التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا
| | |
| التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا | |
 |
 | |
 |  |
| |  |
 |  |
 | |
 |  |
يوتيوب | المركز الإخباري | الكل في واحد
| منتدى السيارات | منتدى التصميم | منتدى حواء | معرض الصور | منتدى البرامج | ||
| الكلمات الدلالية | المنتدى الرياضي كوره | المجلة الإسلامية فوائد | ||||
| |||||||
| قصص واقعية و روايات أجمل وأروع القصص الواقعية والخيالية |
| |
 |  |  | ||||
| ||||||
 |
| | أدوات الموضوع |
08-26-2006, 01:20 PM
| #49 |
| | رد: ما زال الليل يعاندني .. قصه روووعه مشكوره علي القصة المميزة <<<<<<<<<<<<<<<بس متحمس مع التكمله يبيه بسرعه |
|     |
|
08-26-2006, 09:56 PM
| #50 |
| | رد: ما زال الليل يعاندني .. قصه روووعه مشكوووووووووووووووووره عالقصه بس نبي التكمله دجينها دج يعني القصه كلها او نصها في وقت واحد<<<<<<<<<شحاد ويتشرط |
|
| |
|
08-28-2006, 07:53 PM
| #51 |
| | رد: ما زال الليل يعاندني .. قصه روووعه مشكورة بس القصة طويلة شوي |
|
| |
|
08-29-2006, 12:08 AM
| #52 |
| | رد : ما زال الليل يعاندني .. قصه روووعه وووووووين التكمله يالغلا ياله نبيه بسرعه |
|
| |
|
08-31-2006, 08:47 AM
| #53 |
| | رد : ما زال الليل يعاندني .. قصه روووعه أمير الشعراء مشكور أخوي على مرورك حنين الايام تسلمين على مرورك ودي أدجها دج بس مو بيدي بيد الكاتبه الشجاع تسلم أخوي على مرورك ومن ناحيه طويله فهي طويله شوي الجزء الثامن عشر ××××××××××××× تخللت الشمس صدر السماء وودع السكون الليل.. وعلى صوت ترانيم الصبـاح ..... قامت من النوم مفزوعه من الحلم اللي شافته... كان تنفسها سريع وحاطه يدها على قلبها اللي كان ينبض بشده.... ياربي وش اللي شفته!!... يارب استر على ماابي انفضح عند الناس.... تكفى يايزيد لاتقولهم شئ... حرام عليك انا احبك واخرتها تقابل حبي لك كذا.. ياويلي لو الحلم هذا يتحقق كان اروح بخبر كان.. تنهدت بعمق يارب استر على وخلاص انا بترك يزيد ماابيه ابي اعيش حياة طبيعيه مع زوجي... ماابي اكون شاذه بالمجتمع.. تركي ماقصر معي يحبني وصبر على كثير ليش انا مااتحمله واصبر عليه واشوف وش اللي مزعله!!.. اكيد شئ كايد حاصل مستحيل تركي يكرهني... مستحيل... بس حرام يزيد يحبني بعد!!... غبيه انا كيف افكر؟؟... يزيد ان شاء الله يلاقي له وحده تحبه ويحبها وينساني.... رفعت يدها للسماء.... يارب ياقادر على كل شئ اسألك انك تبعد يزيد عن حياتي وتستر على يارب اسألك ان تجعل تركي يملى عيني ولااشوف غيره.... يارب يارب ..... التفتت للساعه لقتها 11 الضحى ... قامت لدروه المياه غسلت وجهها وقعدت تحوس بغرفتها لما دخلت عليها امها... العنود: ماشاء الله صاحيه؟؟ نوف: ايه... يماااا السواق موجود؟ العنود: خير ان شاء الله وين بتروحين؟؟ نوف: برجع بيتي!! . . . دخلت بيتها بعد صلاه الظهر كان هادئ .. دخلت غرفتهم لقتها مقلوبه فوق تحت الملابس مرميه عالارض واللاب توب عالسرير ودرج الكومادينه مفتوح والغرفه كلها حالتها حاله... حطت اغراضها عالسرير وبدت ترتب كل شئ ترجعه مكانه .. اخذت ملابس تركي المستعمله وحطتها بسله الغسيل .. فتحت الدولاب وطلعت مفرش جديد للسرير ورتبته فتحت الستاير خلت النور والهواء يدخلون للغرفه.... راحت جهه دولاب الملابس بتدخل بعض ملابس تركي النظيفه.. تفأجات لما فتحت الدولاب بهديه مغلفه بغلاف فخم .. قربت منها وسحبتها لقت عليها كرت مكتوب عليه.... " اهديك يااغلى زوجه بمناسبه قبولك بالجامعه .. اتمنى تعجبك الهديه والمفأجاه واقدر ارسم الابتسامه على وجهك الحلووو... زوجك اللي يتمنى سعادتك/ تركي */ */ 1427هـ " كان التاريخ قبل طلعتهم للمزرعه بيوووم الظاهر كان ناوي يعطيها اياه بعد مايرجعون بس هي خربت على نفسها..!!!! رفعت الهديه لقت تحتها اوراق قعدت تقلب فيهم طلعوا صور من شهاداتها واوراقها... استغربت من وين جابهم تركي؟؟.. وخاصه انه ماعمره كلمها بموضوع دراستها ولاهي طلبت منه يسجلها... ااااااااه ياتركي انت تدور سعادتي وانا ادور تعاستك.. اكيد جايب الاوراق من امي .. اكيد امي عندها خبر ومتفقه مع تركي يسون لي مفأجأه... ياربي ياتركي ليه تعذبني ؟؟.. ليه تغرقني بجمايلك؟؟... صح اني مدري وش سبب زعلك مني اللحين... لكن اكيد انه سبب كايد.... خلاص يارب رجع لي تركي يحبني ويخاف علي مثل اول ونذر علي مااخونه ولاافكر بغيره.. يارب ساعدني يارب ثبتني على قراري.... يزيد ماراح اكلمه ولاراح ارسله لاني لو علمته بقراري اخاف اضعف قدامه وقدام تواسلاته... وهو ان شاء الله ماراح يدق الا لمن انا ادق عليه هو عارف ظروفي.... يارب انت عالم بنيتي اصرفه عني وبعدني عنه... ×××××××××××××××× صوت رنين الجوال كل ماله يتزايد وهي مو معبرته الصغار من حولها يلعبون مو حاسه فيهم هي بقمه توترها شوي سمعت صوت مسج واصلها... فتحته كان من عبدالعزيز " ديوم حبيبتي .. عمتي من امس عندي ودها تشوفك... متى الوقت المناسب لك عشان تجيك" بهالوقت حست بصوت سديم جنبها... سديم ماسكه القلوس: عمه حتي لي ( حطي لي) ديم متوتره: هااااااا.. طيب حبيبتي بعدين... ريان: ديم حطي لها عسان تصير عروسه وانا الرجال ابي شنب ديم وقلبها تتسارع دقاته: اطلعوا بعدين احط لكم اللي تبون... سديم مصره: لااااااا اللحين ديم تبي تفتك منها: هاتي احط لك... اخذت منها القلوس ورسمت لها شفتها وسديم قعدت تطالع نفسها بالمرايه وهي مبسوطه.... ديم: يلااا حطيت لك اطلعوا.... ريان: ياسلاااام وانا مارثمتي لي شنب... ديم: اوف ياانتم قلق قرب عندها ريان وماسك قلم الكحل بيده ويترجاها ترسم له شنب على قولته... ديم: ياسلام الكحل حقي... ريان: الله يخليك سديم: حتي له ديم: تعال قرب بسرعه.... رسمت له وطلعتهم برى الغرفه وهي تفكر برساله عبدالعزيز... عمته عنده؟؟.. يعني اللي شفتها امس هي عمته؟؟... اخاف يجس النبض؟؟... لااااا وش مصلحته... بعدين هو مو غبي لهالدرجه... تنفست بعمق... خل ارسله واقوله خها تجي بأي وقت.... ضحكت بنفسها.. انا مو صاحيه كيف شكيت فيه معقوله مااعرف عبدالعزيز؟؟.. الله ياخذك ياابليس... خل ادق عليه احسن... اتصلت وعلى طول رفعها... ديم: مرحبــــــــا عبدالعزيز: هلا وغلا ديم: كيفك؟ عبدالعزيز: تمام... وينك عن تلفونك؟؟ ديم: ريان وسديم مهبلين فيني طول وقتي معهم عبدالعزيز: الله يعينك... يلااااا احسن لك من اللحين تعلمي عالاطفال... ديم تستعبط: وشلون اتعلم؟؟ عبدالعزيز: يعني انا عيالي ماابيك تدربين عليهم ابي يصير عندك خبره... ديم: لااااا ياشيخ عبدالعزيز: ههههههههه المهم وصلك مسجي؟؟ ديم: ايه... عبدالعزيز: متى تبينها تجيك؟؟ ديم: الله يحيها بأي وقت... عبدالعزيز: اليوم المغرب يناسبك ديم: اوكي حلووو عبدالعزيز: اجي معها؟؟ ديم: لاااا خلك انت مره ثانيه... عبدالعزيز: ليش ناويه تستفردين فيني... ديم: اقوول تركت الصغار الحالهم تحت اكيد مهببين مصيبه.... عبدالعزيز: ههههههههههه اوكي اخليك مع السلامه.. ديم: مع السلامه... نزلت المطبخ تجهز حلى لضيفتها وتجهز نفسها قبل المغرب... ××××××××××××××××× جهزت شنطه صغيره لها ولبنتها ونزلت تحت .. قعدت تطالعها ام احمد وهي مستغربه... ام احمد: على وين ان شاء الله؟ الهنوف تعطر بنتها: العنود بترسلي سواقها... ام احمد: وش الطاري؟؟ الهنوف: انا قلت لها بقعد عندها كم يوم... لاني لوجلست هنا زياده برتكب جريمه باحمد.. ام احمد: اخوك يبي مصلحتك و... الهنوف تقاطعها: يمااا لاتدافعين عنه توصل فيه المواصيل يمد يده علي... ام احمد: انتي اللي حديتيه... الهنوف: هو من زمان حاط دوبه دوبي... ام احمد: لاتلومينه احمد عنده مشكله بالبنك يقول انه مسروقه فلوس ومدري وش صاير... الهنوف: الله يعينه كل الناس عندهم مشاكل وضغوطات ومحترمين انفسهم مايطقوون ام احمد: خلاص رجعي شنطتك..وانا اخليه يجي اليوم يعتذر لك.. الهنوف: مااقدر يمااا ام احمد بتوسل: لاتخلين الشيطان يدخل بينكم هذا اخوك مالك غناه عنه... الهنوف: تعلميني باحمد يماااه ام احمد: بعدين انتي بتروحين عند اختك ورجلها فيه فشيله اخاف تضايقينهم.. الهنوف: لالاتخافين كلها يومين بقعدها عندها واذا رجعت الجوهره بروح عندها يومين بعد... ام احمد: وش رايك بعدها تروحين عند تركي ونوف يومين؟؟ الهنوف: تتطنزين علي؟؟ ام احمد: مدري عنك حنا عفتينا؟؟ الهنوف: انتي عالعين والراس بس احمد جرح كرامتي ام احمد: بلا كرامه بلاخرابيط هذا اخوك... الهنوف: خلاص يمااا هذا الجرس يدق اكيد سواق العنود وصل ام احمد: ملزمه تروحين؟؟ الهنوف: وغير كذا يمااا بروح عشان سليمان مايدري ويني؟؟ ام احمد: وهو وش يبي فيك؟؟.. يبي بنته.. الهنوف: ادري يمااا هذا البلى ماابيه ياخذ جنى انا حالفه... ام احمد: يالله ثبات العقل والدين... طلعت الهنوف وبنتها وراها ركبت السياره متجهه لبيت العنود.... ××××××××××××××× الساعه اربعه العصر دخل البيت حس بشئ متغيير عليه.. الصاله مرتبه ومعطره التلفزيون شغال.. الانوار مضاءه... طل بالمطبخ كانت نوف تحط اللمسات الاخيره عالغداء... التفت جهه طاوله الطعام كان عليها غداء وباصناف متنوعه عمرها نوف ماسوتها!!!... حست بحركه وراها التفتت... نوف بابتسامه: هلا تركي... نور البيت برجعتك تركي ببرود: انا من زمان بالبيت انتي اللي توك ترجعين نوف حست باسلوبه الجاف وحاولت تلطف الجو: وحشتني قلت لازم اجي اشوفك تركي باستهزاء: ماتشوفيش وحش نوف تقرب منه: عطني شماغك ورح غسل يكون الغداء جاهز.. تركي: شكرا لي يدين.. نوف تفشلت: طيب يلاااا نتغدا... تركي: الحمدلله انا شبعان توني جاي من المطعم... نوف: حرام عليك لي ساعتين واقفه بالمطبخ اطبخ لك وانت تتغدا برى تركي: بالله!!.. اللحين من يوم تركتيني تبيني اجلس على لحم بطني وكل يوم ارجع البيت واتخيل انك تستقبليني وتطبخينلي وتسمعيني كلام حلوو نوف: تركي مو انا اللي تركتك.. انت اللي تركتني!! تركي: وماسألتي نفسك ليش؟؟ نوف: ليش؟؟ تركي مارد عليها.... نوف: من يوم طلعتنا للمزرعه وانا ادق عليك بشوف وش فيك وانت ماترد علي وحتى يوم تعبت وجيتك المستشفى فشلتني عند امي وحست ان بينا شئ.... والى يومك انا ماادري وش سبب تجاهلك لي.... طنشها وراح غرفه النوم شال شماغه وفك ثوبه ودخل دوره المياه.. نوف انفعلت يوم شافت انه مو معبرها.... نوف بعصبيه: رد علي وش فيك مطنشني؟؟ تركي: لانك ماتهميني.... نوف مفتحهه عيونها عالاخر: ايش!!!! تركي ببرود مصطنع: وجودك وعدمك واحد عندي انفجرت نوف ومن غير شعور دقت على نايف اخوها وهي تصيح وقالت له يجي ياخذها... ×××××××××××××××× نزلت من فوق وهي بقمه اناقتها ماسكه عبايتها بيد واليد الثانيه الشنطه.. لقت امها وابوها جالسين بالصاله... ابوطلال: تعالي بسمه جابك ربي .. شوفي امك ؟؟ بسمه: وش فيك ماما؟؟ ابوطلال: من قمنا الصباح وهي تهز رجلها.. ورايحه جايه ممتره الصاله.. بسمه: يمااا كل ذا عشان طلال ماكلمك؟؟ ام طلال: ايه اللي يده بالنار مو مثل اللي يده بالمويه بسمه: يمااا وش هالكلام؟؟ ام طلال: مدري عنك لابسه بتطلعين ماكني قلقانه على اخوك؟؟ ابوطلال: لاتنكدين عالبنت خليها تروح تغير جوو بسمه: ترى طلال رجال مو طفل ماراح يضيع ام طلال: انتي مو فاهمه شئ بسمه: فهموني.. ابوطلال: امك دقت على الرقم اللي عطانا اياه اخوك رد عليها واحد قال ان طلال من يومين راجع السعوديه!! بسمه: راجع.. اجل وينه؟! ام طلال: هذا اللي مخوفني اخاف صار لهم شئ؟؟ ابو طلال: اذكري ربك.. ام طلال: لااله الا الله... بسمه: اكيد اللي قالك ماعنده سالفه؟؟ ابوطلال: انا بعد اقولها لكن امك مو راضيه تهدأ ام طلال: تعالي خذي الرقم ودقي على الرقم مره ثانيه واسأليهم... قربت بسمه التلفون واتصلت عالرقم رد عليها واحد مبين من صوته انه خليجي... على طول تكلمت معه عربي وسألته عن اخوها وجاوبها بنفس الجواب... التفتت على امها ماتدري وش تقولها؟؟ ام طلال: هااااااا وش صار؟؟ بسمه: نفس كلامك... ابوطلال: اخر مره كلمك متى قال بيجي؟؟ ام طلال: قال خلال هالاسبوع وانا يوم تباطيته دقيت اليوم عليهم... بسمه: ان شاء الله خير... ×××××××××××××××× دخلت بيت اهلها وهي تفور من الغيض طول الطريق اخوها يتحايل عليها يبي يعرف وش فيها بس هي مارضت تتكلم... استغربت امها يوم شافت حالتها كذا ودخلت معها الغرفه... العنود وهي تصكر الباب: وش فيك؟؟ نوف: اكره تركي.. العنود مستغربه: نعم ماسمعت!! نوف: ابي اتطلق.. زواجي من تركي من بدايته غلط العنود: وطئ صوتك خالتك برى ماابيها تسمع شئ... نوف: طلقوني منه!! العنود مستغربه: ليه وش صاير؟؟ نوف منفعله: يمااا يرفع الضغط يقولي وجودك وعدمك واحد العنود: اووووش وطئ صوتك... بعدين هو ماقال هالكلام الا بسبب.. انتي وش سويتي؟؟ نوف: والله ماسويت شئ.. هو من زمان متغيير علي.. العنود: تركي طيب وحبيب مستحيل يغلط عليك..روحي تفاهمي معه وشوفي وش مزعله نوف: ماابي ارجع له .. جرحني واروح اراضيه.. العنود: خليك عاقله وشوفي وش قصته؟؟ نوف: ابي اتطلق احسن لي واحسن له كل واحد مو طايق الثاني.. العنود بعصبيه: تتطلقين عشان ترجعين تنحرفين مره ثانيه نوف: يمااااااا العنود: يلااااا قدامي ارجعي لبيتك ماابي الهنوف تحس بشئ.. نوف: وهاذي وش جايبها بعد.. العنود: تكلمي عن خالتك بأدب... سكتت نوف ورمت نفسها على اقرب كنبه... العنود: وين جلستي قومي ارجعي بيتك... نوف: ماابي... العنود بحزم: تبين غصب.. انا بروح اجيب عباتي واوديك بيتك اللحين... طلعت العنود كلمت السواق يطلع السياره ونادت نوف وطلعوا من غير ماتحس فيهم الهنوف وراحوا بيت نوف دخلتها امها وراحت.... ××××××××××××××××××× على وقت المغرب كل شئ كان جاهز ... صوت ديم وهي تعطيهم التعليمات عالي نوعا ما... دخل ابوها على صوتها... ديم: اذا جت الحرمه اجلسوا عاقلين... واذا بغيتوا شئ خلوا مارتي تصلح لكم... ابوبدر: السلام عليكم... ركضوا عنده الصغار وهو فتح يدينه لهم وضمهم بكل حنان.... ديم: يبااااا جابك ربي طفشوني فكني منهم ابو بدر: ههههههه وش مسوين اليوم بعد؟؟ سديم: ماسوينا ثئ ريان بكل ثقه: بس كبينا حبر على سرير ديم... ابوبدر: بس والله مظلومين... ديم: شفت يباااا وانا كل ماشكيت لك منهم قلتلي حرام عليك هم اطفال ابوبدر: ماجوو ضيوفك؟؟ ديم: على وشك.... بعد ربع ساعه وصلت عمه عبدالعزيز وكانت شابه عمرها تقريبا 33 سنه وربي مارزقها بعيال... وبعد السؤال عن الحال... العمه: تمنيت الوالده موجوده اشوفها ديم: والله راحت عمره الجايات اكثر ان شاء الله... العمه: لازم تزوروني ببيتي؟؟ ديم: ان شاء الله العمه: انا زوجي شغله يفرض عليه يتنقل وكل فتره هو بديره.. ديم: الله يعينك... العمه: عاد عيال اخوي مايقصرون كل ماراح زوجي قالوا تعالي عندنا بس انا ماودي اضايقهم.. ديم: بالعكس ماراح يتضايقون سراب دايم تذكرك بالخير العمه: والله هالمره ماجيت الا يوم قال عبدالعزيز انه اللحاله بالبيت... شوي دخلوا الصغار عليهم وقعدوا يلعبون وينططون عالكنبات... ديم ماسكه اعصابها: اطلعوا برى عيب... العمه: خليهم والله يجننون ديم: الله يهديهم مزعجين وبعد فتره مرت بينهم من السوالف.. دق جوال ديم كان المتصل عبدالعزيز... انحرجت ديم ترد عليه قدام عمته... لكن قالت مايصير اطنشه... ردت وهي منحرجه.. ديم: الووو عبدالعزيز: بسرعه افتحي الباب انا واقف برى صكر الخط من غير مايعطيها فرصه ترد عليه.... ديم تكلم العمه: هذا عبدالعزيز برة بفتح له الباب العمه: خذي راحتك فتحت له الباب ودخلته والابتسامه مافارقت وجهها... عبدالعزيز يطالع عمته: هاااا عمه عساك مبسوطه؟؟ العمه: احد يقابل الوجه الحسن وماينبسط... ديم: الله يسلمك.. بعض مما عندكم عبدالعزيز: من احلى انا ولاهي؟؟ العمه: طبعا هي تهبل احلى من خطيبتك الاولى اللي شايفه نفسها على ولاشئ... ديم انصدمت اول مره تدري ان عبدالعزيز كان خاطب وحده قبلها !!... وهو نفس الشئ حس بجمود معالم وجهها وحس انها مصدومه فتأكد ان ماعندها خبر بهالشئ يعني اكيد سراب ماعلمتها.... انقهر من عمته هي قالتها بحسن نيه بس مايدري وش تأثير الكلام على ديم... حاول يكون على طبيعته ودع ديم واخذ عمته وراح بيتهم... ××××××××××××××× بعد ماعلمته امه ان الهنوف راحت كم يوم عند اختها وطلبته مايسوي مشاكل ويعدي الموضوع على خير لان الهنوف نفسيتها تعبانه... احمد: يماااا انا ماكان قصدي امد يدي هي استفزتني ام احمد: ادري ياوليدي الله يصلحها... بس انت وش صار على مشكلتك بالبنك؟؟ احمد يتنهد: ماصار شئ والحمدلله انا واثق من نفسي اني ماسويت شئ... ان شاء الله ربي بيظهر الحق.. ام احمد: ربك كبير ماينسى احد احمد: وش فيه يما صوتك كذا؟؟ ام احمد: مدري والله ياوليدي حلقي من قمت الصبح وهو يعورني حتى صوتي متغير.. احمد: بعذره راح صوتك من كثر ماتصارخين على ام عبدالله.. ام احمد: قم قم خل نطلع نشم هواء ونمر نجيب شئ لحلقي... احمد متضايق: وين نروح يمااا؟؟ ام احمد: أي مكان.. شف ام صقر ماتجلس بالبيت عيالها ماغير يفرفرون فيها.. احمد: مالي خلق والله ام احمد: سواء طلعت معك انا ولاماطلعت البيت ناقصه مقاضي واجد.. احمد يقوم بكسل: امري لله البسي عباتك انا بالسياره . . . مروا الصيدليه اخذوا دواء للحلق.. وبعدها راحوا لكارفور دخلوا قسم المواد الغذائيه واخذوا الاشياء اللي ناقصتهم... ام احمد تطالع الناس اللي قدامهم واحد ماسك يد زوجته.... ام احمد: هووو هذا وراه ماسك يد الحرمه قدام خلق الله... احمد وماله خلق: زوجته يماا ام احمد وتحاول تطلع ولدها من حاله الكأبه اللي هو فيها: طيب امسك يدي خلهم يحسبوني زوجتك.. احمد ابتسم من كلام امه: اخاف يقولون شوفوا زوجها الحلووو ويخطفوني منك... ام احمد: اقوووول لاتحدني البس البرقع واطيح نص السوق... ابتسم احمد ابتسامه خفيفه... وهم طالعين شاف احمد محل " فيسز "... احمد: يمااا تعالي المحل هذا ابي اخذ لي عطر..... دخلوا المحل واستلمهم اللبناني... اللبناني يكلم ام احمد: بدك أي ماركه مدام؟؟ ام احمد تسوي نفسها وحده فاهمه: لاشكرا الاسبوع اللي راح شريت من عندكم.. احمد: ابي عطر جديد وحلووو الموظف: في اشياء كتير حلوووه بس مابعرف شوو بيعجبك.. احمد: خلني اشم واشوف... بدى اللبناني يطلع لاحمد ويرش له وشئ عجبه وشئ ماتقبل ريحته... احمد: خلاص عطني هذا... اللبناني: الفرنسي؟؟ احمد: ايه.. كم قيمته؟؟ اللبناني: 450 ريال ام احمد حاطه يدها على راسها: اللهم صلي على محمد 450 ريال..!! اللبناني: لكان هايدي الماركه نادره بالسوء وصناعتى فرنسيي... احمد: مافي دسكاوند؟؟ اللبناني: لاوالله الميك اّب والعطور نادر مايكون عليهم ديسكاوند ام احمد: خفضوا لنا حنا زباين عندكم؟؟ احمد يلتفت لامه: يما عمرك جيتي لهالمحل؟؟ ام احمد: لالا ماعليك انت اكاسر الرجال احمد: خلاص عطني اياه... ام احمد: ماتخفضون لنا ... هذا والرئيس الفرنسي زايرنا..!! ضحك اللبناني عليها.. اخذوا العطر وطلعوا من المحل راجعين للبيت... ××××××××××××××××××× الصباح بالدوام جالس يرتب اوراقه.. شاف الموظف اللبناني مبسوط عالاخر... عبدالعزيز: ان شاء الله دوم هالوناسه .. وش السالفه؟؟ عماد: باركلنا استاز عزيز.. اليوم لبنان اسرت اتنين اسرائلين... عبدالعزيز: وشلوووون؟؟ عماد: بفضل ربي اليوم بالاخبار عم بيقولوا انهم اسروا اتنين اسرائلين واتلوو سبعه.. وهايدا من صالحنا .. منشان نبدل الاسرائلين باسرى لبنانين... عبدالعزيز: ماشاء الله عقبال مانأسر اليهود كلهم.. عماد: الله يسمع منك... بعد دقايق معدوده انتشر في الاعلام هذا الخبر... " لبنان تحت الحصار.. الدخان يتصاعد من مطار بيروت نتيجه القصف الاسرائيلي ...... اسرائيل تفرض حصار جوي وبحري وبري على لبنان حتى اشعار اخر...." اللبناني وغيره كثير من المقيمين صارت حالتهم حاله من بعد هالخبر .. وعبدالعزيز ماكان اقل منهم تأثر خاصه ان امه واخته بالشام اليوم كانوا بيمشون للبنان الا الان هو مايدري راحوا ولا لا؟؟ بسرعه رفع تلفونه واتصل على جوال امه وماكان في احد يرد... ارسلها مسج وقالها تطمنه عليها اول ماتشوف اتصاله وجلس ينظر اتصالها بتوتر واضح ××××××××××××××××××× ببيت العنود كان يسود الصمت ابونايف بدوامه ونايف وريوف نايمين.. الهنوف تتقلب بفراشها بكسل شافت بنتها قامت سحبتها لدوره المياه غسلت لها ولبستها ونزلوا سوا اقبلت عالصاله شافوا العنود جالسه اللحالها... الهنوف: صباح الخير العنود: هلا صحيتي؟؟ الهنوف وهي تتثاوب: احس بخمول .. العنود: تعالي جنووو بوسه.. ياربي اول مره اشوفها عالصباح.. جنى: وين يووف؟ العنود تقلدها: يووف نايمه الهنوف وهي تجلس: رجلك موجود؟ العنود: لا بالدوام..... يلاااا خليني اصلح فطور قاعده انتظرك تقومين... الهنوف: ودي اساعدك بس مابي حيل.. العنود: لا عادي اصلا الشغاله معي... راحت العنود المطبخ وصلحت لهم فطور سريع.. وحطته على طاوله الطعام ونادت اختها.. الهنوف: نوف تجيك كل يوم؟؟ العنود: لااا كل يومين كل ثلاثه.. الهنوف: لان امس جنى تقول جت نوف وانا ماشفتها.. العنود تصرفها: ايه امس كانت جايه تأخذ اغراض من عندي.. الهنوف: اهااااااا العنود تغير السالفه: ياعمري شفتي احمد صاير له مشكله بالدوام.. الهنوف كشرت وبدت شغل الحش: احمد اخوك قاهرني.. العنود: حرام عليك احمد مافي مثله.. الهنوف: ياشيخه مويه من تحت تبن.. العنود: ياويلك من ربي لاتقولين كذا الهنوف: ماعمري شفت منه خير لاقبل مااتزوج ولابعد زواجي.. العنود: ياكبرها عند الله.. من اللي راكض ووقف معك يوم زواجك؟؟ الهنوف بكبرياء: مادفع شئ من جيبه؟؟ العنود: ولووو هذا اخوك والمفروض ماتذكرينه الا بالخير الهنوف: بلاك ماتدرين وش مسوي؟؟ العنود مستغربه: وش سوي؟؟ الهنوف بارتباك: يرفع صوته علي كني اصغر عياله... بان الارتباك على الهنوف وتحسفت انها بدت بالموضوع لانها ماتبي احد من اهلها يعرف ان احمد مد يده عليها..!! قويه بحقها .. تحس كبريائها بيروح لو عرفوا هالشئ... ×××××××××××××××××× ماسك خط الرجعه للبيت يسوق بقلق كل شوي يمسك تلفونه ويعيد الاتصال على امه ومازال جوالها مقفل زاد خوفه عليهم.. اكيد فيهم شئ.. اعوذ بالله من الشيطان الرجيم.. يارب الطف فيهم.. يارب مايكونون راحوا لبنان يارب... وقف سيارته نزل البيت واول ماادار المفتاح بالباب سمع حس بالداخل استغرب معقوله عمتي عندها احد؟؟... لما قرب اكثر عرف الصوت هذا صوت ضحكه سراب اخته... عبدالعزيز والفرحه مو سايعته: هلاااااااا والله تو مانور البيت ام عبدالعزيز بابتسامه: منور بعمتك سراب تستهبل: بذمتك ماوحشتك؟؟ عبدالعزيز: والله اشتقت لكم... كيف رجعتوا وماعطيتوني خبر؟؟ العمه: والله انا من يوم ماسمعت عن حصار لبنان وانا ميته خوف عليهم ام عبدالعزيز: الحمدلله ربي فكنا... سراب: ياشيخ امي من درت امس ان اسرائيل تهدد وتتوعد طلبت خالي يقدم حجزنا ونرجع... عبدالعزيز: ازين شئ سويتوه ام عبدالعزيز: وخالك مارضى لي ادق عليك قال بيكلم سواقه يستقبلنا بالمطار.. العمه: سبحان الله رجعتكم خيره.... ام عبدالعزيز: نعمه من ربي مارحنا لبنان عبدالعزيز يتذكر: صح يما ليه مقفله جوالك؟؟.. سراب: يوووووو ذكرتني من مطار سوريا نسيت افتح جوالي.. العمه: اهم شئ رجعتوا لنا بالسلامه... سراب وهي قايمه: يلاااااا استئذن ميته تعب بروح اخذ لي شور وانام... طلعت غرفتها خذت شور ولبست بيجامتها وقبل ماترمي نفسها عالسرير رفعت التلفون ودقت على مركز الاسنان تأخذ لها موعد وتتطمن اذا كان الدكتور وصل ولا لا؟؟ تضرب عصفورين بحجر.... ×××××××××××××××××××××× سراب وينك ياسراب رحتي وتركتيني اللحالي... الله يسامحك ماقلتي لي ان اخوك كان خاطب قبل .. تخليني اعرف من الناس... منب صاحيه انا افكر بموضوع تافهه وناسيه الاهم.. يارب يكونون بخير.. ان شاء الله مايكونون راحوا لبنان... يارب رجعهم لنا بالسلامه... ادق على عزيز اسأله عنهم؟؟... لااااا اللحين بيتوقع اني اللحق وراءه وادور سبب عشان اكلمه!! وهو مادق علي اليوم يشوف وش اخباري؟؟.. اكيد مشغول يفكر بأهله... اااااااه ياعزيز هو دايم يقولي انتي عصبيه مااحب اكلمك الا اذا هديتي.. يمكن عشان كذا ماكلمني امس.... سمعت تلفونها يرن شافت رقم بيت جيرانهم... على طول ماجاء في بالها الا انه عبدالعزيز... قالت بخاطرها حلوو جاء الاتصال منه.. خليني اسأله عن سراب وخالتي.. ردت بهدوء سراب بصوت عالي: سلالالالالالالالالام ديم: هلالالالالا والله سراب!! سراب: وش اخبارك؟؟ ديم: انا بخير.. انتي طمنوني عنكم انتي وخالتي وش اخباركم؟؟ سراب: احياء نرزق... ديم: الحمدلله... يالخيانه ترجعون كذا ولاتعطيني خبر!! سراب: والله هي كذا جت فجأه بعدين احكي لك السالفه اللحين ميته تعب بروح انام... ديم: اوكي.. سراب: تعالي قبل ماانسى قبل شوي دقيت على مركز الاسنان الدكتور رجع الحمدلله ديم: بالله.... سراب: ماتتصورين قد ايش فرحتي برجوعه.... على طول قلت لهم عطوني موعد بكره أي وقت... ديم: وعطووك؟؟ سراب: ايه ياحبيبتي انا سراب مو حي الله وحده.. ديم: ههههههههه امووت عالثقه... سراب: اكلمك بكره ان شاء الله... ديم: مع السلامه ارتاحت يوم سمعت صوت سراب وتطمنت عليها... الحمدلله هم بخييير اجل ليش عزيز الا الان مادق علي؟!.. انا مو زعلانه عشاني مو اول بنت بحياته!!.. انا مصدومه ماتوقعت يخبون علي خبر مثل هذا.... اااااااااااه لوتدري ياعزيز قد ايش احبك؟؟... والعتب على قدر المحبه.. مسكت قلم وخربشت بعض الكلمات.... اتأمل عمري على شاشه الجدار الابيض.. اّه كل ذلك الضجيج لايجدي.. كل ذلك الصخب والعتب ومسرحيات الوصال والشجار وكل الاحاديث الهاتفيه المحمومه والنظرات الخجله كل ذلك لايجدي.. فــ " سيد الحزن" يعرف دوماّ طريقه الي.. وحين يمد اصابعه الشفافه, تنهار كل حصون الزحام والصخب, مثل بيوت من ورق اللعب.. هدمتها في غمضه عين رفه عصفور.." ** (غاده السمان) ××××××××××××××××××× نوف من يوم رجعت امس لبيتها ماصار بينها وبين تركي أي كلام .. صحى من النوم المغرب طلع من غير مايعبرها والليل تأخر ونامت من قبل ماتشوفه!!... واليوم قامت الصبح مالقته جنبها راح لدوامه... تحس بضيقه كونها مهمشه بالبيت نفسها تعرف السبب الحقيقي لزعله؟؟.. ماتدري ليش حاسه انه عارف شئ عنها.. هو يحبها واكيد سبب تغيره عليها امر كبير!!.. تذكرت يزيد تخاف بأي لحظه يدق عليها او يرسلها وتطيح بشر اعمالها يمكن تركي يشوفها.. فتحت جوالها على انشاء رساله وكتبت.. " يزيد اعتبر اللي بينا انتهى ولوانه المفروض ينتهي من زمان وتذكر انه كما تدين تدان " طالعت بالساعه كانت وحده الظهر حست بالجوع من الصبح مااكلت شئ.. نوف تكلم نفسها اطبخ له شئ اليوم ولابيفشلني مثل امس!!.. بس امس ماكان عارف اني رجعت.. لكن اليوم شافني نايمه... لالا اكيد بيفشلني حفاظا على ماء وجهي ماراح اسوى شئ واذل نفسي له وهو ماراح يأكل كيفه... دخلت المطبخ سوت لها ساندويش صغير مع كوب شاي وطلعت تجلس قدام التلفزيون.. بقراره نفسها تحس انها مو مرتاحه بس تحاول تبين انها عادي بتشوف وش اخرتها مع تركي!!! سمعت نغمه مسج فتحته كان من يزيد... " هذا اللي كان ودي اقوله لك من زمان بس غلبت علي عواطفي وحلوو انها جت منك..الله يوفقك يانوف.. " ×××××××××××××××××× في الفرع البنكي اللي يدوام فيه احمد عمليه الحواله اللي صارت مازالت شغلهم الشاغل... واحمد صار مايداوم على مكتبه كثير... من كثر مايستدعونه لمكتب المدير.. كل شوي يستجد شئ بالموضوع وينادونه وهو يجاوبهم على اسئلتهم بكل صراحه.. ومستغرب كيف العمليه تمت من غير مايحس بشئ... احمد يتنهد التفت عليه الموظف اللي جنبه... الموظف: وش صار جديد؟؟ احمد: ماصار شئ؟؟ الموظف: تصدق المفروض يحطون بصمات اصابع عالكيبورد بعد آخر تشغيل للجهاز ... علشان يكشف كل عمليه تمت بأي بصمه.. احمد: قوووويه شوي الموظف: من جد ليه مايكون عندهم مثل هالامكانيات؟؟ احمد: يارجال خلهم اللحين اذا صوروا شخص بكاميرات الصراف يجيبونهم بعدين يفكرون باختراعك.. الموظف: ياشيخ شغل البنوك مافي اردى منه.. الناس يحسدونا مزايا وبدلات ورواتب ممتازه ومايدرون عن البلاوي اللي تصير عندنا.. احمد بتنهيده طالعه من قلب: والله انك صادق.. الموظف: هونها وتهون... احمد: الله يعين... تذكر اخته الجوهره رفع السماعه بيتصل ويقولها تدعي له فرصه انها بالحرم... بس وجود الموظف جنبه منعه من هالشئ وخاصه انه مايمون عليه ومايبيه يسمعه يكلم اخته.. اكتفى انه ارسلها مسج وقالها دعواتك ربي يطلعني من المصيبه الي طحت فيها... ×××××××××××××××××× اليوم موعدها مع اللي اخذ القلب والروح او بالاصح موعدها لشد التقويم... متوجهه للعياده والشوق واصل حده تحس قلبها بيطير من الفرحه .. لوفيها جراءه كان مسكت الدكتور وقالت له اللي بقلبها لكن مستحيل تسويها.. حبها له كاتمته بقلبها... رفع الدكتور راسه بيشوف من دخل عليه.. كان جالس عالمكتب وفوق المكتب طفله صغيره يمكن عمرها اربع سنوات كان قاعد يلعب معها.... سراب: السلام عليكم د/ ماجد: وعليكم السلام.... سراب وهي تكشف وجهها: معليش تأخرت عالموعد.. د/ ماجد بابتسامه: تفضلي على سرير الكشف.... اتجهت سراب لسرير الكشف والتساؤلات براسها عن هالبنت اللي جالس يلعبها ويضحك معها الدكتور؟؟.. من هالبنت؟... غريبه اول مره اشوف عنده احد؟؟..... قطع عليها تفكيرها صوت الدكتور... د/ ماجد وهويشيل البنت ويحطها عالكرسي: اوووب.. خليك جالسه هنا لاتلعبين.. البنت: ابي سيبس... د/ ماجد: اجلسي عاقله واجيب لك.... قعد الدكتو يحوس بأدراجه ينتظر النيرس تجهز عده الاسنان... سراب لفت انتباهها جمال البنت وملامحها الحاده التفتت للنيرس: woow she's cute girl النيرس بابتسامه: yes سراب وقلبها قابضها تكلم النيرس بصوت واطئ: who,s she?? النيرس: Dr.majed doghter سراب من الصدمه انخرست ماقدرت تنطق بحرف واحد.. د/ ماجد وهو ماسك الحديده ويطالع باسنانها: لا ماشاء الله في تحسن كبير... قعد يشتغل فك السيم وبدأ بالمطاطات واحد واحد وهي ربي اعلم بحالتها ... حس الدكتور وهو يشتغل بتوترها وسرعه تنفسها.... د/ ماجد: سراب استرخي خليك طبيعيه!! سراب ماردت وحاولت تسيطر على مشاعرها اكثر.... ويوم بدأ الدكتور بالشد نزلت دموعها من غير شعور.... د/ ماجد: سراب في شئ ؟؟... تحسين بألم؟؟ النيرس: you feel pain د/ ماجد مقاطع: تكلمي عورتك؟؟.. الشد قوي عليك ماتتحملينه... هزت راسها بالنفي.... استغرب الدكتور من حالتها وحس بحركه خلفه التفت... د/ ماجد: لايابابا لاتلعبين... روحي اجلسي هناك... النيرس معها علبه المطاطات: choose color سراب بقهر: ابي لووون اسود د/ ماجد رافع حاجبه: ياساتر ليه اسود عاد!!.. الله يبعد عنا الايام السوداء.... ماردت عليه سراب... د/ ماجد: تختارين لون مثل الناس ولاانا اختارلك؟؟..... قعد ينتظرها تتكلم ماردت عليه.... د/ ماجد: شدن حبيبتي تعالي هنا اختاري لون حلووو لسراب... قربت البنت تتفرج عالالوان وبعد مامرت عليهم كلهم اشرت على اللون الموف.... النيرس: nice د/ ماجد: هي اختارته لك بحطه.... قعد يشتغل الدكتور ويركب المطاطات وهي حالتها حاله...... د/ ماجد بعد ماخلص: شكلك ماتحبين الاطفال؟؟ سراب وتحاول تبين طبيعيه: بالعكس اصلاّ انا تخصصي رياض اطفال... د/ ماجد: حلووو ... بجيب بنتي تدرس عندك اذا دخلت المدرسه... سراب منزله راسها عالارض: هاذي بنتك؟؟ د/ ماجد وهو يبتسم: شدونه هاذي مو بس بنتي .. هاذي دنيتي .. سراب تصلح نقابها: الله يخليها لك... شكلك تحبها.... طلعت من غير ماتسمع رده عليها ×××××××××××××××× سديم وريان جلسوا يصيحون عند ديم جوعانين قالت لمارتي تسوي لهم ساندوتشت.. بعد دقايق رجعت لهم لقتهم منتفين التوست والطماطم عالارض.. وصلت حدها منهم مو كفايه اللي فيها نادت مارتي تنظف عقبهم.. التفتت لقت ياسر يلعب بلاي ستيشن.. ديم: وين ريان وسديم؟؟ ياسر منسجم مع اللعبه: هاااااااا ديم: اقولك وينهم؟؟ ياسر: يمكن بالحوش... ديم: اوريهم... ياسر: تعالي ديم متى بترجع امي؟ ديم: والله مدري.. بكلمها اليوم واسألها.. ياسر: والله البيت من غيرها مو شئ.. طلعت لقتهم الحوش هزأتهم وعطتهم كم كلمه... مسكت جوالها دقت رقم امها محد رد عليها.. تأففت وقعدت تبحث عن رقم ابتهال... ديم: الووو ابتهال: هلااا والله ديم: هلا ابتهال وش اخبارك؟؟ ابتهال: بخير انتي كيفك وسديم وش اخبارها؟؟ ديم: اسكتي ياابتهال على كثر حبي لسديم هاليومين كرهتها رفعوا ضغطي هي وريان... ابتهال: هههههههههه وش سوو بعد؟؟ ديم: قولي وش بقوا؟؟... المهم متى بترجعون؟؟ ابتهال: بكره ان شاء الله ديم: ياشيخه بسوي حفله.. وضريبه لكم تأخذون ريان عندكم اسبوع عشان تحسون بمعاناتي.. ابتهال: ههههههههههههه ديم: وين امي؟؟ ابتهال: لحظه.. ثواني وتكلمت ام بدر.. ديم: هلالالالالا يماااا اشتقت لك ام بدر: وانا بعد ديم: دعيتي لي يمااا ام بدر: دعيت لكم كلكم.. ديم: والله البيت من غيرك مايسوى ام بدر: ان شاء الله بكره وحنا عندكم ديم: كنت داقه بشكي لك من الثنائي اللي عندي.. بس مادامكم بترجعون بكره بتصبر وامري لله ام بدر: ياحبيلهم اشتقت لهم.. ديم: ايييه لو هبلوا فيك مثل ماهبلوا فيني كان ماقلتي كذا ام بدر: هههههههههه ابوك وش اخباره؟ ديم: كلهم بخير.. خلاص مااطول عليك يمااا ترجعون بالسلامه ان شاء الله بعد ماقفلت قعدت تحوس بأدراجها طلعت روايه قعدت تقرأ فيها... وفي ظل انسجامها مع احداث الروايه افزعها صوت تلفونها يرن... شافت المتصل كان عبدالعزيز طنشته!!.. رجع دق مره ثانيه ونفس الشئ ماردت ... بخاطرها خلي يعرف اني مو خفيفه وماصدقت يدق علي طول ارد.....امس مادق واليوم يبيني ارد عليه بكل شوق ولهفه!!... للمره الثالثه يدق الجوال بس هالمره ماطول ثاث دقات وسكت.. من يوم سكت التلفون رجع انقبض قلبها .. اخاف يصير بينا سالفه انه اتصل ولارديت عليه!! احبك!!.. بس يقولون الثقل زين... ضحكت بنفسها لكن امي تقول "من تغلى تخلى ولو كان غالي"... كم مره دق هذا دليل ان الرجال شاريني ويدور رضاي... ارجع ادق عليه؟؟.. لا لا ارسله مسج احسن.. قعدت تحوس بتلفونها لما لقت مسج حلو ارسلته بدون تردد... " علمني حبك.. ان احزن..!! وانا محتاجة منذ عصور.. لرجل يجعلني احزن.... لرجل ابكي فوق ذراعه مثل العصفور.. لرجل يجمع اجزائي كشظايا البلور المكسور " ××××××××××××××××× سراب كيف راح يكون تأثير الصدمه القويه اللي جتها بعد ماعرفت ان دكتورها متزوج وعنده بنت؟؟ الهنوف وحلها المؤقت للابتعاد عن سليمان هل راح يكون من صالحها؟؟ ديم مع مسؤليه الصغار ومفأجأه انها مو الاولى بحياه عبدالعزيز هل هالشئ راح يأثر على علاقتهم تركي ونوف وش يخبي لهم المستقبل؟؟ تصرفات العنود مع بنتها لوين بتوديها؟؟ ام طلال وش المصير اللي ينتظر ولدها؟؟ وانشاء الله يعجبكم الجزء على فكره هذا أخر جزء عندي الكاتبه ما نزلت شئ للحين أول ما تنزل أنزله لكم قبل ما أقراه أعذروني |
|
| |
|
09-01-2006, 07:34 PM
| #54 |
| | رد : ما زال الليل يعاندني .. قصه روووعه وووووووين التكمله يالغلا ياله نبيه بسرعه |
|
| |
|
| مواقع النشر (المفضلة) | |||
 Digg |  del.icio.us |  StumbleUpon |  Google |
| |
المواضيع المتشابهه | ||||
| الموضوع | المنتدى | |||
| انتريهات روووعه منزل و ديكور - 04-17-2008 | منزل و ديكور | |||
| صور روووعه للماسنجر مسجات نصية و رسائل وسائط SmS MmS - 02-23-2008 | مسجات نصية و رسائل وسائط SmS MmS | |||
| لاتجرح الليل/// ياصاحبي لايسرى الليل بدري/// سعود بن عبدالله سعود بن عبدالله - 02-16-2008 | سعود بن عبدالله | |||
| .•° نقش حنه ... روووعه °•. الأزياء و حديقة حواء - 11-19-2006 | الأزياء و حديقة حواء | |||
| شنط روووعه الأزياء و حديقة حواء - 09-19-2005 | الأزياء و حديقة حواء | |||
تصميم و تطوير : أمير الهنوف
