جانب من طفولتي البائسه..لايفوتك.. - ترفيه طرائف مرح فكاهه ضحك فرفشه نكت صرقعه تعليق

09-26-2006	مشاركة رقم : 1
عاشق هنوف	جانب من طفولتي البائسه..لايفوتك.. السلام عليكم.. كيف حالكم؟؟ ان شاءالله حالكم طيبين وتزقحون لا اعرف كيف ابدا بموضوعي ولكنني اكتشفت اني ما بعد سولفت معكم وجبت سووالفي المصرقعه فقلت يجب ان اسدح لهم موضوعن هونا عن بعض من طفولتنا البائسه محد جاب طاريك 8 8 8 8 8 ترى كل هذا يقال مقدمه يسمع بالمقدمات سالفتي الأولى =============================== يوم كنت صغير كنت كائن حي غبي للغايه ومدري شلون وصلت للعمر هذا لأني لو اني من اهلي كان موتني وافتكيت مني ..ومن دلائل غبائي كانو عماتي وخالتي مجتمعين عندنا وواحد من عيالهم كنت انا وياه دايم طق وطقيق وفي نهاية كل هوشه اتصفق منه(طبعا هو اكبر مني) كنت مربي شعركثير يجي لشعري يشوشه واصيح ..عاد هو كان مره جايب معه خلاقينه وحاطها في كيسه بينام عند بيت خالي الثاني انا بعد ما كفخني انواع الحقد ولا ادري وش اسوي لأني لو بروح لمه بارجع وانا متكفخ بعد قلت بس ما بدهاااش وين الكيسه..اخذتها ورميتها ورا البيت >>>تحسون اني ولد ضعيف عاد يوم جا في الليل وكلن بيروح بيته جا يدور كيسته وانا تعالو شوفو خشتي من الوناسه واناظره اقول احسن ترى هذا جزا الي يطق اللي اصغر منه وتجيني زبيريه على وجهي >>>>>>انواع الاضطهاد قمت اصيح واقول بردها له وامي تقول بس اسكت خلاص قلت مالي دخل وينه والله ما اخليه فكوني >>>>>مسوي بطل يوم تركتني امي قالت بكيفك تحمل اللي يجيك((حسيت اني توهقت )) لفقتها وقلت له احسن ربي عاقبك على سوء أفعالك خخخخ بعد فتره جت خالتي بتسوي صلح بينا قالت يالله عبووود سلم قلت لا هو يسلم قالت يالله طيب انت سلم وعيا. . وجت خالتي وقالت اقوول اها بس انت وياه وتخلينا غصب نسلم ..قامت ناظرتني قالت يالله اللحين الشيطان وش فيه؟؟>>>>تبيني اكمل كلامها قلت زعلان وقالت:والله وش فيه؟؟؟ قلت: الله ياخذكم >>>>>>خربتها خخخخخ تبيني اقول الله فرحان بس انا قفلت معي عاد بعد تقريبا 3سنين كبرنا شوي وعقلنا ..وجينا بننقل من بيتنا ولقينا كيسة خلاقينه..شافتها امي قالت وش ذا قلت ارميها بس في الزباله >>>>> ما زالت احقاد دفينه ================================== السالفتو الثانيه ومرتــ(ن) من المرارير كنت في بيت خوالي ..مثل اي بزران كنا جالسين نلعب (واحد طش) الي يجي واحد يغمض عيونه ويجلس يعد واحد طش ثنين طش ثلاثه طش >>>>>>الا على طاري طش وش معناها؟؟ والباقي يتوزون بأي مكان وهو يروح يدورهم اذا وصل لـــ عشره طش ترى هذي كانت اطلق لعبه عندي المووهيييم كان ولد خالتي يعد وبقية المبزره راحو يتوزوون.. وكل ما رحت مكان قالو طس جينا قبلك ..في الاخير قمت ادور في حديقة الحوش وشفت الشجره ..ٌقلت بس خلي اتسلقها واروح فوق واتحداه ان لقاني >>>>>>تفكير قطاوه تسلقت الشجره ورقيت فوق (كانت الشجره كبييييره مره وفروعها متينه وقويه)>> حصة تعبير(أسبوع الشجره) وجلست لي على غصن وتمسكت على غصن جنبي وتسندت عليه..ومع زود السباهه وكثر اللعب دخت ونمت .. وانا ما زلت فوق الشجره جو العيال ينادون عبووود (ه ه هــــــ) >> الهاء الكثيره هذي يعني صدى الصوت المهم واسمعهم يقولون وينك خلاص ترى طلع على سعد وانا ناااااايم ما جبت طاريهم ويجلسون يدورون في البيت وفي الحوش يبوني اطلع عبوود ترى مسكنا سعد عليه اطلع يالله عبوود ياخبل ترى بطلنا اللعبه اطلع ووجع عبوود ترى ابوك جا طس بيتكم وانا معطيهم ركبه وناااااااااااااايم وراحو يعلمون الحريم وامي تنهبل وتجلس تدورني وقامت تصيح >> مبالغ قليلن واشتطو وحالتهم حاله وكل البيت يمشي وينادي ..ويدور..اللي يدورني تحت السرير ..ولا عند الالعاب ..ورا الستاره ..والي تحت الكنب>>>>>فار على غفله وبائت محاولتهم بالفشل ومن كثر الصراخ بديت استوعب وصحصحت يوم فتحت ارتعت وش جابني فوق ؟! تذكرت اننا كنا نلعب قمت نزلت بشوي شوي(( ما ابي احد ينتبه لي )) ورحت امشي شوي الا القى العيال في الحوش جلسو يصارخون يالجني لا تنحاش ويلحقوني وانا مكمل اللعب اخاف يمسكوني و احط رجلي ورررركض ادور الحاله (((الحاله مكان في اللعبه اذا وصلت له ومسكت الجدار حقه يعني خلاص انا بسلام ما يقدر يمكسني >>>ابو الشرح المخيس)) اول ما وصلت للــ(حاله) ويمكسني ولد خالتي واجلس اصارخ مالي دخل فزت مسكتها قبل لا تمسكني الا واقرب جزمه جايتني جاني حقي من التكفيخ والتهزيء وامي يالثور وين طسيت وجع وش ذا اللعبه المخيسه خلصت الاماكن !! وتستلمني تهزيء >>>>>لو اننا اجانب كان تمسكني امي وتقولي وش فيك وش صار لك وتلمني وتبوسني وتقولي وين كنت حبيبي ما اقول الا كش علينا بس وانا زي اللوح مدري وش السالفه ما استوعبت اني نمت نومه طويله الا بعدين وبس عاد ما ودي اطول زياده عليكم وتحوم كبودكم والي عنده قصه وهو ضغنن يكتبها فيذا الله لا يهينه قودن هز باي عبووودي من مواضيعي 0 سلسله فلاشات رمضانيه فلاش مذهل روعه ((الثاني)) 0 سلسله فلاشات رمضانيه((الاول)) 0 تبي تستغفر 1000 مره في اليوم ادخل 0 يالمنتدى أمس افطرت بدون قصد افتوني؟؟ 0 جانب من طفولتي البائسه..لايفوتك..