روايه سعوديه الحب بعد فوات الاوان

@_vip · 02-08-2006, 01:07 م

هههههههههههه
ههههههههههه
ههههههههههههه
انا ماقريت القصه ؟ شيء غريب ؟!!
اجل ليش انا مدحتك ؟ عندك اجابه طبعا لالالا
لكن فعلا القصه ويد حلوه
وهذا رائي انا الا اذاكان رئي صاحبة القصه غير كذا

محبكم @_vip

عبور الأمل · 02-08-2006, 06:22 م

هلااااااا عبود شفتي فضلي لقاافتي خلت الي تلقفت عليه يعطيك وجه ويرد على رواااايتيك
ويااااعظيم الشااااان كمل روايتك وخلك عن العناد
شف فيه احد قال الله يرجك كمل
يالله كملي الحين صااار الي مع رااااااوايتك ثلاثه
ههههههههههههههههههههههههههههههههه
والله صااارت صدق السااااالفه فيها حماااااس
ماااااودي اقول التوقعات لاني قلتها لك قبل
وبس
بااااااااااااااااااااااااااااااااااااااااااااااااااي
كملي o.k

امونه53 · 02-08-2006, 08:13 م

اولا مشكوره يالشامخه على الرد الحلو الي مثل مثل طبايعك الزينه
وانا قلت كذا ياvip علشان الروايه طويله ومامداك تقراها بيوم ولليله وانت فاهمني زين

التكمله

عمران راح لواحد من زملائه وتسلف خمس الاف ريال لتكاليف السياره عمران وعبير كل يوم يزيد بينهم الحب وابتسام زعلانه
على عبير لانها رفضت رامي اخوها رامي حاول بكل الطرق انه يكلم عبير لكن تصك الخط اذا كان تلفون او جوال عادل زعل
لكنه رضى اكيد علشان اخته الوحيده الي مالها احد عبير تحسنت حالتها ورضت بالامر الواقع ودعت لعمها بدخول الجنه
عبير راحت للقصيم علشان تروح بيت عمها تبي تتذكر الايام الحلوه

بعد 25 يوم

قبل العيد بيوم قررت عبير تروح لعايلة عمها ابراهيم لانها هي في القصيم اخذها عادل وراحت بالليل لبيت عمها مو معقول

بيت عمها مظلم والحي مظلم وعبير تشوف الدنيا كلها مظلمه بس اليوم !!!!ليه ؟؟؟

تسال عادل ليش الحي مظلم؟؟؟لاجابه تدرون ليه

الباب كالعاده مفتوح

اليوم هو الوحيد الي ماستقبلها عمها عند الباب حتى وهو مريض استقبلها حست برعب وخوف دخلت البيت البيت مرعب

كانها اول مره تدخله مو للمره الالف

دخلت الممر الضيق وناظرت المجلس الفاضي الي مافيه احد طلت له وكانها تبي تشوف واحد واحد مافارق خيالها
تناظر تتذكر ذاك مكان ابوي ياترى ابوي راح يدخل البيت هذا مره ثانيه ولا بيقاطعه كالعاده
وذاك مكان عمي وهو ساكت وذا ايه ذا
وتنزل الدمعه من عيونها هذا المكان كان قبل شهر عمي جالس بفراشه وتعبان وبجنبه القران
وهاذا مكان حسام يالله ياحسام والله مشتاقه لك يالقاطع

مشت قدام عند الصاله وتطق الباب لكن لامجيب يالله ياعمي لو انك موجود بتخليني انتظر ربع ساعه عند الباب

وتطق وتطلع ذيك العجوز الشمطاء الي قضى عليها الدهر ايامه وسنينه

ام خالد:معليش والله يابنيتي كنا نصلي

عبير بابتسمه كانها تكشيره:لا ماصار الا الخير يامرت عمي

ام خالد :اخبارك انا بصراحه توقعتك بتتركينا

عبير:لا وش دعوه انتي اغلى مرت عم لي
ام خالد:الله يسلمك يابنيتي
استقبلتها في الغرفه وجلسوا
وتناظر عبيرذاك الباب الي كان عمها يضحك عليها على صندل الكعب العالي الموف وكان يوقف على واحد ومخلي رجله الثانيه

وتبستم

منيره:السلام عليكم

عبير:اهلين منور اخبارك

منيره:الحمدلله معليش خليتك كنت اصلي

البيت زي ماهو بيت طاهر ايماني عاموده الصلاه والايمان والقران

نامت عبير عندهم علشان توفي بوعدها

الصبح لبسوا واتشكخوا لكن مو كثير عبير لبست وكان لبسها ناعم بسيط ومكياجها خفيف بالمره ومنيره لبسها من الملابس القديمه

علشان وفات ابوها مو فاضيه

عبير سرحااااااانه تتذكر اخر عيد قال لها عمها ابي العيد الجاي تعيدين هنا زين عندي قالت وعد
عبير:ياعمي انا وفيت بوعدي لكن انت استغفر الله العظيم الله يرحمك

منيره:عبير متى زواجك

عبير:بعد اربع ايام خامس العيد

منيره:وكيف تجهزتي

عبير:الحمدلله خلصت كل شئ باسبوع وسويت تجهيز عروس عشرين يوم

منيره:بس لازم3 اشهر بالقليل التجهيز مو هين

عبير:والله ماكنت رايقه

منيره كانت عارفه انها متاثره بوفات ابوها بس مو لهالدرجه
عبير تكلم حسام وتعايده وتتراضى هي وياه

قبل الزواج بيوم

عادل راح لغرفة عبير:يالله ياعبور انا مو متخيل كيف البيت بيصير من دونك

عبير:الظاهر ماحد فاقدني الا انت الامهات كلهم اذا انخطبوا بناتهن يتقربون للبنات قبل مايروحن والزواج يكون بحر من دموعهن
عكس امي حتى ماباركت لي

ابو حسام عند الباب يطل على الغرفه:تسمح لي احلى عروس ادخل غرفتها

عبير فرحت وراحت لابوها:انت تدخل من غير اذن يبه

وسلم الاب عليه وبارك لها وعطاها هديه

عبير:يبه ليش انت كلفت نفسك

ابو حسام:اذا ماهديت لبنتي بهالمناسبه متى اهدي لها بس انت افتحي الهديه وقولي لي رايك فيها

عبير تفتحه طقم الماس قمة الروعه لمعته تعمي العين من قوها وكان باين ان قيمته فوق المليون

وتبوس راس ابوها:والله يبه انت كلفت نفسك كثيررررررر

وتدخل الام ومعاها هديه تقريبا بحجم هدية ابوها

الم تسلم على عبير واليوم باركت لها وعطتها الهديه الي كانت عباره عن طقم ذهب مرصع باللماس

قال عادل:والله مادام الدعوه خاربه كذا انا بجيب هديتي

عبير تناظر هدية ابوها وامها وهي تدمع عيونها لانها اول مره تحس انهم اهتموا فيها دايم يعطوها الفلوس وهي الي
تشري الا اليوم

ابوحسام:هذا بالله عليك وقت الدموع

وتضمه بنته وتسلم عليه مشكور والله اني مافرحت بالهديه قد مافرحت انك باركت لي والهديه تبين انك ذواق يبه

وتسلم على امها بحراره اول مره تضم امها

دق جوا ابوها شاف الرقم استغرب معقول عيسى يدق على

عبير برجاء:تكفى يبه رد عليه رد حلو علشاني واعزمه لزواجي

ابو حسام:انشالله وراح

ودخل عادل معاه هديه كبيره وكانت الهديه مغطيه راسه:وهذي الهديه مني لاحلى عروس وينزلها ويشوف امه وعبير

ميتين ضحك عليه عادل:وش فيكم

عبير:لا بس هذي الهديه وش فيها

عادل:فيها عماره تطيح على عمران انشالله تتذكرين

عبير:ووووجع ايه اتذكر وهي تضحك

فتحت الهديه كانت عباره عن فستان مميز مخملي باللون الاسود وفسه قطع من الكريستال معها طقم جزم بعد مميزه

وفيها كريستال لامع وطقم اكسسوار مميز وشكرته الكل عطاها هديه الا حسام جاء ابوها عمك عيسى بيجي يبارك لك

عبير طارت من الفرحه:والله

ابوحسام:تراه عند الباب روحي استقبليه

عبير:تكفى انت اليوم استقبله الله يخليك ترا مهما صار انتم اخوان واحمدلله الفلوس انتم مو محتاجين لها علشان تتزاعلون

ابو حسام وهو يشوف تاثر بنته:خلاص انا ابسلم وانتي شوفي هو بيرد ولا لأ

عبير:بفرحه مشكووور يبه

جاء عمها واستقبله ابوها وسلم ورد عيسى بسلام حار

عبير دمعت عيونها من الفرحه وراحت قبل ماتسلم على عمها باست ابوها براسه وعمها عرف انها فرحانه لانها تحب

وصال الاهل وعطاها عمها الهديه الي كانت مميزه وهي هديه تشبه هدية ابوها لان افكارهم وحده وعمرهم قريب من بعض

جاء وقت النوم دق جوالها
ابتسام:الوووووو

عبير:ياهلاااااا ببسومه

ابتسام:الف مبروك ياعروسه

عبير:الله يبارك فيك انتي ووينك

ابتسام:معليش والله بس كنت مقهوره

عبير:كلشئ مكتوب والزواج قسمه ونصيب

ابتسام:الله يهنيك انشالله وخوذي نوره

باركوا لبعض وعلمتهم كيف سلموا ابوها على عمها

راحت عبير لسرير تبي تنام لان بكره يبي له مجهود

ويدق جوالها بعد
عبير قامت من السرير:يالله شفيهم يحبوني اليوم الناس مايدرون ان بكره الزواج

تشوف الرقم وتنهبل قالت لازم ارد مو بكره يفضحني

عبير بعصبيه:انت وش تبي اللحين

رامي:ساكت

عبير:رامي

رامي:اهلين

عبير:ليش تكلمني

رامي:علشان علشان ابارك لك

عبير:شكرا واتمنى انك ماتدق برجاء الله يخليك اذا كان عندي غلا عندك لاتحطم حياتي

رامي:انشالله هذي اخر مره ادق عليك بس اليوم مو برادتي

عبير:الله يهنيك مع وحده تعرف قيمتك وتداريك طول العمر

رامي:خلااااااااااص بنفترق

عبير:نعم؟؟؟

رامي:اجل مع السلاااااااااامه

عبير كلمت ابتسام وقالت لها تخطب وحده كانت في مدرستهم اخلاقها عاالي جمالها مذهل و
كل مافيها حلو فرحت اسمها بدريه ابتسام يوم عرفت
انها مانخطبت وقالت انها بتحاول تخطبها وشكرت عبير

في الرياض 5 العيد

الكل استعد لزواج عبور وعمران عمران الي ماله الا اختين وعبير الي قرباتها كلهم يحبونها

لبست عبير الفستان الابيض والطرحه وكانت كشخه للاخر ام الشياكه كانت كأن ماخلق الله زين على الارض
الي هي من اجمل جميلات البنات في العالم

كانت غير انها جميله بعد جذابه والزفه كانت مثل حلمها كانت هي تمشي بشوي سرعه وهي ماسكه اطراف فستانها

من اليسار ومن اليمين وثنتين بنات سمر طولها لابسين فستان افراح ويمشون بسرعه حولها على
دقة الموسيقى الاسطوريه الصاخبه

والإناره المتمرده بالاوان الكريستاليه ومن الطرف الثاني للباب يمشي عمران لها وهي تخف بمشيتها وتتغير الموسيقى والاضواء
الى هادئيه ورومانسيه والثنتين السمر الي كانوا يمشون حولها راحوا حتى تتم الزفه بافضل الاجواء ولما قربت عبير لعمران
باس يدها ومسكها وراحو للكوشه تصوروا والناس باركوا لهم ورقصوا الرقصه الرومانسيه
وزينب جنت في الزفه وكانت مستانسه ان هذا زواج اخوها وكانت تتمنى ان كل صديقاتها معها علشان يشوفون الزواج

والكل انهبل على الزفه المميزه الي ماصارت بالعالم كله الا لعبير لانها شافت هالزفه بالحلم وقالت احققه واغير
منه بافضل افكار

عبير وعمران تصوروا وراحوا لافخم الفنادق فندق ببرج المملكه وكان أثاثه روعه وتصيمه خيااااااااال كانك في عالم ثاني

ولا عمران المسكين اخذ قرض بميتين الف ريال علشان مايخلي قصور لزواجه والديون الي عليه مغرقته في هذا الوقت

كان رامي حالته صعبه بالمره كان يفكر فيها وبعدين يقول انا ليش افكر فيها كثير هي مافكرت فيني معقول انا الى الان احبها

تخسى لا انا ماحبها انا رجال وعندي كرامتي فوق الحب ومن يبيعني برخيص ابيعه بتبن

عادل:رامي معليش والله ماخليت يوم الا حاولت فيها

رامي:خلاص انا نسيتها

عادل:ونوره

رامي:وانا عند الكلمه ابقنعها

عادل يبتسم

برج المملكه

عمران جن على عروسته نسى كل الكلام الي جهزه لهاليوم بس كان خايف خايف على مستقبله مع وحده مايعرفها
مع وحده متعوده على حياة الترف

عمران :تدرين اني محظوظ

عبير بخجل:ليه

عمران:لاني متزوج القمر

عبير:لاتبالغ

عمران:والله القمر ولا شئ عندك عبير ابتسمت ابتسامه ساحره
وباس راسها وووو....

ابتسام:يالله الزواج قمه راح يذكرونه عند سابع جيل

نوره:يالله تصدقين الزفه هذي هي حلمت فيها قبل وحققتها

ابتسام:وين روميو زمانه

نوره:ههههه تلقينه فوق الصخر يرمي الحصى على البحر وينتظر لقاء حبيبته

ابتسام:ههههههههه والبحر وين نلقاه في الرياض

حسام جالس في الاستراحه مع اصدقائه ويفكر عبير تزوجت وانا ليه ماتزوج

اعز صديق له اسمه سامي:وش فيك سرحان كانك حاط هموم الدنيا فوق راسك

حسام:وش رايك اتزوج

سامي:ههههههههههه

حسام:تضحك على وشو

سامي:اتخيل نفسك وانت عريس

حسام:ليه ووش ناقصني

سامي:انت هاللحين افتك من هالادمان الي بليت نفسك فيه وبعدين فكر بزواج

كيف بتكون حياة عبير وعمران؟؟؟؟

رامي بيوافق على البنت الجديده الي اختارتها له عبير؟؟؟

وش نوع ادمان حسام اخو عبير؟؟؟وكيف بيكون ردة فعل عايلته الى اهم شئ عندهم كلام الناس؟؟؟

كيف بيكون شهر العسل لعمران وعبير!!!! يمكن يكون في السجن لان عنده ديون مغرقته؟؟؟

تتوقعون تتفاجئ عبير من بيت عمران الي بتسكن فيه مدى الحياه؟؟؟

المزيد والمزيد من التشويق بعد الردود الزينه والتوقعات الغريبه مع الاحاداث المثيره

B a R o · 02-08-2006, 10:21 م

وااااااااااااااااااااااااااااااااااااااااااااااو

يسلموووو

بس ننتظر التكملة على احر من الجمر

@_vip · 02-09-2006, 01:50 ص

على فكره انا فعلا قاري القصه ولو تبغيني اكملها ماعندي مانع

لكن مني نلقوف

وزي ما قلتلك انا قريتها

امونه53 · 02-09-2006, 02:06 ص

اتحداك تكملها ينصاب انا الي كاتبتها والى الان مانزلت الجزء الي بعده في كل المنتديات واذا كملتها لك الى تبي يانصاب لاوقاريها بعد تعرف تستفز زين يانصااااااااااااااااااااااااب وبعدين لعلمك تراي مو محتاجه ردودك كانها كذا مره ايميلك ومره نصبات لكن لعلمك هالمره ماراح اعتذر زي المره الي قبل

أدوات الموضوع
مشاهدة صفحة طباعة الموضوع أرسل هذا الموضوع إلى صديق