التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا
| |
|
| التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا | |
 |
 |  |
 |  |
 |  |
المركز الإخباري | الكل في واحد
| منتدى السيارات | منتدى التصميم | منتدى حواء | معرض الصور | ||
| الكلمات الدلالية | المنتدى الرياضي | المجلة الإسلامية | |||
| |||||||
| Notices |
|
| قصص واقعية و روايات أجمل وأروع القصص الواقعية والخيالية |
| |
 |  |  |
 |  |  |
 |
| | أدوات الموضوع |
05-15-2005, 11:30 PM
| #1 |
| | المسلسل البحراني(( هذه زمنا)) -------------------------------------------------------------------------------- بسم الله الرحمن الرحيم00 اللهم صلي وسلم على محمد وآل محمد00 السلام عليكم ورحمة الله وبركاته00 اتمنى ان القصة تحوز على اعجابكم 00 انتظر تعليقاتكم والحين ما اطول عليكم اخليكم مع المسلسل البحراني(هذه زمنا) --------------------------------------------------------------------------------------------------------------- الساعة 10.30 الصبح في بيت محمد أحمد العلي ترررررن تررررررن سعاد : الوووو إيمان : السلام عليكم سعاد : عليكم السلام هلا ايماااانو شحوالش إيمان : بخير الحمدلله انتين شخبارش سعاد : اني زينة إيمان: شخبار الوالدة سعاد : زيييييينة بيتنا كلهم زينين ويسلمون عليش إيمان: الله يسلمش 00 انزين سعاد نادي لي زنوب سعاد : آها قولي جدي من اول بعد يبي ليها سالفة حارسي شوية بناديها لش 0 ----------------- زنوب: السلام عليكم إيمان : هلا عليكم السلام ورحمة الله وبركاته ياهلا ومرحبا زنوب: هلا بيش شخبارش إيمان : الحمدلله تمام نسأل عنش يالقاطعة زنوب: دوم الدوم ان شاء الله 00 وسالت عنش العافية إيمان : الله يعافيش 00 انتين شخبارش؟ زنوب : الحمدلله تماموووووو 00 الحين اني القاطعة لو انتين ؟ إيمان : لا جدتي انتين بعد وي من بدت العطلة وانتين كللش ما تسالين عنا زنوب: ويش اسوي ياخويتي تعرفين انتين الحالة اخواني وخواتي رعايتهم وجدتي والبيت شغله وو 000 إلخ إيمان : اي والله ياختش اني بعد حتى شعر راسي ما اقدر احكه لكن بعد نسأل على بعضنا حنا حبايب مو ناس غرب زنوب: ان شاء الله سامحيني حقش على راسي إيمان : مسموحة ياخويتي يالله الحين ما اطول عليش اني قلت نسأل عنش زنوب : ما تقصرين اصيلة يا ايمان إيمان : واجب علينا 00 يالله مع السلامه سلمي على امش وخواتش زنوب: الله يسلمش ويحفظش الله اكبر الله اكبر راحت زنوب اتصلي ولما خلصت شافت امها في المطبخ زنوب: يعطيش العافية امايي الأم : الله يعافيش يابتي 00 يابتي كملي العجينة واني بروح اقعد اختش سعاد للصلاة زنوب: جيه اهي نامت ؟ الأم : اي توها من شوي اقول لها حارسي الاذان صلي ونامي ما طاوعت زنوب : بلل لحقها 00 زين امايي روحي ولا عليش اني بتولى المهمة الأم : الله يعطيش العافية يابتي ويرفع حظش قولي آمين زنوب : آمين راحت أم زينب تقعد بنتها للصلاة وحصلت الجدة تحاول تقعد سعاد الجدة : سعدوووو ووجع انشالله ياقليلة الصلوات قومي اصلي ادن سعاد : 0000000000 الجدة : سعدووو وريح يالكريهة قووومي صلي له هدويش انتين ما تستحين عجلة ويش كبرش نحدش على الصلاة سعاد : يا جدتي ياحبيبتي للحين ما استوى الغدى لين استوى قعديني بصلي وبالمرة بتغدى الجدة: عساش غدغدة في جبدش انشالله الأم : هدويش ياعمتي شوي شوي على بتي هذي عروس البيت الجدة : عروس في اباطها انشالله قليلة الصلوات اله ما تستحي انتين اللي مدلعتنها مخلتنها تصير عاصية الأم : الله يهديش يا عمة انزين الحين بخليها تقوم الأم : سعووود ياخلف جبدي قومي حبيبتي صلي سعاد : ياربي في هالبيت محد يرتاح انزين انزين قمنا الجدة تلحق سعاد بالعصا تبي تضربها الجدة : تعالي ياطايحة الحظ ياسودة الوجه سعاد وهي تركض وتضحك على نكت جدتها : ههههههههاي ويلي عليش ياجدتي راحت سعاد اتصلي00 --------------------------------------------------------------------------------------------------------- في بيت حسين سعيد العالي 00 الساعة 4 العصر إيمان : ها يمة وين معزمة شايلة العباية ام إيمان : بروح البيت العود ويش بتيين وياي ؟ إيمان : ما عليه بس من بيقعد وي حسون وحمود ؟ ام إيمان : حمود راح ويه اولاد حجي علي وحسون جا خالش جاسم اخده إيمان : يعني 00 عيل انظريني دقيقتين بلبس شيلتي وعبايتي وبيي ام إيمان : انزين بس بسرعة إيمان : زين راحت إيمان وامها إلى بيت جيرانهم وفي الطريق عبود : سلام عليكوم ياغزال ياحلو إيمان : الله لا يسلمك يا قليل الحية تف عليك اخذت ايمان نعالها وكفخته فوق وجهه وبعدين اخذت حصا وفلعته عبود الصايع : آآخ آآخ 00 هدوي منتين بنت وحش انتين إيمان: الله ياخذك انشالله الأم : بس بس00 بسش فضحتينا هدويش انتين من تفتحين بوزش ما تصكينه إيمان : عيل تبينه يتعلف فيي واسكت عنه الأم : انزين بس خلاص اكو بطيتين راسه وكفختينه ويش تبين بعد امشي بس ومشت الأم وبنتها ودخلوا الزرنوق وغابوا عن انظارنا 00 ها شنو رايكم بهالجزء؟ اذا عجبكم بنزل لكم جزء جديد اذا شاء الله عطوني رايكم وان شاء الله نشوفكم على خير في ((هذه زمنا)) تحياتـي :نقاء الروح |
|  |
|
05-16-2005, 02:01 AM
| #2 |
| | مشاركة: المسلسل البحراني(( هذه زمنا)) |
|
| |
|
05-16-2005, 07:40 AM
| #3 |
| | مشاركة: المسلسل البحراني(( هذه زمنا)) اللهم صلي وسلم على محمد وآل محمد .. السلام عليكم ورحمة الله وبركاته .. |؛¤ّ,¸¸,ّ¤؛|دلوعه الشرقية |؛¤ّ,¸¸,ّ¤؛| مرحبا غاليتي .. أهلاً بك في صفحتي المتواضعة .. امتناني وخالص شكري للتواصل معي والتشجيع .. خالص امتناني :نقاء الروح |
|
| |
|
05-16-2005, 07:42 AM
| #4 |
| | مشاركة: المسلسل البحراني(( هذه زمنا)) مرحبا 00 يالله الحين اخذوا الجزء هذه 00 وان شاء الله يحوز على اعجابكم وتفهمون القصد منه نرجع للمسلسل وصلنا في الجزء اللي فات إلى ايمان وامها لما دخلوا الزرنوق دخلت الام وبنتها الزرنوق عشان يوصولون بيت العود لما وصلوا دخلوا 00 الأم : السلام عليكم يا اهل البيت 00 مافي احد ؟ نور : هلا ام محمد حياس دحلي البيت اكو امي داحل الحجرة إيمان : هلا نوور شخبارش حبيبتي نور: اني سينة انتين سحوالش إيمان : اني زينة الحمدلله وين الماما نور: جي ما سمعتيني ويش كَلت إلى امس اكو في الحجرة إيمان : ههههههه زين انتي وين بتروحين ؟ نور: اني وين بروح بعد بروح ويه رفيكَاتي نلعب في الشوارع إيمان : يوو تلعبين في الشوارع نور: لا مو كَصدي جدي يعني نروح نلعب في الفريق إيمان : اي زين روحي ماما نور: زين يالله مع السلامه إيمان : الله يسلمش 000 ياعلي تينن هالياهلة الله يخليها انشالله راحت ايمان إلى ام نور ودخلت الحجرة إيمان : السلام عليكم ام نور وام محمد (ام ايمان): عليكم السلام والرحمة والاكرام ام نور: ياهلا مرحبا الساع إيمان : يامرحبا بيش ام نور: اشحالج يابنيتي شعلومج ؟ إيمان : الحمدلله بخير نسال عنكم ياخالتي انتي شخبارش ام نور : سألت عنج العافية 00 والله آنة يابنتي الحمدلله اشكر ربي إيمان : الحمدلله رب العالمين ام نور: اقول ايمان يابنيتي صحيح الرمسة اللي سمعتها >> رمسة يعني الكلام ام نور اماراتية إيمان باندهاش : خير يا ام نور ويش سمعتين ام نور وهي تطالع ام محمد : صدق انج رفضتين الزواج من ولد جيرانكم جعفر السامي؟ إيمان وهي منزلة راسها : اي نعم ام نور: يوه ليش يابنيتي سامعة عليه كلام ؟ آنة خبري هذه الريال زين وما عليه كلام انا صار لي الحين في البحرين 5 سنوات وما شفت عليه كلام والله هالريال 00وانا قاعدة ويه امه وخواته ما شاء الله تبارك الرحمن جمال واخلاق ما عليهم كلام ام محمد : وشدراني فيها طالعين لينا بمنكر جديد بعد البنية مالها اله بيت ريلها يابنتي اني وابوش ما بندوم لش ايمان دمعت عيونها وقاطعت امها : الله يطول في عمركم ويخليكم ذخر لي انشالله 00 يمة لا تقولين هالكلام 00 بعدين اني ما قلت شي عن الريال اني ادري ان الريال زين وما يعيبه شي بس اني مو قد المسؤولية الحين لما اخلص دراستي انشالله بعدين بفكر في الزواج ومسؤولياته ام محمد : يابنتي انتين ما عليش كلام ما شاء الله عليش اكو شايلة البيت كله عليش اي مسؤولية اللي تتحجين عنها إيمان : يمة لا تضغطين علي 00 قلت ليكم اني ابا اكمل دراستي وبعدين لويش مستعجلين علي اني توني في ثاني ثنوي وللحين في زهرة شبابي اني موب عانس عاد للحين ما تخطيت سن ال18 يعني للحين مراهقة وتبيني ازوج ام محمد : سمعتين يا ام نور ؟ وشرايش؟ ام نور : والله بصراحة تبين الصج يا ام محمد 00 كلام ايمان ما عليه كلام ما شاء الله سكتتنا 00 اذا اهي تبي تكمل دراستها وما تفكر الحين بالزواج هذه رايها وهذي حياتها يا ام محمد وهي حرة فيها ام محمد : اي يخويتي بس اهي ما شرطت على لصبي وقالت ابا اكمل دراستي وقال لا اهي على طول حتى بدون تفكير قالت لا إيمان : يا يمة يا حبيبتي مو بس اني اكمل دراستي عالفاضي لازم انجح شلون بدير امور زوجي ودراستي ما بقدر اوفق بينهم ؟ ام محمد : جيف00 يعني تقدرين في البيت تشتغلين وتدرسين في نفس الوقت وزوجش ودراستش ما تعرفين شلون توفقين من بينهم قولي لي جيف ها ؟ إيمان : يا يمة ياحبيبتي ياعمري انتين وحدة متزوجة وعندش عيال وفاهمة 00 الحين شغل البيت مثل امور الزوج ؟ يا امي الزوج يبي له معابل ويبي له طولة بال لازم افهمه ويفهمني ما يصير خبط وشبر وعبر هذه زواج وحياة إلى آخر العمر مو لعبة ام نور : بصراحة آنة مع إيمان في اللي تقوله ام محمد : الله يهديش يا ام نور اباش عون صرتين لي فرعون ام نور : ياخويتي هذي موب رمسة عدلة آنة اقول الكلام اللي قالته ايمان اقنعني وبعدين يا ام محمد الزواج موب غصب خليها على راحتها اذا كملت دراستها يصير خير ان شاء الله ام محمد : ما عليه شوركم وهداية الله واهي حرة هذي حياتها واللي تشوفه زين تسوين ام نور وهي تبتسم : هيه اباج جيه لا تضغطين عليها ام محمد : انشالله 00 يالله الحين ياخويتي نخليش انشوفش على خير مرة فانية ام نور: حياج الله 00 ولا تزعلين مني ام محمد : لا ويش ازعل منش كلمة الحق لازم تنقال 00 يالله مع السلامه ام نور: الله يسلمج 00 في حفظ الرحمن إيمان : فمان الله ام نور: فمان الكريم طلعت إيمان وامها من بيت ام نور وعند الباب هدى : هلا إيمااااان شلحوااال إيمان : هلا هدواي 00 الحمدلله بخير انتين شحوالش هدى : اني زينة نسأل عنش إيمان : سألت عنش العافية هدى : شخبارش ام محمد ام محمد : الحمدلله بخير 00 يالله ايمان خلينا نمشي هدى : ام محمد ابا ايمان شوي اذا ما عليش امر عندي وياها سالفة ام محمد : ما عليه 00 اني عيل بروح البيت واذا خلصتون تعالي البيت إيمان : انشالله يمة 00 ياترى من هذي هدى ؟ وشنو تبي في ايمان ؟ ووين زنوب وعايلتها في هالجزء؟ تابعونا في الجزء الثالث من مسلسل ((هذه زمنا )) ترقبوا الاحداث00 يالله ننتظر آرئكم وانتقاداتكم تحياتـي :نقاء الروح |
|
| |
| |
| Bookmarks |
| Tags |
| المسلسل, البحراني, زمنا |
|
