التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا
| |
|
| التسجيل | صور رائعة | رفع الصور | منتديات حواء النسائية | منتدى التصميم | للإعلان لدينا | |
 |
 |  |
 |  |
| |  |
المركز الإخباري | الكل في واحد
| منتدى السيارات | منتدى التصميم | منتدى حواء | معرض الصور | منتدى البرامج | ||
| الكلمات الدلالية | المنتدى الرياضي كوره | المجلة الإسلامية فوائد | ||||
| |||||||
| Notices |
|
| |
 |  |  |
 |
| | أدوات الموضوع |
04-24-2006, 09:16 PM
| #1 |
| |  >>> يوم شم النسيم (( شم الفسيخ )) <<<   الدنيا ربيع والجو بديع قفللى على كل المواضيع 000 قفل قفل قفل قفـــــــــــــــــــــل مافيناش كانى وما فيناش مانى 000 كانى مانى ايــــــــــه والدنيا ربيع ! الدنيا ربيع 000 الدنيا ربيــــــــــــــــــــع الورد فتح شوفوا 00 شوفوا بيرقص ويدارى كسوفه أبو دم خفيف طبعا يكسب 0000 وأبو دم تقيل طبعا لأ :اهلا يا نااااس النهاردة 24 /4 يعنى عندنا فى مصر اسمه يوم شم النسيم أو عيد الربيع وبيبقى يوم اجازة , والناس كلها بتبقى هايصة المهم انا خدت الجازة من هنا ------> ولاقونى على السرير نايم على طول ومن غير تفاهم كده المهم صحيت يا جماعة 000 على هرج ومرج 00 فيه ايه يا جماعة ؟ لقيت الست الوالدة جايبة بيض كتير , وجارى التحضير للعملية الأنتحارية الرهيبة والمفروض انا انا المنفذ الفعلى للعملية دى ؟ قال ايه عاوزنى انا اللى الون البيض بتاع السنة دى (( من عادات شم النسيم البيض الملون )) قلتلهم يا جماعة انا ماليش فى الموضوع ده لقيت الست الوالدة بتقول : " ازاى دا انتا بتاع الحاجات دى , هو انت مش شغال كيميائى , ولك فى الألوان والصباغة ؟ " قلت يا جماعة بس ما خدناش فى الكلية طريقة صباغة البيض !!!! وبعدين انتوا نسيتوا انفلونزا الطيور , ولا احنا مستبيعين ؟ المهم يا أخوانى لقيت ان الموضوع هايطور وممكن يتحول ملفى للأمم المتحدة ومجلس الأمن , ويقولوا انى عندى اسلحة دمار شامل أو شغال فى النوووى قلت يا واد يا كركووووور حقنا للدماء خلى البساط احمدى واعمل اللى الست الوالدة عاوزاه , هانعمل ايه بقى 00 حكم الأوى ؟ المهم لبست الكمامات والأقنعة الواقية وقفازات لحماية الوجه وخليت كل واحد فى البيت يستخبى أو يا خد ساتر !!!! وبدأت المهمة الصعبة ,,,, وشوية طرطشه هنا على شوية شخبطه هناك وشوية الوان مالهاش لازمة ظبطت العمل وعملوها الوحوش قمنا فطرنا كلنا وبعدين شربت الشاى وقضيتها شوية نت على الهنووف وبعدين قلت لما أقف فى البلكونة شوية ؟؟ شفت ايـــه بقى ؟  --------- يتبع -------- |
|     |
|
04-24-2006, 09:37 PM
| #2 |
| | رد: >>> يوم شم النسيم (( شم الفسيخ )) <<<  أفضل تعليق قالته سعاد حسنى من 20 سنة ؟ >>>> بمبى بمبى بمبى بمبى بمبى الحياه بقى لونها بمبى وانا جانبك وانت جانبى <<<<<<< الناس يا جماعة فى الشارع بالهبل وكله لابس اللى على الحبل من تشرتات وباديهات ((( الصيف وما أدراك ما الصيف ))) والهدوم كلها أحمر على اخضر على أصفر على بنفسجى وفيه الوان جديدة غريبة أوى مش عارف بيقللك لون جديدى اسمه فحلقى المهم كانت مليطة البنات فاتحينها على البحرى ولابسين لبس غريب لا يستر ولا يشفى من جوع والشباب عاملين فيها مايكل جاكسون وزوبا زاريتا واللى ماشى وهو بياكل ( قصب ) والى بياكل( خس ) ويرميه فى الشارع وكويس انى مانسيتشى ( الملانة ) و ( الجعضيض ) بس بأمانة الجو كان رهييييييييييييييييب حرارة معتدلة , نسمة هواء خفيفة , شوية رطوبة ملهاش حل المهم خلصت فرجه على الناس فى الشارع قمت دخلت على الليلة الكبيرة -------->>>>>> أصل كان بقى وقت الغدااااااء اقرب شميت بقى ما لذ وطاب من جميع انواع الأسماك المملحة عندك ((( رنجة ))) و ((( سردين ))) و ((( انشوجة ))) و ((( تونة ))) وحبيبى ((( الفسيخ ))) اصلى بموت فى حاجة اسمها الفسيخ المهم اكلت لما جانى انتفاخ من كتر الأكل وشربن بقى العصائر والفواكة علشان اعمل عملية تعادل لنسبة الأملاح اللى انا كلتها المهم  كان يوم عشرة على عشرة/\ /\ /\ /\ /\ /\ /\ /\ طبعا بغض النظر عن اللى حصلى بعد كل ده أصله جانى (( اسهال )) وعملية (( عسر هضم )) بس الحمد لله أنا دلوقتى كويس  ويرجع الأحتفال بيوم شم النسيم الى عادات ترجع الى قدماء المصريين وكانوا يقوموا تماما بما نقوم به نحن الأن !!!! بس انا مش عارف يا ترى الأحتفال بيوم شم النسيم موجود بالدول الخليجية ولا فى مصر بس ؟؟؟؟  |
|
| |
|
04-24-2006, 09:57 PM
| #3 |
| | رد: >>> يوم شم النسيم (( شم الفسيخ )) <<< لكن المرة الثانية لون من غير رفض مشكور أخوي كركور |
|
| |
|
04-25-2006, 12:45 AM
| #4 |
| | رد: >>> يوم شم النسيم (( شم الفسيخ )) <<< يمكنك زيارة هذا الموضوع فقط الإعضاء يمكنهم مشاهدة الروابط | | || التسجيل || |
|
| |
|
04-25-2006, 10:08 AM
| #5 |
| | رد: >>> يوم شم النسيم (( شم الفسيخ )) <<< فيه كلمات وربي فطستني ضحك مافهمتها فحلقى الملانة الجعضيض ههههه ترجم لي بالله اما سالفتك ذي سااااااالفة |
|
| |
| |
| Bookmarks | |||
 Digg |  del.icio.us |  StumbleUpon |  Google |
| Tags |
| andgtandgtandgt, andltandltandlt, الفصيح, الوسيم, يوم, شل |
|
