التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا
| | |
| التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا | |
 |
 | |
 |  |
 |  |
 | |
| |  |
يوتيوب | المركز الإخباري | الكل في واحد
| منتدى السيارات | منتدى التصميم | منتدى حواء | معرض الصور | منتدى البرامج | ||
| الكلمات الدلالية | المنتدى الرياضي كوره | المجلة الإسلامية فوائد | ||||
| |||||||
| الملاحظات |
|
| قصص واقعية و روايات أجمل وأروع القصص الواقعية والخيالية |
| |
 |  | | ||||
| ||||||
 |
| | أدوات الموضوع |
08-02-2006, 08:07 PM
| #37 |
| | رد: ما زال الليل يعاندني .. قصه روووعه حنين الايام .. كتكوته .. دلوعه ... مشكورين على مروركم وآسفه على التأخير الجزء الرابع عشر.. ============= طلت شمس يوم الاربعاء بكل فرح وسرور تمد الناس بنورها واشعتها الذهبيه.. الساعه اربع العصر وصل تركي من دوامه وقعدوا يتغدون.... تركي: اكلك اليوم خطير.. نوف: مع اني اطبخ اليوم من غير نفس تركي: ليه سلامتك؟؟ نوف: مدري كارهه نفسي.. معي صداع تركي: اوديك عند الطبيب.. نوف: لامايحتاج تعب بسيط.... تركي: بنام وبشوف لما اقوم ان كنتي بخير ولا لا... دخل الغرفه ينام وهي انشغلت تلم باقي الغداء وتغسل الصحون ويوم خلصت ملت راحت لغرفتها جت بتنام لقت تركي ماخذ السرير بالنص يعني مافي مكان تنام فيه استرخت عالاريكه بتعب واضح قعدت تتأمل وجه تركي وهو نايم حست انه يشع براءه صح هو يعاملها زين لكن شكله اللحين غير ماكنه تركي زوجها... هي الا اليوم ماحبته لكن رضت بنصيبها واسرتها معاملته الطيبه معها وحنيته الواضحه بكل تصرفاته لكن حب مابعد وصلت لهالمرحله... فرق كبير بين مشاعرها من ناحيته قبل شهر وبين مشاعرها اللحين صارت تخاف عليه تهتم فيه يضايقها زعله يعكر مزاجها شوفته متضايق... ماتدري ليش بهاللحظه جت صوره يزيد في بالها وكرهت نفسها خلاص ماتبي تفكر فيه المفروض تنساه حاولت تبعد التفكير عنه بأنها طلعت من الغرفه تدور لها شئ تشغل نفسها فيه.... ==================== المغرب ركبت السياره ورفعت تلفونها واتصلت ماطول يدق رفعتها ديم... سراب: الووووووو يلااا انا برى اطلعي ديم: ثواني وجايه .. مع السلامه جت ديم ركبت معها وانطلقوا متوجهين للمستشفى وطول الطريق وهم سوالف وضحك لما بدت سراب تتكلم بجد... سراب: ديم الا متى انتي بتصيرين جافه مع اخوي؟؟ ديم وكن احد صافقها: انا مره نفسيتي تعبانه تكفون حسوا فيني سراب بحنيه: بس عزيز مايستاهل منك هالمعامله ديم نزلت راسها: تبين الصراحه انا عارفه اني الايام اللي راحت تصرفت تصرفات اطفال وعشان كذا مستحيه منه و... سراب تقاطعها: بالعكس عزيز قلبه طيب ويسامح ولاتنسين ان اخوي يحبك سكتت ديم ماعرفت وش ترد او ايش تقول؟؟ وظلوا ساكتين لما وصلوا وكالعاده جلسوا بالانتظار بعد عشر دقايق جت النيرس نادت على سراب طلعوا وهي تحس بخووف مو طبيعي واطرافها بارده وديم تضحك عليها.. ديم: الحمدلله والشكر اللحين انتي كل موعد لك تقعدين تتنافضين كذا سراب: يماااا هالمره احس اني بزياده دخلوا ورفع عينه الدكتور واستغرب انه شاف ثنتين.. دخلت سراب وديم وقفت عند الباب.. د/ ماجد: تفضلي راحت سراب للسرير الكشف والنيرس اتجهت للباب بتقفله وسراب من الربكه نست ان ديم جايه معها.. د/ ماجد يكلم النيرس: wait wait.. ويلتفت لسراب: هاذي تبعك؟؟ جايه معك؟؟ سراب: ايييييييييه خلها تدخل نسيتها دخلت ديم وهي تضحك على شكل سراب باين عليها مرتبكه وحالتها حاله... د/ ماجد: افتحي فمك.. فتحت فمها وهي قعد يشوف شغله بهدوء على غير العاده.. ديم تطالع فيه وتتأمل وهي تقول خل نشوف وش مسوى بسراب انت؟.. ملت وهي جالسه تطالعهم قعدت تتلفت بالعياده طالعت جهه المكتب لفت انتباهها ميداليه مليانه مفاتيح وكانت الميداليه عباره عن حرف وهو s استغربت ديم خاصه وان اسمه هو ماجد يعني المفروض يحط حرفه طيب يمكن يحب وحده وحاط حرفها مسكينه سراب مدري لو عرفت وش بتسوى؟؟.. ديم فزت كنها اكتشفت شئ... طيب لا يكون هو حب سراب وحط هالميداليه يبيها تشوفها عشان تحس وخاصه انه من كلامها انه اخر جلسه اخذ وعطى معها كثير ومدحها.. د/ ماجد: الساعه كم؟؟.... اذن العشاء سراب ماقدرت تتكلم لان الدكتور يشتغل بفمها د/ ماجد بصوت واطئ: اختك اللي معك؟؟ سراب: لا انا ماعندي خوات.. هاذي مره اخوي ديم اول ماسمعت هالكلمه حست بشعور غريب صح كلامها انا مرة اخوها لكن ليه ماقالت صديقتي انا لي سنين صديقتها وماصرت مره اخوها الا من اقل من شهر د/ ماجد: خلاص خلصنا سراب كانت سرحانه وانتبهت على نور الاضاءه تقفل: خلاص د/ ماجد مبتسم: كلها مطاطه وحده.. نزلت تعدل نقابها وراحت جهه ديم ودها يطلعون بسرعه تبي تعرف رايها فيه... فتحوا الباب بيطلعون شافوا النيرس طلعت تنادي على المراجع اللي بعدها.... جت وحده دخلت وكان شكلها ملفت بالعبايه مره انيق وجسمها كان باين انه حلوو حاطه لثمه وكحل خفيف وعيونها مووووت وريحه عطرها قويه... دخلت البنت والنيرس قفلت الباب .. انجنت سراب ان هالبنت تدخل عالدكتور حست بنار الغيره تأكلها اكل تتمنى انها ذبحت البنت قبل ماتدخل على دكتورها.. ديم تكلمها وهي ماترد عليها: امشي بنطع.. يلااااا تأخرنا..... سراب اكلمك ردي سراب: شفتيها...؟؟ ديم: ايه وش عليك منها سراب: تقهر بتقعد هي وياه بمكان واحد ديم: سراب منتب صاحيه تراه مو دكتورك اللحالك سراب مقهوره: مو قادره احس نار بصدري ديم تسحبها جهه البوابه عشان يطلعون: دقي على سواقكم شوفي وينه؟؟ سراب: ديم تكفين برجع عندهم ديم: وش بتسوين؟؟ سراب: بشوف كيف جالسه معه؟؟ ديم: شكلك نسيتي نفسك تراه مو زوجك.... ==================== دق عليها زوجها وقالها انه بيمرها ضروري لبست ولبست بنتها ونزلت لقت امها بالصاله... ام احمد: ماشاء الله وش هالزين؟؟ الهنوف: مدري يمااا سليمان بيمر اللحين يقول ابيك ضروري ام احمد: الله يهدي سركم يابنيتي الهنوف متوتره: الله يستر مدري وش عنده هالمره ام احمد: خل اقوم اصلح قهوه الهنوف: موب لازم يماااا شكله مو مطول اول ماانهت كلمتها سمعت جرس الباب راحت تفتح.. سليمان وهو ماد يده: السلام عليكم الهنوف مدت يدها تصافحه: وعليكم السلام سليمان وهو يرفع جنى يلعبها: بوسه بابا جنى تمسك وجه ابوها ومو مصدقه انها شافته: بابا جاء بابا جاء الهنوف: تقول عندك موضوع خير ان شاء الله سليمان ينزل جنى ومو عارف من وين يبدأ: الصراحه يالهنوف انا قدرت ادبر مبلغ بسيط وقلت بشتري فيه بيت صغير على قدنا ولما يفرجها ربك بدال محنا مشتتين... الهنوف: خلصت كلامك... سليمان: انتظر ردك الهنوف: يارجل الاعمال المشهور المفروض قبل ماتشتري ولاتبني ترجع الحقوق لاصحابها بعدين فكر بنفسك... سليمان وبان عليه الغيظ: يعني؟؟ الهنوف: يعني انت مأخذ مني 600 الف ريال رجعها لي ويصير خير سليمان: يابنت الناس حقك محفوظ وان رجعتها لك مابقى معي شئ الهنوف: هاذي مشكلتك سليمان: الهنوف قسم بالله ان ماتأدبتي وانتي تكلميني مايصير لك طيب الهنوف وبتحد واضح: وش بتسوي بتطلقني يعني؟؟.. من زين العيشه اللي كنت عايشتها معك على هالجمله دخلت ام احمد وهي شايله صينيه القهوه... ام احمد: السلام عليكم الكل: وعليكم السلام ام احمد: ياعيالي تعوذوا من ابليس لاتخلون الشيطان يدخل بينكم.. سكتوا ماردوا عليها... ام احمد: تفضل ياولدي القهوه تقهوى.. وانتي الهنوف تعالي ابيك شوي بعد ماطلعوا... ام احمد: صاحيه انتي تقولينه طلقني الهنوف: قهرني يمااااا ام احمد: انتي تبين تتطلقين صدق؟؟ الهنوف: لااا ام احمد: اجل ليش تقولين هالكلام ترى الرجال يصدق ويسويها الهنوف: مايقدر.. انتي ماتعرفينه كثري بالعكس اذا بينت له اني مو خايفه من الطلاق يتمسك فيني ام احمد: منتب صاحيه وان سواها من جد تقعدين تندبين حظك الهنوف: اصلا سليمان يموووت في بنته وهذا السبب اللي يخليه متمسك فيني اكثر.... سمعوا صوت الباب الخارجي يتقفل رجعوا المجلس ماحصلوا احد وبعد خمس دقايق وصلت رساله على جوال الهنوف... " ورقه طلاقك بتوصلك قريب ومدبس معها الشيك ابو 600000 " لاتسالون عن حالها تقلب لون وجهها وطلعت غرفتها ولاعلمت أي احد بالي صار ومازالت تكابر ومصره انه بيخوفها بهالحركه ولاهو متمسك فيها لاخر يوم بعمره =================== نرجع للمستشفى بالممر مكان مو سراب وديم واقفين ديم تناديها وكل مالها صوتها يعلى وهي ولاكنها تسمع طنشتها سراب ومشت بالممر اللي يودي على عياده الدكتور وقفت قدام الباب وحطت يدها على قبضه الباب فتحته بقوووه التفتوا عليها الدكتور والنيرس والمراجعه الي كانت متمدده على سرير الكشف والطرحه مرميه جنبها وعبايتها مفتوحه وباين بنطلونها والتيشيرت... سراب زاد قهرها طالعت فيهم بنظره حاده: ضيعت ساعتي مدري وين راحت اكيد طاحت هنا... د/ ماجد يطالع فيها ومستغرب من تصرفها: مااظن انك نسيتهيها هنا سراب: الاااااااااا د/ ماجد يلتفت جهه البنت: بعد اذنك اختي بتدور اغراضها البنت طالعت بسراب نظره غرور واكتفت انها تنزل راسها... اما سراب سوت نفسها تدور شئ والنيرس جت تسألها عن اللي ضاع منها د/ ماجد وكأنه تذكر شئ: سراب انتي يوم دخلتي ماكان معك ساعه؟؟ سراب انحرجت وتذكرت انه سألها عن الساعه وردت بارتباك واضح: ايه كانت معي بس مالبستها... كانت بشنطتي... البنت تكلمت: دكتور لوسمحت مطولين؟؟ عطتها سراب نظره وطلعت من العياده وهي ميته من القهر.... راحت عند البوابه حصلت ديم واقفه تنتظرها.... ديم: وش سويتي؟؟... دخلتي عندهم سراب بنفس شينه: امشي بالسياره اقولك... وفي السياره قعدت تحكي لها وش سوت.... ديم: حلوووه البنت سراب: هذا اللي هون على انها اقل من عاديه... بس انها وقحه لو مالبست عبايه اصرف لها... ديم: ياجراءتك كيف قدرتي تدخلين سراب: غصب عني ماقدرت امسك اعصابي.. تصدقين حتى هو حقير ديم: وش فيك قلبتي عالرجال؟؟ سراب: بأي حق يكشف عليها وهي متفرعه عنده ليه مايقولها تستري ديم بضحكه استهزاء: اقول هييييي اصحي انتي تراه دكتور تقويم مو امام مسجد سراب بقهر ومن وراء قلبها: الله يأخذهم كلهم ديم: بقولك شئ شفته بس مافهمت معناه... سراب: وشو؟؟؟؟؟؟؟؟؟؟؟؟؟؟؟ ديم: شفت ميداليه الدكتور حاط فيها حرف S سراب: احلفي ديم: والله.... بس من يقصد فيها الله اعلم.... سكتت سراب ماودها تحط ببالها انها هي المقصوده لانها ماتتوقع من تكون هي بالنسبه للدكتور عشان يحط حرفها!!!!! ديم: سراب اكلمك ماتسمعين... سراب: هاااا.. تناديني ديم: صباح الليل.... اقولك ماراح نروح الصالون نقص شعورنا سراب وهي مسنده راسها وتفكر: لا ياديم خليها يوم ثاني اليوم احس اني مااقدر ديم ومتفهمه الحاله النفسيه لها: براحتك.. ======================= دخلت البيت لقت امها بالصاله فاتحه التلفزيون وقاعده تتفرج على برنامج بقناه الراي... ديم: السلام عليكم ام بدر: وعليكم السلام... ماشاء الله رجعتوا بدري ديم: لا مارحنا الصالون سراب تعبت عورها التقويم قالت خليها يوم ثاني.. ام بدر: سلامتها... على فكره خالك احمد ماكلمك اليوم؟؟ ديم: لا والله ليش.. ام بدر: مكلمني انا وخواتي يقول بكره مسوي لكم مفأجأه مدري وش عنده؟؟ ديم: غريبه .. الله يستر من خالي ومفأجأته... ماقال وش نوع المفأجأه؟؟ ام بدر: ماقال شئ كل اللي قاله بكره من الساعه 9 الصبح القاكم جاهزين البسوا وانتظروني... ديم مفتحه عيونها: اللـــــــــه الساعه تسع ام بدر: ترى ان ماقمتي بنروح ونتركك ديم: لا مدام الدعوه فيها سبرايز انا اللي بصحيكم سمعوا صوت التلفون راحت ديم ترد... ديم: الووو العنود: هلا ديم وش اخباركم؟؟ ديم: الحمدلله بخير العنود: وش قصه احمد؟؟ ديم: علمي علمك.. العنود: امي تقول كلمي ديم اكيد عندها خبر ديم: امااااااااااا اللحين جدتي وخالتي الهنوف معه بالبيت مايدرون وانا تبيني ادري... العنود: اخاف انه مقلب ديم: تخيلي مقلب يصحينا من النجمه واخرتها مقلب... العنود: امك عندك؟؟ ديم: ايه لحظه... ==================== الدنيا سكووون... اظلمت الدنيا ورجعت الطيور لاعشاشها بانتظار طلوع الصبح اما الكثير وخاصه العشاق هالفتره تعتبر وقت الذروه حالهم هالساعات يتاملون وسرحانين ويكتبون قصائد الغزل وخواطر الوله... كالعاده سراب قبل ماتنام تفكر باللي اخذ القلب والروح دكتورها ... ياترى الميداليه ليش حاط فيها حرف s عشاني انا ولا مجرد صدفه؟؟ وان كان مو لي انا اكيد يحب وحده بهالحرف ولاماكان عرضه بالميداليه والكل يشوفها؟؟ لاااااايكون خاطب وهذا حرف خطيبته؟؟ تنهدت كل شئ جايز.... لااااااااا مو قادره اتخيل انه يكون مرتبط او يحب؟؟ مجرد تفكيري بهالشئ يضايقني يخليني اكره نفسي... يارب حركاته غريبه لنفرض انه مو انا المقصوده بالميداليه ليش يكتب اسمي عالورقه حركه عاديه ولا لها مغزى؟؟؟؟؟؟؟؟؟؟؟؟؟؟؟!!!!!!!!!!!!! غمضت عيونها وهي تقول.. الله يأخذ الحب اللي يخلي الواحد يفكر وينسى نفسه كذا... ===================== جـو بارد محتـل الغـرفـة ... ظلام دامس محيط بالارجاء مسنده راسها على طرف السرير وحاسه بضيقه صدر هي مو من عادتها تصير جافه مع الناس لكن ماتدري وشلون عبدالعزيز متحمل اسلوبها معه والله انه ماقصر تحملني طول الفتره اللي راحت والله انها صادقه سراب الولد شاريني لو انه احد غيره كان مل وتركني... لكن مو قادره انسى منظر ثامر اخوي لو انه انقذه قبل كان مامات... استغفر الله وش هالكلام حرام مايجوز... اعوذ بالله من الشيطان الرجيم.... ياديم ليه كذا تضيعينه من يدك الانسان الوحيد اللي شاريك واختارك من بين كل الناس تصيرين زوجه له اخرته تخيبن ظنه فيك.... خلاص ان دق برد عليه... تردين عليه !! ..لا يا ديم اصحي لنفسك هو ياما دق عليك وياما ارسل مسجات بس ماشاف منك تجاوب... انتي تحبينه ليش تكابرين من زمان وهالشخص يعجبك ليه يوم صار ملكك تضيعينه... ماانكر اني مشتاقه له مووت وحشني بس ياترى يحبني ولامكالماته مجرد شفقه ورثاء لحالي... فتحت جوالها على انشاء رساله وكتبت... " مهما ظروفي عن طريقك خذتني... تبقى معي في داخل القلب ذكراك " ماامداها ترسله دقيقتين دق جوالها وكان المتصل عبد العزيز ديم بتردد: الووو عبدالعزيز: مساء الورد ديم: اهلين مساء النور... عبدالعزيز: وش اخبارك؟؟ ديم: الحمدلله بخير... انت كيفك؟ عبدالعزيز: بخير دامي سمعت صوتك... تصدقين يوم جتني رساله وشفت المرسل ماتوقعت... ديم: ليه وش مسجلني عندك؟؟ عبدالعزيز: " عصفورتي"......لاني من عرفتك وانتي مطيره قلبي ديم وخدودها توردت من حلاوه الاسم: عبدالعزيز... عبدالعزيز: سمي ديم: انا داريه اني كنت جافه معك الايام اللي راحت بس... عبدالعزيز قاطعها: لاتكملين حنا عيال اليوم ديم: لاتصير طيب معي وتسامحني بسهوله والله يأنبني ضميري عبدالعزيز بابتسامه: اليوم وين رحتوا انتي وسراب؟؟ ديم: ماقالت لك؟؟ عبدالعزيز: الاااا قالت بس ابي اعرف منك... ديم خافت لايكون عرف عن دكتورها: رحنا لدكتور التقويم وكنا ناوين نروح للصالون بس تعبت سراب من اسنانها ورجعنا... عبدالعزيز: وش بتسوين بالصالون؟؟ ديم تستهبل: بضبط سكسوكتي.. اكيد بقص شعري عبدالعزيز: كيف تسمحين لنفسك تقصين شعرك بدون ماتشاوريني أنا زوجك ولا لا ؟؟ ديم تستلكع عليه: شعري ولا شعرك هو؟؟ عبدالعزيز: كلك ملكي فاهمه ولا لا ديم ماردت عليه انحرجت مره ووجهها صار طماطه... عبدالعزيز: حبيبتي يلااا استاذنك اللحين بنام بكره عندي دوام حتى الخميس مكروفين... ديم: الله يعينك.. حتى انا بنام بكره الصباح ورانا طلعه خالي احمد بيسوي لنا سبرايز عبدالعزيز: تدرين هاذي احلي ليله عندي قبل ماانام سمعت صوتك.... ديم: لاتحرجني ترى استحي ماتعودت... عبدالعزيز وبيحرجها اكثر: اقول عصفورتي بكره مدامك بتصحين بدري صحيني.... وانتبهي لنفسك ابتسمت ديم على كلامه من زمان ماحست ان احد يحبها ويخاف عليها هالكثر... قد ايش هي مشتاقه له يوم سمعت صوته زاد شوقها له ماتدري كيف الايام اللي راحت قدرت تستحمل بعده عنها.. تنهدت بفرح وهي تقول الله لايحرمني منك قامت من سريرها فتحت النور ومسكت دفترها الوردي الرفيق الروحي لها وكتبت مشاعرها لهالليله.... كثير جدآ !! كلما قالَ لي ياعُصفورتي اقتربي ،، أطير إليه لأقطفَ الشموسَ من مقلتيه ،، أمتطي الريح وألملم الحياة من ضحكته ،، فـ أعيدَ بها الرجفة إلى جناحيّ ،، وأجمع النور من بين أصابعه لِيوشَمَ بالطهر جبيني ،، اششش ،، هل تسمع ؟ لا ،، لا هذا ليس صوت تراقص النار وهذه ليست قرقعة الحطب ،، هو صوت حرائقَ الولهِ في صدري ،، وتكسرقصائد البكاء على أضلاعي حين اشتقتك البارحة !! مخيف هو ؟! كدت أن أختنق بكـ حبآ حبآ هائلآ لم يُكتب بعد يمد جذوره إلى مناطق بعييييدة جدآ من الروح ، خطرة وقاتلة حبٌّ أسطوريّ ،، تعطرت به فغدوت ،، ملاكآ يصلي على بتلات حلمٍ قُدسيّة ! :: ياربي !! ويسألني أين أغفو ؟؟ لهذا الحلم على الأقل !! هنا تغفو ياحبيبَ الحُلم ،، والروح تحتضن الروح روحك تلك الـ أحبها ، أحبهااااا أحبها ! امتلأت بها اليوم أكثر من كل يوم ،، قبّلتها ونثرتها ثم جمعتها في أنفاسي ،، فـ اشتقت لكل شيء فيك على حدة ،، اختزلتك في صوت يذوبني شربت قصائدك الثملة فمازادتني إلا عطشآ ! **( حلم يقظه ) ===================== الساعه 9 الصبح اجتمعت السيارات عند بيت ام احمد وانطلقوا كلهم يتبعون سياره احمد لوين محد منهم عارف؟؟ سياره احمد كان فيها ام احمد والهنوف وبنتها ووراهم سياره بدر وفيها ابتهال وسديم وديم وياسر وسياره تركي فيها نوف وام بدر وريان والشغالات واخيرا سياره نايف فيها العنود وريوف... كل السيارات تمشي وراء احمد قائد الفرقه كلهم متجهين للمفأجأه اللي محضرها لهم... سياره احمد... ام احمد تستعطف ولدها: ياوليدي انا امك نظر عينك المفروض تعلمني احمد: والله انك بياعه حكي يمااااا الهنوف ونفسها شينه عقب المسج اللي وصلها امس: وش ذا المفأجأه اللي من صباح الله ام احمد: اعطيك 100 ريال بس علمني وين حنا رايحين احمد: ههههههههههههههههههه سياره بدر... ابتهال: ياناس رايحين على عمانا ماتدرون وين؟؟ بدر: اسألي ديم احمد يعلمها كل شئ ديم: والله ياناس علمي علمكم ماقالي شئ ياسر: لايكون خالي متزوج ويبينا نشوف مرته وعياله بدر: ارحمنا انت وذكاءك سياره تركي... ام بدر تتلفت: تركي مو هذا طريق الخرج تركي: الااااا نوف: غريبه وين رايحين حنا؟؟ تركي: انتظروا مافيكم صبر سياره نايف... العنود: ملينا من طول الطريق... نايف: خالي عليه حركات غريبه.. ريوف: اوووف طفشت ليتي ركبت بسياره تركي... واخيرا وقفت سياره احمد عند منطقه كلها مزارع ووقفت السيارات كلها فتح احمد البوابه بالريموت واشر لهم يدخلون سياراتهم.... الهنوف تتلفت بتتأكد: هذا مكان مزرعه ابوي الله يرحمه ام احمد: ماعندك سالفه... هاذي مزرعه متطوره احمد يسمعهم ساكت ويبتسم.... نزلوا كلهم يتلفتون بانبهار.... كان المكان مصمم على طراز حديث المساحه كانت متوسطه وكلها مسطحات خصراء ونباتات زينه وانواع كثيره من الورود بالوان مختلفه.. وفله صغيره على شكل كوخ صيني من القش وحولها احواض من ورد الجوري الاحمر واحدى زوايا الكوخ من الجهتين واجهه زجاجيه وحده تطل عالمسبح وحول المسبح ثلاث طاولات وحولها كراسي بسيطه... والجهه الثانيه عالزرع وبعيد عن هالفله في كوخ من اغصان الشجر مره صغير بحجم غرفه تقريبا وشكلها معده تكون مجلس للرجال.. وبطرف اخر من المزرعه ساحه حجمها متوسط للدبابات ام بدر: هاذي مزرعه ابوي الله يرحمه بس الشكل تغير احمد: هااااااااا يما وش رايك؟؟ ام احمد دمعت عينها: صحيح يااحمد اللي يقولونه؟؟.. بس وين النخل راح؟؟ احمد: النخل بح بدر: صراحه يااحمد ابداع ديم: فنان ياخالي وكل واحد منهم بدء يعلق على الذوق الرفيع.... احمد يأشر لهم: تعالوا داخل لحقوا كلهم دخلوا وهم يتلفتون كان عباره عن صاله كبيره والمطبخ ثلاثة ارباعه مكشوف وديزاينه كان عصري جدا وغرفتين بدون اثاث اما باقي الفله كان اثاثها اثاث ريفي بسيط لكنه انيق وملفت مره... ريوف: الله شكل البيت يجنن زي اللي بالافلام ام احمد راحت جهه المطبخ تتفرج وتفتح الدواليب لقت فيها اواني منزليه للاستعمال الخفيف اما ياسر توجه جهه الثلاجه فتحها وانبهر... ياسر: واااااااااااااو عصيرات وشوكلت لو نقعد شهر مانخلصهم التفتوا كلهم جهه احمد وكل واحد منهم بباله سؤال.... ام بدر: سويت كل شئ اللحالك احمد تنهد: ايه المزرعه هاذي بالخرج وهي ورث لهم من ابوهم يوم وزعوا وقسموا الورث بقت المزرعه ولااحد دخلها بالتقسيم وهي لها سنين مهجوره مات النخل والزرع اللي فيها وقبل ست شهور بس خطرت ببال احمد فكره انه يعيد بناها ويزرعها بزرع زينه وماعلم غير ثامر بهالشئ وكانوا يترددون عليها باستمرار ويتابعون العمال اللي فيها وعلى وفاه ثامر الله يرحمه كانوا على وشك النهايه بس هو ماقالهم ان ثامر كان معه عشان مايفتح جروحهم... ==================== الكل فرحان بالمزرعه بشكلها الجديد واثاثها الانيق راح وقت الصبح كله وهم يتفرجون عليها ويستكشفون ارجائها... ويوم جاء وقت الظهر كلهم مجتمعين بالصاله الكبيره والبنات معهم جلالات... ام احمد: ابي قهوه صكني راسي... ليه يااحمد ماقلت لنا عالاقل نجيب قهوه وقبل مايتكلم احمد... تلقفت سميره: انا في شوف مطبخ في قهوه وترمس وفي هلى طالعها بنظره احتقار وسكت.... العنود: اجل سوي قهوه ياسميره راحت بسرعه وانصاعت للاوامر على غير العاده.... ديم: عشتوا صايره مؤدبه... نوف كاتمه الضحكه: صدقيني مهيب صاحيه عندها انفصام شخصيه... ابتهال: وش صار عليها اسمع خالتي تقول بتسافر؟؟ ديم: لا انكرت انها قالت لعابه كل يوم لها كلام ريان: ماما متى يجي ثامر من السفر؟؟ ام بدر بارتباك: ليه وش تبي فيه؟ ريان: ابيه يسبح معي عشان مااطيح ديم وصوتها وضح عليه: انا حبيبي اسبح معك لحظات صمت... احمد يوم حس بتوتر الجو: عندي نكته بقولها بس ياويل اللي مايضحك تركي يستهبل: هههههههههههههههههه الله يقطع سواليفك ضحكتنا العنود: يلااا قول نكتتك ماعليك منه احمد: يقولك في وحده تقول لزوجها صلح شباك الحمام اخاف جارنا يشوفني.. قالها لاتخافين اذا شافك هو بيصلحه. الكل: هههههههههههههههههههههههه ام احمد: مسكينه ضعيفه رحمتها نوف: تراها يمااااه نكته مو صدق والهنوف تقول بقلبها الكل اليوم مبسوط وعندها مفأجأت ويضحكون الا انا لويدرون اني يمكن اطلق وش بيسون؟؟؟ احمد: انا قلت نكته من عنده ثانيه بس نبي شئ حلووو مانبي نكت نوص كم نايف يستلكع: انا عندي نكته... بس ماتصلح نوص كم على قولتك ام احمد: وش نص كمه؟؟ احمد: ههههههههههه يماااااا اعلمك بعدين تركي: نايف ارسلها لي... العنود: الهنوف غريبه اليوم مالك حس الهنوف: لاعادي بس احد يطلع من الصبح ديم ونوف بصوت واحد: احلى وقت التفتوا لبعض وضحكوا على انفسهم وتوارد الخواطر بينهم... احمد: ترى العصر انا والعيال بنسبح ياويلكم كان احد دخل قبلنا الهنوف: مذله صار مو مسبح ام بدر: اعصابك يالهنوف يمزح معك ديم: المشكله قهر ماجبنا ملابس سباحه بدر: انا بطلع اجيب لكم اغراض السباحه كلها.. تركي: وانا علي الغداء اليوم جت سميره تمشي بدلع ومارتي شايلين القهوه والحلى.... الهنوف: ليه انتي ماتمشين زي الناس؟؟ سميره: زهر انا عور ام احمد: خلاص روحوا اطلعوا برى... ابتهال تكلم شغالتها: انتبهي لسديم لاتروح عند المسبح وبدت كل ام توصي على عيالها... جلسوا يتقهون بجوو عائلي حلوووو . . . بعد صلاه العصر طلع تركي ونايف يجيبون غدا وبدر يجيب اغراض سباحه للبنات والباقين تفرقوا اللي راح يصلي واللي عند التلفزيون.... ريوف: ياسر غير القناه مافيها شئ ديم: اصلا الوقت هذا ملل مافيه شئ... احمد يلتفت: ياسر عطني جوالك ياسر: وش تبي فيه؟؟ احمد: بتفرج عالبلوتوثات اللي عندك ياسر بارتباك: هااااا لاماتصلح لك احمد بنظرات شك: ليش وش فيهم؟؟ ديم ببراءه: ترى كلهم مقاطع مباريات ولا اغاني ولاسيارات احمد: اذا هم كذا ليه ماتوريني؟؟... ماامون ياسر يتهرب: الا تمون بس هاذي اشياء خاصه.... ديم: مالك داعي خالي يطلبك ياسر يمد له الجوال: خذ اذا قدرت تجيب رمزالقفل حلالك قعد احمد يحاول ويحوس لما مل ياسر طلع وتركهم... احمد: حاولي تتذكرين وش الارقام اللي ممكن يحطها اخوك ديم: جرب تاريخ ميلاده 1990 احمد: ياقدمك!!! محد اللحين يحط ميلاده ريوف فيها شر طالعه على خالتها الهنوف: طيب جرب اخر اربع ارقام من جواله.... جرب احمد كل شئ مافي فايده دخل الجوال بجيبه... احمد: ديم بطلع اتمشى تجين معي ديم وهي قايمه: يلاااااا طلعوا يلفون حول المزرعه فجأه احمد كنه تذكر شئ طلع جوال ياسر من جيبه وفتح جهه الميموري وطلعها ودخلها بجهازه وقعد يستعرض الصور... ديم تحاول تطل واحمد يميل الجوال يخاف تطلع لقطه شينه مايبيها تشوفه.... فجأه سمعوا صوت صرخه راحوا جهه المسبح لقوا سميره تسوي نفسها غرقانه استغلت فرصه انه مافي احد من العيال موجود الا احمد.... الكل جاء على صوت الصرخه وكلهم تجمعوا حول المسبح... ديم ماتدري تضحك ولاتصرخ لان شكل سميره واضح انها تمثل: حاولي تطلعين ياسر جاء عالصوت: احسن فكه خلوها تموت ام احمد ماسكه راسها: انزل يااحمد انقذها ام بدر: ياناس طلعوها الهنوف: حوبتي فيها سميره تصارخ وترطش بالمويه: انا بي مووووت... انا مووووت احمد سكت ماتكلم وبداخله عارف تفكيرها الوسخ ووش تبي توصله وبنفس الوقت خايف يكون ظلمها وانها غرقانه صدق قال بنفسه ببري ذمتي راح سحب عصا طويل ومده لها وقالها تمسكي فيه... اما هي مازالت مصره تكمل المشهد وتسوي انها مو قادره وانها بتموت... احمد: بتمسكين العصا ولا وشلون؟؟ ام احمد: سميره لاتموتين علينا ونتوهق فيك امسكي العصا... سميره يوم عرفت انه مافي امل ينزل هو وينقذها تمسكت بالعصا لما سحبها وطلعت وهي تتنفس بسرعه يقالك تعبانه.... الهنوف: احسن تستاهلين من قالك تجين جهه المسبح ام احمد: ياربي ودوها المستشفى لايكون جاها شئ... ابتهال: لاان شاء الله مافيها الا العافيه... وصل تركي ونايف وبعدهم جاء بدر تغدوا وقعدوا يعلقون على شكل سميره ويضحكون... ياسر: كله منك ياخالي لو عاطيني جوالي كان صورت شكلها احمد وكنه تذكر: ايه صح خذ جوالك... ريووف: قهر لوقلتلي ياياسر كان جبت جوال امي وصورتها العنود: والمه انتي.... الكل: هههههههههههههههه ريان ببراءه: جنى عطيني المناديل اللي جنبك الهنوف طالعت فيه بحقد: وانت ليش ماتقوم تجيب لنفسك؟؟ مالك رجول ام بدر: ياويلك من ربي طفل وبعدين المنديل جنب بنتك الهنوف: جنبي ولاجنبك بنتي ماتخدم احد احمد: لامحشومه ببيت ابوها الهنوف بحقد: وش قصدك؟؟ ام احمد: وانتي ليش ماتعلمين بنتك تصير طيبه وخدومه الهنوف: الطيبه ماتنفع هاليومين.. هاذي انا طيبه وحقوقي تنوخذ وانا ساكته نوف بصوت اقرب للهمس: امحق طيبه ديم ضحكت بدون صوت احمد باستهزاء: هاذي مشكلتك الطيبه الزايده ام بدر: يالهنوف لاتخلين الحقد والكراهيه بقلب بنتك من صغرها الهنوف: خليت الحب والترابط لكم ابتهال تحاول تهدي الوضع: خلاص ياجماعه لاتخلون الاطفال سبب مشاكلكم الهنوف: انتي اذا احد طلب رايك تكلمي بدر انقهر على زوجته: ابتهال خليك طيبه مثل خالتي لاتتدخلين احمد بصوت واطئ: ذبه قويه اهنيك عليها صراحه.. والكل قعد يطالع بدر وهم مستغربين اول مره يتجرأ ويرد على خالته.. (حتى انا عجبتني الذبه لوول) ظلمت الدنيا وغاب الشفق الاحمر معلن قدوم الليل.. كان الجو قمه في الروعه بالرغم اننا بعز الصيف لكن توصيلات الرذاذ اللي كان مركبها احمد بالمزرعه زادات المكان روعه والمسبح كان منظره خيالي... تركي: يلااااا بدخل اسبح الحقوني نوف: ياسلام وحنا متى نسبح؟؟ احمد: اركدي اركدي متى ماملينا ادخلوا ديم حاطه يدها على خصرها: لاااااا بيروح الوقت والليل بنرجع البيت بدر: انا عن نفسي ان دخلت المويه انسى نفسي ام احمد: لاتطولون خلوو البنات يستانسون بعد احمد: اصلا من قال اننا بنرجع اليوم العنود: ليش بنقعد؟؟ احمد: بكره جمعه.. واجازه عندكم مانع ام بدر: لاوالله مستانسين ومبسوطين وشوله نرجع تركي: من صدقك بنام هنا مافي مكان احمد: فيه غرفتين هم ينامون فيها وحنا العيال ننام بالغرفه اللي برى تركي يستهبل: مافي انا وحرمتي نبي غرفه الحالنا نوف تطالعه وهي منحرجه... احمد: احلف عاد طرار وتتشرط فندق ابوك هو ام احمد تغير السالفه لانه لاحظت ان نوف انحرجت: ياليت ام صقر وام عبدالله يجون يستانسون معنا بدر: دقي عليهم خل يجون.. ام احمد ماصدقت: والله احمد: ايه الابكره جالسين خلهم يجون ام بدر: ياسلام غرت انا بعد ابي اعزم اللي احبهم... العنود: من بتعزمين؟؟ ديم: اهم شئ بقول لسراب.... ام بدر: وعمتك نسيتيها خليها تجي تستانس عقب ماسافر ولدها محد يطلعهم ويمشيهم... الهنوف: وشوله تجمعون العالم ماله داعي احمد: اعزموا الي تبون وانا بكلم المطبخ يجيبون الغدا ام بدر: مدام الدعوه غدا خل نكلم الناس من الحين.... كانوا العيال قدامهم بالمسبح وهم جالسين حولهم عالطاولات وام احمد ماصدقت دخلت جوه الفله عشان تكلم جاراتها وتعزمهم.... ام بدر: انتبهي لاخوك لايطيح ديم: ريان.. سديم تبون تسبحون؟؟ ابتهال: لاياديم لاتفتحين علينا باب سمعوا صوت مسج جاي كان جوال ديم فتحته لقته من عبدالعزيز... " لو تبي عيني حشا ماقلـت لكـن تحت امرك يالغضي هذي وذي !! والله انك داخـل الخفـاق ساكـن من عرفتك وانت عندي كل شي !! كل ماغنى ابـو نـوره الاماكـن انت والله بس من يطري علـي !! " ابتسمت وبخاطرها ودها تضم الجوال لصدرها لكن الوضع مايسمح.. انتبهت على صوت ريان.. ريان يسحب ديم: يلاااااا سديم: ماء بوح ديم: ابتهال سديم بعطيها ابوها وريان بخلي تركي ولاخالي يمسكونه... نوف: انتبهي بس لاينطلقون منك قبل ماتسلمينهم... احمد يصرخ ينادي البنات: بنــــــــــــات التفتوا جهتهم.... تركي: بندخل حنا الخمسه تحت المويه شوفوا من اطول نفس الهنوف: ياقدمكم اطول نفس بدر: على يدك اخترعي لنا العاب جديده نوف: يلاااااا ادخلوا 123 ديم : 44 ..... 1234567891011 ريوف: نايف اول واحد طلع... خسرت وبدت تطلع الروس تركي بعدين ياسر بعده احمد ام بدر متحمسه معهم: بـــــــــــدر فاز ديم: يلاااا يابطل خذ بنتك تبي تسبح ريان: وانا ديم: طيب اصبر.... رفعته يلااااا من يتبرع وياخذ الحلووو هذا ياسر: هاتيه نزلته له ديم: انتبه له امسكه زين.... نوف قربت منهم وماسكه بيدها هلله: برميها واللي يلقاها هو الفايز؟؟ بدر يأشر لها جهتته: ارميها هنا نوف تغمز لتركي انها بترميها جهته: يلااااااااااا طاحت احمد: لا لاااااااااا غش عيني عينك ترميها عند تركي وتقول ابدوا ديم: خالي لاتضيع وقت رح دور معهم راحو جلسوا ينتظرون دورهم بالسباحه.... . . . عالساعه تسع تقريبا طلعوا البنات من المسبح وكل وحده فيهم ماسكه الفوطه تنشف شعرها ريوف: العيال يلعبون بالدبابات بروح العب ابتهال: سديم مع بدر؟؟ ريوف: ايه نوف: وناسه بروح للدبابات بس اخوانك برى انتي محد قدك ماخذه راحتك مافي الا اخوي تتغطين عنه ابتهال: انا نفس الحاله جلالي طول الوقت معي ديم: ههههههههههه حاسديني المشكله انا خوافه مافي امل اركب دباب اخاف دخلت عليهم العنود: وش عندكم قاعدين جوه ماودكم تركبون دبابات كلهم برى يحجزون ادوار نوف: انا بركب بس ابي احد معي ديم: صاحيه نوف بتركبين؟؟ العنود: ايه صادقه ديم اللحين تطيحين علينا ونبلش فيك... نوف: بخلي تركي يعلمني العنود وهي طالعه التفتت على ابتهال: ترى سديم منهبله تبي تركب معهم.. لحقوها البنات بعد مالبسوا جلالاتهم اما ديم قالت لهم بتكلم سراب وبتطلع لهم.. دقت عليها طول يدق واخيرا ردت.. ديم: الوووو سراب بصوت اقرب للهمس: الوو ديم: نايمه!! سراب: اممم ديم: وش عندك نايمه بدري غريبه؟؟ ماردت عليها.. ديم: اقول روحي كملي نومتك شكلك من جد نايمه.. مع السلامه . . . واللحين قرب الليل من نصه وصارت الساعه 11 جايبين عشاء مشاوي مشكل ومع المقبلات طبعا قعدوا يتعشون وهم دايخين لانهم قايمين بدري.... ام احمد: انا بدخل انام لااحد يزعجني العنود: ماتعشيتي يمااا ام احمد: الا الحمدلله ام بدر: حتى انا بنام ريان يلااا ننام ريان: لااااا ديم: خليه يمااا يقعد عندي مافيني نوم بقعد عند التلفزيون... بدر: يلا تصبحون على خير وبدووو ينسحبون واحد واحد ومابقى بالصاله الااحمد وياسر وديم وريان قعدوا عند التلفزيون كان فيه فلم كوميدي.... ريان يطالع التلفزيون كان فيه عروسه لابسه فستان ابيض التفت على ديم: ديم متى تصيرين عروسه؟؟ احمد يطالعه ويطالع التلفزيون ويأشر: انت متى بتصير عريس مثل هذا؟؟ ريان: اذا صرت كبير... بس ابي البس ثوب وثماغ ديم تستهبل: من تبي تتزوج؟؟ ياسر: خل نزوجه جنى ريان: لااااا ابي وحده حلووه احمد يأخذ على قد عقله: طيب اذا جتك بنت وش بتسميها؟؟ ريان يفكر ببراءه ويتلفت حوله: بسميها كرسي الكل:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههديم وهي ميته ضحك: وش ذا الاسم مايصلح احمد ماسك بطنه: لاخليه واذا جاك شق توم سم وحده كرسي والثانيه طاوله ياسر: ههههههههههه خلصت الاسماء انت ووجهك احمد: خلاص اذا تعبت ابجلس على بنتـــك ههههههههه ديم: هههههههههههههههه احمد ويتنهد من كثر الضحك: ااااااااه ياربي بس من زمان ماضحكت هالضحك ياسر: هههههههههههههههه الحمدلله ان اهلى سموني ياسر احمد: اقول ريان بلا مهايط بس .. وش بتسمي بنتك؟؟.. ديم وتتكلم بجد: والله ترى في ناس عقلياتهم مريضه من جد يسمون هالاسماء ياسر: اصحاب العقول في راحه احمد يرفع يده يدعي: الحمدلله الذي عافانا مما ابتلى كثيراّ من خلقه وفضلنا عليهم تفضيلا... رجعوا يكملون الفلم... وعالساعه 2ونص الكل تقريبا داخ ودخل ينام وانتهت هالليله حلووه عليهم وان شاء الله يكون يومهم بكره احلى وخاصه ان عددهم بيتضاعف.... ======================= بكره ثاني يوم لهم بالمزرعه ياترى هل بيصير احداث جديده؟؟.. ولابيمر عليهم يوم عادي وحلو مثل اللي قبله؟؟؟... يلاااااا فكروا ووروني خيالكم وين بيشطح فيكم ..؟؟؟ |
|     |
|
08-03-2006, 07:45 PM
| #38 |
| | رد: ما زال الليل يعاندني .. قصه روووعه حبيبي هاجر والله انتي اللي حبيبتي بس بليز نبي التكمله>>>>>محد قدك مدحتك |
|
| |
|
08-06-2006, 04:21 PM
| #39 |
| | رد: ما زال الليل يعاندني .. قصه روووعه حنين الايام ... يا قلبي أنت والله باين عليك من جد متحمسه بس ولا يهمك هذا الجزء عشانك مخصووووص الجزء الخامس عشر... ============== ثاني يوم لهم في المزرعه تسللت الشمس من غير مايحسون فيها لان الكل كان نايم بذاك الوقت وعالساعه 11 بدو يصحون واحد وراء الثاني.. العيال على طول لبسوا وطلعوا عشان يلحقون على صلاه الجمعه اما البنات فكل وحده انشغلت بنفسها... ام احمد: اللحين وين نجلس الحريم اذا جوو؟؟ ام بدر: هنا الصاله كبيره وواسعه العنود: كلمني ابونايف يقول ان احمد قايله يجي ام احمد: ايه هو قايل بعزم رجال خواتي امس ديم: حلووو ابوي بيجي بقوله يجيب لي ملابس من البيت ابتهال: وانا بعد لوداريه كان جبت ام بدر: ديم قولي لابوك يجيب لبس ثاني لابتهال جسمك زي جسمها نوف: ياسلام وانا اطلع الحوسه بينكم الهنوف: تكفين بتكشخين عشان مييين؟؟ ديم: ومن بيجي من الرجال غير ابوي ورجل خالتي؟؟ ام بدر تطالع بنتها وتبتسم: يقولون ان ام عبدالعزيز ماتحب تروح اماكن بعيده مع السواق العنود: ولدها بيجيبها؟؟ فرحت ديم بداخلها لكن مابينت لاحد.. يعني بتشوفه اليوم الهنوف: اوووف الله يعين انا مااحب الرسميات نوف: احد قالك البسي كرفته؟؟ ديم: ههههههههههه العنود تطالع بنوف: احترمي خالتك ام احمد وهي قايمه: بروح اصلي . . . الساعه وحده ونص جت ام عبدالله وام صقر بسياره وحده مع سواق ام صقر وام طلال وبنتها اعتذروا من الجيه مالقوا احد يجيبهم خاصه وان المزرعه بالخرج مو بالرياض.. واما الرجال الكل كان واصل من بدري وجالسين بالمجلس الخارجي... ام احمد: يالله ان تحييهم ... ام صقر: ماشاء الله وش هالزين عندكم مزرعه ولاتقولون؟؟ ام بدر: كانت المزرعه خرابه ماتواجه ويوم صارت تليق بمقامكم عزمناكم ام عبدالله تعلي صوتها لانها ماتسمع: وين بناتكم مانشوف احد ام احمد بصوت عالي: داخل اللحين بيجون العنود: البنات دايم كذا اذا وقفوا عند المرايه ينسون انفسهم واخيرا وصلت سراب وامها طبعا اللي جايبهم كان عبدالعزيز دخل عند الرجال....... ام عبدالعزيز: السلام عليكم الكل: وعليكم السلام سراب جلست تتلفت تدور ديم... البنات كانوا بالغرفه يبدلون ملابسهم اللي جابها ابوبدر من ملابس ديم... ابتهال: احس شكلي غلط بهاللبس .. انتي عليك احلى ديم: يتهيألك بس عشانك متعوده تشوفينه على نوف: غمضوا عيونكم أنا بلبس ديم تستهبل: لاااا ماراح اغمض كيفي ملابسي الهنوف: تكفين ياجسم سندريلا ابتهال وهي طالعه: يلااااا أنا بروح عند الحريم ديم تلتفت تطالع جوالها اللي يدق: يوووو هاذي سراب شكلهم وصلوا نوف: يلاااا اطلعي لها خليني اعرف البس ديم: عطيني الكحل حقك نوف تفتش بشنطتها: خذي الكحل وحده بوحده اخذت ملابسك وعطيتك الكحل عشان ماتذليني ديم ماسكه المرايه وتكحل عينها: ههههههههههههه نوف تلتفت لخالتها: وانتي خالتي الهنوف ماعندك نيه تطلعين بلبس الهنوف وهي مسترخيه عالجدار وسرحانه: لااا مالي خلق اذا جاء الغداء نادوني ديم وهي طالعه: بسرعه نوف لاتتاخرين دخلت عليهم ديم سلمت وجلست جنب سراب وكانوا تقريبا كلهم موجودين إلا الهنوف اللي على قولتها مالها مزاج... ديم تكلم سراب بصوت واطئ: عبدالعزيز دخل؟؟ سراب: ايه ديم حست ان ام عبدالعزيز تطالعها انحرجت وسألتها: وش اخبارك ياخاله؟؟ ام عبدالعزيز: بخير ونعمه الحمدلله سمعت ديم صوت مسج جايها فتحته وابتسمت يوم قرت الكلام.... " عبدالعزيز وصل... ماتلاحظين المزرعه نورت والرياض ظلمت؟!!! " ردت عليه وكتبت... " هلا يابسمة الدنيا ..هلا ياراحتي والكيف .. هلا يا ضحكة تسوى (( الريــــــاض )) ومن سكن فيها".. سحبت منها سراب الجوال: وش فيك شاقه الضحكه وريني؟؟ ديم: اعصابك فككتي الجهاز وانتي تسحبينه سراب: والله مايلعب عزيز الدوووب واثق من نفسه... ردي عليه واكتبي الله لايعمينا الشمس بوسط السماء اكيد الدنيا نوووور ديم: هههههه احلفي بس سراب ماتركت الجهاز قعدت تفتش فيه: والله ماعندك وقت يالرومانسيه ضحكه وبسمه عايشين جووو اجل انتم اخر الليل وش تصير مسجاتكم؟؟ ديم باحراج واضح: الله ياخذك وش دخل الليل؟؟ ======================= وعلى بعد 70 كم من المزرعه بالرياض كانت بسمه جالسه ومتملله كان ودها تطلع تتمشى وتغير جو وتضايقت يوم امها اعتذرت لمره خالها عالطلعه... ابوطلال: بسمه اكلمك ماتسمعين؟؟ بسمه توها تنتبه: سم يبا ابوطلال: وش فيك؟؟.. احد مضايقك؟؟ ام طلال: لابس زعلانه عشان مارحنا للخرج عند عيال اخوي بسمه: وهذا مو سبب مقنع؟؟ ابوطلال كان بيتكلم سمع صوت جواله يدق طالع بالشاشه وهو مستغرب... ام طلال: وش فيك؟.. من اللي يدق؟؟ ابو طلال: رقم دولي اكيد طلال..... ام طلال: رد وش تنتظر.. ابوطلال والفرحه مبينه بعيونه: الووووو طلال: هلا يبه.. وش اخباركم؟؟ ابوطلال: بخير أنت بشرنا عنك كيف امورك؟؟ طلال: كل شئ تمام الحمدلله ام طلال : عطني اياه أنا بكلمه........ بسمه: انتظري يمااا خل ابوي يخلص حتى هو مشتاق له ابو طلال: ايه امك ماتعرفها؟؟ ام طلال وهي تسحب الجوال منه: هلا والله بولدي هلا بالقاطع ... طلال: وحشتيني يمااا.. وحشتوني كلكم ام طلال وصوتها بدى يتغير من زود شوقها لولدها: ايه مبين لك اكثر من ست شهور واتصالاتك تنعد عالاصابع طلال: يما محيوس دراسه وقلق ام طلال: الله يوفقك ياولدي بسمه تقرب من امها: اذا خلصتي عطيني اياه ام طلال: انتبه لنفسك.. ان شاء الله مع السلامه بسمه تطالع بامها: ليش قفلتي؟؟ ام طلال: هو مستعجل قال اكلمكم بعدين بسمه: لاطلعه تطلعوني ولااخوي اكلمه وش ذا العيشه؟؟ ابو طلال: احمدي ربك انتي بخير ونعمه وبعدين انا مااحب المشاوير البعيده ولاكان وديتكم... ام طلال: الحمدلله اننا مارحنا اليوم ولاكان ماكلمت ولدي بسمه: ايه يمااا هذا اللي همك طلال وانا بالطقاق طلعت غرفتها وهي تتافف تاركه امها وابوها مستغربين من مزاجها المتعكر ابو طلال: والله اني راحمها ذا البنت الحالها مافي احد يسليها ام طلال: وش اسوي لها هي الله يهديها تبي كل يوم طلعات ووناسه ===================== بجلسـة رائـعة تضـم أم عبدالله وأم صقر ... والكل مجتمـع حولهـم ويتسمعون لأحاديثهم بشـغف .. كانت الوحـدة منهم تحكي .. والباقين يطلقون عليها التعليقـات ... >> عاد خبركم تعليقات العجز الله يكافيكم شرهم ام صقر تطالع نوف: يابنيتي وراء ماتخلين شعرك يطول حلاه البنت بشعرها نوف وهي تمرر يدها على شعرها: اريح القصير بكل شئ العنود: من قبل ماتتزوج وهي ماتبي الشعر الطويل ام احمد: الله يخلف على بنات بناتي كل وحده تقول أنا اتحدى العيال اكثر منكم ديم: حراااااااام عليك يمااا وش ذا التحطيم ام بدر: وهي صادقه امي اللي يشوف لبسكم مايفرق هو لكم ولاللشباب سراب لديم: الله يعين انفتحت النصايح ام عبدالله تسولف عالحريم: ماشاء الله المكان شرح ويوسع الصدر الله يهنيكم فيه ام بدر: الله يسلمك المكان مكانكم ام عبدالعزيز: بس المكان بعيد ليتها بالرياض اقرب العنود: تغييير عن اجواء المدينه ام صقر: ذكرتوني يوم رممتوا المزرعه.... بابو صقر.. قبل حول عشر سنين كان عندنا جمس قديم وبويته محكوكه ويفشل ماينركب جينا أنا والعيال ازعجنا ابونا نبي سياره جديده نبي سياره جديده المهم انا طفشت وحلفت عليه مااركب السياره القديمه ... ويجيك ذاك اليوم يدخل علينا يقول شريت لكم جمس جديد ام احمد: وابوكم ماعنده غير ذا الجموس وراه مايصير سواق باص اصرف له ام عبدالله: وشووووو ام احمد: اكلم ام صقر .. اسلمي ياام صقر ام بدر: وعسى الجمس الجديد عجبكم؟؟ ام صقر: فرحنا كلنا وقمنا نطالع من الشباك ونتفرج.. قالنا لاااا مايصلح لازم امشيكم فيه اللحين... العنود: شكلكم من الحماس طلعتوا من غير عبايات ام صقر: ههههه يابنيتي من الفرحه بالسياره ماعدنا نشوف شئ ركبنا ورحنا نتمشى وندور ماندري إلا جت مطبه قويه طيرتنا والاااا فجأه يطلع من تحت المرتبه جزمه قديمـــــــــــــه فاقدتها من كم سنه eek: : الكل: هههههههههههههههههههه ام احمد وهي تضحك: ضحك عليكم هي نفس السياره ام صقر: بس صبغها وعدلها وضحك علينا... الكل: ههههههههههههههههههههههههههههههههههه ابتهال: وش سويتوا ؟؟ ام صقر: أنا بعد هالسالفه حلفت مااركبها ام طلال: هوووو وشلون صرتوا تطلعون مشاوريركم ام احمد: ماشاء الله ماعليها ام صقر رجلها يحبها ولايقدر يكسر خاطرها جاب لها سياره جديده ام عبدالله: وشووووو؟؟ ام بدر تصرفها بصوت عالي: وش اخبار البنات ياام عبدالله.. ام عبدالله: هاااااااااااا ام احمد تعلي صوتها اكثر: تقولك وش اخباركم ؟؟ ام عبدالله: مانشكي باس ولله الحمد نجي عند البنات... ديم: وش فيك انتي اليوم شكلك مو طبيعيه؟؟ سراب: ااااااااه احبه ياديم ديم: ادري بس مافي شئ جديد؟؟ نوف قربت منهم: وش عندكم؟؟ سراب بابتسامه: سلامتك توني اسأل عنك ديم: اقووول من في برى ؟؟.. عادي نطلع نتمشى نوف: مااعرفش.. بس عادي خذوا جلالاتكم واطلعوا دخلت عليهم الهنوف وبنفووور واضح: السلام عليكم الكل: وعليكم السلام ام عبدالله: انتي هنا وراك توك تجين تسلمين ولا ماملينا العين؟؟ الهنوف تميل فمها: كنت تعبانه ام صقر تطالعها بنظرات ناريه: الله يهون عليك كانك صادقه والله يبلاك بالمرض كانك تكذبين؟؟ الهنوف بقهر: وين بنتي؟؟ ام بدر: عند ابوها الهنوف فتحت عيونها: سليمان هنا؟؟ العنود: ايه سراب تتلفت: ديم صوت جوال شكله جوالك؟؟ راحت جهه التلفزيون لانها كانت حاطته فوقه فتحته كان مسج من عبدالعزيز... " افتحي البلوتوث اللحين وارسلي لي عشان اعرف نكك " استغربت ديم من طلبه راحت بتفتح بلوتوثها بس قبل قعدت تفكر وش تسمي نفسها؟؟ ========================= عند الرجال بعد الغداء كان الجوو عائلي ولاول مره يكون معهم عبدالعزيز باجتماعاتهم وبالعكس وجوده معطي نكهه للجلسه بروحه المرحه وسواليفه اللي توسع الصدر... عبدالعزيز بعد ماارسل لديم كل شوي يبحث من جديد بيشوف الاسماء لان كل الاسماء اللي طلعت عنده نكات عيال باستثناء اثنين واحد كان عارف انه نك اخته سراب والثاني حس انه مو ذوق ديم... قاعد ينتظر بلتوث منها عشان يعرفها ماارسلت له شئ لكن وهو يبحث ابتسم لانه عرفها من غير ماترسل كانت مسميه نفسها " العصفوره " ارسلها قصيده طويلة لسعود بن عبدالله... تقول بدايتها... تجيني مثل العيد مرحباّ ميعاد ** واجيك ملهوف يبي شوفه العيد يجيبني شـــوق لشوفتك وقاد** يزيدني هقوه وسطـــوه وتمجيد ورجع يسولف مع الرجال وخلى جواله جنبه عشان ينتبه ان ردت عليه بعد عشر دقايق اتنبه على جواله جاه شئ قبل بسرعه حتى قبل مايشوف النك فتحها.. " لاتتحمس وانا اخوك بزياده خل الجوال على جنب واجلس مع الرجاجيل عيب ترى الناس نقاده" رفع عبدالعزيز عيونه ويتلفت عالمجلس لقى الكل منشغل ومحد لمه.. معقوله ديم ارسلت هالكلام؟؟ طيب ليش نقدت علي اني اراسلها وانا بين اهلها؟؟ لالا مو معقوله؟؟ استحاله تكون هي أنا اعرفها مو هذا اسلوبها ... اكييد احد بيسوي فيني مقلب... بس منهووو؟؟؟ وهو سرحان ويفكر انتبه على بلتوث ثاني جايه بس هالمره انتبه ان النك " العصفوره" قبله يوم فتحه كان بطاقه صغيره مرسوم فيها غيوم ورشات مطر خفيفه وفيها صوره بنت ضامع يدينها لصدرها ومكتوب فيها " سحايب شوق مرت بي وهلت بعدها الخيرات... تبسم خاطري وارتاح لاني بس تذكرتك " ابو بدر: والله من زمان مااجتمعنا على غداء البركه بااحمد اللي جمعنا احمد:الله يخليك ابونايف: تبون الصدق الصراحه من زمان مااكلت اكل مثل اليوم نايف: يباااا واكل امي مايعجبك؟؟ احمد: ياشين اللي يحاولون يصادون بالماء العكر تركي: يصطادون .. أعصـابك لا ينكسـر فكك احمد: اهاا بس .. مغدينك وتتطنز علينا .. على قولة المثل البيت بيت أبونا والقوم طردونا عبدالعزيز: هههههههههه من طلع من داره قل مقداره ياتركي ابوبدر يلتفت على احمد: والله تمام عليك يااحمد خواتك ماراح تضيق صدورهم بهالصيف اذا طفشوا جوو هنا ياسر: ليش يبااا ماعندك نيه سفر؟؟ تركي ويفكر بموضوع ثامر: عندنا اشغال اهم من السفر ابونايف: والله هالصيف ماظنيت احد يسافر عقب طيحه الاسهم بدر: ايه والله العالم خسروا بالهبل سليمان: الناس خسروا صحتهم وفلوسهم ياكثر اللي طاحوا بالمستشفى بسبه هالاسهم... احمد: الله يعوضهم سليمان: احمد ابيك بموضوع احمد ويأشر له يطلع: تفضل.... وقبل مايطلع التفت على عبدالعزيز وهو كاتم ضحكته بصوت واطئ: ترى أنا اللي مرسلك تووو رحمتك يوم شفتك تدور من اللي ارسلك عبدالعزيز وهو يبتسم: وأنت تطلع مواهبك الكوميديه على حسابي احمد وهو طالع: ههههههههههههههه راجعلك بعد شوي برى المجلس واقفين سليمان واحمد ماطولوا كلها كلمتين قالهم وبعدها استأذن سليمان وراح بعد ماباس بنته واشر لها بيده مع السلامه.... ======================= حطوا الغداء الشغالات باشراف من العنود والبنات والجميع قعد عالسفره إلا سراب قالت مو مشتهيه وبالغصب جلسوها اكلت فواكه وقامت والهنوف طفشتها بنتها تلعب بالاكل وتبي تأكل نفسها... ام عبدالله بعد ماقامت: انعم الله عليكم وزوج رجالكم عليكم الهنوف بقلبها وجـــــع حنا ناقصين... سراب باذن ديم: خل يجي الرجال اول ام صقر: والله لو ابو صقر يعرس على والله ان ازوج ابوعبدالله اختها الكل: ههههههههههههههههههههههه ام احمد: بدري مااكلتوا شئ ام عبدالعزيز: دايم ان شاء الله... ام بدر: صحه وعافيه.. رجعوا للصاله مكان ماكانوا جالسين اوول... وبدت كل وحده منهم وخاصه العجايز تقول سالفه.. ام عبدالله: أنا يابنياتي السمع عندي لكم عليه وحتى النظر منب اشوف زين بالليل ومره من المرات عزمتنا ام احمد على شاهي بعد المغرب وهي زي ماتعرفون بيتها لاصق ببيتي يعني جدارنا وجدارهم واحد والبس ذاك اليوم واتعطر واحط عباتي على راسي واطلع واطق عليهم الباب واطق بس محد فتح لي واقعد عند الباب حول عشر دقايق ونفس الشئ محد حس وفتح وارجع بيتنا وكانت حرمه ولدي ساكنه معنا ذاك الوقت قالت وش فيك ياخاله رجعتي بدري؟؟ قلتلها اطق عليهم الباب مايفتحون.. استغربت هي ردت علي طيب يمكن هي قالت بعد صلاه العشاء تعالوا وانتي ماسمعتيها زين... ام بدر تقاطعها وهي تبتسم: لااا مستحيل امي تعزم بعد العشاء تنام بدري ام عبدالله: وشووووو؟؟ ام احمد بصوت عالي: اسلمي اسلمي ياام عبدالله الهنوف بصوت واطي: الله يعين حلوقكم ام عبدالله: ويوم صليت العشاء واطلع لها مره ثانيه واطق الباب واطق واخيرا انفتح الباب والاها مره ولدي اللي فتحت الباب واطالعها واقولها وش جابك عند ام احمد توك بالبيت؟؟ قالت وهي تضحك انتي من الصبح ياخاله جالسه تطقين بابنا الثاني.. الكل: هههههههههههههههههههههههههههههههههه ام احمد: مانسى هالسالفه كل ما تذكرتها حسيت اني شباب جنبك ياام عبدالله ام عبدالله: وشووووو ام احمد: سلامتك,, ام عبدالعزيز لام بدر: ماعندكم نيه تسافرون ياام بدر؟؟ ام بدر: والله أنا مالي نفس مع ان ابو بدر يحاول فيني نطلع ونغير جووو وانا ماودي؟؟ ام عبدالعزيز: حتى أنا ماودي اترك بيتي لكن سراب الله يصلحها تقول لازم نسافر ملينا وعبدالعزيز عنده دوام مايقدر يودينا... ام احمد تطالع سراب وتبتسم: عاد سراب تستاهل طلعوها مشوها لاتقصرون عنها سراب منحرجه: الله يسلمك ديم تلتفت لسراب بصوت واطئ: يعني بتسافرون؟؟ سراب: خالي وعياله بيسافرون قال لامي نروح معهم بس امي متردده نوف: لو منك اروح اغير جو بدل حر الرياض... ام صقر: يقولون في شايب متزوج عجوزين.... وكانوا بالسياره وحده راكبه قدام والثانيه وراء اللي قدام تقول للي وراء بناصل قبلكم.... ردت عليها اللي وراء قالت جعلكم تصدمون.. الكل: هههههههههههههههههههههه العنود: ياحليلكم ياام صقروياام عبدالله سواليفكم ماتنمل سمعوا صوت احمد ينادي طلعت له نوف وبعد شوي رجعت.. نوف: خالتي الهنوف خالي يبيك الهنوف تأشر بيدها على نفسها: انــــــا نوف: اجل أنا طلعت الهنوف لقت اخوها عند الباب وماسك بنتها جنى... الهنوف: تبيني؟؟ احمد وهو ينزل جنى: خذي بنتك.. الهنوف: الحمدلله مناديني عشان كذا؟؟ احمد وهو يدخل يده بجيبه: لااا خذي الورقه ذي سليمان عطاني اوصلها لك الهنوف: هات احمد وهو راجع شاف سميره واقفه عند الباب وتطالع فيه بنظراتها المعتاده.. احمد باحتقار: ادخلي جووه في رجال هنا سميره بغنج: أنا مااحب شوف رجال أنا .... احمد يقاطعها: اقول على تراب ادخلي داخل سميره بدلع لانها مو فاهمه السبه اللي جتها: اهمد انتا ليش... احمد بصراخ ويأشر بيده: ادخلي راح عند الرجال وهو قرفان منها خلاص مل من حركاتها المكشوفه كل ماحاول يبعدها عنه يلقاها بوجهه لازم يشوف لها حل وجودها عند اخته ابداّ مو حل لازم يسفرها ويفتك من شرها.. دخلت الهنوف متجهه للحريم فتحت الورقه وهي متسنده عالتلفزيون قعدت تقرأ تغيرت ملامح وجهها وبان عليها الصدمه... العنود كانت قايمه بتشوف زوجها متى بيروح؟؟ لقت اختها مصدومه سحبت منها الورقه... العنود مفتحه عيونها من الصدمه لانهم ماتوقعوا توصل الامور بينهم لهالدرجه: تطلقتي ؟!!! من يوم ماسمعوا الكلمه التفتوا الحريم عليهم وطبعا ماكان في مجال انهم يرقعونها الكلمه واضحه الكل بدى يتلفت وهو متعجب اما الهنوف بسرعه دخلت الغرفه والعبره خانقتها مقهوره منه ومقهوره من اختها اللي فضحتها قدام ناس غريبين ومقهوره من الموقف اللي انحطت فيه ومقهوره من النظرات اللي شافتها بعيونهم... ملت وهي تقاوم وتكابر وتسوي دور القويه قعدت تصيح وهي تتخيل نظرات الشماته اللي بيطالعونها فيها بعد اليوم.. هم من زمان يكرهوني كلهم كانوا ينتظرون هاللحظه... الله يعيني بجلس تحت رحمه امي واحمد بيذلوني أنا وبنتي... ====================== بشاير وزوجها لهم يومين مسافرين راحين النمسا وهي مكان يتميز بالطبيعه الخلابه والمناظر الخياليه.... كانوا جالسين قريب من احد الشلالات وكان صوت الماء وهو ينزل من الشلال مرعب جدا بالرغم انه مو من الشلالات الكبيره... بشاير: واااااااااااااو برد سعد يبتسم: تبين جاكيتي؟؟ بشاير: لامو لهالدرجه .. صراحه احس بنشوه جوو حلووو ومنظر حلوو سعد يستهبل: ووجه حسن بعد من قدك بشاير وهي تضحك: اموووت أنا واعرف من اللي معطيك هالثقه بنفسك سعد: انتي اول ماتزوجنا قلتي ياحظي بكشخ عند البنات واقول زوجي حلووو بشاير تأشر على نفسها: انا سعد: ايييييييييييييييييه انتي بشاير: سعد لاتستفزني سعد: بشاير اموووت عليك وانتي معصبه بشاير: ايه دايم كذا انت تدور اللي يزعلني سعد: انا حرام عليك والله اني احبك ياشيخه بشاير بنشوه فرح بعد هالكلمه اللي سمعتها: وانا اكثر سعد يستغل موقفها: طيب بشوره لو اموت وش بتسوين؟؟ بشاير: بسم الله عليك لاتقول كذا سعد: طيب لو يصير لي شئ لاقدر الله بشاير تقاطعه: لاتقعد تتفاول على عمرك مو ناقصه نكد الله يخليك سعد: هههههههههههههههههههههههه بشاير: وش فيك تضحك؟ سعد: اول مره اكتشف الجانب الرومانسي اللي فيك بشاير: لاااا ياشيخ سنه كامله عايشه معك ولابعد عرفت سعد: وش فيك سكتي؟؟ بشاير: الناس اللي جنبنا يطالعون فينا شكلهم خليجين سعد: واذا.. بشاير: مستغربين يقووولون سعودي ورومانسي سعد: ههههههههههههه لاياشيخه هم يقولون ولاتصريفه منك ==================== اخر العصر راحوا الناس اللي عازمينهم ومابقى إلا هم في المزرعه جلسوا وهم ينتظرون الشغالات يضفون ويرتبون الحوسه.. والرجال مابقى منهم احد إلا العيال اللي اساسا كانوا موجودين من امس.... ام احمد: احمد تصدق جاراتي عجبتهم المزرعه لدرجه ام صقر تقول اذا صارت ملكه بنتي بسويها عندكم احمد يستهبل: قولي لها كم تدفع؟؟ ام بدر: ههههههه مخه تجاري اخوي البنك لاعب بافكارك...... ابتهال وهي تلبس عباتها: يلااااا مع السلامه ام احمد: بتروحون؟؟ بدر: ايه سديم تعبانه بس ترجع.. شكله دخلها برد عقب السباحه امس ام بدر: ودوها الطبيب ديم: ياقلبي ضاق صدري عليها تكفون طمنوني عليها تركي يتلفت: اجل وين نوف من دخلت ماشفتها؟ ديم: نوف وخالتي الهنوف كل وحده فيهم ماخذه غرفه وتقول تعبانه؟؟ تركي وهو قايم: وين نوف بأي غرفه؟؟ ام بدر: اللي عاليمين ===================== نوف من يوم طلعوا الناس دخلت الغرفه وتمددت وقالت انها تحس بتعب امها راحت عندها بتشوف وش فيها العنود: وش تحسين فيه بالضبط نوف: خمووووول العنود: يمكن حامل خل نروح نحلل نوف: لااااااااا ان شاء الله العنود باستغراب: ليش ماتبين عيال؟؟ نوف: ليش خبله أنا اجيب عيال وابلش نفسي فيهم العنود: ليه أنا يوم جبتكم بلشت فيكم!!!.. على كذا محد راح يجيب عيال نوف: لا انتي مو فاهمه قصدي يماااا العنود: لاتقولين انك انتي متقصده انك ماتبين يصير حمل نوف نزلت عيونها: ايه ماابي عيال من تركي العنود: لهالدرجه تكرهينه الرجال مو مقصر معك بشي نوف: أنا مااكرهه عادي تقريبا تأقلمت لكن ماابي اجيب عيال معوقين كان تركي جاااي بيتطمن عليها وانصعق يوم سمع هالكلام منها نزل عليه مثل الصاعقه ومن غير مايتكلم مع احد على طووول طلع من المزرعه وحرك سيارته لاتجاه غير معلوم... =================== الساعه ثمانيه فضت المزرعه وكل واحد رجع لبيته نوف اتصلت على تركي كان مقفل جواله ولااحد منهم عرف وين راح فاضطرت انها ترجع مع اهلها... ابو بدر وعياله وهم راجعين شافوا سياره واقفه عند بيتهم فيها رجال وحرمه اول ماشافوهم واقفين نزل الرجال سلم على ابوبدر.. دخلوا البيت بعد ماقالهم تفضلوا الرجال بالمجلس والحرمه عند ديم وام بدر طبعا كلكم تتسألون من هالناس ؟؟.. هم نفس الشئ دخلوهم بيتهم وهم مايعرفون مين؟؟ لكن بعد السؤال اتضح انهم اهل الجاني اللي قتل ولدهم وهم من ساعتين واقفين عند بابهم وينتظرونهم لانهم دقوا الجرس محد فتح لهم وعرفوا من الجيران انهم طالعين... الرجال تكلم وقال انهم جاييين وطمعانين بانهم يتنازلون عن القضيه وهم مستعدين يدفعون لهم الديه اللي هم يبونها لكن ابو بدر رفض بشده وقال للرجال جيتك عالعين والرأس لكن اللي قتل ولدي لازم يقتل وكلنا أنا وعيالي مصريين على هالشئ.. مازال الرجال يترجى ويتطلب باابوبدر لكن هو على قد ماصعب عليه الرجال إلا انه ماتراجع عن قراره وعند الحريم ماقدرت ام بدر تجلس مع الحرمه بعد ماعرفت سبب جيتها وعلى طول طلعت غرفتها وهي تصيح مسكينه ماامداها تنسى وتطلع هاليومين تتهنأ إلا وجت هاذي نكدت عليها وديم حاولت قدر المستطاع انها تكون متماسكه وصارت محتاره مابين الحرمه وامها شوي تطلع لامها وشوي ترجع للحرمه... . . . بعد مافقدوا الناس الأمل طلعوا من عندهم وهم مقهورين ولد قاتل وبنت فضحتهم طلعت ديم لامها وهي تمسح دموعها: يماااا اذكري الله وقومي صلي لك ركعتين ام بدر وكلامها مو مفهوم من كثر البكا: ليش يحرقون قلبي على ولدي بعدين يبوني اتنازل ديم: هم مالهم ذنب ربي بلاهم بهالعيال ام بدر: حرام عليهم مايدرون انهم بجيتهم هاذي يقتلوني الف مره ديم تعطي امها مناديل: حتى هي مسكينه ماسمعتيها تقول ليتنا ماجبنا عيال اشقونا اكثر مما نفعونا ام بدر: حرام عليهم ولدي راح وش يبون بعد ديم خانقتها العبره: لايمااا لاتقولين كذا قولي الله يجمعنا فيه بدار لقاء مابعدها فرقا بجنات النعيم ام بدر: امييييييين ام بدر مازالت مستمره بالصياح لما دخل ابو بدر عليهم وهو يتألم بشوفه زوجته.. استأذنت ديم وطلعت تاركه امها وابوها على راحتهم... =================== في بيت ام احمد ماكانت صدمتهم كبيره بخبر طلاقها امها من ذاك اليوم وهي متوقعه ان زوجها ماراح يصبر عليها كثر ماصبر اما احمد عارف اخته واطباعها الشينه ومع كذا محد يرضى الشين لاخته... احمد: الله يهديك يالهنوف ركبتي راسك وهاذي اخرتها الهنوف: وش اسوى فيه فلوسي اخذها وتبوني اسكت ام احمد: الفلوس مهب كل شئ بالدنيا الواحد يضحي شوي شوفي اخوك ضحى بفلوسه وزين المزرعه لنا وماقال مالي شغل فيهم فكر فينا قبل مايفكر بنفسه الهنوف: لاتقارنوني باحمد احمد موظف وانا حيلتي ورث ابوي الله يرحمه احمد: على فكره قال قلها الفلوس يومين وبجيبها لها ام احمد: الرجال مايبي الحرمه القشره اللي ماتطيعه يبي وحده تحبه وتخاف عليه وتواسيه اذا طاح بمصيبه... الهنوف: وانا مالي احاسيس يراعيني بعد احمد وهو طالع: تصبحون على خير بروح انام ام احمد وهي تطالع جنى: وبنتك اللحين من لها ماغير تتطلقون وعيالكم هم الضحايا الهنوف: الله واكبر هاذاني أنا عشت بين ام وابو وحظي اقشر يمكن هي ربي يخلي لها حظ يكسر الصخر ام احمد: بتنظلين بنتك الهنوف: أنا مو مقهوره من العنود رفعت ضغطي فشلتني عند الناس ام احمد: وهي وش دراها انصدمت متوقعه انها مده بتجلسينها عندنا وبترجعين بيتك الهنوف: كلهم يكرهوني واللحين بتشتغل الشماته خاصه نوف وديم ام احمد: لاحول ولاقوه إلا بالله إلا والله انتي اللي تكرهين نفسك وتكرهين الناس فيك ================== في الصاله في بيت العنود صوت التلفزيون كان عالي حاطينه على مسلسل خليجي ريوف متحمسه وتتابع ونوف قلقانه وتحرك رجلها بتوتر... نوف بانزعاج: ريوووف وطي الصوت ازعاج ريوف: بشوف وش صار عليها يوم شافها ابوها مع الرجال؟؟ نوف: اقووول بلاهم ازعجتيني طنشتها اختها وهي رجعت مسكت الجوال وتعيد الاتصال على اخر رقم لكن للاسف مازال الرقم مقفل زاد توترها.. ياربي طلع من المزرعه ولاتكلم احرجني قدامهم واللحين جهازه مقفل!!!! غريبه وش عنده؟؟.. يمكن جااه ظرف طارئ!!.. بس حتى ولووو المفروض يعطيني خبر.. ياربي انا خايفه عليه اكييد صار له شئ استحاله يطنشني كذا اكيد في شئ.. خل ادق عالبيت اتأكد.. اتصلت على البيت ونفس الشئ محد رفعها!! بشوف ديم يمكن هو عندهم بالبيت.. دقت الرقم وبعد السؤال عن الحال.. نوف: اقوول تركي عندكم؟ ديم باستغراب: لا نوف: غريبه من جينا وانا ادق عليه جواله مقفل ديم: تلقينها خلصت بطاريته نوف: والله مدري عنه بروح احاول مره ثانيه.. مع السلامه ديم: مع السلامه رجعت تحاول وتعيد الاتصال لكن للاسف مافي جديد مافي أي اجابه.. ==================== يوم السبت الصباح قامت سراب من نومها وهي تحس بنشاط وحيويه ناظرت الساعه كانت عشره دخلت المطبخ صلحت لها كلوب شاندويش وعصير فرش وجلست قدام التلفزيون .. وهي تأكل حست السيم حق التقويم اللي عند الضرس يعور لثتها شكله طايل او انفك قامت عند المرايه تحاول تشوف وش قصته هو طويل ولا انفك ماقدرت ... قعدت تدور بتوتر ماتدري وش تسوي؟؟ قربت جنب التلفون وهي تفكر اكلمه واسأله ولا بيفهمني غلط؟؟... حطت يدها عالسماعه ورفعتها تضرب الارقام وعند اخر رقم قفلت الخط... غبيه أنا اللحين بيقول هاذي تحتك فيني.. كل يومين متصله.. بس أنا مراجعه عندي يحق لي استفسر عن أي شئ.. يارب ادق ولا ماادق؟؟ دقت الرقم بتردد وطلبت الدكتور.. بخاطرها تقول ليتي مادقيت.. اقفل قبل مايرد؟؟؟ جاها صوته الثقيل: الوووو سراب بتردد واضح: اّ أّ... الو د/ ماجد: اهلين.. سراب وهي حاقده عليه بعد ماشافته مع البنت: دكتور بسألك عندي السيم طايل و... د/ ماجد: انتي سراب مووو؟؟ سراب بفرح انه عرفها: ايه د/ ماجد: وش تقولين السيم وش فيه؟؟ سراب: يعور لثتي.. وجرحني صار ينزل دم د/ ماجد: تعالي اليوم اشوفه سراب: لا مايحتاج بس علمني وش اسوي؟؟ د/ ماجد: يمكن يكون منفك حاولي ترجعينه مكانه بالفتحه الصغيره سراب: اوكي شكرا دكتور د/ ماجد: واي استفسارات عندك احنا بالخدمه سراب وماتدري وشلون طلع منها الكلام: دكتور أنا دايم تصير كثير اسئله في بالي بخصوص التقويم بسألك اياها بس لمن اشوفك انسى.. يوم قالت هالكلمه بغت تصكر السماعه من الفشيله ماتدري كيف تجرأت وقالت.. فشيله اللحين بيتوقع اني قاصده بيحسب اني من البنات اللعابات... د/ ماجد: لاعادي خذي راحتك اذا نسيتي دقي اسألي انتي مراجعه عندي ومن حقك سراب وتحاول تنهي المكالمه: شكرا دكتور مع السلامه.. استرخت عالكنبه وتنهدت بعمق ياناس بيذبحني هالماجد يلعب بقلبي واعصابي كل الناس يقولهم خذوا راحتكم دقوا أي وقت ولابس أنا؟؟ لحظه لايكون متوقع اني من البنات الساذجات ويحاول يسحبني مسكين كان هذا تفكيره... لااااا أنا موصاحيه اليوم.. الرجال شايف خييير عنده بنات اشكال والوان وانا الحمدلله محترمه نفسي.. مااتوقع تفكيره يكون كذا... يارب متى يجي موعدي وحشني ابي اشوفه... =================== مانام زين طوول امس وهو سهران مع انه صلى الفجر واخذ له غفوه كم ساعه الا انه اللحين يحس انه مافيه نوم اسند راسه عالجدار بألم وهو يفكر.. ليش كذا يانوف؟؟... توني اعرف ان انا بنظرك ولاشئ.... ليش تحطميني ؟.. ليه تجرحيني؟؟.. اذا انا مو مالي عينك ليه من الاول وافقتي علي.. يارب انا وش سويت بدنيتي عشان يصير فيني كذا؟؟ يارب ليه كل ماحاولت اتأقلم مع هالمجتمع يقابلوني بالرفض؟ نوف بالذات مااحسها تفتخر فيني كوني زوجها بالعكس تستعر مني بالبدايه كنت اقول تستحي ماتعودت علي لكن تجي امس تجرحني بالصميم... تنهد بعمق مد يده على جواله من امس وهو مقفل فتحه بعد اقل من دقيقه جت له مسجات وراء بعض وكلهم من نوف.. "تركي وينك؟؟" " اول ماتفتح جوالك اتصل علي" " وش السالفه اللحين انا مو عارفه.... انام عند اهلي ولا بتجي تاخذني؟!! " " تركي خوفتني عليك ماترد عالبيت وجوالك مقفل اول ماتشوف مسجاتي كلمني" هز راسه بأسى.. تسوي نفسها خايفه على وربي وحده عالم بالنيات... مدامك ماتبيني وش اللي يجبرك تعيشين معي؟؟ ================== وقت الغداء مسوين اكل خفيف لزوم الرشاقه لانهم متابعين حميه معينه حفاظا على صحتهم... بدر والاكل بفمه: ودي اعرف خالتي الهنوف وش اخبارها بعد صدمه امس ابتهال: كلنا انصدمنا ماتوقعنا بدر: حتى سليمان طول الجلسه وانا حاس انه مو طبيعي ابتهال: المشكله الهنوف الله يهديها تكابر بدر: ان شاء الله تنحل امورهم ويردها ابتهال: تصدق على انها ماتتقبل مني شئ وانابعد احاول اتحاشاها الااني رحمتها بدر: لاتسمعك اللحين تقولين رحمتها تسوي قضيه ابتهال: ههههههههههه وش اسوي عاد صعبت علي بدر: ماعلينا منها ترى الاسبوع الجاي حجزت لنا بنروح مكه ابتهال بابتسامه: أنا وأنت بس بدر: ايه زي كل سنه وسديم راح تتعب لمن نجي نأخذ عمره ابتهال: طيب خل ناخذ خالتي معنا والله تكسر الخاطر بدر ينزل راسه للارض: والله انك صادقه بعد وفاه ثامر الله يرحمه حالها مايسر ابتهال: تصدق والله اني ادعي لاحمد خلنا نغير جووو خاصه خالتي وديم بدر يتنهد: ليت كل الناس مثل احمد كان الدنيا بخير =================== ام بدر من بعد مارجعوا من المزرعه رجعت لها حاله الانتكاسه تجددت ذكرى ثامر وتعبت نفسيا بعد الناس الي جوو عندهم... ديم كلمت جدتها وجاء احمد وامه عندهم...... ام بدر وواضح عليها اثار التعب: وش اخباركم عقب المزرعه؟؟ ام احمد: حنا بخير لكن انتي الله يهديك اذكري ربك احمد: الجوهره اللحين ليش ماتسافرون تطلعون من بيتكم يمكن هذا السبب اللي مضايقك دخل ابوبدر على اقتراح احمد: السلام عليكم... على يدك يااحمد اقنعها بالسفر ام بدر: اليوم كلمني بدر يقول بيروحون عمره ويبوني اجي معهم احمد: حلووو روحي ام احمد: وفي ازين من بيت ربي الواحد يلجئ له لاضاقت فيه الدنيا ابوبدر: ولوتبين ياخاله كلنا نروح للعمره ماعندي مانع ام احمد: ماتقصر ياوليدي لكن أنا احب عمرتي اخذها برمضان دخلت ديم وكان شعرها مبلول توها متروشه: السلام عليكم الكل: وعليكم السلام احمد: صح النوم تعالوا تعالوا واخر من ينزل انتي ابوبدر: كلش الاديم لحد يعاتبها هي ملكه ببيت ابوها ام احمد: خلاص ماصارت ملكه ابوها صارت ملكه رجلها احمد يستهبل: عقبالك يماااا ماتصيرين ملكه زيها ام بدر: اللحين بتقوم عليك امي ديم: يمااا وين ريان؟؟ ام بدر: نايم مرت سميره من عندهم تمشي بدلع بتطلع فوق... احمد يوم شافها كشر: على فكره هالعله بكنسل فيزتها وبسفرها مااستحمل اشوفها تنرفز ديم: ابركها من ساعه ام احمد: هوووو جايين نخطب تقولين ابركها من ساعه ابو بدر: واسعد بعد عندها دايم تتشكى منها احمد: خلاص يالجوهره سمعتي بخلص اوراقها وبحجزلها ام بدر: اللي تبيه سوه من حبي لها ام احمد على نياتها: اخاف تقول احب ماما كبير وماترضى تروح ديرتها ابوبدر: ههههههههه لاتخافين ياخاله هي ماتركت احد بحاله احمد يلتفت على ديم: وين ياسر؟؟ ديم: يلعب بلاي ستيشن بغرفته ليش؟؟ احمد وهو قايم: لاولاشئ بطلع له طلع احمد لغرفه ياسر لقى الباب مفتوح.... احمد: السلام عليكم ياسر يرفع راسه: هلا والله تعال العب معي احطه على اثنين؟؟ احمد يدخل يده بجيبه: خذ الميموري حقتك ياسر تغير لون وجهه: متى اخذتها؟؟ احمد: مو قلت لك عطني اشوف رمزالقفل أنت مارضيت .. من له حيله فليحتال ياسر وهوينزل يد البلاي ستيشن: وش استفدت يوم اخذتها؟؟ احمد: أنت مسكين على بالك ماترضى تعطيني اياها خلاص أنا مااقدر اوصل للي ابي لكن أنت غلطان.. ياسر: طيب أنت ترضى احد يشوف جوالك احمد : ايه اللي يمونون علي عادي ايش المشكله ياسر: ايه تقول كذا تسكتني احمد: عالعموم ترى مسحت كل اللي فيها وكسبت فيك اجر ياسر مفتح عيونه: يعني اللحين فاضيه مافيها شئ احمد: ايه ويليت تفكر بعقلك أنت وش بتستفيد اذا احتفظت بهالمقاطع عندك؟؟ ياسر: كل الشباب عندهم مو بس أنا احمد: واذا الشباب رموا نفسم بالنار أنت ترمي نفسك معهم ياسر: لا احمد: انتبه لنفسك وتذكر انه فيه رقيب علينا مو الناس مايشوفونك معناته تسوي اللي تبي طلع من عنده وهو متفشل من خاله بعد الاشياء الي شافها عنده قفل البلاي ستيشن وجلس متوتر محتار وده ينزل يجلس مه اهله وبنفس الوقت ماله وجه يقابل خاله.. ====================== الساعه تسع بعد ماطلعوا جدتها وخالها من عندهم طلعت غرفتها استلقت عالسرير فتحت الدرج طلعت جوال ثامر استغربت يوم شافت 2 مسد كوول من رقم مو مسجل عنده... غريبه من اللي متصل؟؟.. من زمان انقطعت الاتصالات عن جواله اكيد احد غلطان !! انتبهت على جوالها يدق كان المتصل عبدالعزيز... ديم بابتسامه: اهلييييييييين عبدالعزيز: هلا وغلا ديم: وش اخبارك؟؟ عبدالعزيز: بخير انتي كيفك؟؟ ديم: تمامووو عبدالعزيز: ودي اقولك شئ بس اخاف يضايقك ديم باستغراب: قووول عبدالعزيز: من ملكنا ماشفتك إلا يوم الملكه ودي اشوفك ديم: متى؟؟ عبدالعزيز: أي يوم يريحيك قولي وانا اجيك البيت ديم: عاد مايحتاج مشوار قبال بيتكم عبدالعزيز: ههههههههه شفتي شلون أنا متقصد اخذ وحده حولنا عشان حق البنزين ديم: اهلك ماقالولي انك بخيل يوم جووو يخطبوني عبدالعزيز: عمري مشتاقلك ابي اشوفك ديم بحيا: خلاص تعال باي يوم الله يحيك عبدالعزيز: بجي لكن ابي ديم اللي تكلمني وتضحك وتسولف ابيك على طبيعتك ماابي اجي انصدم بوحده ثانيه مستحيه ويالله اطلع منها الكلام ديم: والله على حسب اخاف تجيني يوم وتكون الحاله النفسيه مش ولابد وانافخ عليك عبدالعزيز: سواق ابوووك تنافخين علي ديم: ههههههههههههههههه عبدالعزيز: يلاااا اتركك اللحين قبل ماتجيني ذبه محترمه ديم: لاااا محشوم عبدالعزيز: تامرين على شئ ديم: انتبه لنفسك عبدالعزيز: وانتي بعد... فمان الله قفلت وهي تتنفس بعمق الله يخليه لي ولايحرمني منه مدري أنا من غيرك وش كنت بسوي... ياالله أنا لهيت بعمري بعد وفاه ثامر ونسيت نفسي... مهري إلا الان ماسويت فيه شئ لازم اطلع واتشرى واجهز نفسي.... يستاهل عزيز اكشخ له والبس له ياحبي له... وبعد يستاهل اكتب له شئ حلووو اليوم تدري ؟ عندما أفكر بك ،، أسافر في عيون الريح فـ تأتيني أساطير اليونان ترقص فوق أصابعي ،، عندما أفكر بك ،، أصير فراشة ،، بألف جناح ،، لاتتعب ! وإن عرقلتها العتمة لاتسقط ! يأتيها طيفك يحملها بوميض نور !! :: "" تصدق ؟ ليس لحبكـ مكانٌ بعينه ! إنهُ الأمكنةَ كلها محتالٌ هائلٌ جذابْ كالوطن والأقمار و السحاب ، كالفوضى الـ تسكن صدري والنار وغوايات الغياب ، كالمجازفات الـ تؤتى عُنوةً فيعقبها خلودٌ مؤبدٌ ، أو نكاياتُ موتٍ ولهائب عذاب ، وأكثر من ذلك ؟؟ لا ،، بل إنه ،، كلذةِ صوتك الـ يجعلني أمشي فوق السحاب بحذر كي لاأدوس على وجنة القمر بلا قصد ،، يالله !! كم هو شهيٌّ هذا الصوت الـ يلتهمني ولايترك مني سوى روحآ معطرة ! فـ يعبر بها القارات والعتمة والمجرات ويحيي تلك الوجوه الـ عفرها غبار التعب ،، وَيلي ،، فيه عشقٌ يخيف خجلي وهزات تأخذ بأركان قلبي وفيضٌ من لسعٍ ووخزٍ رقيق حتى الألم ،، يهديني إياه فيجيء ذو لذةٍ فريدةٍ أحتسيه على مهل خشية أن ينقضي !! وتلومني لارتباكي ؟ كيف لي أن لاأفعل أمامك؟ كنت أعددت الكثير والكثير من الأغنيات لأغنيها لك وبعد أن غمرني صوتك فقدت آلية النطق تهت وتبعثرت ،، وضحكت أنت : ) امممم تراني لو نظرت الليلة إلى عينيك ،، هل سأقوى على تذكر من أنا ؟ وما اسمي؟ لايهم ،، وربي ماعدت أتذكر شيئآ سوى أن عينيك قالت لي : لك الحياة ،، خلودآ مؤبدآ **( حلم يقظه ) ***** قطع عليها صوت جوال يدق وكانت النغمه غريبه عرفت انه جوال اخوها رفعت الجوال شافت رقم غريب شكت انه هو نفس الرقم اللي لقت منه مسد كول ردت بتردد وهي ساكته جاهاااا صوت انثوي ااالوووو ديم: ه ه هلاااا البنت: هذا مو جوال ثامر؟ ديم مصدومه: انتي مين؟؟ البنت: اووو شكلي غلطانه.... قبل ماترد عليها ديم قفلت الخط وخلتها تعيش بدوامه من هالبنت؟؟... معقوله ثامر اخوي كان له علاقات ببنات؟؟... وحتى لو كان يعرف هالبنت ليش توها تتصل؟؟.. مافقدته إلا اللحين؟؟ يمكن يكون اسم على اسم ماتقصد ثامر اخوي.. لااااااا خليني واقعيه اخوي مو اسمه محمد ولاعبدالله عشان الصدفه تلعب دورها!!!!!!!!!... لايكون السالفه والقضيه اللي صارت صدق وهو له علاقه بالبنت؟؟؟... المسأله فيها ان !!!!... وانا لازم اعرف.. رجعت تتصل عالبنت تبي تستفسر منها تبي توصل للحقيقه .. دقت الرقم بانتظار الاجابه من الطرف الثاني.... البنت: الوووو ==================== ياترى من هالبنت اللي طلبت ثامر؟؟ وليش بهالوقت بالذات بعد مرور اكثر من شهر على وفاته؟؟ سراب والدكتور ماجد طريق مسدود بينهم عاطفه ملتهبه من ناحيه سراب وجمود وهدوء من الدكتور إلى وين بينهي بينهم المطاف ؟؟ ديم وعبدالعزيز الحب والشوق المتبادل بين الطرفين وش التطورات اللي راح تصير بعلاقتهم؟؟ الهنوف كيف راح تتصرف بعد طلاقها؟؟ تركي ونوف وش الجديد اللي راح يطري على حياتهم؟؟ بدر وابتهال ورحله العمره مع ام بدر هل راح تغير من النفسيات؟؟ احمد وتفكيره الجدي بتسفير سميره هل راح تمشى الامور مثل مايخطط ؟؟ كل شئ راح تعرفونه بالمتابعه لاتقولوا شي بعد الجزء طووويل |
|
| |
|
08-07-2006, 07:11 PM
| #40 |
| | رد: ما زال الليل يعاندني .. قصه روووعه يله يله يله بسررررررررررررررررررعه التكمله والله حماس |
|
| |
|
08-07-2006, 11:01 PM
| #41 |
| | رد: ما زال الليل يعاندني .. قصه روووعه مشكوره علي القصه |
|
| |
|
08-12-2006, 05:40 PM
| #42 |
| | رد: ما زال الليل يعاندني .. قصه روووعه آسفه على التأخير الجزء السادس عشر ×××××××××××××× دقت الرقم بانتظار الاجابه من الطرف الثاني.... البنت: الوووو ديم: السلام عليكم البنت: وعليكم السلام.. ديم: لاموغلطانه صح هذا تلفون ثامر سكتت البنت.... ديم: اختي انتي دقيتي على.. البنت تقاطعها: ايه اسفه شكلي غلطانه بالرقم.. لحظات صمت... ديم: الووو البنت تداركت الموقف: طيب ممكن اكلم صاحب الرقم ديم بصوت متقطع: والله... صاحب الجوال توفى.. وانا اخته.. انتي مين؟؟! سكتت البنت وماعرفت وش ترد محد يلومها الموت له هيبه.. البنت واضح على صوتها الصدمه: الله يرحمه ويغفرله.. انا اسفه ماكنت ادري.. عظم الله اجركم واسكنه فسيح جناته ديم: جزاك الله خير.. انتي مين؟؟؟ البنت بتنهيده: قولي امين... الله يوسع لاخوك بقبره مثل ماوسع وفرج علينا ديم: فرج عليكم؟!!!.. انتوا مين؟ البنت: السالفه طويله... ديم: انا مستعده اسمعها.. البنت: ثامر الله يرحمه وعرف عن حالتنا عن طريق اهل الخير.. حنا عايله مكونه من ست افراد اربع بنات وولد واحد صغير وامي.. اللقمه مانلقاها اذا جعنا حتى ملابس العيد ناخذها من بقايا وصدقات الناس يعني بالعربي كنا نعاني من فقر مقذع.. سكون من جانب ديم بانتظار التكمله... البنت تسترسل: ومن عرفنا اخوك وهو مو مقصر معنا كل نهايه شهر يعطينا مبلغ يحفظ لنا كرامتنا وغير كذا يجيب مقاضي البيت من غير محد يطلب منه ديم تحس بقشعريره تسري بانحاء جسدها: ثامــــر!! البنت: ايه ثامر والشهر اللي راح مامرنا كالعاده والشهر هذا قرب ينتهي ولاجاء عشان كذا انا امي طلبت مني اتصل واشوف وينه انقطع.. ديم صارت دموعها تنزل بغزاره من غير شعور: انتوا وين ساكنين؟ البنت: بحي شعبي قديم مو من مقامكم.. ديم ماقدرت تتحكم بمشاعرها اخوها اللي الكل كان ظالمه وكل اللي حوله شاكين بوجود علاقه مع بنت يطلع العكس تماما.. البنت حست انها فتحت جروح: انا اسفه والله ماكان قصدي اضايقك .. الله يصبركم.. بعد ماقفلت الخط من البنت دخلت بنوبه بكاء ومحد يقدر يلومها صدمه قويه عليها او خبر ماكان متوقع بالوقت هذا بالذات... ××××××××××××××× من يوم تطلقت وحالتها حاله كارهه نفسها عمرها ماتوقعت ان زوجها يتخلى عنها وخاصه ان بينهم بنت... ياربي انا ماتزوجت الا متأخر وبعد ماحسيت بالاستقرار اتطلق ليش الدنيا تلطش فيني ليه حظي دايم شين... اااااااه كله مني عصبيتي الزايده هي السبب.. فلوسي رجعت لي بس خسرت زوجي كله مني... بس هو بعد غلطان المفروض ياخذني على قد عقلي.. سمعت صوت بنتها جنى تطق عليها الباب ببراءه... الهنوف: نعم وش تبين؟؟ جنى: ماما تحت الهنوف: انتي انزلي تحت ماقلتلك لاتطلعين تراني مو ناقصتك جنى تسحب امها... الهنوف: انزلي عند امي واحمد تحت دخلت عليها ام احمد: وش فيك عالبنت؟؟ الهنوف: غثيثه الله يصلحها ماتسمع الكلام ام احمد: ترى سليمان كلم احمد وقال انه اليوم بيمر ياخذ جنى من زمان ماشافها الهنوف الشر يتطاير من عيونها: مو على كيفه ام احمد: وش اللي مو على كيفه بنته ويبي يشوفها الهنوف: الله ياخذه وش يبي مو طلقني ليه مايفكني ام احمد: اجل وش بتسوين لو عرفتي انه يفكر ياخذ جنى عند جدتها تربيها الهنوف ركبها ميه عفريت: ياكل تبن مو على كيفه ام احمد: اعقلي يالهنوف مو كفايه اللي جاك احمد كان ماشي بالممر اللي يودي على غرفته لمن سمع اصواتهم راح عندهم... الهنوف سحبت بنتها عندها: جنى ماراح ياخذها .. وانتم كلكم ضدي ماتاقفون معي احمد واقف عند الباب: تراك ازعجتينا هو ابوها وحر فيها .. مو كفايه انتي خربتي بيتك بيدك بعد بتخربين علاقتها بابوها الهنوف: ومن قالك اني ميته عليه فكه ارتحت منه ام احمد: تلقين بنتك بتفرح تروح تتمشى وتشم هواء وانتي مضيقه صدرك احمد: اتركيها يمااا الهنوف الكلام معها ضايع الهنوف: ليه شايفني سفيهه ام احمد: لابس لسانك طويل احمد: الهنوف انتي صايره عصبيه زياده عن اللزوم ام احمد تلتفت على ولدها: اختك نفسيتها تعبانه ..خلنا نطلع نتمشى احمد يطالع بالهنوف: اخاف هي ماتبي تطلع من غير بنتها خليها بكره ام احمد وهي تطلع من الغرفه: الله يصلحك ويهديك.. طلعوا ام احمد وجنى واحمد من عندها... كانت العبره خانقتها اول ماطلعوا رمت نفسها عالسرير وقعدت تصيح بحراره .. مهما حاولت تسوي دور القويه ومهما كابرت تبقى انسان لها مشاعر تتضايق وتنجرح واللي مخليها كذا هو احساسها بالذنب خاصه انها كانت السبب بنهايه حياتها مع سليمان.. ×××××××××××××××× في بيت ابو بدر مجتمعين كلهم من نص ساعه وديم جالسه تتكلم معهم وكل واحد كانت له رده فعل غير الثاني ام بدر قعدت تصيح وابو بدر خنقته العبره وبدر التزم الصمت من الفرحه بالعمل الصالح اللي كان يسويه اخوه وتركي كان اكثرهم تماسك مو عارف يفرح ولايحزن على اخوه خاصه ان حالته النفسيه مش ولابد... ديم تقرب من امها: يماااا بدال ماتفرحين تبكين؟ بدر: لاتنسون ان الرسول عليه الصلاه والسلام قال: " اذا مات بن ادم انقطع عمله الا من ثلاث وذكر منها صدقه جاريه..." ابوبدر: لاتلومونها امك تصيح من الفرحه ام بدر وهي تصيح: كنت اشك فيه واقول وين يودي فلوسه؟؟.. ظلمته وماكنت اقصد تركي يوجه سؤاله لديم: ماتدرين وين بيتهم؟ ديم: منهم؟؟ ام بدر: الناس اللي كان يساعدهم ثامر... ابوبدر: ايه المفروض نروح نشوف حالتهم ديم: هي تقول انهم بحي شعبي.. بس وين بالضبط مدري بدر: كلميها واسئليها.. ام بدر: لاانا بكلمهم تركي يتنهد بعمق: الله يالدنيا من كان يتوقع ان ثامر بيسوي كذا ابوبدر: كل انسان فيه جانب خير ديم: ثامر الله يرحمه طول عمره حنون... بعد هالجمله بدى صوت نحيب وشهيق ام بدر يتعالي والتموا كلهم حولها يحاولون يهدونها... مسكينه ام بدر كل ماحاولت تنسى جاء موضوع يذكرها.. ××××××××××××× روائح وكتل ضبابيه وجو مختنق نكهات مختلفه ونفسيات تعبانه تليها اصوات سعال كل ماله يتعالى كل هذا كان في مكان واحد في المقهى بعد ماطلع من عند اهله احتار وين يروح لما قادته سيارته لهالمكان جالس يعسّل بشراهه واللي زاد من حده توتره صوت رنين جواله كانت نوف تتصل عليه باستمرار وهو مطنشها... سكت الجوال ورجع يرن مره ثانيه طلعه من جيبه ومثل كل مره المتصل نوف تأفف بداخله وترك المعسل على جنب وطلع بكت الدخان وقعد يدخن.. جاااه مسج فتحه " تركي.. فهمني وش فيك ماترد على؟! " هز رأسه الى متى بتأخذني على قد عقلي.. الى متى بستغفليني يانوف؟؟ طلع من المقهى ركب سيارته وهو يحس باختناق شديد ماقدر يسوق وقف بمكانه وهو يحاول يتحكم بنفسه ماقدر وطبيعي اللي صار له اليوم دخن اكثر من بكت بالاضافه للمعسل اللي طلبه.. نزل من سيارته وقف ليموزين تكلم معه بصعوبه بالغه وطلب منه يوديه اقرب مستشفى لانه مو قادر يسوق.. وطول ماهم بالطريق وجواله ماوقف لكن هو مو لم الجوال قاعد يدعي ربه انه يوصل المستشفى قبل ماتتردى حالته... ×××××××××××××× ابوبدر لمن عرف ان اخته ماجت المزرعه يوم عزموها مر يسلم ويشوف وش اخبارهم... ام طلال: زارتنا البركه ابو بدر: الله يسلمك.. والله انك دايم عالبال بس الدنيا مشاغل ام طلال: وش اخبار الجوهره ان شاء الله احسن ابوبدر: الله يعين عليها المسكينه من بعد وفاه ثامر ولك عليها ام طلال: والله حنا مقصرين لازم اجي اشوفها ابوبدر: لامايجي منك قصور ام طلال منحرجه: صراحه من زمان ودي اسألك سؤال بس متردده.. اسمع من الناس ولاادري وش الصدق؟؟ ابوبدر: اسئلي.. ام طلال: ثامر الله يرحمه وش قصه موته؟؟ ابوبدر يتنهد: والله ماندري ولدنا مظلوم ولاظالم ام طلال: افاااااااا ياابوبدر هذا ثامر تربيتك ابوبدر: جو عندنا اهل اللي قتله يبونا نتنازل لكن والله مااتنازل ام طلال: الله يكون بعون الجميع ابوبدر بيغير السالفه: وش اخبار طلال ودراسته؟؟ ام طلال: ااااه بس منه قطوع مايتصل الا بالمناسبات... ابوبدر: اهم شئ تجيب نتيجه هالغربه ام طلال: ان شاء الله ابوبدر: اجل وين ابو طلال وبسمه؟ ام طلال: ابو طلال عنده شغل وبسمه عند وحده من صديقاتها ابوبدر: وانتي دايم جالسه اللحالك ليش ماتجين عندنا ترى مافي احد غريب... ام طلال: ههههههه لاوالله كل يوم انا وبسمه مقابلين بعض حتى هي مسكينه دايم تقول نبي نطلع نبي نتمشى بس تعرفني انا مااحب اطلع.. ××××××××××××××××× رجع احمد البيت لقى امه واخته قاعدين يتقهون الهنوف كانت مصلحه لهم حلى من الملل تحاول تشغل نفسها... احمد: غريبه يمااا من مرسل الحلى الهنوف تطالعه: وانا مو ماليه عينك احمد: انتي مصلحته؟؟ ام احمد: ايه هي ليش حاقرها احمد وهو يبتسم ويتلفت: وش فيكم علي براسكم هوشه؟؟ الهنوف: جنى ماما تعالي كلي اممممي رن التلفون كان جنب الهنوف رفعته... الهنوف: الووو .. الوو الهنوف حركت شفايفها ومدت السماعه لامها: يماااا خذي شكلها ام عبدالله احمد: ههههههههه اختصرتي الموضوع حفاظا على حبالك الصوتيه.. قربت ام احمد واخذت السماعه... ام احمد تعلي صوتها: الوووووو .. هلا هلا.. يام عبدالله ام عبدالله: وش اخباركم؟؟ ام احمد: بخير الله يسلمك ام عبدالله: من هاللي رفع السماعه ورد ولاسلم ولاشئ؟ ام احمد منحرجه: ايييه هاذي الهنوف ردت بس ماعرفتك ولاكان سلمت قربت جنى من التلفون وصارت تدعس السلك وصار يقطع عليها... ام احمد تكلم جنى: بعدي عن التلفون خل اكلم روحي لامك.. ام احمد ترجع تكمل مكالماتها: ايه وش كنا نقول؟؟ ام عبدالله: ليه صوتك راح؟؟ ام احمد: هاذي جنى بنت الهنوف.. ام عبدالله: وشووووو؟؟ ام احمد تعلى صوتها زياده: جنى جنى بنت بنتي ام عبدالله: والله مدري وش تقولين؟؟ ام احمد تعلى صوتها لاخر حد: جنى جنى بنت الهنوف...... احمد يلتفت على اخته: على كيف كيفها السمع.. الهنوف: المشكله ماقلت الا الوو بصوت واطئ... مدري وشلون سمعت.. واللحين امي تصارخ ولاتسمعها.. احمد: وامي مخلصه تعلمها بالتفاصيل جنى بنت الهنوف... خلصت ام احمد من مكالماتها ورجعت تتقهوى.. ام احمد: وش فيكم تحشون بالضعيفه.. الهنوف: وشوووله تدق اذا سمعها على قدها.. احمد: يوميا اتصالات وتروح نص المكالمه وانتي تعيدين عليها الكلام ام احمد تتنحنح: وش اسوي ياوليدي ماتسمع لازم اوضح لها احمد: ههههههههههه شوفي صوتك راح.. ×××××××××××××××× تضرب رجلها عالارض بتوتر محتاره مو قادره تعرف سر جفاه .. ياناس وش فيه؟؟ ماودي اسأل خالتي ولاديم ماودي يحسون انه صاير بينا شئ.. فجأه جمدت بمكانها كنها تذكرت شئ.. لايكون عرف عن علاقتي بيزيد!!!!!!!!!!!!!! اكيد مافي الا هالاحتمال.. لا لاااااا ان شاء الله كيف بيعرف؟؟.. ديم مستحيل تتكلم وامي ماراح تخرب على.. اصلا لوكان عارف بسالفه يزيد كان ماسكت اكيد بيقلب الدنيا ويجي عندنا البيت... اوووووه لايكون خالي احمد طلع الجوال باسم مين وعرف اني صاحبه المسج وقاله... لاااااااا مستحيل هالخيالات تصير انا خايفه وقاعده اتخيل.. بجرب ادق للمره الاخيره ويارب هالمره يرد وافهم منه وش صاير؟؟.. انا قلت لاهلي انه مشغول ومتلخبط شغله وقالي انام عندهم ماابي اتفشل ويصير شئ ثاني.. اتصلت على رقم تركي وبعد ثلاث دقات جاااها صوت لكن الغريب في الموضوع انه مو صوت تركي... نوف: الووو .....: هلا اختي.. نوف: من معي.. هذا مو جوال تركي؟؟ ......: الاااا جوال تركي.. حنا المستشفى جاء عندنا من حوالي ساعه بحاله اختناق نوف: أيــــــــــــــش!!! .....: تطمني حالته مستقره اللحين نوف بتوتر: أي مستشفى؟؟ ××××××××××××× رجع البيت وهو فرحان بالخبر الحلو اللي سمعه عن اخوه ثامر جلس يحكي لزوجته وفرحت هي بعد وقالها انهم بيروحون يشوفون الناس اللي كان يساعدهم ثامر وان ابوه قال مدام ثامر بحياته كان يساعدهم راح يستمر يساعدهم.... ابتهال: وخالتي وش اخبارها اللحين؟؟ بدر: كالعاده قعدت تصيح... ابتهال: الله يعينها بدر: ودي أأجل سفرتنا لمكه اول شئ عشان امي ثاني شئ كنت ناوي نروح يومين ونرجع لكن مدام امي معنا ودي اخذ اجازه ونجلس اسبوع ابتهال: ليش انا اللحين مستعده نفسيا بدر: وانا مااقدر هالاسبوع اخذ اجازه ابتهال: تبي اسوي عشاء بدر: لااليوم فيني طاقه مو طبيعيه ابي اطلع اتمشى جهزي سديم وانا بكلم امي وديم وريان يطلعون معنا ابتهال وهي قايمه: يلاااا عبال ماالبس كلمهم.. رفع السماعه وكلم امه حاول يقنعها تطلع معهم لكنها مارضت بعد نص ساعه مرهم واخذ ديم وريان وطلعوا يتمشون لف لف فيهم بشوارع الرياض انبسطوا وغيروا جوو.. ×××××××××××××× واقفه عند بوابه المستشفى هي وامها.. بعد ماجاها اتصال يبلغونها عن حاله تركي ماترددت لحظه وحده اخذت امها وطارت عالمستشفى... العنود: ماتدرين بأي دور؟؟ نوف تتلفت بتوتر: والله مدري بس الاكيد انه بقسم الامراض الصدريه والجهاز التنفسي العنود وهي تتوجه للرسبشن: تعالي نسأل سكتت نوف وتبعت امها وهي تسمع الموظف يقولهم الدور الخامس... طلعوا بالاصنصير والهدوء والسكون يعم المكان.. وصلوا للدور لكن اللحين بقى يعرفون هو بأي غرفه... سألوا عن اسمه ودلوهم على غرفته .. مشوا بالسيب الطويل وهم يتلفتون ويدورون رقم الغرفه وبنفس الوقت نوف خايفه وتحس بتوتر وتأنيب ضمير اول شئ خايفه يكون اللي في بالها صحيح وينخرب بيتها او تكون هي السبب بطيحه تركي........ انتبهت على صوت امها: هاذي هي غرفه تركي يوم جو يفتحون الباب طلع الدكتور من نفس الغرفه.... العنود: دكتور هاذي غرفه تركي الدكتور: ايه.. انتم اهله.. العنود وهي تأشر على بنتها: انا خالته وهاذي زوجته.. وش اخباره يادكتور الدكتور: والله اللحين حالته مستقره.. بس هو هاليومين ضغط على نفسه كثير شكله نفسيته تعبانه وصار يدخن بشراهه وهالشئ اثر على صدره كثير والحمدلله لحقنا عليه قبل فوات الاوان... نوف: نقدر نشوفه اللحين؟؟ الدكتور: ممكن بس لاتطولون ولاتخلونه يتكلم كثير لان هذا يأثر على صحته.. دخلوا عليه اول ماشاف نوف صد للجهه الثانيه.. العنود: الحمدلله على سلامتك تركي.. تركي بصوت واطئ: الله يسلمك نوف: ماتشوف شر ياتركي... تركي بدون مايرد عليها وهو يطالع خالته: من قالكم اني هنا.. العنود: نوف دقت على جوالك رد عليها واحد من المستشفى وقالها نوف: تركي... تركي صد للجهه الثانيه مايبي يشوفها: نعــــم!! نوف: وش اللي صار لك وجابك هنا العنود: ايه والله خوفتنا عليك تركي: تعب بسيط... اهم شئ الوالده ماابيها تعرف شئ هي خلقه نفسيتها تعبانه على ثامر العنود حست ان نوف بخاطرها كلام بتقوله بس مستحيه تتكلم قدامها... العنود: انا بطلع اجيب لي شئ اشربه تبون شئ؟؟ محد رد عليها طلعت عشان تتركهم على راحتهم... لحظات الصمت... نوف قربت منه: تركي وش فيك؟؟ حست انه مايبي يتكلم... نوف: والله خوفتني عليك يومين مدري عنك تروح ولاتقول نامي عند اهلك؟؟.. صاير شئ؟؟ تركي: لا نوف: انا غلطت عليك؟؟ جت هالكلمه في الصميم عند تركي انقهر منها تقتل القتيل وتمشئ بجنازته... نوف: تركـــــــــي تركي: لوسمحتي ممكن تتركيني الحالي.. انقهرت نوف منه تترجاه من الصبح ومو راضي يرد عليها واخرتها يطردها... نوف: براحتك.. بروح اشوف الدكتور واسأله متى تطلع.؟؟ طلعت برى الغرفه ورفعت التلفون تتصل بأمها بتشوف هي وينها؟؟.. بعد دقيقتين وصلت امها راحوا سألوا الدكتور عن تركي.. قالهم لازم يكون تحت الرعايه يومين.. طلعت نوف وامها ركبوا السياره وهي محتاره تغيير تركي المفاجي وطول الطريق وهي تحط الاحتمالات الممكنه لزعله... ×××××××××××××× تلعب بخصل شعرها وهي مبتسمه توها مقفله من عبدالعزيز.. لمن تسمع كلامه تحس انها ملكت الدنيا.. ان فكرت بحياتها قبله تستعجب كيف كانت عايشه؟؟... فتحت درج الكومادينه وطلعت دفترها وخطت بعض الكلمات... اه صوتك صوتك!! يأتيني مشحوناّ بحنانك, وتنفجر الحياه حتى في سماعه الهاتف القارسه.. اه صوتك صوتك!! ويتوقف المساء حابساّ انفاسه كيف تستطيع اسلاك الهاتف الدقيقه ان تحمل كل قوافل الحب ومواكبه واعياده الساعيه بيني وبينك مع كل همسه شوق؟! كيف تحتمل اسلاك الهاتف الدقيقه هذا الزلزال كله, وطوفان الفرح, وارتعاشات اللهفه, ومطر الهمس المضئ المتساقط في هذه الامسيه النادره؟! **( غاده السمان ) **** قفلت الدفتر وتنهدت بفرح رفعت التلفون دقت على سراب... ديم: الوو سراب: الووو.. وحشتيني يادبه ديم: ههههههههه ماامداني من يومين شايفتك.. سراب: اصلا انا اللحين صار لي حقين اخت رجلك وصديقتك يعني المفروض تكلميني مكالمتين باليوم ديم: ان شاء الله عمتي سراب: ماتدرين عن بشاير وش اخبارها؟؟ ديم: من قالت بتسافر وانا ماادري عنها يمكن توها مارجعت.. سراب: يلااا ان شاء الله تكون انبسطت.. ديم: اقول سروبه.. سراب: قولي ديم: عبد العزيز بيجيني البيت سراب: احلفي؟ ديم: هو قال... سراب: الدب ولايقول ديم: عاد مره خايفه مدري وش البس؟؟ وش اقدم له؟؟.. علميني وش يحب وش يكره؟؟ سراب: متى بيجي؟؟ قعدت تحكي لديم عن اطباع اخوها وصارت هي تجاوب وديم تسأل... ×××××××××××××× بشاير وزوجها توهم داخلين البيت راجعين من المطار دخلوا سلموا على ام سعد وطلعوا غرفتهم اول مادخلوا توجه سعد لجهاز الكمبيوتر... بشاير: بسم الله الرحمن الرحيم تونا داخلين سعد من غير مايلتفت: عندي شغل.. بشاير: طيب قم بدل ملابسك اول سعد مارد عليها.... بشاير: اكلمك انا .. سعد: وش فيك؟؟ بشاير: اطلع لك بيجامه تلبسها سعد: لا لا بطلع بشاير فتحت عيونها: بتطلع!! وين بتروح؟؟ سعد: مواعد العيال اليوم بشاير: وش ذا الاستقبال.. امك سلمت ودخلت تنام وانت بتطلع لاخوياك وانا اهلي مسافرين سعد: احمدي ربك.. بشاير بترجي: تكفى لاتطلع وتتركني اللحالي وحنا تونا راجعين احس بكأبه سعد: طفله انتي عشان رجعتي من السفر تكتأبين بشاير وهي تجلس عى طرف السرير: تدري دايم البنات يقولون يوم تزوجنا حسينا بالفرق حياتنا بعد الزواج احلى... الا انا ماحسيت بالفرق.. سعد باستهزاء وهو يقفل الجهاز: ماحسيتي بالفرق؟! بشاير: تبي الصدق عند اهلي كنت مرتاحه اكثر... سعد: واللحين بطلع واريحك مني اكثر... طلع وصكر الباب راءه من غير أي مراعاه لمشاعرها ياترى الغلط بمين هل بشاير انسانه حساسه وتدقق على كل شئ ولازوجها انسان مستهتر واناني...؟؟! ××××××××××××××× اشرقت شمس يوم جديد .. وعلى وقت العصر تحركت السياره تحوي داخلها ابوبدر وام بدر واللي يسوق بدر .. شقوا الطرق لما وصلوا لمكان شعبي قديم الازقه كانت ضيقه وبعض البيوت من غير سقف وغيرها تقطر مويه وحاله الناس اللي فيها باين انهم يعانون من فقر وحالتهم الصحيه مترديه خاصه لما شافوا شايب كبير مستلقي عالارض شكله معاق اوعاجز وقاعد يتفرج عالرايح والجاي... وعلى الطرف الثاني حرمه معها طفل رضيع وحالتها حاله... اّلامتهم هالمناظر قعدوا يدورون عالبيت اللي جايين عشانه... سألوا لما دلهم واحد... بدر: هذا هو البيت.. ابوبدر: متأكد! ام بدر بتردد: ادخل؟ ابوبدر: ادخلي وحنا ننتظرك بدر: ادخلي لاتخافين يمااا طقت الباب ثواني وفتحه طفل عمره 6 سنوات... ام بدر: وين ماما؟؟ الطفل: امي داخل دخلت ام بدر وهي تتلفت جتها حرمه عمرها تقريبا 45 سنه لكن باين ان الهم معطيها اكبر من عمرها... شرحت لها ام بدر انها ام ثامر وان اللي كان يجيهم من ثامر ماراح ينقطع... الحرمه: جزاكم الله الف خير.. الله يدفع عنكم وين مارحتوا.. الله... ام بدر تقاطعها: حنا مانبي الا دعواتكم.... دخلوا عيال الحرمه وقعدت تعرف ام بدر عليهم... طلعت من عندهم وقلبها يتقطع على حالتهم الي ماتسر عدو.. تعجبت من البيت الي ساكنين فيه مكان لوشافته من قبل مستحيل تتوقع داخله اوادم عايشين..!! حمدت ربها على اللي هي فيه وحست انها بنعمه عظيمه مقارنه بهالناس.... لقت زوجها وولدها بانتظارها ركبت السياره وهي تحاول مقاومه دموعها وكل واحد فيهم يحمد ربه بسره.... ××××××××××××××× في بيت اهل سراب... دخلت الصاله وهي تشتنشق ريحه العطر القويه المنتشره بارجاء المكان... سراب: احلى وش عندك كاشخ عبدالعزيز: غريبه ماوصلك الخبر؟ سراب: أي خبر..!! عبدالعزيز وهو يشخص قدام المرايه: شكلي حلوو؟ سراب كنها تذكرت شئ: اوووه صح كيف نسيت بتروح عند ديوم اليوم.. عبدالعزيز بابتسامه: عندك مانع؟ سراب تستلكع: عادي اروح معك عبدالعزيز وهو طالع: ايه تولمي .. روحي البسي وانتظريني لما اجي بعد ماطلع اخوها من البيت طلعت عند امها... سراب: وش عندك يما قاعده بغرفتك ام عبدالعزيز: حوسه ارتبها سراب: وش صار على خالي متى قالوا بيسافرون؟؟ ام عبدالعزيز: ايه صح ذكرتيني يوم الاثنين بيروحون قالي شوفوا كان جزمتوا تروحون... سراب تفكر: انا عندي موعد تقويم بعد يومين.. حلووو الاثنين الجاي مناسب... ام عبدالعزيز: يعني اقوله؟؟ سراب: بس يقدر يدبر لنا حجز؟؟.. مااتوقع قبل ماتخلص كلامها دق التلفون بغرفه امها ورفعت هي السماعه... سراب: الووو .....: السلام عليكم .. ممكن نكلم الاخت سراب سراب: انا سراب من |
