخوي..



...لو دخولي للجننننننه بزواجي لك ...والله ماقبلها؟؟

ابو سامي:طيب انا وش فيني...

ام سامي:المؤمن لايلدغ من الجحر مرتين خلاص عافك الخاطر..

ابو سامي:اعيشك بنعيم بقصر كله خدم وانا وعيالك فيه

ام سامي:ولدي كلها كم يوم يتزوج وبعد بنتي وانا مو محتاجه لك ..

ابو سامي:يابنت الحلال غيري رايك دام فيه احد مشتريك

ام سامي:الله لايحيجني لك..لاتفكر فيني واذا نطقت اسمي اعتبره ذنب ولازم تتوب..

ابو سامي:مجنونه اللهم عافنا

ام سامي:حسبي الله على الى جنني


ريم :ان شاء الله اذا جبت المولود نسافر لفرنسا بجد انها تحفه ..

العنود:من كثر ماتقولين لي عنها شوقتيني لها خلاص بموت..

ريم:مو عايشه الى ماشفتها..

العنود:يوووووووه خلاص عاد ارحمينا

سعود وهو داخل:ترحمك من وش؟

العنود:ابي اروح فرنسا...

سعود:لااااااااااااااااااااااااااااااااااااااااع انسى سامي يوديك اذا عرستي عليه..

العنود تخجل وتحمر وجنتيها حياء...

سعود:اييه تراه كلمني انا وتركي..

ريم:ايه تركي وش سوا وافق...

سعود:تركي مادري شصارله تردد وخاف وعرق وبعدها قال سوو الى تبون هههههههه

الكل اكتفاء بالابتسامه..

ريم:يعني وش قلتي موافقه على اخوي؟؟

العنود تقوم متنرفزه:اوف تبون تحرجوني ايه موافقه اووف ماتفهمون..

الكل يضحك عليها من قلب...


تم عقد قرآن تركي وودااد عكس قبل الى كان شبه المسيار او العرفي المحرم....
ودااد مبسوووووطه لاخر حد وحموًدي بعد لكن عكر مزاج ودااد سالفة وفاء...
الى قالها عن تفاصيلها..وطلبها تروح تطلب الصفح منها..وافقت ودااد بدون تردد
لانها تتميز برزانتها وعشقها للمواجهه..انبسطت من اعتراف تركي..لان ذا بيدل
على انه بيتوب عن ماضيه ويبدأ بشكل جديد..

سلطان...ومحمد بمكتب ابو احمد...

ابو احمد:والله انتو خيركم علينا مو قليل ولنا الشرف والعذر والسموحه على ترددي..

سلطان وصل للقمه من الفرح حس بقوة انتصاره..حس بالعالميه بالنجوميه علشانه حقق الى يبيه..

محمد:ان شاء الله نكون عند حسن ظنك يالغالي وان شاء الله بيحافظ عليها وهي بنتنا مثل ماهي بنتكم..

سلطان سكوته عبر عن مدى فرحته..

وفاء وايمان جالسين بالصاله يتناقشون عن سلطانـ...

وفاء بحزن:تصدقين كان بالرسبيشن وامك جت وهي تصيح وتقول ايمان

ايمان:ايوه كملي؟؟

وفاء:قال ايمان ايش؟؟قلنا ايمان المسعودي...

وتضيف قائله:تصدقين انهاااار وصار يركض منن كل اتجاهه انا لو ماشفت بطاقته كان ماعرفت؟؟

ايمان وهي خانقتها العبرهـ:كملي

وفاء:اقولك العنود قالت لي شكله سلطانـ لان الموظف الى معه قالنا اسمه لكن صدقيني..وربي انه ولاكل الرجال الله يخليكم لبعض ويتمم فرحتكم يارب..

ايمان:تصدقين توقعت اني بموت علشان كذا الغيت علاقتنا المحرمه ولاهو كان ناوي نتزوج

وفاء:وانا استغربت ماتوقعت ان فيه احد وفي هالايام..وبعدين حسيت انه حبك من قلب..

ايمان مبتسمه..وبقلبها وجع على معاناة حبيبها وكلها فخر انه اثبت رجولته للكل..وانه خيب ظنها
وظن العالم

وفاء:كنت بنصحك ايام قبل واقولك مافيه حب انتي تتوهمين لكن بعد ماشفته وربي حالتكم تقطع القلب..

ايمان:كيف؟

وفاء:نجيلك تسألين عنه واهلي يزورونه يسأل عنك...ياختي تراكم طيحتو كرت روميو وجولييت

ايمان:هههههههههههههههههههههههههههه طيحناه من زمااااااااان

ايمان بحزن:وربي اشتقت له لي شهر ماكلمته ابي اكلمه

وفاء:ان شاء الله تكلمينه بحلال مو بحرام..

ايمان تنزل دمعتها:وربي بموووووت مادري كيف حاله...

وفاء:طوووووولي بالك حاله انه قاعد يفكر فيك لليل نهار ويجهز عش الزوجيه..

ايمان بحزن وآسى:ياااااربي والله ماقدر اعيش ...مشتاقه لوجودهـ

وفاء:ربي يجمعكم ان شاء الله قرررريب


صوت رجولي يتنحنح لغرض الدخول:ياولد

وفاء تهرع لغطوتها ووتغطى بسرعه...

ايمان:ادخل ماقدامك الا زوجتك يالتعبان

وفاء خجلت..احمد بعد خجل وتفوه:ياطول لسانك يالدبا رجعتي ورجعة شقاوتك معك

ايمان ووفاء:ههههههههههه

احمد بيدهـ هديهـ:تفضلي يأغلى بنت بالدنيا

ايمان تقوم واقفه وتاخذ الهديه وتبوس اخوها:تسلم يأحلى اخ بالعالم

وفاء تجرأت على احمد خلال الفتره الماضيه اكثرمن شهرين تعودت عليه..

وفاء:وعليكم السلام....

احمد يضرب راسه:يؤيؤيؤيؤيؤ اسفين والله اخبارك وفو ..

وفاء:الحمدلله ولاخلاص نسيتونا..

احمد:ماعاش الى ينساك يابنت العم...ماساعدنا ببعد ايمان الا انتي

وفاء :هههههه ربي يخليكم لبعض يالدلع انتي مايمدينا عليك

ايمان وتفتح الهديه وتشوف جوالـ N 70 ايمان طاااارت فرح لانها تشوف سلطان بذا الجوالـ

ايمان تبوس اخوها:تسلم والله

ايمان من غير شعور تطلع من الغرفه وتطلع فوق...

احمد استغرب..:شفيها؟؟

وفاء ماتت ضحك من البنت الى مو قادره تسيطر على مشاعرها:مجنونه ماعليك منها..

احمد:تعرفين سلطانـ؟؟

وفاء بحماس:ايه الى تبرع لها؟

احمد:ايييه ابوي وافق لهـ

وفاء تقوم واقفه:والللللللهـ؟

احمد:اييييه وخلاص الزواج والملكه بيوم واحد بعد شهر لان العريس مستعجل..

وفاء نزلت دمعتها من الفرحه:الف الف الف مبرووووووووووووك..

احمد ينادي:سااااااااااااااامي تعال ماقدامك احد الا اختك والله يبارك فيك ياوفاء..

سامي :متأأأأأأأأأأأكد...

احمد:لاياشيخ يعني بخليك تجي واختي موجودهـ...

سامي وهو يشوف وفاء:وانت تمون انت ووجهك تجلس عند اختي لاااااا مو على كيفك..

احمد ابتسم وغمز:المووووهم الى اتفقنا عليه...

وفاء:يااااااسلااااام اسرار من ورااي...

سامي:والله عشنا وشفنا وين وفاء الخجولهـ؟؟؟

وفاء بحزن:كاانت خجوله فعل ماضي ...

احمد فهم مقصدها...وطلع وهو حاس مو بهم الا بجيوووش من الهم بقلبه على حزنها..
وماضيها..الى كل ماصار ماضي...لازم يكون حاضر وتذكر الناسي فيه...



سامي حاس بحزن لكن مايبي يبينه:الماضي انسيه..

وفاء:انا مهما كان بنت مستحيل انسى الى صار لي..

سامي:ايمانـ والى تبرع لها زواجهم بعد شهر ...وان شاء الله انتي وأحمد...

وفاء:ايمان كيفها لكن انا لأ.؟..

سامي منصدم:لييييييييييييييييييييييييييييييييييييييييه؟؟؟؟

وفاء:انا اعزه واتمنى له الخير مابي اخدعه..

سامي:كيف تخدعيينه وهو اول مادرا عنك.؟؟

وفاء:والله مادري مادري تكفى ولي يرحم والديك لاتعيشني باحلام ماستحقها...

سامي:عاااااااد عن الدلع وحركات البنات مابيها خلاص هاه شقلتي..ياللا علشاني...

وفاء ودموعها عالقه بعينها:مااااقدر...

سامي:حتى يصير زواجنا بليلة وحده...

وفاء انصدمت:انت بتتزوج العنود الشهر الجاي؟؟

سامي:ايه شرايك؟؟

وفاء وهي تتذكر ان سبب التعاسه هو اخوها:الله يوفقكم..

سامي:وانتيييي

وفاء بتردد:والله مادري مادري وابوي وش قال؟

سامي:عمي كلم ابوي وقال سوو الى تبون...

وفاء بغير استيعاب:طيب...

سامي بفرحه:ياهووووه والله وناسه انا واختي بنفس يوم زواج صديقي واخته ههههههه

وفاء:صديقك ولا ولد عمك يالغبيي


.....:حياتي اخبارك اشتقت لك...لي شهر عنك يالظالم..

سلطان:دقيت عليك مليوووون الف مره جوالك مقفل مبسووووط طاير فرح انا

ايمان:ان شاء الله دوم وحتى انا فرحاانه اخيرا سمعت صوتك بس ابوي بيحرمنا من بعض..

سلطان مغمور بالفرح:حبيبتي ابوك وافق وزواجنا حددناه بعد شهر..

ايمان بصراخ:احلللللللللللللللللللللللللللللللللللف...

سلطان:وربي ماكذب خلاص اخيرآآ قصتنا بتكتمل اخير حبيبتي..

ايمان:معقوله الحب المستحيل يصير واقع وقدامي..

سلطان:احببببك

ايمان تبكي...

سلطان:تبكين صح..

ايمان:مادري

سلطان وهو مبسوط:خلاص شهر وانتي معي

ايمان:ربي يخليك لي

سلطان:ولايحرمني منك يالغلا

ايمان:كيف وافق ابوي

سلطان يتنحنح:احم احم قلت تزوجنياها غصبن عليك ولا ترا اخذ كبدي

ايمان:هههههههههههههههههههههههههههههههه وبعدين

سلطان:بعدين بصير معك يالغلا

ايمان:شهرررررر

سلطان:وتصيرين معي

ايمان بعصبيه:لااااا ياغبي شهرررر عني ياظالم شهر ماكلمنا بعض

سلطان:شسوي لك انتي مقفله جوالك وبعدين تو ماطلعنا من المستشفى

ايمان:ربي لايحرمني منك يأعظم انسان بالدنيا

سلطان:ويخليك لي يأحلا ملاك...ممكن تسمعين..

ايمان:وش اسمع

سلطان:ذي الاغنيه الى اتخيل وجودك اذا سمعتها

ايمان:طيب بسمعها

سلطان يحط اغنية محمد عبده:


الله يخلييييييك يأعز انسان..
الله يخليك ياااني بولهان

==== ايمان تنزل دموعها


الله يخليك يأعز انسان
الله يخليك ياني بولهان
بغيابك الكلمه تعجز في نحرها
وبقربك الليله يحضنها قمرها
في صوتك دفا....
وفي عروقي وفاء


====== ايمان تحس بمشاعر فرح فوق أي لحظه الكل يتخيلها

في صوتك دفا
وفي عروقي وفاء
وشعوري تعرفه:
احبك
احببببببك
يابعد كل الازمان
الله يخليييييييييييييك

=====تبكي من الفرحه ومن احساسهم المعذب ومعاناتهم الطويله..

ليت الحزن تنساه عيونك معي
وضيم الليالي يفارق مجمعي
ليت الحزن تنسااااه عيونك معي
وضيم الليالي يفارق مجمعي
ابنتظر لحظه تهنينا سوا
بارق امل يشع في لليلك ضواء

====== حست بقوة معانات سلطان وبألمه في بعدها الى شابهه حزنها فيه

عل وعسى القاك
في خاطري احيان
وبشووووق اترجاااك
اترجااااك
تبقى معي تبقى معي
وعل وعسى القاك
في خاطري احيان
وبشووق اترجاك
اترجاك
تبقى معي
الله يخليييييييييييييييييك

ايمان:احببببببببببببك
سلطان بنفس اللحظه:احبك
ضحكو على الصدف ...


سلطان يكمل ويحط الجوال على الاغنيه...

سألت الشمس انا عنك...
قال نورها مشتااااااااق!!
سألت الغيم عن وجهك؟؟
قال لشوفتك شفاااااااق..

لقيت ان دنيتي كلها وجودك
وبصرخت لهفتي لابعد حدودك
انا المشتاق انا المشتاق
لعيونك انا مشتااااااق
يأعز انساااااان عل وعسى القاك
في خاطري احيان
وبشوووووق اترجاك اترجاك
تبقى معي تبقى معي
عل وعسى القاك في خاطري احيان
وبشووق اترجاااااك اترجااك تبقى معي
الللللللله يخلييييييييييييييييييك

ايمان:ويخليييييك يارب...

سلطان:تصدقين اشتقت لكـ...مو كن شهر بعيد

ايمان:ولاكلمه وشهر مخليني..

سلطان:ايمانوه ياويلك ترا تعيدينها انتي تقفلين جوالك وتزعلين غبييييييييه

ايمان:لاولو تحاول

سلطان:مااااااااااااااابي احاول ولاكلمك زين

ايمان تتظاهر الزعل:احسن وخلاص مافيه زواج

سلطان:هيييييي بس قبل رجعي كبدي..

ايمان+سلطان:ههههههههههههههههههه

امونه53

يدق جوال وفاء....

وفاء:الوو

صوت انوثي طاغي.....:السلام عليكم

وفاء :وعليكم السلام

...:وفاء؟انتي

وفاء:ايه مين معي..

....:انا وداااد

وفاء:والنعم

ودااد:يقولون الناس عاشت الاسامي

وفاء خجلت:أي خدمه؟

ودااد:ابي نتقابل انا وياك اليوم..

وفاء:وين

ودااد:بأي مقهى او مطعم نسائي او منتزه او ملاهي الى تبين؟؟

وفاء مستغربه:انا ماعرفك ومستحيل اطلع

ودااد:ابيك بموضوع خاص...

وفاء:تقدرين تقولين بالجوال..

ودااد:لازم اشوفك

وفاء:خلاص تعالي للبيت اطلع لا..؟

ودااد:طيب اذا جيت اقدر اكلمك بروحك..

وفاء:ايه بس وش الموضوع..

ودااد:خلاص انتي في بيت ايمان صح؟

وفاء استغربت:ايه

ودااد:خلاص نص ساعه وجايه

وفاء:الله يحيك

ودااد:الله يسلمك مع السلامه

وفاء:مع السلامه

وفاء تسكر الخط وتشوف الجوال ومستغربه وش السالفه

ولاحظت استغرابها ام احمد الى داخله وبيدها كوكتيل...

ام احمد:عسى ماشر شفيك؟؟

وفاء:والله ياخاله مادري ذي وحده اسمها ودااد وتعرفني وتقول لازم اشوفك

ام احمد:الله يحيها..

وفاء:بس انا ماعرفها؟؟وتقول ابي تكلميني لوحدك او نطلع لاي مكان

ام احمد بابتسامه خبث:قولي لها خلاص انا اعرست انسى

وفاء تبتسم ولقت انها الفرصه المناسبه تكلم ام احمد وتبرئ ذمتها..

وفاء:خاله انا ماصلح لولدك...

ام احمد وهي تعطي وفاء عصير:اخذي العصير ولاعاد تقولين هالكلام

وفاء:انا ابي له الخير

ام احمد:وانتي الخير كله..

وفاء:بس انا

ام احمد:لابس ولاشئ خلاص حنا راضين فيك وبعدين لاتنسين ان ماكان فيه شئ بإرادتك

وفاء تقوم وتبوس راس ام احمد:انا ممتنه لك ياخاله

ام احمد:الله لايخليني منك يأحلى عروسه ...وع لفكره ترا خالتك ام ريم بتجي اليوم تقول مشتااااقه لك انتي وايمان والكل..

وفاء:وربي حتى انا مشتاقه لها..

ام احمد:الا وين ايمان..

وفاء:راحت فوق..

ام احمد:ايه احسن ترتاح..

وفاء:عن اذنك ياخاله ابي اجهز عصير وحلا وقهوه ع لبال ماتجي الضيفه الغريبه..

ام احمد تناظر لوفاء بأعجاب البنت حلوه ولبسها دايمآ ساتر واخلاقها حلوه..وذكيه..كل الصفات الحلوه اجتمعت فيها...تحس انها محظوظه فيها..


بالسياره تركي وحموًدي....وودااد..

تركي:يرحم امك ياودااد لاترجعين الا مقنعتها تسامحني

حموًدي يتأفف:تسامحني وتسامحني والله لو انها امك.. يالعفن

تركي وهو يلعب بشعر ولده:انت ماتنزل حتى ماتفضحني انت تجلس هنا معي

حموود:مابيك هي غصب

وداد تضحك على رد حموًد...

تركي:افاااااااا اجلس لحالي..

حموًدي:انزل معنا

تركي:لاعيب كلهم حريم انت رجال معي

حموًدي:بس انا احب وفاء ابي انزل عندهم

ودااد وتركي شهقووو..

ودااد:وانت شعرفك اني بروح لوفاء.؟؟

حموًدي:سمعتك وانتي تكلمينها ..

تركي استانس على ذكاء ولده المبكر لكن الله يستر اذا كبر...:ياللا وصلنا انزلي

حموًدي وهو فاتح الباب:ابي انزل مع امي

تركي بعصبيه:حمووود

حموًدي خاف بس يبي يبرر:الرسول قال امك ثم امك ثم امك يعني امي ابي اروح معها

ودااد وتركي هلكووو ضحك على تأليفاته للأقناع...تركي قدر مشاعر ولده
ولهفته للجلسه...:خلاص رح يالبنوته هههههههههه

وداااد:فمان الله ..

تركي:مع السلامه يالغلا

ودااد طلعت وهي منجنه على اسلوبه الحلو

حموًد وهو حاط يده على اذنه لغرض الاستفزاز:باي بااااااااااااااااااااااااااااي ابوك وامك بمخباااااي هاهاها


تركي يضحك من قلب..هههههههههههههههههههه ..كيف انا عايش بدونهم..
مين انا قبل لاعرفهم...معقوله قدرت اعيش بدونهم ..كانت لي زوجه وام...
وفيه لي ..وتحبني بأخلاص صحيح قبل كنا بانين علاقه محرمه ..وهي الزواج العرفي
لكني ماتوقعت بيوم من الايام احبهم واشتاق لهم..طلع لي ولد ذكي عمره 5 سنوات
آآآآآآآآآآآآآآخ خمس وماعرفته الا هالسنه معقوول انا اب...زوجتي وفيه متفاهمه..وذكيه
اخلاقها طيبه فقدت ابوها بسبب علاقتي معها...لاكنها مازالت متعلقه فيني..
ودااد انسانه جميله..والكل يتمناها ...وانا قبل متخلي عنهم...مأسألت نفسي هالسؤال..
انا كم لي ولد؟؟؟معقول بيجي يوم ويطلع لي حموًد ثاني...مابي اكثر من هالجنه الى انا عايش
فيها ياااااارب تمم على بخير ...ويارب تبً على ...ويارب ارضى الناس فيني..


ايمان سلمت عليهم واخذت حموًدي وراحت فوق تبي تتابع معه فلم رعب...

ايمان وهي تضحك:وربي ياودااد لاطلع عيونه بفلم بعد شوي اخليه يعرف يطول لسانه..

ودااد:هههههههههههه ياويلك عاد الا ولدي..

حموًدي وهو متحمس:يعني بتخوفيني خلينا نشوف ..

ايمان:تتحدى..

حمودًي :واتحدا عشره من اشكالك

ام احمد:اافااااااا شكل الدعوى كايده ههههههه

ودااد:وبقووووه

الكل يضحك..ههههههه
ايمان اخذت حموًدي وراحت فوق تبي تتابع معه فلم رعب...وتخليهم لحالهم ارضاء لرغبة ام حمودًي..



ام احمد على طول قامت :عن اذنكم بروح لختي ام ريم جالسه بغرفة الجلوس..

وفاء اكتفت بالابتسامه وقلبها تزداد خفقاته..لانها ماتدري وش الموضوع
بس خايفه منه...

ودااد تلفت لوفاء بسرعه:اللحين صرنا الحالنا..

وفاءخافت:يمه وش فيه؟

ودااد:هدي اعصابك حبيبتي...انتي مريت بأزمه صح بشهر اول 6 واخر خمسه صح..

وفاء قامت مفزوعه:وش دراااااك؟؟

ودااد تبي تهديها:ارتاحي قلبي اسمعي بقولك شئ؟

وفاء:وشو لايكون مصوريني..وانتشرت الصور

ودااد:لاتخافين حبيبتي الى عمل هالحركه الموحشه تدرين انه ولد عمتك صح؟؟

وفاء بحزن:ايه وابو حموًدي لاااااااااااااا يعني زوجك صح؟؟

ودااد تبتسم:صح..

وفاء كنها صحت من غيبوبه:مانتبهت والله؟

ودااد:زوجي يتعذب لليل نهار والسبب الى سواه فيك في بنت عمته؟؟

وفاء بحزن:ولو ماني بنت عمته كان ماحس...

ودااد:الى صار معك صار معي؟

وفاء:كييييييييف؟؟

ودااد:ترانا ماتزوجنا الا قبل اسبوع او بألاحرى هالاسبوع..صح؟؟

وفاء:كيف وحمودًي.؟؟

ودااد:ضحيه زواج عرفي كاااااذب منه يبي يقنعني بأي طريقه ونجح

وفاء بعصبيه:وساااااامحتيه؟

ودااد:لازم اسامح حتى اعيش ربي يغفر للي يتوبون كيف حنا يالبشر..

وفاء:الى سواه فيني مو قليل..

ودااد:ابوي مات والسبب هو عشت اصعب ليالي عمري وبدون هويه لولدي هذا مو قليل بعد

وفاء مخنوقه:مجرم ماقدر اسامحه..

ودااد:والى يخليك ابي اعيش مع زوجي بسلام

وفاء:ليه وانا بهمكم

ودااد وهي فاتحه عيونها:لو ماتهمينا كان ماجيناك..



ايمان وحموًدي يتابعون فيلم سكريم..

......لااااااااااااااااااااااااااا يمااااااااااااااااااااااااااااه

ايمان تناظره وتضحك:خل عنادك ينفعك هذا يجيك بآخر الليل...ويذبحك

حموًدي يبكي:لاااااااااااااااااااااااا ابي امي ابي امي

ايمان تورطت:ياويل حالي انا شالي ورطني مع ذا البزر خلني اوديك لأمك..


ودااد:الله يجزاك خير يارب ويسعدك ياعمري ماتقصرين..

وفاء تبتسم ابتسامه باهته:اجمعين...

ايمان وهي تنزل من الدرج:ياويل حالي ياويل حالي

وفاء تضحك وهي تشوف ايمان شايله الولد ويضربها ويصيح..

ودااد تقوم:شفيه ذا الدلوع

حمودًي:ضرررررربتني

ايمان ترميه على الارض:يانصاااااب

حمودًي مستحي لايقول انه خاف:الا انا شفتك ضربتيني

الكل يضحك على كلمة شفتك


ودااد وهي تقوم:اجل عن اذنكم حبايبي انا رايحه للبيت..

ايمان:لاوالله تعشي معنا الساعه10 وتوني طالبه..

ودااد:والله دااااااايخه ابي انام صاحيه اليوم من الفجر..

وفاء:تعشو هنا وبعدين براحتكم..

ودااد:لاوالله بناخذ لنا من فاست فود بالسياره بعد مو نازلين ولنا لقاء..يالفاشلات..

وفاء وايمان يناظرون بعض :ليه..

ودااد:ماتدرون مو ناقص لكم الا العنود وتكتمل الشله..شلة العاطلات ..

وفاء وايمان يضحكون...لانهم انحرمو من الجامعه وبيبدون من جديد السنه الجايه..
ايمان ضروف مرضها ووفاء اغتصابها والعنود كثر غيابها ولعبها...


ام ريم...
تسمع هالاغنيه وتصيح... ملت حييييييييل من الجلسه...والوحده الدائمه..


مشتاق يأحباب
قلبي لكم مشتااااق
من باقي من شهدكم
لابد مايشتاق
في بعدكم يأغلى الحبايب زادت الاشواق
جسمي نحل والقلب ذايب
لايطول لفراااااااااااااااق
خلوني على بالكم لازلت انا احبكم
انتو لي من حبكم البعد ماينطاق
انا طول لليلي حبيبي اسهر الين ااشراق
اشواقي اكتب بالقلم واقطع الاوراق
خلوني على بالكم لازلت انا حبكم
انتو الى من حبكم البعد ماينطاق
مشتاق لكن ياحباب
قلبي لكم مشتااااق
من باقي من شهدكم
لابد مايشتاق
انا ايش في دنياي اجمل من لقى العشاق
الى في قلبي غلاهم ...
خلوني على بالكم لازلت انا احبكم
انتو الى من حبكم البعد ماينطاق
مشتاق يأحباب
قلبي لكم مشتااااق
من باقي من شهدكم
لابد مايشتاق
انتو الى من حبكم البعد ماينطاق


بعد ساعه الكل نااااايم...

حمودًي جالس بالغرفه ويتخيل الباب يتحرك...والتحفه تمشي..ويشوف معلاق الملابس
يتحول للون الاسود ويسوي حركات.. بصراااخ:لاااااااااااااااااااااااااااااااااااااا بابا ماااااااما

تركي الى كان مبسوط من خبرية ودااد ..ومستانس للآخر قام مفزوع من صراخ ولده..
وودااد بعد وهرعو ركض للغرفة حمودًي الجديده..

تركي سبق ودااد وشغل النور ...:

تركي يضمه:بسم الله عليك شفيك..

حمودًي معرق ويتنفس بسرعه ويبعد ابوه:ابعد عني يامفرق الجماعات..

تركي انهبل :وش صارلك..؟

حمودًي:يماه مو هو الى فرق بينا ولاكان انا اللحين نايم عندك صح؟؟

تركي وودااد يضحكون وبذات ان ودااد علمته انه تابع فلم رعب...

تركي يشيل ولده...:ياللا اليوم نصير 3 وكل يوم تنام عندنا اوآمر ثانيه..

حموًدي:انا بنام لان امي تخاف مو علشان شئ ثاني

الكل يضحك ...على تبريراته..



...حبيبي بكلم امي تقول وفاء انها تغيرت...

سعود:براحتك وبكره اوديك لها أي اوآمر ثانيه يالغلا

ريم وهي تدق على رقم امها:تسلملي

ماكتملت الدقه على طول ترد...:الووو

ريم:اهلين يماااااه اخبارك

ام ريم تبكي:ويييينك ليه جوااااالك مقفل ليه ماتزووووريني..

ريم انهبلت من امها خنقتها العبره حست بضعف الجبروت:جوالي مقفل لاني حامل..

ام ريم بفرحه:مبروووك الف مبرووووك بتكبريني

ريم :ومازورك لانك ...

ام ريم تبكي وتقاطعها:تعااااااااااااااالي بسرررررعه تعالي ابيك تجلسين اليوم عندي

ريم:يماه الساعه12

ام ريم:عادي ارسلك السايق..

ريم:انا بشاور سعود واجي

ام ريم:شاوريه اللحين وانا معك

ريم:ان شاء الله سعوود

سعود الى يقرأ بكتاب وهو منسدح على السرير ولابس بيجامة النوم..:هلا حبيبتي

ريم:ممكن توديني لامي

سعود:اللحين

ريم:ايه والى يعافيك

سعود حس باهتمام ريم وحس ان فيه شئ~:خلاص ان شاء الله

ريم:وانام عندها عادي..

سعود:لاتجلسين عندها ساعتين وتجين ماقدر انام بدونك

ريم وهي تحط السماعه بيدها علشان ماتسمع:حبيبي تكفىىى بس اليوم امي تعبانه

سعود:طيب طيب خلاص..اللحين بلبس

ريم ابتسمت وارسلت له قبلًه على الهواء..:خلاص يمه بجي

ام ريم:انتظررررررررك بفتح الباب من اللحين وارسل السايق

ريم:لاهو بيجيبني ..مع السلامه يماه نص ساعه وجايين..

ام ريم طاااايره من الفرح..


بعد شهر بالتمااااااااااااااااام تم عقد زفاف كل من
سلطان وايمان ....العنود وسامي...وفاء وأحمد...

الى كل واحد ووحده عاش لحظات من الشوق واللهفه لهذا اليوم
سلطان وايمان بيتحول اليوم المنتظر المستحيل الى يوم اللقاء
وفاء واحمد حلم طفولتهم بتصير واقع الحب الطاهر...
العنود وسامي تعرفو على بعض بأيام الملكه وسامي اعجب في تفكير العنود وتأثر ..لانها حزينه..وذاقت مرارة الايام..والعنود جنت على مرح سامي وضحكه الدائم الى يزرع..البسمه
بالى حوله

سامي واحمد وسلطان جالسين ....

سامي يناظر سلطان واحمد وهو يستهبل:اللحين بزف احمد وادخل واشوف اختي وانتو لا

سلطان:واللحين احمد بيزفني ويشوف اخته وانت لاااا..

احمد وهو راز بعمره:سامي ياخي مو لايق عليك العرس ...احس انه مقلب..

سامي:هي انت مو مالي عينك انا..

سلطان:قومو قومو جو رجال يسلمون ..

....:منك المال ومنها العيال

تلتقى اعينهم ببعض؟؟؟كيف شلون ذا وش جابه من اولها...حقدكره انتقام...

احمد وهو يناظر تركي ...ووده ينقض عليك قدام الناس..

تركي انهبل ...بس كان يدري عن ذي اللحظه قبل ويعرف انه بيلتقى فيه..

تركي يمد يده لأحمد...احمد حقره وماسلم...تركي اخذ يد احمد وكأنه بيسلم عليه..

تركي كانه بيسلم عليه وهو...يكلمه بأذنه حتى مايلفت الانظار:اختي هي زوجة سامي

احمد يبعد عن سامي شوي...:كيف؟؟

تركي:زوجتي راحت للى اعتديت عليها ...

احمد:شعرفك عن مكانها؟؟

تركي:طلعت بنت عمتي ..

احمد يسكت لحظه ويحاول يستوعب مو قادر.:كيف؟؟

تركي:انا تبت وخليت زوجتي تعتذر منها

احمد:الى سويته الواحد مايعتذر يذبح وقليل الذبح عليه؟؟

تركي نزل راسه...:الله يخليك انسى الى صار

احمد:لو على موتي مانساه...

تركي:كنت تحت تأثير المخدرات والى االان انا مبتلى فيها...

احمد:مو عذر

تركي:الى تطلبه بكون جاهز فيه وانا بكون قدها لو تبي رقبتك راح ..

احمد يقاطعه:مابي شئ منك حسبي الله عليك ونعم الوكيل كفيله انها ترجع الى اخذته

تركي نزل راسه...:انا تبت

احمد تنهد وتذكر كيف انتقام وفاء وحس بتوبته وماله الا يرضاء بالامر الواقع...بذات
انهم نفس القرابه بنت عمته مثل ماهي بنت عمي...يعني تألم مثلي..بس انا غير..اللحين
هي زوجتي...المااااااااااضي لازم انساه ..:الله يثبتك وياليت تبتعد عني ولاشوفك...

تركي:وهاذا الى بيصير مابي لكم المشاكل...والله يهنيكم...


ام احمد لابسه فوووووشي لون بناتي صاخب من شدة فرحتها بنجاة وزواجها هي واخوها..
وكملتها ام ريم لابسه فسفوري على عنابي ...وتغيرت بالمره من مراهقه الى ام
طلبت السماح من ريم وان تغفر ذنبها بعد ماسحرتها هي واختها للتفرقه..
وام وفاء طاااااايره فرح مبسووووطه بنتها وولدها بيوم واحد بيتزوجون
حالها مثل حال ام احمد ..
واهل سلطان بعد جايين ومبسوطين لان قصة حب ولدهم اكتملت..


الموسيقى صوتها صاااااااخب والفتيات يتنافسن بأفخم الفساتين والتسريحات
والميكياج..

الحضور مميز والترتيبات رائعه..

تنطفى الانوار...ويبدأ السينما بالاناره...والاثاره حينها تظهر صورة طفله تضحك..
والطفل بجانبها..وهم يلعبون...بالشيكولاته ...وياخذه منها الطفل وتبدأ بالبكاء..يتنازل
الطفل بحزن ويعطيها الى كان يتمناه لنفسه..
بعدها بنوته لابسه فستان وعمرها6 سنوات تعطي الولد المرتب بلبس رسمي فاخر..ورده حمراء
وهي تضحك..
وبعدها بنت عمرها 12 سنه تترقب الولد الى يناظرها بكل خجل...
وبعدها تنطفى الشاشه العملااقه السينمائيه لبعضه ثواني وتشتغل وتظهرفتاه لابسه الفستان الابيض المزخرف بالذهبي والمكياج الهادئ ليبين انوثتها وتسريحة العروس المعتاده..ظهرت من الباب او من الطرف الأيسر..

ويظهر رجلآ مميز ببشاشته وسموه ..من الباب الأيمن

والكل يستغرب

ام ريم:معقووول الصور لوفاء واحمد ياحبيلهم..

ام وفاء تطالع وفاء وتنزل دموعها:ماتهنيت فيك ياوفاء ماتهنيت بوجودك
كبرتي واعرستي وماعرفتك الا من كم شهر ياليتني من ربيتك ياليت وياليت..

ام وفاء تناظر لحظة تلاقيهم ..

وفاء تلتقي باحمد وتعانق كتفيه وحمرار وجنتيها كان بالمره باين..وحتى هو منحرج..
ويمشون الى وصلو للكوشه...الكل سلم عليهم وصورو ..وغادروو

...لازم يكون كل شئ بسرعه لان فيه زفه غيرهم..
سامي دخل بغرفة العنود الى كانت زفتهم تقليديه مافيها أي شئ من ..الحضاره..والرقى
والتباهي..الغير نافع بس كان سامي يكلم العنود كثير وهي خجلانه

بوسط الزفه سامي يكلم العنود :اقول عن الدلع ياللا اليوم ساكته ومنزله راسك بكره صوتك للجيران..

العنود بتضحك لكنها خايفه الكل ينتقدها...

وهم بالكوشه سامي: ياحظي وناسه والله يانا بقز الحريم..

العنود من غير تفكير اخذت المسكه(الورد) وضربته بطفاقتها

خلت الكل يضحك على الحركه اللاراديه..كل الحضور استغرب واشتغلت اللاقافه
ليه ضربته وليه ضربها الى وصلت قناة الاخباريه<<تعرفون سوالف الحريم



ام وفاء طاايره فرح وحست ان وافق شنً طبقه..


اكيد بتسألون عن العاشقين سلطان وايمان من شوقهم لبعض ..قالو مافيه زفه

<<مو شايفين خير..

وصلوو للفندق وحتى ايمان ودعت امها على السريع الى كانت متولعه تبي بنتها تنزف

لكن ايمان اكتفت بكلمه انا اليوم حلوه واخاف على نفسي من العين..

وسلطان نفس الشئ مبسووووط وطاير فرح لوجود حلمه معه..


بالفندق سلطان يقرب لأيمان بخجل ويمسك يدها:ربي لايحرمني منك ويقدرني اسعدك طول العمر..

ايمان تشوف لحلمهاا المميز وتبعد شوي عن يده ...وتدور بالغرفه وترقص من الفرحه..
:انا بحلم بحلم حلووووو ومااااااابي اصحى منه..
ترمي بوكيت الورد الى بيدها او عفوا المسكه وتصارخ:احببببببببببببببببببببببببببببببببك
تناثرت الورود حول سلطان وايمان...العاشقين المتولعين ببعض..

سامي والعنود قررو يسكونون ببيت العنود ...والسبب الرئيسي طلب امه لان...البيت من نصيبها
هي وخاله....

سعود وريم عايشين بسعاده...وقررو يجلسون عند ام ريم..تعاطفآ معها

ام سامي...رافضه ترجع لابو سامي...

وابو سامي...المراهق في الستين مو راضي يترك طبايعه..

سلطان وايمان احلى قصة حب ...




رابط مخفي فضلاً قم بالتسجيل - اضغط هنا - خلال 3 دقائق فقط

محبتكم //اماني السليمي


انكسر قلب وفاء..لكن ربي عوضها حلم طفولتها احمد الانسان الى ماتخلى عن حبيبته بسهوله..
اليوم الكل سعيد تحققت احلااااام كل شخصيه بالروايه..
صحيح انكسرت القلوووووب لكن الى ينكسر يتصلح...
انكسر قلب ايمان بعلاقتها المحرمه لكنها تصلحة بزواج بحبها الوفي
انكسر قلب سامي برفض ايمان الى حبها وعاش حلم معها ..لكن ربي عوضه بالعنود..
انكسر قلب ودااد بفراق تركي لكن ربي عوضها صبرها برجوعه لها..
انكسر قلب ام وفاء وسامي لكن ربي عوضها بزواج عيالهم وان ولدها سامي سكن عندها..
انكسر قلبي وانكسرت قلوبكم لأحداث هاذه الروايه المريبه الى ..ماتحملت وجودها..
وكرهت حتى اسمها وهاذا اعتراف مني لكم..لانكر لكم مدى كرهي لها كرهت كل لحظه كتبت فيها ..ساعات اكتبها وفيني ضيقه لاني اكتب شئ حرام...اغاني غزل حب مكالمات خيانه للأهل
كتبت عن علاقة نت حب عشق هيام جنون وفاء لقاء..وهاذا ليس واقع بل من نسج الخيال
لاتوجد علاقة حب تنتهي بالزواج بهاذه الطريقه ربما الكل تسأل من انا بهاذه الروايه
سوف افصح لكم سري الثاني من انا فيهم...
انا ايمااااان العاااااااااااشقه الى دخلت المستشفى وانقضني سلطان
انا سلطان العاشق الحنون الوفي..
انا تركي الخائن التائب..
انا ام ريم المتهاونه الكاذبه التى ذاقت الويل من الوحده..
انا ابو تركي...الظالم..
انا وفاء المظلومه الى قاست الويلات
انا سعود اللذي ذاق الظلم والآهات والضرب القاسي من ابيه المدمن
انا امونه53 سوف ابقى كما انا أشعر بكل شخصيه اكتبها او اقرأها
انا الفتاه السعيده التى تكتب كل ماهو حزين...
انا الفتاه التى ارى كل شئ مفرح لكني احزن على حالنا وتهاوننا..
نكتب والكتابه امانه...ولكن خاليه عن الادله والاحاديث..فأنا لست مفتيه...
لكن دوري ككاتبه يفرض على هاذا الشئ لان هاذه المهنه امانه...
الانسان يموت لكن كتابته سوف تبقى...
اتمنى ماتتعلق بنت بعلاقات وهميه والسبب حلمها بوجود سلطان ثاني
لان لايوجد في الحياه سوى سلطان واحد واخذته ايمان وهي مجرد روايه...
لان الحب احساس قبل ان يكون حب هو ذبذات من قلب لقلب آخر..يشعر به الطرف الثاني
ليس كلمة احبك انا لست ضد فكرة الحب ولكني ضد العلاقات الوهميه
واتمنى ايضآ ان كل شاب لايتعلق بفتاه علاقه وهميه لان ليست كل فتاه مثل ايمان..
سًر وفاء وتركي مااااااازال مدفوووون وسيستمر؟؟لان الله ستًار مايفضح التوابًين..
ليت الغلط يتصلح مو كل فتاه مثل وفاء راح يرضى لها واحد مثل احمد..
وليت كل نهايه تصير مفرحه...وليت الحزن ينتهي ومايدوم..
كل انسان يشعر بالحزن والسبب الرئيسي ...هو بعدنا عن الخالق..
هاذه الروايه مكونه من 520صفحه..و30 جزء لم نستفيد شئ سوى الحزن وبنهايه الفرح
ومن بكره ننسخها ونلصقها وغيرها يقرون ويضعون وقت وبعدين توضع بإرشيف النسيان
لن نكسب اجر ولاثواب ولانصيحه ولاشئ ...انا متضجره جدآ ..السبب ماالفائده
ادري اني اسب روايه صاحبتها اناااا لكن هل ....فكرنا بقرآءة قرآن يبقى لنا
قرآن مكوًن من 612 صفحه قليله صح...لكن مفيده وكل يوم نقرأ معجزه ونستغرب
لو نقرأ الآيه الف مره صدقوووووني الرااااااااااااااحه اهم من كل شئ..ووجودها بالقرآن
نصيحتي لكل واحد ووحده اذا بيكتبون روايه يكتبون وهم يدرون انهم محاسبين على كل كلمه
.....اتمنى التوفيق لكل واااااااحد ووحده شجعوني على اكمال هاذه الروايه ..
وبقولكم سرً ثالث والله العظيم اني ماقريت ولاحرف من هالروايه اكتب وارسل..
ولاراح اقرآها لانكم مرآتي الى انظر فيها..
اشكركم من كل قلبي على طووووووول نفسكم على ...وبس
تمت...

محبتكم الى الابد //اموووونه53: :

درب التبانة

آآآآآآآآه منك يا امونة تعبتينا .. وانا اقرأ مرثية سلطان بالمقبرة
في ايمان والله حزززززنت كثيييير .. وشوي واطير من الفرحة
انها طلععععععععت حلللللللللللم .. شكرااااااااااااااااااااااااااا انه حلم

الحمد لله انه حلم .. اخيراً رحمتينا شوي

بعدين ليه انتي ذبحتينا بأسلوبك هذا ليه دايم تخلين البنت تقدم
كل شي للولد وتضحي عشانه وتتعب عشانه واخر شي تموت
وهو بس يحزن عليها .. والله عورتي قلوبنا ..

وليييييييش اغلب كلامك عن الموت ماااايصلح كذا مهما كان فقدنا
عزيزين وماتو ناس نحبهم مو معناته انا لازم نلحقهم بسرعه ونخلي
محور حياتنا عن الموت .. اررررررحمي نفسك شوي

وترا حنا يالرجال فديناكم اكثر من انكم فديتونا .. ولا نسيتي
فلم تايتانك الولد مات عشان البنت

ولا نسيتي المعتصم قوم جيش كامل من الرجال عشان امرأة

ولا نسيتي وش قدمنا لكم عبر التاريخ .. حنا الرجال ألفنا
دواوين الشعر فيكم .. حنا صنعنا الادب واللغة فيكم ..

وكل شي عبر التاريخ كان الرجل يموت عشان المرأة .. يكفي
ان المتنبي مات بسبه قصيده في امرأة

والدين نفسة امرنا بدفع مهر لكم والمهر كله بس عشان رضى
المرأة لزوجها وهو عبارة عن شراء لودها .. وامرنا الدين
بالرفق فيكم وما امركم بالرفق فينا ..

والرفق مهو بالقوة الجسمانية .. المرأة تقدر تعذب الرجال بكيدها


فوق كل هذا انتي يا امونة بروايتك هذي وبرواية الحب بعد فوات
الاوان خليتي البنت تتعذب كثير وتدمر حياتها عشان الرجل
وهذا مايصلح طيب انصفينا شوي ليش تصورينا انانيين لهذي
الدرجة ؟